شينحۋا اگەنتتىگىنىڭ 11 - ايدىڭ 9 - كۇنى بەيجيڭنەن بەرگەن حابارى (ءتىلشى فىڭ شينران). 11 - ايدىڭ 9 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭ حالىق سارايىندا جۇڭگوعا مەملەكەتتىك ساپارمەن كەلگەن يندونەزيا زۇڭتۇڭى پرابوۋومەن كەڭەس وتكىزدى.
شي جينپيڭ بىلاي دەپ اتاپ كورسەتتى: ءسىز بيىل 3 - ايدا زۇڭتۇڭدىققا سايلانعاننان كەيىن، ەڭ الدىمەن تۇڭعىش ساپارىڭىزدى جۇڭگودان باستادىڭىز، رەسمي مىندەتكە وتىرعاننان كەيىن دە الدىمەن جۇڭگودا مەملەكەتتىك ساپاردا بولدىڭىز، بۇل ءسىزدىڭ جۇڭگو − يندونەزيا قارىم - قاتىناسىن دامىتۋعا ايرىقشا ءمان بەرەتىندىگىڭىزدى ايگىلەدى ءارى ەكى ەل قارىم - قاتىناسىنىڭ جوعارى دەڭگەيىن جانە ستراتەگيالىق سيپاتىن كورسەتتى. ستراتەگيالىق دەربەستىككە، ءوزارا سەنىمدىلىككە، ءوزارا قارايلاسۋعا، سەلبەسىپ تەڭ يگىلىككە كەنەلۋگە، ادىلدىككە، ادىلەتتىلىككە تاباندى بولۋ − ءارى وتكەن نەشە ون جىلداعى جۇڭگو − يندونەزيا قارىم - قاتىناسىنىڭ دامۋ تاجىريبەلەرىنىڭ قورىتىندىسى، ءارى بولاشاقتا ەكى ەل قارىم - قاتىناسىنىڭ ۇزاق ۋاقىت، ورنىقتى دامۋىندا بويسۇنۋعا ءتيىستى ماڭىزدى پرينسيپ. جۇڭگو جاق يندونەزيا جاڭا ۇكىمەتىمەن بىرگە بۇرىنعىعا مۇراگەرلىك ەتىپ بولاشاققا جول اشىپ، وڭىرلىك جانە الەمدىك ىقپالعا يە تاعدىرلاس ورتاق تۇلعا قۇرىپ، وركەندەپ كەلە جاتقان ءىرى ەلدەردىڭ بىرلەسىپ ءوزىن الۋەتتەندىرۋىنىڭ، ىنتىماقتاسىپ ىستەستىك جاساۋىنىڭ، ءوزارا پايدا جەتكىزىپ تەڭ يگىلىككە كەنەلۋىنىڭ جاڭا تاراۋىن ۇزدىكسىز جازۋدى قالايدى.
شي جينپيڭ بىلاي دەپ باسا دارىپتەدى: ەكى جاق اناعۇرلىم جوعارى دەڭگەيدەگى ستراتەگيالىق ءوزارا سەنىمدىلىكتى بەكەمدەپ، جوعارى جىكتەگىلەردىڭ بارىس - كەلىسىن جانە ۇكىمەتتەردىڭ، زاڭ شىعارۋ قۇرىلىمدارىنىڭ، جەرگىلىكتى ورىنداردىڭ سەلبەستىگىن جيىلەتىپ، ەل باسقارۋ تاجىريبەلەرى جونىندەگى اۋىس - كۇيىستى كۇشەيتىپ، ءبىر - ءبىرىنىڭ ءوز ەلىنىڭ مەملەكەت جاعدايىنا ۇيلەسەتىن وسىزاماندانۋ جولى جونىندە ىزدەنىس جاساۋىن باتىل قولداۋى، ءبىر - ءبىرىنىڭ وزەكتى مۇددەسىن قورعاۋىن جانە ءجىتى قاداعالاپ وتىرعان كەلەلى ىستەرىن باتىل قولداۋى كەرەك. ستراتەگيالىق سەلبەستىك ورنالاسىمىن ونان ارى كەمەلدەندىرىپ، ساياسي، ەكونوميكا، گۋمانيتارلىق ىستەر، تەڭىز ءۇستى، حاۋىپسىزدىك سىندى ”بەس ۇلكەن تىرەك“ سەلبەستىگىن تۇلعالاۋى كەرەك. ”ءبىر بەلدەۋ، ءبىر جولدى“ جوعارى ساپامەن بىرگە قۇرۋعا تاباندى بولىپ، جاكارتا − باندۇڭ جوعارى قارقىندى تەمىر جولىن ۇزدىكسىز ويداعىداي جۇرگىزىپ، ”وڭىرلىك ۋنيۆەرسال ەكونوميكا ءدالىزى“ جانە ”ەكى ەل، قوس باقشا“ سەلبەستىگىن ىلگەرىلەتىپ، سيفرلى ەكونوميكا، وزىق جاساۋ كاسىبى، اينالمالى ەكونوميكا سياقتى سالالارداعى سەلبەستىكتى كۇشەيتىپ، تەڭىز ءۇستىن بىرگە اشۋ سەلبەستىگىن ورىستەتىپ، جان - جاقتى ءوزارا پايدا جەتكىزۋ سەلبەستىگىن ۇزدىكسىز تەرەڭدەتىپ، توعىسا دامۋدى اناعۇرلىم ويداعىداي جۇزەگە اسىرىپ، ءوز - ءوزىنىڭ وسىزاماندانۋىن ىلگەرىلەتۋى كەرەك. جۇڭگو جاق تا يندونەزيامەن اناعۇرلىم كوپ حالىققا تيىمدىلىك جاساۋ ينجەنەرياسىن بىرگە تۇلعالاپ، كەدەيلىكتى ازايتۋ، ءدارى - دارمەك، استىق ەگىمشىلىگى، بالىق شارۋاشىلىعى سياقتى سالالارداعى اۋىس - كۇيىستى، سەلبەستىكتى كۇشەيتىپ، يندونەزيانىڭ عىلمي زەرتتەۋ دارىندىلارىن باۋلۋىنا جانە كاسىپتىك وقۋ - اعارتۋدى دامىتۋىنا قولداۋ كورسەتىپ، اناعۇرلىم كوپ قولايلى شارالاردى شىعارىپ، ادامداردىڭ بارىس - كەلىسىن كەڭەيتۋدى قالايدى.
شي جينپيڭ بىلاي دەپ باسا دارىپتەدى: بيىل − بەيبىت قاتار تۇرۋدىڭ بەس پرينسيبى جاريالانعاندىعىنىڭ 70 جىلدىعى، كەلەر جىلى − باندۇڭ ءماجىلىسى اشىلعاندىعىنىڭ 70 جىلدىعى. وركەندەپ كەلە جاتقان ءىرى ەلدەر، بازارى جاڭادان گۇلدەنگەن ەلدەر جانە جەر شارىنىڭ وڭتۇستىگىنىڭ نەگىزگى مۇشەلەرى رەتىندە، جۇڭگو مەن يندونەزيا بەيبىتشىلىكتى، سەلبەستىكتى، سيىسىمدى بولۋدى، توعىسۋدى وزەك ەتكەن ازيا قۇن كوزقاراسىن بىرگە اسقاقتاتىپ، بەيبىت قاتار تۇرۋدىڭ بەس پرينسيبىنە جانە باندۇڭ رۋحىنا جاڭا داۋىرلىك ءمان ۇستەپ، جەر شارىنىڭ وڭتۇستىگىندەگى ەلدەردىڭ ىنتىماقتاسىپ، ءوزىن الۋەتتەندىرۋىنە جەتەكشىلىك ەتىپ، الەمدىك باسقارۋدىڭ اناعۇرلىم ادىلەتتى، ۇيلەسىمدى بەتالىسقا قاراي دامۋىن ىلگەرىلەتۋى كەرەك. جۇڭگو جاق يندونەزيامەن اناعۇرلىم ءجيى كوپ جاقتى ستراتەگيالىق سايكەسۋ ورىستەتىپ، سىڭار جاقتىلىق پەن قورعامپازدىققا قارسى تۇرىپ، تەرەزەسى تەڭ، ءتارتىپتى دۇنيە ءجۇزىنىڭ كوپ ۇيەكتەنۋىن، جالپىعا بىردەي، سيىسىمدى ەكونوميكانىڭ جاھاندانۋىن ىلگەرىلەتىپ، ءوڭىردىڭ بەيبىتشىلىگىن، ورنىقتىلىعىن بىرگە قورعاۋدى قالايدى.
پرابوۋو مىنالاردى ءبىلدىردى: جۇڭگو − ۇلى مەملەكەت، يندونەزيا مەن جۇڭگونىڭ مىڭ جىلدىق دوستىق بارىس - كەلىس تاريحى بار، ەكى ەلدىڭ قارىم - قاتىناسى تاماشا دامۋ تەبىنىن ساقتادى. كەزەكتەگى كۇردەلى حالىقارالىق جاعدايدا، يندونەزيا جۇڭگومەن جان - جاقتى ستراتەگيالىق ىستەستىكتى ونان ارى كۇشەيتىپ، اناعۇرلىم بەرىك جالپى بەتتىك ستراتەگيالىق سەرىكتەرگە اينالىپ، وڭىرلىك جانە الەمدىك ىقپالعا يە تاعدىرلاس ورتاق تۇلعا قۇرۋدى ءۇمىت ەتەدى، بۇل ەكى ەل حالقىن باقىتقا كەنەلتىپ قانا قويماي، ازيا ءوڭىرىنىڭ بەيبىت دامۋدى اناعۇرلىم ويداعىداي جۇزەگە اسىرۋىنا دا تاماشا ورتا جاراتادى. يندونەزيا جۇڭگو جاقپەن ”ءبىر بەلدەۋ، ءبىر جولدى“ ۇزدىكسىز جوعارى ساپامەن بىرگە قۇرىپ، ”بەس ۇلكەن تىرەك“ سەلبەستىك ارناسىن كەمەلدەندىرىپ، نەگىزدىك قۇرىلعى، ەنەرگيا - كەن، ءدارى - دارمەك، اۋىل شارۋاشىلىعى، تۇرعىن ءۇي، تەڭىز ءۇستىن بىرگە اشۋ، استىق حاۋىپسىزدىگى، كەدەيلىكتى ازايتۋ سياقتى جان - جاقتى، تۇتاس كاسىپ تىزبەگىندىك سەلبەستىكتى كۇشەيتۋدى قالايدى، جۇڭگو كاسىپورىندارىنىڭ يندونەزياعا بارىپ قارجى قوسۋىن قارسى الادى. يندونەزيا جۇڭگو ۇكىمەتىنىڭ تايۋان ماسەلەسىندەگى تۇرعىسىن بۇكىلدەي قولدايدى، ءبىر جۇڭگو ساياساتىن باتىل اتقارادى، جۇڭگو ۇكىمەتىنىڭ تەرريتوريا تۇتاستىعىن قورعاۋ، مەملەكەتتىڭ بىرلىككە كەلۋىن جۇزەگە اسىرۋ جولىنداعى قۇلشىنىسىن باتىل قولدايدى. شينجياڭعا ساياتىن ىستەر − بۇكىلدەي جۇڭگونىڭ ىشكى ءىسى، يندونەزيا ىشكى ىسكە كيلىكپەۋ پرينسيبىنە تاباندى بولادى، جۇڭگو جاقتىڭ شينجياڭنىڭ دامۋىن، ورنىقتىلىعىن قورعاۋ جولىندا جاساعان قۇلشىنىسىن باتىل قولدايدى. جۇڭگو جاقتىڭ پالەستينا ماسەلەسىندە ادىلدىكتى، تۋراشىلدىقتى جاقتاعاندىعىنا العىس ايتادى. يندونەزيا تاۋەلسىزدىككە، دەربەستىككە تاباندى بولادى، وداقتاسپاۋ ديپلوماتيالىق ساياساتىنا تاباندى بولادى، ءۇشىنشى جاققا باعىتتالعان ءارقانداي اسكەري وداققا نەمەسە ”شاعىن شەڭبەرگە“ كىرمەيدى، ءتوراعا شي جينپيڭ العا قويعان ءۇش ۇلكەن الەمدىك باستامانى قولدايدى، جۇڭگو جاقپەن 20 ەل توبى سياقتى كوپ جاقتى جۇلگەدە كەڭەسۋدى، ىستەستىك جاساۋدى جيىلەتىپ، جەر شارىنىڭ وڭتۇستىگىنىڭ ورتاق مۇددەسىن قورعاۋ، دۇنيە ءجۇزىنىڭ كوپ ۇيەكتەنۋىن جەبەۋ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ جولىندا بەلسەنە قۇلشىنىس جاساۋدى قالايدى.
كەڭەستەن كەيىن ەكى ەلدىڭ مەملەكەت باسشىلارى بىرگە اشۋ، كوك ءتۇستى ەكونوميكا، سۋ يگىلىگى، كەن ونىمدەرى سياقتى سالالارداعى كوپتەگەن ەكى جاقتى سەلبەستىك حۇجاتتارىنا قول قويىلۋىنا بىرگە كۋا بولدى.
ەكى جاق «جۇڭحۋا حالىق رەسپۋبليكاسى مەن يندونەزيا رەسپۋبليكاسىنىڭ جالپى بەتتىك ستراتەگيالىق سەرىكتەستىك قارىم - قاتىناستى جانە جۇڭگو − يندونەزيا تاعدىرلاس ورتاق تۇلعاسى قۇرىلىسىن ىلگەرىلەتۋ جونىندەگى بىرلەسكەن مالىمدەمەسىن» جاريالادى.
كەڭەستەن بۇرىن شي جينپيڭ حالىق سارايىنىڭ سولتۇستىك زالىندا پرابوۋونى قارسى الۋ سالتىن وتكىزدى.
تيان - انمىن الاڭىندا 21 رەت قۇرمەت ساليۋتى اتىلىپ، قۇرمەت قاراۋىلى قاتار تۇزەپ قۇرمەت ءبىلدىردى. ەكى ەلدىڭ مەملەكەت باسشىلارى كوزدەن كەشىرۋ مىنبەسىنە شىقتى، اسكەري وركەستر جۇڭگو مەن يندونەزيا ەكى ەلدىڭ مەملەكەت ءانىن ورىندادى. پرابوۋو شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى ءارى سالتانات قاتارىن تاماشالادى.
سول كۇنى كەشتە شي جينپيڭ حالىق سارايىنىڭ جينسى زالىندا پرابوۋونى قارسى الۋ قوناعاسىن وتكىزدى.
ۋاڭ ي جوعارىداعى قيمىلدارعا قاتىناستى.
