شينحۋا اگەنتتىگىنىڭ 11 - ايدىڭ 5 - كۇنى بەيجيڭنەن بەرگەن حابارى. 11 - ايدىڭ 5 - كۇنى مەملەكەت ءتوراعاسى شي جينپيڭ لالابالاۋعا تەلەگرامما جولداپ، ونىڭ فيجي رەسپۋبليكاسىنىڭ زۇڭتۇڭى بولىپ سايلانعاندىعىن قۇتتىقتادى.
شي جينپيڭ بىلاي دەپ اتاپ كورسەتتى: فيجي − جاڭا جۇڭگومەن ەڭ ەرتە ديپلوماتيالىق قارىم - قاتىناس ورناتقان تىنىق مۇحيتتاعى ارال ەلى. ديپلوماتيالىق قارىم - قاتىناس ورناتقان 49 جىلدان بەرى جۇڭگو مەن فيجي قارىم - قاتىناسى باياندى دامۋعا قول جەتكىزىپ، ەكى ەل حالقىنىڭ قۇت - ىرىسىن ارتتىردى، ءوڭىردىڭ، اۋەلى، دۇنيە ءجۇزىنىڭ بەيبىتشىلىگىن، ورنىقتىلىعىن، دامۋىن جەبەدى. مەن جۇڭگو − فيجي قارىم - قاتىناسىنىڭ دامۋىنا وسكەلەڭ ءمان بەرەمىن، سايلانعان زۇڭتۇڭ مىرزامەن بىرگە قۇلشىنىپ، ەكى ەلدىڭ جالپى بەتتىك ستراتەگيالىق، سەرىكتەستىك قارىم - قاتىناسىنىڭ ءۇرتىس اقاۋسىز، ورنىقتى دامۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.
