شينحۋا اگەنتتىگىنىڭ 11 - ايدىڭ 15 - كۇنى ليمادان بەرگەن حابارى (تىلشىلەر ۋاڭ لينيۋان، مىڭ يفي). جەرگىلىكتى ۋاقىت 11 - ايدىڭ 15 - كۇنى جۇڭگو ورتالىق راديو - تەلەۆيزيا باس ستانسياسى جاساعان «كوكەيگە قونىمدى ”سوزدەر“ − شي جينپيڭ ۇناتاتىن قاناتتى سوزدەر» ءۇشىنشى بولىگىن (يسپان تىلىندەگى نۇسقاسى) تاراتۋ سالتى ليمادا وتكىزىلدى. پەرۋ زۇڭتۇڭى بولۋارت قيمىلعا ارناپ بەينە ەكراندا ءسوز سويلەپ، باعدارلامانىڭ پەرۋدە تاراتىلعاندىعىن قۇتتىقتادى. پەرۋدىڭ ساياسي سالاسىنداعى، ەكونوميكا سالاسىنداعى، مادەنيەت سالاسىنداعى، ءىلىم سالاسىنداعى، مەديا سالاسىنداعى، ت. ب ايگىلى قايراتكەرلەردى قامتىعان 200گە جۋىق ادام قيمىلعا قاتىناستى. باعدارلاما سول كۇننەن باستاپ پەرۋ مەملەكەتتىك راديو - تەلەۆيزيا ستانسياسى، پەرۋ تەلەۆيزيا بىرلەسىپ تاراتۋ تورى، پەرۋ راديو باعدارلاماسى توبى تەلەۆيزور كليەنتى سياقتى كوپتەگەن تۇعىرلاردا تاراتىلدى.
«كوكەيگە قونىمدى ”سوزدەر“ − شي جينپيڭ ۇناتاتىن قاناتتى سوزدەر» ءۇشىنشى بولىگىندە (يسپان تىلىندەگى نۇسقاسى) نازار مادەنيەتتى جالعاستىرۋ، ەكولوگيالىق وركەنيەت، كەدەيلىكتەن ارىلتۋدان قامال الۋ، وركەنيەتتەردىڭ اۋىس - كۇيىسى، ءوزارا ۇلگى الۋى سياقتى نەگىزگى تاقىرىپقا شوعىرلاندىرىلىپ، ءتوراعا شي جينپيڭنىڭ سوزدەرىنىڭ اۋەلگى دىبىسى مەن ارعى - بەرگىنى تىلگە تيەك ەتكەن كلاسسيكالىق ۇزىندىلەر تاڭداپ الىنىپ، جۇڭحۋانىڭ ۇشان - تەڭىز ءداستۇرلى مادەنيەتىندە قامتىلعان جاڭا داۋىرلىك ءمان جانە الەمدىك قۇندىلىق سۇرىپتالىپ، ءتۇسىندىرىلىپ، ءتوراعا شي جينپيڭنىڭ ەرەن ساياسي پاراساتى مەن تەرەڭ تاريحي مادەنيەت مايەگى جاندى ايگىلەنگەن.
来源：新疆日报
编辑：阿莱·赫亚克巴依
监制：叶尔兰·努哈
