ءۇرىمجى قالاسىنىڭ تۇرعىنى ليۋ حانىم بىلاي دەپ كەڭەس سۇرايدى: مەن اي-كۇنىم تاياپ قالعان جۇكتى ايەلمىن، اپتا سايىن شيپاحاناعا بارىپ جۇكتىلىك مەزگىلىندەگى تەكسەرۋلەردى قابىلدايمىن. ءار جولى شيپاحاناعا بارۋدان بۇرىن الدىمەن وزىمە جۇكتەلگەن قىزمەتىمدى تىندىرىمدى ءبىر جاقتى ەتەمىن، جۇكتىلىك مەزگىلىندەگى تەكسەرۋلەرگە كوپ ۋاقىت كەتپەيدى، سوندىقتان كوپ قىزمەت قالدىرا قويعان جوقپىن. الدىڭعى ايدا ەڭبەكاقى تاراتقان كەزدە ەڭبەكاقىمنىڭ ازايعانىن بايقاپ، كادرلار قىزمەتىن باسقارۋ كەڭسەسىنىڭ جاۋاپتىسىنان سەبەبىن سۇراستىرعاننان كەيىن، مەكەمەنىڭ مەنىڭ جۇكتىلىك مەزگىلىندەگى تەكسەرۋگە كەتكەن ۋاقىتىمدى ناۋقاستىق دەمالىس رەتىندە ەسەپتەگەنىن ءبىلدىم. سۇرايىن دەگەنىم، جۇكتىلىك مەزگىلىندەگى تەكسەرۋگە جۇمسالعان ۋاقىت ناۋقاستىق دەمالىس بولىپ سانالا ما؟
زاڭ بىلگىرى: ەلىمىزدىڭ «ايەل جۇمىسشى-قىزمەتكەرلەردىڭ ەڭبەك قورعاۋ ەرەكشە بەلگىلەمەسىنىڭ» 6-تارماعىنداعى بەلگىلەمەلەرىنە ساي، جۇكتى ايەل جۇمىسشى-قىزمەتكەرلەردىڭ قىزمەت ۋاقىتىندا جۇكتىلىك مەزگىلىندەگى تەكسەرۋ ءۇشىن جۇمساعان ۋاقىتى ەڭبەك ۋاقىتىنا ەسەپتەلەدى. سوندىقتان ءار رەت جۇكتىلىك مەزگىلىندەگى تەكسەرۋگە بارعان ۋاقىتىڭىزدى قالىپتى جۇمىسقا شىعۋ ۋاقىتى بويىنشا ءبىر جاقتى ەتۋ كەرەك، قىزمەت ورنىڭىزدىڭ سونى سىلتاۋ ەتىپ، ەڭبەكاقىڭىزدى تارتىپ قالۋىنا بولمايدى.
ءسىز مەكەمەڭىزبەن كەڭەسىپ، ارتىق تارتىپ قالعان ەڭبەكاقىڭىزدى دەر كەزىندە تولىقتاپ بەرۋدى ايتىڭىز، سونداي-اق مەكەمەڭىزدىڭ يكەمدى باسقارۋ تۇرعىسىنان جۇكتىلىك مەزگىلىندەگى ايەل جۇمىسشى-قىزمەتكەرلەردى قورعاۋدى كۇشەيتۋىن ۇسىنىس ەتەمىز.
来源：新疆法治报
翻译：唐努尔·赛力克
编辑：阿莱·赫亚克巴依
责编：库娜依·胡阿泰
监制：叶尔兰·努哈
