كۇنەس اۋدانىنداعى بەلگىلى تىڭايتقىش زاۆودىنىڭ جاۋاپتىسى فان چياڭنىڭ (وزگەرتىلگەن ەسىم) ءبىر جەڭىل اۆتوكولىگى بار ەدى، قىزمەتكەرلەرىنىڭ اۆتوكولىككە زات تيەۋىنە قولايلى بولۋ ءۇشىن، جايشىلىقتا اۆتوكولىگىنىڭ كىلتىن اۆتوكولىكتىڭ ىشىنە قويىپ قوياتىن. 5-ايدىڭ 11-كۇنى قىزمەتكەر حى في (وزگەرتىلگەن ەسىم) فان چياڭنىڭ كولىگىن ايتپاي ۇيىنە ايداپ كەلەدى. ەرتەسى تاڭعى ساعات 3 مولشەرىندە حى في وسى اۆتوكولىكتى ايداپ سىرتقا شىققان كەزىندە جول شەتىندە توقتاپ تۇرعان ءبىر اۆتوكولىكتى سوعىپ، 2 اۆتوكولىك تۇرلىشە دارەجەدە بۇلىنەدى.
ۋاقيعادان كەيىن، قاتىناس باسقارۋ تاراۋى حى في وسى شىرعالاڭنىڭ بارلىق جاۋاپكەرشىلىگىن ارقالايدى دەپ قارايدى. شىرعالاڭ تۋىلعان كەزدە حى فيدىڭ موتورلى كولىك جۇرگىزۋ كۋالىگى قايتارىپ الىنادى. سول كەزدە فان چياڭنىڭ اۆتوكولىگىن قامسىزداندىرۋعا بەرگەن قامسىزداندىرۋ سەرىكتەستىگى 15 مىڭ يۋان تولەم سوماسىن الدىن الا تولەي تۇردى.
8-ايدىڭ 22-كۇنى قامسىزداندىرۋ سەرىكتەستىگى كۇنەس اۋداندىق حالىق سوتى مەكەمەسىنە حى في مەن فان چياڭنىڭ ۇستىنەن ارىز بەرىپ، ەكەۋىن تولەم اقشاسىن قايتارىپ بەرۋگە بۇيىرۋدى تالاپ ەتەدى.
سوت مەكەمەسى تەكسەرۋ ارقىلى بىلاي دەپ قارادى: قامسىزداندىرۋ سەرىكتەستىگى قامسىزداندىرۋ توقتامى بويىنشا تولەم بەرگەننەن كەيىن، تولەم سوماسى كولەمى ىشىندە ۋاكىلەتتىلىكپەن تولەم تالاپ ەتۋ ۇقىعىن جۇرگىزۋگە ۇقىقتى. فان چياڭ اۆتوكولىكتىڭ يەسى رەتىندە، ۇيلەسىمدى باسقارۋ جانە بايىپتىلىق بورىشىن اتقارماعان، شىرعالاڭدا تۋىلعان زيان جونىندە بەلگىلى دارەجەدە اعاتتىعى بار، سوندىقتان سايكەستى تولەم جاۋاپكەرشىلىگىن ارقالاۋى كەرەك.
10-ايدىڭ 11-كۇنى سوت مەكەمەسى فان چياڭ %15 تولەم جاۋاپكەرشىلىگىن ارقالايدى، حى في %85 تولەم جاۋاپكەرشىلىگىن ارقالايدى دەپ ۇكىم شىعاردى.
زاڭ تارماقتارى جالعانىمدارى:
«موتورلى كولىك قاتىناس شىرعالاڭى جاۋاپكەرشىلىگىن ءماجبۇري قامسىزداندىرۋى ەرەجەسىنىڭ» 22-تارماعىندا بىلاي دەپ بەلگىلەنگەن: تومەندەگى احۋالداردىڭ بىرەۋى كورىلسە، قامسىزداندىرۋ سەرىكتەستىگى موتورلى كولىك قاتىناس شىرعالاڭى جاۋاپكەرشىلىگىن ءماجبۇري قامسىزداندىرۋى جاۋاپكەرشىلىگى شەگى كولەمىندە قۇتقارۋ قاراجاتىن تولەي تۇرادى ءارى زيان تۋدىرۋشىدان زياندى تولەتىپ الۋعا ۇقىقتى: (1) اۆتوكولىك جۇرگىزۋشى اۆتوكولىك جۇرگىزۋ كۋالىگىن الماسا نەمەسە اراق ءىشىپ الىپ جۇرگىزسە؛ 2) قامسىزداندىرىلعان موتورلى اۆتوكولىك ۇرلانعان، تونالعان مەزگىلدە شىرعالاڭ تۋدىرسا؛ (3) قامسىزداندىرۋعا قاتىناسقان ادام جول قاتىناسى شىرعالاڭىن قاساقانا تۋدىرعان بولسا. جوعارىداعى تارماقشالاردا كورسەتىلگەن احۋالداردىڭ ءبىرى بايقالىپ، جول قاتىناس شىرعالاڭى تۋىلىپ، زيانعا ۇشىراۋشىنىڭ مال-مۇلكى زيانعا ۇشىراسا، قامسىزداندىرۋ سەرىكتەستىگى تولەم جاۋاپكەرشىلىگىن ارقالامايدى.
«جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ» 1212-تارماعىندا بىلاي دەلىنگەن: باسقالاردىڭ موتورلى كولىگىن رۇقساتسىز جۇرگىزىپ، قاتىناس شىرعالاڭى تۋىلىپ، ودان زالال تۋىلعاندا، جاۋاپكەرشىلىك سول موتورلى كولىك جاعىنا ٴتان بولسا، موتورلى كولىكتى پايدالانۋشى تولەم جاۋاپكەرشىلىگىن ارقالايدى؛ موتورلى كولىك يەسى، ونى باسقارۋشى زالالدىڭ تۋىلۋى جونىنەن اعاتتىق وتكىزگەن بولسا، سايكەستى تولەم جاۋاپكەرشىلىگىن ارقالايدى، ءبىراق بۇل تاراۋدا ايىرىم بەلگىلەمە بارلارى بۇعان كىرمەيدى.
来源：新疆法治报
翻译：唐努尔·赛力克
编辑：阿莱·赫亚克巴依
责编：叶克奋·沙布尔
监制：叶尔兰·努哈
