别怕低谷，你再迈出的每一步都是上坡路

ومىردە كىم-كىمنىڭ دە باسقان جولى ءساتتى بولا بەرمەيدى، سوندىقتان مىنانى ۇمىتپاڭىز: جىعىلعان جەرىڭىزدەن قايتا تۇرا الساڭىز، سونىڭ ءوزى ءبىر قۋانىش، ءۇمىت ۇشقىنىن قايتا تابا الساڭىز، سونىڭ ءوزى شاتتانارلىق ءىس، الايدا  بۇلاردىڭ العى شارتى العاشقى قۇلشىنىس قادامىڭىزدى شىن مانىندە اتتاي الۋىڭىز بولماق. قۇلدىراعان كۇيدە جۇرسەڭىز، سىزگە 3 اۋىز ءسوز ۇسىنايىن، وقىپ كورىڭىز، الداعى كۇندەردەن قايمىقپاي، جۇرەكتىلىكپەن العا تارتۋىڭىزدى تىلەيمىن.

مۇشكىل حالدە قالعان كەزدە، باستابىندا كوپ ادامدار نە ءۇشىن ماعان عانا تۋرا كەلەدى، نە ءۇشىن مەن عانا وسىندايمەن بەتپە-بەت كەلەمىن... دەپ قاپالانۋى مۇمكىن، ءبىراق كۇنى بويى قاپالانا بەرگەننەن گورى، قيىندىققا بەلسەنە قارسى شاۋىپ كورگەن ابزال. ساتسىزدىككە ۇشىراعاندا ءوزىن-ءوزى قوراشسىنباۋ، جولى بولماعان كەزدە باياعىداي ۇقىپتى ءومىر ءسۇرۋ كەرەك، تاعدىردىڭ تالقىسىنان قۇتىلعاننان كەيىن، اناۋ جانعا تۇسكەن جاراقاتتارىڭىز اقىر-اياعىندا ءسىزدىڭ بەرىك ساۋىتىڭىزعا اينالادى.

”مىنا الەمدە جانىنا جارا تۇسپەگەن ادام جوق، مەيلى قاي كەزدە بولسىن، ءوزىڭىزدى ەمدەي الاتىن ءوزىڭىز عانا ەكەنىنە سەنۋىڭىز كەرەك“. ادام ءومىرى اسىلىندە ويلى-شۇڭقىرعا تولى، مۇشكىل حالدە قالعانىڭىزدا ازىراق قاپالانساڭىز، باز كەشپەسەڭىز، باتىلدىقپەن العا ىلگەرىلەسەڭىز عانا، ارمانىڭىزعا جەتكىزەتىن نارسەنىڭ ءدال قيىن-قىستاۋ تۇستاعى ايقىن پوزيتسيا، جەڭىلىسكە ۇشىراعاننان كەيىنگى قايراتتانا قايتا ۇمتىلۋ ەكەندىگىن بايقايسىز.

كەيبىر ادامدار قىزمەتتە ساتسىزدىككە جولىقسا، ءتۇن ۇيقىسى ءتورت ءبولىنىپ، دوستىق شەڭبەرىنە وكپەلى سوزدەرىن تولتىرىپ شىعارىپ قويادى، سوڭىنا كەلە ونىسىن ءبىر-بىرلەپ ءوشىرىپ اۋرە بولادى؛ سۇيىسپەنشىلىك جاقتان سىناققا ءدوپ كەلگەندە، ءارى-ءسارى بولىپ بارىپ دوسىنا تەلەفون جالعايدى، ءبىراق سوندا دا كوڭىلىندەگى ءىستى ايتپاي، تاۋدان-باۋدان ءسوز قوزعايدى. ويتكەنى ولار ءوزىنىڭ قايعى-مۇڭىن وزگەلەر تۇسىنگەن كۇندە دە، ءدال وزىندەي سەزىنە المايتىندىعىن بىلەدى. قاپالانا بەرگەننەن گورى سابىرلى بولىپ، مويىماستان ءۇنسىز العا ىلگەرىلەي بەرگەن ابزال.

ناعىز مىقتى ادام كوزىنەن تامشى شىعارمايتىن ادام ەمەس، قايتا كوز جاسىن كولەگەيلەپ قارىسا العا تارتاتىن ادام. مۇشكىل حالگە ءدوپ كەلگەن ساتىڭىزدە، كوڭىل كۇيىڭىزدى رەتكە كەلتىرىپ، ءجابىر-جاپانى ءبىر شەتكە قايىرىپ قويىڭىز. تەك سابىرلى بولساڭىز، قيىندىقتى كوتەرە بىلسەڭىز عانا، العى كۇننىڭ شۇلەن شۋاعىنا بولەنەتىن بولاسىز.

كەيبىر جاندار اسقاقتاپ الدا جۇرگەن قۋانىشتى ساتتەرىنەن ءلاززات تابادى، ءبىراق مۇشكىل حالدە قالعانداعى قۇلازۋعا شىداي المايدى. مۇشكىل حالگە كىرىپتار بولسا بولعانى، رۋحاني جاقتان وڭاي تورىعادى، باعدارىنان اداسادى. راحاتتى ورتا مىنەز-قۇلقىڭدى، ميحىناتتى ورتا بىلىكتىلىگىڭدى سىنايدى دەگەن ءسوز ءدال ايتىلعان. بىلىكتى جاندار تۇرمىستىڭ ءورى مەن ىلديى، ويى مەن قىرى بولۋى تابيعي جاعداي ەكەندىگىن انىق بىلەدى. جولىڭىز ماڭگى اشىق، ءىسىڭىز ماڭگى ءساتتى بولا بەرمەيدى، قول جەتكىزە الماساڭىز تاجىريبەگە يە بولاسىز دا، قولىڭىز جەتسە كەشىرمەگە يە بولاسىز.

ءارقانداي ءبىر جەتىستىككە جەتۋدىڭ باستاماسى ەڭ تومەنگى باسپالداقتان باستالاتىندىعى ءسوزسىز. سوندىقتان ءمالىم ماعىنادان ايتقاندا، ءبىر ادامنىڭ قۇلدىراعان ءساتى قاشاندا ونىڭ جەڭىسكە جەتۋىنىڭ باستاماسى بولۋى مۇمكىن. ءبىر ساپاردى اياقتاساڭىز، تاعى ءبىر ساپارعا اتتاناسىز، ءومىر ەكى كەلمەيدى، ءدال وسى ۋاقىتىڭىزدى قادىرلەڭىز. قۇلدىراۋ كۇيىنە تۇسكەن سايىن ادامعا بىلىكتىلىك قاجەت بولادى، بىلىكتى جانداردىڭ كوڭىلى جاي، باقىتتى بولادى، جاقسى كۇن كورەدى.