جالعان كىرپىك ەگۋ كوزگە زاقىم كەلتىرە مە؟
ءبىزدىڭ بەرەر جاۋابىمىز: جالعان كىرپىك ەكسە، كوز اجارلانا تۇسەدى، ءبىراق لايىقتى بولماسا نەمەسە جاقسى كۇتىمدەلمەسە، شىنىمەن كوزگە زاقىم كەلتىرۋى مۇمكىن!
كىرپىكتىڭ قانداي رولدارى بار؟
اۋەلى،كىرپىكتىڭ قورعاۋ رولى بار، ول كوزدىڭ ەكىنشى قورعانىس شەبى ەسەپتەلەدى. استىڭعى-ءۇستىڭگى قاباقتاعى كىرپىكتەر بەينە قاراۋىل ىسپەتتى قاباقتا قاتار تۇزەپ تۇرادى. ەگەر شاڭ-توزاڭ سىندى بوگدە زات كىرپىككە جاناسسا، قاباق وزدىگىنەن جابىلادى دا كوزدى قورعايدى. كىرپىكتىڭ تاعى دا نۇردان دالدالاۋ، شاڭنىڭ، بوگدە زاتتاردىڭ، تەردىڭ كوزگە كىرۋىنەن ساقتاۋ جانە ءمۇيىز قابىعىن، كوز الماسىن قورعاۋ رولدارى بار. كىرپىك جانە ۋلترا كۇلگىن ساۋلەسىنىڭ كوزدى زاقىمداۋىنان ساقتايدى. ەكىنشىدەن، كىرپىك كوزدى اجارلاندىرىپ، كوز ءپىشىنىن ارلەپ، كوزدى كورىكتەندىرەدى.
كىرپىك ەكتىرۋدەگى حاۋىپ-قاتەرلەر
كىرپىك ەگۋ دەگەنىمىز كىرپىكتى جەلىم ارقىلى كىرپىكتىڭ تامىر بولىمىنە جاپسىرۋ، سونىمەن بۇرىنعى كىرپىك ءتىپتى دە قويۋ بولىپ كورىنەدى، كوز ونان ارى اجارلانا تۇسەدى. كىرپىك ەكتىرگەندە جۇيەلى قۇرىلىمدارعا بارۋ كەرەك. ادەتتە كوزگە زاقىم كەلتىرە قويمايدى. ءبىراق جۇيەلى ەمەس قۇرىلىمدارعا بارىپ كىرپىك ەكتىرسە نەمەسە كىرپىكتى دۇرىس پايدالانا الماسا، كوزگە ءبىراز زاقىم كەلەدى. مىسالى، كوز اسىرە سەزىمتال بولادى، جۇعىمدالادى، كوز نەرۆى زاقىمدالادى، ت.ب. سوندىقتان قالىڭ سۇلۋلىققا قۇمار قاۋىم كىرپىك ەكتىرەردە جۇيەلى قۇرىلىمدى، كاسىبي ادامدى، تولىمدى ءونىمدى تاڭداپ، جوعارىداعى زاقىمداردىڭ تۋىلۋىنان ساقتانۋى كەرەك. بۇدان تىس، كىرپىك ەكتىرەردەن بۇرىن تۇماۋراتسا، قىزسا، وندا اۋرۋدان ايىعىپ دەساۋلىعى قالپىنا كەلگەن سوڭ بارىپ جاساتۋ كەرەك. سونىمەن قاتار، ەتەككىر مەزگىلىندە دە كىرپىك ەكتىرۋگە بولمايدى.
كىرپىك ەكتىرگەن سوڭ، كوز قۇرعاسا، قىشىسا، جاس اقسا قايتۋ كەرەك؟
كىرپىك ەكتىرگەن سوڭ تۇندە كوزدەن جاس اقسا، كوبىندە كىرپىكتىڭ كوزگە كىرۋىمەن قاتىستى بولادى، ەرەكشە ەم قابىلداۋدىڭ قاجەتى جوق، مۇندايدا كىرپىكتى الىپ تاستاسا بولعانى. بۇدان تىس، مۇنىڭ، بالكىم، كىرپىك ەگۋ ءادىسىنىڭ دۇرىس بولماۋىنان نەمەسە پايدالانىلعان ماتەريالدىڭ دۇرىس بولماۋىنان پايدا بولعان كوز دانەكەرى قابىعىنىڭ قابىنۋى، اسىرە سەزىمتالدىق نەمەسە ءمۇيىر قابىعىنىڭ قابىنۋى قاتارلىلارمەن دە قاتىستى بولۋى مۇمكىن. مۇندايدا ۋاعىندا شيپاحاناعا بارىپ شيپاگەردەن كەڭەس الىپ، ارناۋلى ەمدەلۋدى ۇسىنامىز.
ەگەر ۇزاق مەرزىمدىك جالعان كىرپىك ەكتىرسەڭىز، بالكىم قاباق تاقتاشىق بەزى جىرىعىنىڭ توسىلۋى مۇمكىن، بۇل كوز جاسىنىڭ تەز بۋلانۋىنا، جاس پەردەسىندەگى مايدىڭ ءبىر كەلكى بولماۋىنا اپارىپ سوقتىرادى. بۇل سوزىلمالى كوز قۇرعاۋ اۋرۋىن تۋدىرادى. ەگەر وسىنداي جاعدايلار پايدا بولسا، وپا-دالاپتى (اسىرەسە كوزگە) ازىراق جاعۋدى ۇسىنامىز. جاساندى كوز جاسى مەن تۇندە كوزگە ىستىق وتكىزۋ ارقىلى جاعدايدى جاقسارۋعا بولادى. سونىمەن قاتار، شيپاگەردىڭ جەتەكشىلىگىندە 妥布霉素 كوز سۇيىقتىعى، 依诺沙星 كوز سۇيىقتىعى قاتارلى دارىلەر ارقىلى اۋرۋ بەلگىسىن جەڭىلدەتۋگە بولادى.
