赞美的力量

ماقتاۋ باقىت سەزىمىن جوعارىلاتادى

”ماقتاۋعا يە بولۋدان بەلسەندى كوڭىل كۇي اسەرى اينالىمى تۋىندايدى. ماقتاۋ وزگەرتۋ سيپاتىندىق كۇشكە يە بولىپ، ءبىزدىڭ باقىت سەزىمىمىزدى جوعارىلاتادى، بۇدان سىرت، اناعۇرلىم بەلسەندى، سەزىمدىك جاقتان اناعۇرلىم رازى بولارلىق قوعامدىق ورتا جاراتۋعا كومەكتەسەدى“. انگليالىق پسيحولوگ ليتيكا سۇك بيلا ءوزىنىڭ ۇلى بريتانيا حالقىنىڭ ماقتاۋ ادەتى جونىندەگى مالىمەتىندە وسىلاي تانىستىردى.

”ءبىز ءوزىمىزدى جاقسى سەزىنگەن كەزىمىزدە، بەلسەندى ارەكەت جاساۋىمىز ابدەن مۇمكىن، مىسالى، نىسانا ورناتۋىمىز جانە ورىنداۋىمىز مۇمكىن. بۇل اينالىپ كەلىپ وزىندىك نامىسىمىزدى كۇشەيتەدى“. وسى مامان ءسوزىن تولىقتاي ءتۇسىپ بىلاي دەدى: ”ءبىزدىڭ مۇنى نەرۆ عىلىمى ارقىلى تۇسىندىرۋىمىزگە بولادى، ماداقتاپ سيلاۋ بەلسەندى وزىندىك سەزىنۋمەن قاتىستى ۇلكەن مي اۋماعىن تىتىركەندىرەدى، مىسالى، بەدەرلى جۇيە جانە الدىڭعى مي قابىعى. بۇل نەيرونداردىڭ قوزعالىسى ەنكەفالين مەن قان سارىسۋى زاتىنىڭ شىعارىلۋىنا قوزعاۋشى بولادى، وسى نەرۆتىڭ ينفورماتسيا جەتكىزەتىن ەكى ءتۇرلى زاتى ولاردىڭ قۋانىش، قاناعاتتانۋ جانە كوڭىل كۇي اقاۋسىزدىعى سياقتى سەزىمدەردى ۇدەتۋ جاعىنداعى رولىمەن ايگىلى“.

ماقتاۋدى ۇيرەنۋ ءبىر ءتۇرلى قابىلەت　

ءبارىن دە وڭاي تۇسىنۋگە بولادى، ءبىراق ونىڭ وسىنشاما كوپ جاقسىلىعى بولسا، نە ءۇشىن ءبىز كوبىندە وزگەلەردىڭ مويىنداۋىنا يە بولا الماعانداي سەزىنەمىز؟ بارىنەن دە سوراقىسى، ءبىز نەلىكتەن وزگەلەردى كوبىرەك ماقتاۋدى بىلمەيمىز؟ چيكاگو داشۋەسى ۇيىمدىق ارەكەت عىلىمىنىڭ پروفەسسورى نيكولاس اپلەي زەرتتەۋ جۇرگىزىپ بىلاي دەدى: ءبىزدىڭ العىس ايتۋ مادەنيەتى جونىندەگى جاتتىعۋىمىز توتەنشە از، ءبىزدىڭ ماقتاۋ ايتۋىمىز ءوزىمىز كۇتكەننەن دە از، ويتكەنى ءبىز مۇنىڭ وزگەلەرگە كورسەتەتىن بەلسەندى ىقپالىن وتە تومەن مولشەرلەيمىز. بىلايشا ايتقاندا، ءبىز ماقتاۋ ايتۋىمىزدىڭ وزگەلەرگە قۋانىش سيلايتىنىن مۇلدە تانىپ جەتپەدىك. بۇدان سىرت، ءبىز ءسوزىمىزدىڭ قاتە تۇسىنىك تۋدىرۋىنان الاڭدايمىز، سودان بارىپ اسىلگى ماقتاپ ايتپاقشى بولعان ءسوزىمىز ءوزىمىزدى مازاسىزدىققا دۋشار ەتەدى: مەنىڭ ءسوزىم ونى جايسىزداندىرىپ قويعان جوق پا؟ ءسوزىم شىنايى بولماي، وراشولاق نەمەسە تىم اسىرەلەنىپ كەتكەن جوق پا دەپ مازامىز كەتەدى.

”ءبىز مىنانى بايقادىق: ادامدار وزدەرىنىڭ ماقتاۋىن جەتكىزۋدەگى شەبەرلىك قابىلەتىنەن اسىرە الاڭدايدى ەكەن، مىسالى، ەگەر مەنىڭ وزگەنى ماقتاۋ ءتاسىلىم ونى جايسىزداندىرىپ قويسا قايتەمىن؟-دەپ الاڭدايدى، ال مۇنداي مازاسىزدانۋ ادامدى ءوزىنىڭ بەينەلەگەن ينفورماتسياسىنان شىققان ناتيجەگە اسىرە ۇمىتسىزدىكپەن قارايتىن ەتەدى. وكىنەرلىگى، وسىنداي تورىعىستى كوڭىل كۇي ادامداردىڭ ءاربىر ادامعا پايدالى ارەكەتتى شەكتەۋىنە جول بەرەدى“،-دەيدى بۋرنس.

زەرتتەۋلەردەن شىققان قورىتىندى مىناۋ: مۇنداي الاڭداۋشىلىقتىڭ نەگىزى جوق، ءبىزدىڭ ماقتاۋىمىزدى ەستىگەن ادام ءبىزدىڭ ويلاعانىمىزدان دا ارتىق قۋانادى، ءتىپتى دە قاناعات تابادى، قاستەرلەنگەنىنە ءتىپتى دە مارقايادى. بۇدان سىرت، بىرەۋدى ماقتاعان ادامنىڭ ءوز كوڭىل كۇيى دە تىپتەن جاقسارىپ، ەندىگارى وزگەلەردى ماقتاۋدى قالايتىن بولادى.

بىلاي ماقتاساڭىز قاتەلەسپەيسىز

بۋرنس پەن ونىڭ قىزمەتتەستەرى سىزدەرگە ماقتاۋلى الەمگە ەنۋدىڭ بىرنەشە كىلتىن ۇسىندى، تومەندەگىلەر ءسىزدى ماڭگى قاتەلەستىرمەيتىن 5 اۋىز ماقتاۋ:

1. ”بۇل ءىستى وتە جاقسى شەشىپسىڭ“

بۇل بۋرنستىڭ ەڭ جاقسى كورەتىن ماقتاۋى. ”مەن وسى ءسوزدى شىنىمەن دە جاقسى كورەمىن، جايشىلىقتا بۇل ءسوزدى قارسى جاعىم ءوزى ءبىر جاقتى ەتكەن ءىستىڭ دۇرىس-بۇرىسىنا كوز جەتكىزە الماي ساسقالاقتاپ تۇرعاندا قولدانامىن، بۇل ءسوز ادامعا حاۋىپسىزدىك سەزىمىن سيلايدى ءارى قارسى جاعىڭا ونىڭ ءدال قازىر تۋىلعان ىستەردى ءبىر جاقتى ەتۋدە نەمەسە بىرەۋگە كومەكتەسۋدە جاساعان قۇلشىنىسى ەسكەرۋسىز قالماعاندىعىن بىلدىرەدى“.

2. ”قاراپايىم ساتتەرىمىز دە سەنىڭ ارقاڭدا ءماندى سەزىلدى“

بۇل ءسوزدى جۇبايلار اراسىندا جانە وتباسىنداعى جاقىن جاناشىرلار اراسىندا قولدانعاندا ءونىمى  وتە جاقسى بولادى. مامان ءتۇسىندىرىپ بىلاي دەدى: بۇل ءسوز ادەمى ءارى شىن كوڭىلدەن ماقتاۋ سانالادى، قارسى جاعىڭنىڭ بار بولۋى تۇرمىسىڭدى قايتىپ ءمان-ماعىنالى جانە قۇندى ەتكەندىگىن بەينەلەيدى، كۇندەلىكتى تۇرمىسىمىز تىم قاراپايىم بولسا دا بۇل ءسوزدىڭ اسەرى بولەك بولادى.

3. ”باسىم استىندا قىزمەت ىستەۋ قابىلەتىڭىز ماعان تەرەڭ اسەر قالدىردى“

ماماندار بىلاي دەپ قارايدى: بۇل ءسوز قارسى جاقتىڭ نيەتىن، قۇلشىنىسىن جانە ءوسىپ-جەتىلۋدەگى جان دۇنيەسىن مويىنداعاندىق سانالادى، بۇل ءار قانداي ءبىر بەلسەندى ىقپال كورسەتۋدى ءۇمىت ەتەتىن ادام ءۇشىن جوعارى دەڭگەيدەگى ماقتاۋ بولماق. بۇدان سىرت، مۇنداي ماقتاۋ ناقتىراق بولعانى ءجون، ويتكەنى ناقتى مازمۇن جاي عانا ماقتاۋدى ءماندى ماقتاۋعا وزگەرتە الادى، سوندىقتان قارسى جاقتىڭ ناقتى ساپاسى مەن ارەكەتىن كورنەكتىلەندىرە ماقتاۋ كەرەك.

4. ”سىرعاڭىز ادەمى ەكەن“

”قانداي جاعداي استىندا بولسىن، وسىنداي ماقتاۋلار قارسى جاعىمىزدى ءبىز ويلاعاننان دا جاقسى سەزىمگە بولەيدى“،- دەيدى بۋرنس. بەيتانىس جان بولسا، ءتىپتى دە قايران قالا قۋانۋى مۇمكىن، استە مازاسىزدانبايدى. مۇنى بىلاي قويعاندا، وسى سەبەپتى جاڭا دوس تاۋىپ الۋىڭىز نەمەسە بىرەۋدىڭ كوڭىلىن كۇنى بويى تاماشا سەزىمگە بولەۋىڭىز ابدەن مۇمكىن عوي.

5. ”بىرەۋدەن ماقتاۋ ەستىگەن كەزدە، وعان راقىمەت ايتۋ كەرەك“

ارامىزداعى كوپتەگەن ادام بىرەۋدەن ماقتاۋ ەستىگەن كەزدە قىرىنان قىسىلادى: ءجۇزىمىز قىزارادى، قارسى جاقپەن كوزىمىز ءتۇيىلىسىپ قالۋدان قورعانامىز، ىڭعايسىزدانا كۇبىرلەيمىز، ءتىپتى، ءوزىمىزدى كەمسىتەمىز. ەگەر ءسىز دە وسىنداي جاعدايدا بولساڭىز ءسىزدى ماقتاعان ادامنىڭ وي-سەزىمى وتە تاماشا ەكەندىگىن ەسىڭىزدە تۇتىڭىز ءارى وعان كۇلە جاۋاپ قايتارىڭىز. مۇنداي قارىم-قاتىناستى ادامدار ارا قاتىناس ورناتۋدىڭ نەمەسە ونى جاقسارتۋدىڭ ورايى دەپ ءبىلىڭىز، ءسىز دە، ول دا وسى رەتكى سويلەسۋدەن وتە قۋانىشتى بولارى داۋسىز، بۇل سىزدەردى كۇنى بويى ومىرشەڭدىك كۇشكە تولى ەتەتىن بولۋى مۇمكىن.