习近平向2024世界中文大会致贺信
شي جينپيڭ 2024 - جىلعى دۇنيە جۇزىلىك جۇڭگو ءتىلى جينالىسىنا قۇتتىقتاۋ حاتىن جولدادى
شينحۋا اگەنتتىگىنىڭ 11 - ايدىڭ 15 - كۇنى بەيجيڭنەن بەرگەن حابارى. 11 - ايدىڭ 15 - كۇنى مەملەكەت ءتوراعاسى شي جينپيڭ 2024 - جىلعى دۇنيە جۇزىلىك جۇڭگو ءتىلى جينالىسىنا قۇتتىقتاۋ حاتىن جولدادى ءارى كۇڭزى شۋەيۋانى قۇرىلعاندىعىنىڭ 20 جىلدىعىن قۇتتىقتادى.
شي جينپيڭ بىلاي دەپ اتاپ كورسەتتى: ءتىل −− ادامزاتتىڭ يدەيا اۋىستىرۋ قۇرالى، وركەنيەتتى جالعاستىراتىن دانەكەر، تۇسىنىكتى ارتتىراتىن كوپىر. جۇڭگو ءتىلى جۇڭحۋا ۇلتىنىڭ نەشە مىڭ جىلدىق وركەنيەت اقىل - پاراساتىن ارقالاعان، جۇڭگونىڭ دۇنيە جۇزىنە سيلاعان ماڭىزدى الەۋمەتتىك مادەنيەت ءونىمى، حالىقارالىق قوعامنىڭ جۇڭگو ءتىلى وقۋ - اعارتۋىن ويداعىداي ورىستەتۋىن قولداۋ جانە وعان قىزمەت وتەۋ −− جۇڭگونىڭ انا ءتىل ەلى رەتىندەگى جاۋاپكەرشىلىگى.
شي جينپيڭ بىلاي دەپ باسا دارىپتەدى: حالىقارالىق جۇڭگو ءتىلى وقۋ - اعارتۋى كەڭىنەن قارسى الۋعا يە بولىپ، اشىق، سيىسىمدى باۋراۋ قۋاتىن ايگىلەپ، ءوزارا ۇيرەنۋ، ءوزارا ۇلگى الۋ قۇنىن كورسەتىپ، سەلبەسىپ تەڭ يگىلىككە كەنەلۋ رۋحىن بەينەلەدى، وعان جۇڭگولىق، شەتەلدىك قايراتكەرلەردىڭ ورتاق جۇرەك قانى سىڭگەن. دۇنيە جۇزىلىك جۇڭگو ءتىلى جينالىسىنىڭ تۋراشىلدىقتان اينىماي جاڭالىق اشۋعا تاباندى بولىپ، تۇتاستىرۋدى، توعىستىرۋدى كۇشەيتىپ، ءار جاقتىڭ ورتاق تانىمىن ۇيىستىرىپ، ءتىلدى بايلانىستىرۋ كوپىرىن، ءتۇسىنۋ، ءوزارا سەنىمدىلىك كوپىرىن، وركەنيەتتەر ءوزارا ۇلگى الۋ كوپىرىن قۇلشىنا قۇرىپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋعا تىڭ دا اناعۇرلىم زور ۇلەس قوسۋىن ءۇمىت ەتەمىن.
2024 - جىلعى دۇنيە جۇزىلىك جۇڭگو ءتىلى جينالىسىن جۇڭگو وقۋ - اعارتۋ مينيسترلىگى مىندەتىنە الىپ وتكىزدى، سول كۇنى بەيجيڭدە اشىلدى، نەگىزگى تاقىرىبى ”تۇتاستىرۋ، توعىستىرۋ، جالعاستىرۋ، جاڭالىق اشۋ“، 160تان استام مەملەكەت پەن وڭىردەن كەلگەن ۇكىمەت ءمانساپتىسى، مەكتەپ باستىعى، مامان - وقىمىستى، وقىتۋشى - وقۋشىلار ۋاكىلى جانە جۇڭگودا تۇراتىن ەلشى قاتارلى 2000نان استام ادام جينالىسقا قاتىناستى.
来源：新疆日报
编辑：热依扎·卡玛力别克
责编：库娜依·胡阿泰
监制：叶尔兰·努哈
