ۇساق-تۇيەك ىستەرگە جولىقسا بولعانى قاي-جايداعىنى ويلاپ، سول ءىستىڭ تەرىس جاعىنان اسىلىپ الاتىن ادامنىڭ ءومىرى بارعان سايىن سۇرىقسىز بولادى.
ينتەرنەتتە بىرەۋ: ”تۇرمىسىم ميشا بىلىعىپ كەتكەن سياقتى سەزىنەمىن، قايتىپ وڭاسام بولار ەكەن“؟-دەپ سۇراپتى. بۇعان: ”بولمەڭىزدى تازالاڭىز، ەڭ كىشكەنتاي ىستەن باستاپ كىرىسىڭىز“،-دەپ جاۋاپ بەرىلىپتى ءارى بۇل جاۋاپ كوپتىڭ قولداۋىنا يە بولىپتى.
ادامنىڭ تۇرعان ءۇيى تاپ-تۇيناقتاي تازا تۇرسا، تۇرمىسى دا ءتارتىپتى، رۋحى سەرگەك، ىنتاسى بەلسەندى بولا تۇسەدى. كەرىسىنشە، ءۇيدى بەيبەرەكەت ۇستايتىن ادام ۋاقىت وتە كەلە استاڭ-كەستەڭى شىققان ۇيگە قاراپ تۇرىپ كوڭىل كۇيى قۇلازىپ، قايتەرىن بىلمەي داعداراتىن بولادى.
تۇرعان ءۇيىڭىز تاپ-تازا جايناپ تۇرسا، كوز الدىڭىز كوركەم سۋرەتتەي ادەمىلىككە تولادى؛ كوڭىل كۇيىڭىزدى رەتكە كەلتىرسەڭىز عانا، ساپارلارعا جەڭىل اتتانا الاسىز، ءومىردىڭ ءاربىر كوركەمدىگىنەن ءلاززاتتانا الاسىز.
بۇكىل ومىرىندە بارلىق ءىسى ءساتتى بولاتىن ادام بولعان ەمەس، كوڭىلگە قاياۋ تۇسىرەتىن بىرەر ىسكە جولىقسا وڭاي اشۋلاناتىن، ۇساق-تۇيەك ىستەرگە جولىقسا بولعانى قاي-جايداعىنى ويلاپ، سول ءىستىڭ تەرىس جاعىنان اسىلىپ الاتىن ادامنىڭ ءومىرى بارعان سايىن سۇرىقسىز بولادى.
ناعىز مىقتى ادام ءوز كوڭىل كۇيىن رەتكە كەلتىرۋدى، اسپاي-ساسپاي سابىرلىلىقپەن ماسەلەنى شەشۋدى بىلەدى. كوڭىلسىز كەزدە، ءوزىڭىز جاقسى كورەتىن اندەردى تىڭداڭىز نەمەسە تىنىش ورتادا وڭاشا قالىڭىز، نە ىستەسەڭىز دە، ەڭ ماڭىزدىسى، ءوز كوڭىل كۇيىڭىزبەن ىمىراعا كەلۋىڭىز كەرەكتىگىن ەسكەرىڭىز.
ءومىر جولىندا جولىققان سايىستارىمىزدىڭ ءبارى ەندىگى قادامىمىزدىڭ باستاماسى بولماق، ونى جەڭە الساق بولعانى، كەيىنگى جولىمىزدىڭ تاعانى بەرىك بولادى.
”جاقسىدان شاراپات، جاماننان كەساپات جۇعادى“ دەگەن اتالى ءسوز بار.
ەگەر قوعامدىق قارىم-قاتىناس شەڭبەرىڭىزدە كەراناۋ، جىگەرسىز، ىلدەبايلاپ كۇنەلتكىش جاندار كوبىرەك بولسا، ونداي ورتادان ەرتەرەك قول ۇزگەنىڭىز ابزال. كەرىسىنشە، اينالاڭىزدا شۋاقتى، ىزگى نيەتتى ادامدار كوبىرەك بولعان كەزدە، سول ورتادان ”ويىپ ورىن الۋعا“ كۇش سالىڭىز.
ىزگى جاندارمەن قارىم-قاتىناستا بولۋ ءبىر ءتۇرلى پاراساتتىلىق. ۇزدىك ادامدارمەن كوبىرەك بىرگە جۇرسەڭىز، ولاردىڭ ءىس-ارەكەتىن، ادەتىن، وي ءورىسىن ۇيرەنسەڭىز، ءوزىڭىز دە بارعان سايىن وزىق بولا تۇسەسىز.
ءومىرىمدى جاقسارتايىن دەسەڭىز، ءوزىڭىزدى دەر كەزىندە رەتكە كەلتىرۋدى باستاپ كەتىڭىز. ءسىزدىڭ دە، ءبىزدىڭ دە اۋىرتپاشىلىقتان ادا، جاقسىلىققا جاناسىمدى بولۋىمىزدى، ءوزىمىز اڭساعانداي ءومىر كەشىرۋىمىزدى تىلەر ەدىم.
监制：叶尔兰·努哈
بالالىق كوڭىلدى جوعالتپاي، ماڭگى رياسىز پەيىلمەن جاساڭىز
جاقسى كوڭىل كۇي بارلىق سىرقاتتان ايىقتىراتىن تاماشا ءدارى
اۋتيزم الەمىنە ءۇڭىلىپ كورىڭىز
عۇمىردا ەڭ جاقسى جاس كەزەڭى بولا ما
ءوزىڭىزدى ءوزىڭىز ساۋىقتىرا بىلەسىز بە
ءوزىڭدى، ءومىردى ءسۇيۋ ءتاتتى ۇيقىدان باستالادى
اقاۋسىز دەنساۋلىق مىناداي 5 ءتۇرلى تۇرمىس تاسىلىنەن كەلەدى
قارىم-قاتىناستا ەستە بولار ەكى-ءۇش اۋىز ءسوز
كوڭىل كۇيدى قۇرىقتاۋدىڭ ءۇش كىلتى
ءوزىن مەڭگەرە بىلەتىندەردىڭ ەكى جاقسى ادەتى بولادى
كوڭىل كۇيدىڭ قۇنى ادامنىڭ وزىنە بايلانىستى
سوزبۇيدالىققا سالىنا بەرسەڭ، جاقسى كۇندەر كۇتەدى دەپ دامەلەنبە
مىنا ءۇش اۋىز ءسوز جاڭا جىلداعى وزىمىزگە ارنالادى
وزىڭىزگە ەڭ ۇيلەسىمدى تۇرمىس قانا ەڭ جاقسى تۇرمىس
مىنا ءۇش اۋىز ءسوز جاڭا جىلداعى وزىمىزگە ارنالادى
جاڭا ءبىر جىلدا ءسىزدى باقىتقا جەتەلەيتىن بەس ءادىس
