11-ايدىڭ 18-كۇنى ساعات 15 تەن 25 مينۋت وتكەن مولشەردە، قاشقار قالالىق 8-ورتا مەكتەپتىڭ 5-ءنومىرلى جاتاق عيماراتىنداعى (ۇلدار جاتاعى) وقۋشىلار وقىتۋ عيماراتىنا ساباققا بارا جاتقان كەزدە، ءبىر وقۋشى جاتاق عيماراتىنىڭ 1-قاباتىنداعى ەسىكتىڭ الدىندا ابايسىزدا جىعىلىپ تۇسكەندىكتەن باستىرىلۋ وقيعاسى تۋىلىپ، 3 ادام اۋىر جارالاندى، قازىر شۇعىل قۇتقارۋ، ەمدەۋ جۇرگىزىلۋدە، 11 ادام جەڭىل جارالانعاندىقتان شيپاحانادا قالىپ قارالۋدا.
وقيعا تۋىلعاننان كەيىن، قاشقار ايماعى، قاشقار قالاسى دەرەۋ شۇعىل جاعدايعا توتەپ بەرۋ جوباسىن ىسكە قوستى، وقۋ-اعارتۋ، دەنساۋلىق ساقتاۋ، سالاماتتىق تاراۋلارى وقيعا بولعان جەرگە تىزگىن ۇشىمەن جەتىپ ءبىر جاقتى ەتتى. قازىر جارالانعانداردى ەمدەۋ، شىرعالاڭنىڭ سەبەبىن تەكسەرۋ سياقتى قىزمەتتەر جۇرگىزىلىپ جاتىر.
