قۇتتىقتايمىز! شينجياڭنان 86 وقۋشى مەملەكەت دارەجەلى وقۋ سيلىق اقشاسىن الدى انار بۇلت / شينجياڭ گازەتىنىڭ حابارى 11-ايدىڭ 12-كۇنى وقۋ-اعارتۋ مينيسترلىگىنىڭ سايتى «16-كەزەكتى سۇڭ چيڭليڭ وقۋ سيلىق اقشاسىن تاراتۋ جونىندەگى قاۋلىنى» جاريالاپ، 16-كەزەكتى سۇڭ چيڭليڭ وقۋ سيلىق اقشاسىن باعالاۋ ناتيجەسىن جاريالادى، شينجياڭنان (بيڭتۋاندى قامتيدى) 86 وقۋشى سيلىققا يە بولدى. قاۋلىدا بىلاي دەلىندى: جەرگىلىكتى ءار دارەجەلى وقۋ - اعارتۋ اكىمشىلىك تاراۋلارىنىڭ تانىستىرۋىمەن سۇڭ چيڭليڭ وقۋ سيلىق اقشاسى كەڭسەسى قاتاڭ باعالاپ، وقۋ - اعارتۋ مينيسترلىگى، جۇڭگو يگىلىك قوعامى جانە جۇڭگو سۇڭ چيڭليڭ قور قوعامى ما زىمو قاتارلى 1542 وقۋشىعا 16-كەزەكتى سۇڭ چيڭليڭ وقۋ سيلىق اقشاسىن بەرۋدى، حىبەي ولكەلىك وقۋ - اعارتۋ مەڭگەرمەسى وقۋ سيلىق اقشاسى باسقارماسى قاتارلى 5 ولكە دارەجەلى وقۋ - اعارتۋ اكىمشىلىك تاراۋىنا 16 - كەزەكتى سۇڭ چيڭليڭ وقۋ سيلىق اقشاسىنىڭ تاڭداۋلى ۇيىمداستىرۋ سيلىعىن بەرۋدى ۇيعاردى. مۇنىڭ ىشىندە شينجياڭنان 86 وقۋشى 16-كەزەكتى سۇڭ چيڭليڭ وقۋ سيلىق اقشاسىن الدى، ناقتى ەسىمدىگى تومەندەگىدەي : بۇدان سىرت، ەسىمدىكتە كورسەتىلۋىنشە، شينجياڭ ۇيعۇر اۆتونوميالى رايوندىق وقۋ ـ اعارتۋ مەڭگەرمەسى نەگىزدىك وقۋ ـ اعارتۋ باسقارماسى 16 ـ كەزەكتى سۇڭ چيڭليڭ وقۋ سيلىق اقشاسىنىڭ تاڭداۋلى ۇيىمداستىرۋ سيلىعىن العان. قاۋلىدا بىلاي دەلىندى: سۇڭ چيڭليڭ وقۋ سيلىق اقشاسىن العان ساباقتاستاردىڭ داڭقتى قاستەرلەپ، ءوزى ونەگە بولىپ، داندايسۋدان، ۇشقالاقتىقتان اۋلاق بولىپ، ۇزدىكسىز العا باسۋىن ءۇمىت ەتەمىز. جەر-جەردەگى وقۋ-اعارتۋ اكىمشىلىك تاراۋلارى سيلانعانداردىڭ جاندى ىزگى ىستەرىن كۇش سالا ۇگىتتەپ، ورتا، باستاۋىش مەكتەپ وقۋشىلارىنىڭ جانىنداعى ۇلگىلەردىڭ رولىن ويداعىداي ساۋلەلەندىرۋى كەرەك. حابارعا قاراعاندا، سۇڭ چيڭليڭ وقۋ سيلىق اقشاسى 1994-جىلى تاعايىندالعان، وقۋ-اعارتۋ مينيسترلىگى، جۇڭگو يگىلىك قوعامى جانە جۇڭگو سۇڭ چيڭليڭ قور قوعامى بىرگە ۇيىمداستىرعان، ول ەلىمىزدىڭ مىندەتتى وقۋ-اعارتۋ ساتىسىنداعى ورتا، باستاۋىش مەكتەپ وقۋشىلارىنا باعىتتالعان بىردەن-ءبىر مەملەكەت دارەجەلى وقۋ سيلىق اقشاسى، مۇنداعى ماقسات سۇڭ چيڭليڭنىڭ وتانشىلدىق رۋحىن ساۋلەلەندىرىپ، ۇزدىك جاس وسپىرىمدەر ۇلگىسىن ورناتىپ، قالىڭ ورتا، باستاۋىش مەكتەپ وقۋشىلارىن ءمورال، اقىل-وي، دەنە، ەستەتيكا، ەڭبەك جاعىنان جان-جاقتى جەتىلگەن سوتسياليزم قۇرىلىسشىلارى مەن ءىزباسارلارى بولىپ جەتىلىپ، مەملەكەت بويىنشا ۇلگىلىك، جەتەكشىلىك رول ساۋلەلەندىرۋگە جەبەۋ جانە جەتەكشىلىك ەتۋ.
سۇڭ چيڭليڭ وقۋ سيلىق اقشاسى 2 جىلدا ءبىر رەت تاراتىلادى، باعالاۋ كولەمى مىندەتتى وقۋ-اعارتۋ ساتىسىنداعى باستاۋىش مەكتەپتىڭ 4-جىلدىعىنان ورتالاۋ مەكتەپتىڭ 3-جىلدىعىنا دەيىنگى وقۋشىلار. ![]()
