马兴瑞主持召开自治区党委全面深化改革委员会会议强调
全力抓好党中央重大改革任务贯彻实施
扎实推进新疆战略性创造性引领性改革
艾尔肯·吐尼亚孜张柱出席
ما شيڭرۇي اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ ءماجىلىسىن باسقارىپ اشىپ، بىلاي دەپ باسا دارىپتەدى
پارتيا ورتالىق كوميتەتىنىڭ كەلەلى رەفورما مىندەتتەرىن تياناقتاندىرۋدى، اتقارۋدى بار كۇشپەن ويداعىداي يگەرىپ، شينجياڭنىڭ ستراتەگيالىق سيپاتتى، جاسامپازدىق سيپاتتى، جەتەكشىلىك سيپاتتى رەفورماسىن تىڭعىلىقتى ىلگەرىلەتۋ كەرەك
ەركىن تۇنياز، جاڭ جۋ قاتىناستى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 15 - كۇنى ۇرىمجىدەن حابارلايدى. اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتى 11 - ايدىڭ 15 - كۇنى تۇستەن بۇرىن ءماجىلىس اشىپ، ورتالىق كوميتەت رەفورمانى جاپپاي تەرەڭدەتۋ كوميتەتىنىڭ 6 - رەتكى ءماجىلىسىنىڭ رۋحىن جانە باس شۋجي شي جينپيڭنىڭ ولكە - مينيسترلىك دارەجەلى نەگىزگى باسشى كادرلاردىڭ پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن ۇيرەنۋ، دايەكتىلەندىرۋ جونىندەگى ارناۋلى تاقىرىپتىق زەرتتەۋ - تالقى كۋرسىنىڭ وقۋ باستاۋ سالتىندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، شينجياڭنىڭ رەفورمانى جاپپاي تەرەڭدەتۋگە قاتىستى حۇجاتتارىن زەرتتەپ، قاراپ، اۆتونوميالى رايوندىق 10 - كەزەكتى پارتكوم ون ەكىنشى جالپى ءماجىلىسىنىڭ رۋحىن دايەكتىلەندىرۋ، تياناقتاندىرۋ جاعدايى جونىندەگى مالىمەتتى تىڭداپ، ءتۇيىندى رەفورما مىندەتتەرىن ورنالاستىردى، ىلگەرىلەتتى. اۆتونوميالى رايوندىق پارتكومنىڭ شۋجيى، اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ مەڭگەرۋشىسى ما شيڭرۇي ءماجىلىستى باسقاردى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى جاڭ جۋ ماجىلىسكە قاتىناستى.
ءماجىلىس اۆتونوميالى رايون مەن بيڭتۋاننىڭ قاتىستى تاراۋلارىنىڭ اۆتونوميالى رايوندىق 10 - كەزەكتى پارتكوم ون ەكىنشى جالپى ءماجىلىسى «قاۋلىسىنداعى» ماڭىزدى رەفورما شارالارىن دايەكتىلەندىرۋ، اتقارۋ جۇمىس ءبولىس جوباسى مەن شينجياڭنىڭ ستراتەگيالىق سيپاتتى، جاسامپازدىق سيپاتتى، جەتەكشىلىك سيپاتتى رەفورماسىنىڭ 3 جىلدىق قامال الۋ ارەكەتى جوباسىن اقىلداستى، تالقىلادى. ءماجىلىس مىنالاردى باسا دارىپتەدى: جەر - جەر، تاراۋلار ساياسي دەڭگەيدى جوعارىلاتىپ، ەكى جوبانى پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن دايەكتىلەندىرۋدىڭ، تياناقتاندىرۋدىڭ ناقتى ارەكەتى ەتىپ، رەفورمانى ىلگەرىلەتۋ، تياناقتاندىرۋ مەحانيزمىن كەمەلدەندىرىپ، ستراتەگيالىق ءتۇيىنى مەن الدىمەن ەسكەرىلەتىن بەتالىسىن ءدال يگەرىپ، ءتۇرلى رەفورما مىندەتتەرىنىڭ تياناقتانۋىن، ناقتىلانۋىن جوعارى ونىمدىلىكپەن، زور كۇشپەن ىلگەرىلەتۋى كەرەك. ءار دارەجەلى پارتكومداعى، ۇكىمەتتەگى نەگىزگى جاۋاپتى جولداستار رەفورمانىڭ جەبەۋشىسى، ىسكەرى بولىپ، وزدەرى ورنالاستىرىپ، سايكەستىرىپ، وزدەرى يگەرىپ، ىلگەرىلەتىپ، ءتۇيىندى رەفورما مىندەتتەرىن ۇيىمداستىرىپ اتقارۋدى بار كۇشپەن ويداعىداي يگەرۋى كەرەك.
ءماجىلىس اۆتونوميالى رايوننان تومەنگى قازىنا ءتۇزىلىسى رەفورماسىن اناعۇرلىم ىلگەرىلەتۋ جونىندەگى اتقارۋ جوباسىن اقىلداستى، تالقىلادى. ءماجىلىس مىنالاردى باسا دارىپتەدى: شينجياڭنىڭ قازىنا ءتۇزىلىسى رەفورماسى قاجەتتى ءارى كوكەي تەستى، كەلەلى دە تەرەڭ ءمان الادى. دەن قويا ۇيىمداستىرىپ ىلگەرىلەتىپ، ءىس ۇقىق پەن جاۋاپكەرشىلىكتى اناعۇرلىم ايقىنداپ، اۆتونوميالى رايوندىق قازىنانىڭ ءبىر تۇتاس جوسپارلاۋ قابىلەتىن جوعارىلاتىپ، اۋدان دارەجەلى قازىنا قۋاتىنىڭ تەپە - تەڭ قامتاماسىز ەتۋ دەڭگەيىن جوعارىلاتىپ، شينجياڭنىڭ قازىنا اينالىمىنىڭ تۇتاس تۇلعالىق ونىمدىلىگىن كۇشەيتۋ كەرەك.
ءماجىلىس اۆتونوميالى رايوننىڭ ەكونوميكالىق ءتۇزىلىس جانە ەكولوگيالىق وركەنيەت ءتۇزىلىسى رەفورماسى ارناۋلى گرۋپپاسىنىڭ، جاراتىلىستىق بايلىق مەڭگەرمەسىنىڭ، قارامايلى قالاسىنىڭ اۆتونوميالى رايوندىق 10 - كەزەكتى پارتكوم ون ەكىنشى جالپى ءماجىلىسىنىڭ رۋحىن دايەكتىلەندىرۋ، تياناقتاندىرۋ جاعدايى، سونداي - اق كەن بايلىعىن باسقارۋ رەفورماسىن تەرەڭدەتۋدىڭ حوتان ايماعى سىناق ءتۇيىنى قىزمەت جوباسى جونىندەگى مالىمەتتى تىڭدادى. ءماجىلىس مىنالاردى باسا دارىپتەدى: شينجياڭنىڭ ەكونوميكا جانە ەكولوگيا سالاسىنداعى رەفورما نىساندارى كوپ، مىندەتى اۋىر. ارناۋلى گرۋپپا ”بىرلىككە كەلتىرۋ“ فۋنكتسياسىن شىن مانىندە ساۋلەلەندىرىپ، تۇلعالىق جوسپارلاۋدى كۇشەيتىپ، ءىرى ىستەردى يگەرۋگە، ءىرى ىستەردى جوسپارلاۋعا شەبەر بولىپ، نازاردى جوعارى دەڭگەيدەگى سوتسياليستىك بازار شارۋاشىلىعى ءتۇزىلىسىن قۇرۋ، وسىزاماندانعان كاسىپ سالاسى جۇيەسىن قۇرۋ، وڭتۇستىك شينجياڭنىڭ كورنەكتى ماسەلەلەرىن شەشۋ، جوعارى دەڭگەيدەگى ەسىك اشۋدى كەڭەيتۋ، باتىس سولتۇستىك ەكولوگيالىق حاۋىپسىزدىك قالتقىسىن بەرىك ورناتۋ سياقتى ءتۇيىندى قىزمەتتەرگە ءۇرتىس كۇش سالۋعا شوعىرلاندىرىپ، شينجياڭنىڭ ءتۇرلى جاقتارداعى رەفورماسىنىڭ ىشكەرىلەي تەرەڭدەۋىن ىلگەرىلەتۋگە جەتەكشىلىك ەتۋ كەرەك. مەملەكەتتىڭ ەنەرگيا، بايلىق حاۋىپسىزدىگىن قامتاماسىز ەتۋ، پارتيا مەن مەملەكەت ىستەرىنىڭ دامۋ جالپى جاعدايىنا قىزمەت وتەۋ بيىگىندە تۇرىپ، ەنەرگيا، بايلىق سالاسىنداعى رەفورمانى تەرەڭ تانىپ، زور كۇشپەن ىلگەرىلەتىپ، كەن كاسىبى ۇقىعىن قاراپ بەكىتۋ ءتارتىبىن ساپالىلاندىرىپ، حوتاننىڭ كەن كاسىبى ۇقىعىن وتكەرمەلەۋ، تىركەۋگە الدىرۋ رەفورماسى سىناق ءتۇيىنىن زاڭ، زاڭ ەرەجە بويىنشا ورنىقتى، ءتارتىپتى ىلگەرىلەتىپ، ۇقىق بەرىپ قۋات ۇستەۋ كولەمىن بىرتىندەپ كەڭەيتىپ، نەگىزگى ساتىنىڭ بەلسەندىلىگىن، ىرىقتىلىعىن تولىق جۇمىلدىرىپ، ءتۇيىندى كەن ونىمدەرى بايلىعىن بارلاۋ، اشۋ جانە جاسىل كەن كاسىبىنىڭ دامۋىن ساپالىلاندىرۋدى، قۋاتتاندىرۋدى ىلگەرىلەتۋ كەرەك.
ما شيڭرۇي بىلاي دەپ باسا دارىپتەدى: باس شۋجي شي جينپيڭ ورتالىق كوميتەت رەفورمانى جاپپاي تەرەڭدەتۋ كوميتەتىنىڭ 6 - رەتكى ءماجىلىسىن باسقارىپ اشقاندا، ارناۋلى تاقىرىپتىق زەرتتەۋ - تالقى كۋرسىنىڭ وقۋ باستاۋ سالتىندا ماڭىزدى ءسوز سويلەپ، رەفورمانى ونان ارى جاپپاي تەرەڭدەتۋ جونىندە ايقىن تالاپ قويىپ، ءبىزدىڭ پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ رۋحىن جاپپاي، دالمە - ءدال ءتۇسىنىپ، جاڭا جورىقتا رەفورمانىڭ ورنىقتى قاداممەن الىسقا جەتۋىن ىلگەرىلەتۋىمىزگە، ءتۇرلى رەفورما شارالارىنىڭ دالمە - ءدال تياناقتانىپ ونىمدىلىك كورسەتۋىن ىلگەرىلەتۋىمىزگە ايقىن بەتالىس كورسەتتى. جەر - جەر، تاراۋلار پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، اۆتونوميالى رايوندىق پارتكومنىڭ رەفورمانى ونان ارى جاپپاي تەرەڭدەتۋ جالپى تۇلعالىق ورنالاستىرۋىن تەرەڭ ءتۇسىنىپ جانە يگەرىپ، نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋدىڭ باياندى مەحانيزمىن قالىپتاستىرۋ سىندى نىساناعا شوعىرلاندىرىپ، دۇرىس رەفورما بەتالىسىنا تاباندى بولىپ، رەفورما مىندەتتەرىن، تالاپتارىن ايقىنداپ، كەلەلى رەفورما ىستەرىنىڭ تياناقتانۋىن ىشكەرىلەي ويداعىداي يگەرۋى كەرەك. رەفورمانىڭ ستراتەگيالىق ءتۇيىنى مەن الدىمەن ەسكەرىلەتىن بەتالىسىن ءدال يگەرىپ، مەملەكەت جالپى جاعدايىنداعى شينجياڭنىڭ ستراتەگيالىق ورنىن كوزدەپ، شينجياڭنىڭ جوعارى ساپالى دامۋىنا تۇساۋ بولىپ وتىرعان تۇزىلىستىك، مەحانيزمدىك كەدەرگىلەر توڭىرەگىندە نازاردى ءتۇيىندى سالالار مەن شەشۋشى بۋىندارعا شوعىرلاندىرىپ، ستراتەگيالىق سيپاتتى، جاسامپازدىق سيپاتتى، جەتەكشىلىك سيپاتتى رەفورمانى كۇش سالا ىلگەرىلەتىپ، ءبىر قىدىرۋ بەلگى سيپاتتى جەتىسىكتەردى قالىپتاستىرۋ جونىندە ىزدەنىس جاساۋ كەرەك. جاۋاپكەرشىلىكتى، بورىشتى شىن مانىندە كۇشەيتىپ، جەر - جەردىڭ، تاراۋلاردىڭ رەفورما جاۋاپكەرشىلىگىن قاتايتىپ، ناقتىلاندىرىپ، ءار جاقتىڭ سايكەستى بىرلەسىپ قيمىلداۋىن كۇشەيتىپ، يدەيانى ازات ەتىپ، رەفورما جاساپ، جاڭالىق اشىپ، باتىلدىقپەن جاۋاپكەرشىلىك ارقالاپ، قامال الىپ قيىندىقتاردى جەڭىپ، رەفورمانى جاپپاي تەرەڭدەتۋدە ۇزدىكسىز تىڭ تابىستارعا قول جەتكىزۋدى كۇش بىرىكتىرىپ ىلگەرىلەتۋ كەرەك.
تيان شياڭلي، چىن ۋيجۇن، چىن ميڭگو، ۋاڭ جيانشين، ەلزات احمەتجان، قادەن كابەن، اۆتونوميالى رايوندىق پارتكوم رەفورمانى جاپپاي تەرەڭدەتۋ كوميتەتىنىڭ مۇشەلەرى جانە مۇشە ورىنداردىڭ جاۋاپتى جولداستارى ماجىلىسكە قاتىناستى.
来源：新疆日报
编辑：热依扎·卡玛力别克
责编：库娜依·胡阿泰
监制：叶尔兰·努哈
