习近平在秘鲁媒体发表署名文章

文摘 2024-11-15 23:05 新疆

习近平在秘鲁媒体发表署名文章

让中秘友好之船扬帆远航

شي جينپيڭ پەرۋ مەدياسىندا اۆتورلى ماقالا جاريالادى

جۇڭگو − پەرۋ دوستىق كەمەسىنىڭ جەلكەن جايىپ الىسقا جەتۋىنە مۇمكىندىك جاسايىق

شينحۋا اگەنتتىگىنىڭ 11 - ايدىڭ 14 - كۇنى ليمادان بەرگەن حابارى. جەرگىلىكتى ۋاقىت 11 - ايدىڭ 14 - كۇنى ليماعا بارىپ، پەرۋدە مەملەكەتتىك ساپاردا بولۋ ءارى ازيا − تىنىق مۇحيت ەكونوميكالىق سەلبەستىك ۇيىمىنىڭ 31 - رەتكى باسشىلار بەيرەسمي ماجىلىسىنە قاتىناسۋ قارساڭىندا، مەملەكەت ءتوراعاسى شي جينپيڭ «پەرۋلىكتەر گازەتىندە» «جۇڭگو − پەرۋ دوستىق كەمەسىنىڭ جەلكەن جايىپ الىسقا جەتۋىنە مۇمكىندىك جاسايىق» دەگەن تاقىرىپتا اۆتورلى ماقالا جاريالادى. ماقالانىڭ تولىق مازمۇنى تومەندەگىدەي:

جۇڭگو − پەرۋ دوستىق كەمەسىنىڭ جەلكەن جايىپ الىسقا جەتۋىنە مۇمكىندىك جاسايىق

جۇڭحۋا حالىق رەسپۋبليكاسىنىڭ ءتوراعاسى شي جينپيڭ

وڭتۇستىك جارتى شاردىڭ جازعىتۇرىمى تىرشىلىك تىنىسى مەن ۇمىتكە تولدى. بولۋارت زۇڭتۇڭنىڭ ۇسىنىسىمەن، مەن تاياۋدا پەرۋ رەسپۋبليكاسىندا مەملەكەتتىك ساپاردا بولامىن ءارى ازيا − تىنىق مۇحيت ەكونوميكالىق سەلبەستىك ۇيىمىنىڭ 31 - رەتكى باسشىلار بەيرەسمي ماجىلىسىنە قاتىناسامىن.

بۇل مەنىڭ جۇڭحۋا حالىق رەسپۋبليكاسىنىڭ ءتوراعاسى بولعاننان كەيىن، جۇڭگونىڭ تىنىق مۇحيتتىڭ ارعى جاعالاۋىنداعى وسى ”كورشىسى“ پەرۋدە ەكىنشى رەت ساپاردا بولۋىم. بۇل ارا كارال، چاۋىن، چيمۋ، ينكا سياقتى بايىرعى وركەنيەتتەردى جەتىلدىرگەن، بۇل ارانىڭ حالقى ىقىلاستى تۇردە جۇڭگولىقتاردى ”اۋىلداس“ دەپ اتايدى، بۇل جەردىڭ پارلامەنتى قاۋلى ماقۇلداپ، ءار جىلعى 2 - ايدىڭ 1 - كۇنىن ”پەرۋ − جۇڭگو دوستىق كۇنى“ ەتىپ تۇراقتاندىردى، بۇل ارانىڭ جۇڭگوشا اسحانالارى ”چىفان“ دەپ اتالادى. ءار رەت پەرۋگە كەلگەنىمدە، مەن پەرۋ حالقىنىڭ جۇڭگو حالقى جونىندەگى دوستىق سۇيىسپەنشىلىگىن تەرەڭ سەزىنەمىن.

بۇل سۇيىسپەنشىلىك بايىرعى وركەنيەتتىڭ پاراساتىنا تامىر تارتقان. جۇڭحۋا وركەنيەتى −− دۇنيە جۇزىندەگى بىردەن - ءبىر ءۇزىلىس جاساماي 5000 جىلدان استام ۋاقىت جالعاسقان وركەنيەت، كارال وركەنيەتىن ۋاكىل ەتكەن تەڭىز - مۇحيت وركەنيەتى جانە ينكا وركەنيەتىن ۋاكىل ەتكەن قۇرلىق وركەنيەتى پەرۋ وركەنيەتىنىڭ تاريحى ۇزاق جانە باي مازمۇندى، كوپ نەگىزدى ەكەندىگىن ايگىلەدى. جۇڭگونىڭ، شەتەلدىڭ ارحەولوگيا سالاسىنداعىلار جۇڭحۋا وركەنيەتى مەن امەريكا قۇرلىعى وركەنيەتىن، ءىس جۇزىندە، ءبىر اتا ۇرپاقتارى تۇرلىشە داۋىردە، تۇرلىشە ورىندا جاراتقان دەپ قارايدى. وركەنيەت پاراساتى ءبىزدىڭ ۇستانىمىمىزدىڭ قارايلاس بولۋىنا، جۇرەكتەرىمىزدىڭ توعىسۋىنا مۇمكىندىك جاسادى. جۇڭگولىقتار ەجەلدەن ”ەڭ ۇلكەن ادالدىقتى جول، ەڭ كىرشىكسىز مەيىرىمدىلىكتى ءمورال ەتۋدى“ دارىپتەپ كەلەدى، ينكالىقتار ”ۇرلىق ىستەمەۋدى، وتىرىك ايتپاۋدى، بويكۇيەزدىككە سالىنباۋدى“ دارىپتەيدى. پەرۋ ويشىلى مارياتەگۇي ىلگەرى ”رۋحانيات جانە ماتەريالدىق جاقتا جۇڭگو بىزگە ەۆروپادان دا جاقىن. حالقىمىزدىڭ پسيحيكاسى باتىستىقتارعا ەمەس، قايتا ازيالىقتارعا كوبىرەك ۇقسايدى“ دەگەن بولاتىن. بۇل حۋارىن كوشپەندىلەرىنىڭ 175 جىلدان بەرى پەرۋ حالقىمەن تامىرلاسىپ، ايرىلماستاي بولۋداعى ”وركەنيەت شيفرى“ سانالادى. تاياۋدا ەكى ەلدىڭ راديو - تەلەۆيزيا تاراۋلارى پەرۋدە «ۇلى قورعاننان ماچيۋبيچيۋعا دەيىن» اتتى حۇجاتتى فيلمنىڭ العاشقى قويىلىم سالتىن وتكىزىپ، «سانتي» سياقتى جۇڭگونىڭ تاڭداۋلى كينو - تەلەۆيزيا تۋىندىلارىن كورسەتەدى، مۇنىڭ الداعى جەردە پەرۋدەگى دوستاردىڭ جۇڭگونى اناعۇرلىم تەرەڭ تۇسىنۋىنە كومەگىن تيگىزەتىندىگىنە سەنەمىن.

بۇل دوستىق سۇيىسپەنشىلىك ءبىرىن - ءبىرى نۇرلاندىرعان تاريحتان جالعاسقان. ءبىرتالاي ادام ماعان جۇڭگو − پەرۋ ەكى ەل حالقى ءبىرىن - ءبىرى كورگەندە ”باۋىرمال“ سەزىنەدى، ءبىر - ءبىرىنىڭ مادەني ەسكەرتكىشتەرىن كورگەندە ”تانىس سياقتى“ سەزىنەدى دەگەن ەدى. مىسالى، پەرۋدەن قازىپ الىنعان ينكالىقتاردىڭ التىن بۇركەنىشى مەن جۇڭگونىڭ سانشيڭدۇي التىن بۇركەنىشى ءبىر قالىپتان شىققانداي. ماچيۋبيچيۋ بايىرعى قالاسىنىڭ تاساتتىق تۇعىرىندا ”كۇندى بايلايتىن تاس“ بار، ينكالىقتار كولەڭكە وزگەرىسى ارقىلى ماۋسىمدى تۇراقتاندىرىپ، كالەندار جاسادى، بۇل جۇڭگونىڭ ەرتە زامانعى كۇن ساعاتىمەن ءتاسىلى جاعىنان ۇقساماسا دا ناتيجەسى جاعىنان ۇقساس. جۇڭگونىڭ بايىرعى سىچۋان ارعى زامان ادامدارى قانات قاعىپ سامعاعان كۇن سامۇرىعى ارقىلى كۇنگە جانە كۇن اۋليەسىنە سيىناتىندىعىن بەينەلەگەن، بۇل ينكا وركەنيەتىمەن بۇكىلدەي ۇقسايدى، بارلىعى نۇرعا دەگەن تالپىنىستارىن ايگىلەگەن. بىلتىر جىل باسىنان بەرى، ”قالايشا وركەنيەت“ اتىنداعى الەمدىك ارالاتا كورمەلەۋ پەرۋدە اشىلدى، ”ينكا اسپان جولى“ انديس مادەنيەت كورمەسى، ”ينكالىقتار جانە يمپەريانىڭ تورتكىل جەرى“ سياقتى كورمەلەر جۇڭگودا اشىلىپ، ەكى ەل بۇقاراسىنىڭ قىزۋ قارسى الۋىنا بولەندى. تاياۋدا ەكى جاق پەرۋدە ”كۇن نۇرى: بايىرعى سىچۋان وركەنيەتى مەن ينكا وركەنيەتىنىڭ ءوزارا ۇلگى الۋ كورمەسىن“ وتكىزەدى، كوپشىلىكتىڭ كەلىپ تاماشالاۋىن قارسى الامىز، اناعۇرلىم كوپ جۇڭگو − پەرۋ وركەنيەتىنىڭ ءبىر - بىرىنە شۇعىلا شاشاتىن ورىندارىن، ءسوزسىز، تاباتىندىعىمىزعا سەنەمىن.

بۇل دوستىق سۇيىسپەنشىلىك ءوزارا پايدا جەتكىزىپ، تەڭ يگىلىككە كەنەلۋ سەلبەستىگى بارىسىندا تەرەڭدەگەن. پەرۋ جاڭا جۇڭگومەن ەڭ ەرتە قارىم - قاتىناس ورناتقان لاتىن امەريكاسى ەلدەرىنىڭ ءبىرى. جارتى عاسىردان استام ۋاقىتتان بەرى، جۇڭگو − پەرۋ قارىم - قاتىناسى باستان - اياق نىق قاداممەن العا ىلگەرىلەدى، اسىرەسە، 2013 - جىلى جالپى بەتتىك ستراتەگيالىق سەرىكتەستىك قارىم - قاتىناس ورناتقاننان بەرى، ەكى جاقتى قارىم - قاتىناس ۇزدىكسىز تەرەڭدەپ، ناقتى ىستەر سەلبەستىگىنىڭ جەتىستىگى سۇبەلى بولىپ، ەكى ەل حالقىنا تيىمدىلىك جەتكىزدى. جاڭا تيپتى ايدارشا ۆيرۋس ىندەتى كەزىندە جۇڭگو پەرۋگە ەمدەۋ ماماندارى گرۋپپاسىن جىبەرىپ، شاماسىنىڭ جەتىسىنشە پەرۋدى ۆاكسينامەن جانە ىندەتكە قارسى زاتتىق ماتەريالدارمەن قامداپ، جۇڭگونىڭ شەشۋشى ساتتە پەرۋدىڭ سەنىم ارتۋعا تاتيتىن دوسى ەكەندىگىن ءىس جۇزىندىك ارەكەتىمەن دالەلدەدى. پەرۋ جۇڭگومەن ءبىر قىدىرۋ ەركىن ساۋدا كەلىسىمىن جاساسقان لاتىن امەريكاسىنداعى تۇڭعىش مەملەكەت، ”ءبىر بەلدەۋ، ءبىر جولدى“ بىرگە قۇرۋ باستاماسىنا ەڭ ەرتە قوسىلعان لاتىن امەريكاسى ەلدەرىنىڭ ءبىرى. جۇڭگو ءۇرتىس 10 جىل پەرۋدىڭ ەڭ ۇلكەن ساۋدا سەرىگىنە جانە ەڭ ۇلكەن ەكسپورت بازارى بولدى، بىلتىر پەرۋدىڭ جۇڭگوعا ەكسپورت سوماسى پەرۋدىڭ ەكسپورت جالپى سوماسىنىڭ ％36ىن يەلەدى. جۇڭگو قارجىلاندىرعان كاسىپورىنداردىڭ پەرۋدەگى قارجىسىنىڭ ساقتالۋ مولشەرى شامامەن 30 ميلليارد امەريكا دوللارى بولدى. جۇڭگو قارجىلاندىرعان كاسىپورىن قارجى قوسقان لاس بامباس مىس كەنى نىسانىنىڭ ءونىم قۇنى پەرۋدىڭ ىشكى ءوندىرىس جالپى قۇنىنىڭ شامامەن ％1ىن يەلەپ، 10 مىڭنان استام جۇمىس ورنىن ازىرلەدى. جۇڭگو قارجىلاندىرعان كاسىپورىن مىندەتىنە العان تۇمبەس ۇلكەن رايونى گاريدو شيپاحاناسى 100 مىڭنان استام تۇرعىنعا تيىمدىلىك جاسادى، ليما 3 ۇلكەن سۋ يگىلىگى نىسانى سالىنىپ بولعاننان كەيىن، 400 مىڭنان استام پەرۋ حالقىنىڭ تازا سۋدان پايدالانۋ ماسەلەسىن شەشەتىن بولادى.

جۇڭگو ناقىلدارىندا: ”مەملەكەتتى باسقارۋدىڭ وزگەرمەس زاڭ - قاعيداسى بولادى، ال حالىققا پايدا جەتكىزۋ سونىڭ نەگىزى سانالادى“ دەلىنەدى، پەرۋ ماقال - ماتەلدەرىندە: ”حالىقتىڭ ءۇنى ءتاڭىردىڭ ءۇنى“ دەلىنەدى. حالىقتى اناعۇرلىم تاماشا تۇرمىسقا كەنەلتۋ −− ءبىز ەكى ەلگە ورتاق تالپىنىس. ءبىز جۇڭگو مەن پەرۋدىڭ ءداستۇرلى دوستىعىن اسقاقتاتىپ، ءتۇرلى سالالارداعى ءوزارا پايدا جەتكىزۋ سەلبەستىگىن كەڭەيتىپ، تەرەڭدەتىپ، وعان جاڭا داۋىرلىك ءمان ۇستەۋىمىز كەرەك. بيىل 7 - ايدا جۇڭگو كوممۋنيستىك پارتياسى 20 - كەزەكتى ورتالىق كوميتەتى ءۇشىنشى جالپى ءماجىلىسى ءساتتى اشىلىپ، رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندە جۇيەلى ورنالاستىرۋ جاسالدى، بۇل پەرۋدى قامىتعان دۇنيە جۇزىندەگى ءار ەلگە جاڭا وراي ازىرلەدى، جۇڭگو مەن پەرۋدىڭ ءوزارا پايدا جەتكىزۋ سەلبەستىگىنە جاڭا جارقىن بولاشاق اشتى.

بۇل رەتكى ساپارىم كەزىندە مەن بولۋارت زۇڭتۇڭمەن بەينەەكران تاسىلىندە چيانكاي پورتىنىڭ ىسكە قوسىلۋ سالتىنا بىرگە قاتىناسامىن. چيانكاي پورتى −− جۇڭگو مەن پەرۋدىڭ ”ءبىر بەلدەۋ، ءبىر جولدى“ بىرگە قۇرۋداعى ماڭىزدى نىسانى، سونداي - اق وڭتۇستىك امەريكاداعى تۇڭعىش زەردەلى كەمەجاي. چيانكاي پورتىنىڭ 1 - مەرزىمدىك ينجەنەرياسى پەرۋدەن جۇڭگوعا باراتىن تەڭىز تاسىمالى ۋاقىتىن 23 كۇنگە قىسقارتىپ، زات اينالىمى وزىندىك قۇنىن ％20تەن استام ۇنەمدەيدى، ءار جىلى پەرۋگە 4 ميلليارد 500 ميلليون امەريكا دوللارىندىق كىرىس كىرگىزىپ، 8000نان استام تىكە جۇمىستانۋ ورنىن جاراتادى. چيانكاي پورتىنىڭ قۇرىلۋى پەرۋدىڭ تەڭىز بويىنان ىشكى قۇرلىققا دەيىن، پەرۋدەن لاتىن امەريكاسىنداعى جانە كارايبتاعى وزگە ەلدەرگە دەيىن ستەرەولدى، كوپ نەگىزدى، جوعارى ءونىمدى ۇلاستىرۋ، تۇتاستىرۋ ارناسىن قالىپتاستىرۋىنا، چيانكاي پورتىن باستاما ەتكەن ”جاڭا داۋىردەگى ينكا بايىرعى جولىن“ تۇلعالاۋىنا، لاتىن امەريكاسى جانە كارايب ءوڭىرىنىڭ تۇتاس تۇلعالىق دامۋى مەن ءبىر تۇلعالاندىرۋ قۇرىلىسىنا دەم بەرۋگە سەپتىگىن تيگىزەدى. كەمەجاي نىسان ءبولىمى تاعى حايۋاناتتاردى قۇتقارۋ - كومەكتەسۋ پۋنكتىن قۇرىپ، بالپاناق، تۇلەن، قۇس تۇرلەرىن قۇتقارۋ - كومەكتەسۋ قوعامدىق جاۋاپكەرشىلىگىن ىرىقتىلىقپەن ارقالاپ، سازدىقتاردىڭ، تەڭىز قايراڭدارىنىڭ، ورگانيزمدەر مەكەندەيتىن جەرلەردىڭ قورشاعان ورتا جاعدايىن جاقسارتتى. ءبىز چيانكاي پورتىن بىرگە ويداعىداي قۇرىپ، ويداعىداي باسقارىپ، ”چيانكايدان شاڭحايعا دەيىندى“ جۇڭگو مەن پەرۋدىڭ جانە جۇڭگو مەن لاتىن امەريكاسىنىڭ ورتاق دامۋىن جەبەيتىن شىن مانىندەگى گۇلدەنىپ - كوركەيۋ جولىنا اينالدىرۋىمىز كەرەك. جۇڭگو جاق تا پەرۋدە ”شاعىن دا كوركەم“ حالىق تۇرمىسى سەلبەستىك نىسانىن ۇزدىكسىز اتقارىپ، لۋبان شەبەرحاناسىن، جۇڭگو تىلىندەگى شەبەرحانا اشۋدى ىلگەرىلەتىپ، ەكى ەلدىڭ كاسىپتىك وقۋ - اعارتۋ سەلبەستىگىن كۇشەيتىپ، جۇڭگو قارجىلاندىرعان كاسىپورىنداردى جەرگىلىكتى ورىنعا اناعۇرلىم كوپ جۇمىستانۋ ورنىن جاراتىپ، قوعامدىق جاۋاپكەرشىلىگىن ويداعىداي وتەۋگە ىنتالاندىرىپ، ”اۋىلداستاردىڭ“ دوستىق سۇيىسپەنشىلىگىنىڭ اناعۇرلىم شىنايى، اسەرلى بولۋىنا مۇمكىندىك جاساۋدى قالايدى.

ءبىز وركەنيەتتەر ءوزارا ۇلگى الۋ سىندى ءداۋىر جاۋاپكەرشىلىگىن ارقالاپ، مادەنيەت، كوركەمونەر، وقۋ - اعارتۋ، عىلمي زەرتتەۋ، ساياحات، جاستار، مادەنيەت مۇرالارىن قورعاۋ، ارحەولوگيا سياقتى سالالارداعى اۋىس - كۇيىستى، سەلبەستىكتى كۇشەيتىپ، اناعۇرلىم كوپ شارا قولدانىپ، ەكى ەل ادامدارىنىڭ بارىس - كەلىسىنە قولايلىلىق جاساپ، ەكى جاقتى قارىم - قاتىناستى دامىتۋدىڭ قوعامدىق حالىق رايى نەگىزىن ونان ارى بەكەمدەۋىمىز كەرەك. ەكى ەلدىڭ وركەنيەتتى بايىرعى ەلدەر تالقى مىنبەرى مەحانيزمىندەگى سەلبەستىكتى جيىلەتىپ، الەمدىك وركەنيەتتەر تىلدەسۋ سەلبەستىگى تورىن قۇرۋدى تالقىلاپ، ءار ەلدىڭ وركەنيەت اۋىس - كۇيىسىن، ءوزارا ۇلگى الۋىن قولداپ، دۇنيە جۇزىندەگى تۇرلىشە وركەنيەتتەردىڭ بەينە جۇڭگونىڭ جيۋجايگوۋىنداعى ۋساي كولى مەن پەرۋدىڭ ماراسىنداعى ساتىلى اتىز سياقتى رەڭى سان ءتۇستى، فورماسى الۋان ءتۇرلى بولعانىمەن، ءبىرىن - ءبىرى نۇرلاندىرىپ، بىرىنە - ءبىرى ساي كەلىپ، ادامزات وركەنيەتىنىڭ العا باسۋىنا اناعۇرلىم زور ۇلەس قوسۋىنا مۇمكىندىك جاساۋىمىز كەرەك.

2008 - جىلى، 2016 - جىلى ازيا − تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ءماجىلىسىن 2 رەت تابىستى وتكىزگەننەن كەيىن، پەرۋ وسى ءبىر ماڭىزدى ءماجىلىستى 3 - رەت ۇيىمداستىرىپ وتكىزگەلى وتىر. 3 رەتكى ءماجىلىستىڭ نەگىزگى تاقىرىبى ”ازيا − تىنىق مۇحيت ءوڭىرىنىڭ دامۋ جاڭا ۋادەسىنەن“ ”جوعارى ساپالى ارتۋ جانە ادامزاتتىڭ دامۋىنا“، ونان بيىلعى ”قۋات ۇستەۋگە، سيىسىمدى بولۋعا، ارتۋعا“ دەيىن، پەرۋ جاقتىڭ اشىق ازيا − تىنىق مۇحيت ەكونوميكاسىن قۇرۋدى، دۇنيە ءجۇزىنىڭ ەكونوميكالىق ارتۋىن جەبەۋدى ىلگەرىلەتۋدەگى بەرىك بەكىمىن تولىق ايگىلەپ، اشىق، سيىسىمدى، سەلبەسىپ تەڭ يگىلىككە كەنەلۋ سىندى ”ليما ءۇنىن“ پارمەندى اسقاقتاتتى. جۇڭگو جاق پەرۋ جاقتىڭ ءماجىلىس وتكىزۋىن تاباندىلىقپەن قولدايدى، پەرۋ جاقپەن تىعىز سەلبەسىپ، ءماجىلىستىڭ بەلسەندى جەتىستىككە قول جەتكىزۋىن ىلگەرىلەتىپ، ازيا − تىنىق مۇحيت سەلبەستىگىندە جاڭا ”ليما ءىزىن“ قالدىرىپ، ازيا − تىنىق مۇحيت ءوڭىرى تاعدىرلاس ورتاق تۇلعاسىن قۇرۋدى ىلگەرىلەتۋگە تىڭ ۇلەس قوسۋدى قالايدى.

كەزەكتە دۇنيە جۇزىندە 100 جىلدىق وزگەرىس جاعدايى جەدەل قۇبىلۋدا، ادامزات قوعامى تاعى دا تاريحتىڭ جول ايىرىعىنا كەلدى. پەرۋ نازكا وركەنيەتىنىڭ الىپ جەر بەتى سۋرەتى ونىڭ ىشىندە تۇرعانداردى اداستىرادى، تەك بيىكتە تۇرىپ كوز جىبەرگەندەر عانا ونىڭ جالپى بەينەسىن كورە الادى. جۇڭگودا ”بيىكتە تۇرساڭ، كوشپەلى بۇلتتىڭ كوزىڭدى توسۋىنان قورىقپايسىڭ“ دەگەن بەينەلەۋ بار. جۇڭگو جاق پەرۋ جاقپەن بىرگە بيىكتە تۇرىپ الىسقا كوز جىبەرۋگە تاباندى بولىپ، تاريحتىڭ ۇزاق پەريودىنان دۇنيە ءجۇزىنىڭ ۇلكەن اۋقىمىن مەڭگەرىپ، ناعىز كوپ جاقتىلىقتى امالياتتا ايگىلەپ، تەپە - تەڭ، ءتارتىپتى دۇنيە ءجۇزىنىڭ كوپ ۇيەكتەنۋىن، جالپىعا بىردەي، سيىسىمدى ەكونوميكانىڭ جاھاندانۋىن ىلگەرىلەتىپ، الەمدىك دامۋ باستاماسىن، الەمدىك حاۋىپسىزدىك باستاماسىن، الەمدىك وركەنيەت باستاماسىن بىرگە ويداعىداي تياناقتاندىرىپ، ادامزاتتىڭ تاعدىرلاس ورتاق تۇلعاسىن قول ۇستاسا قۇرۋدى قالايدى.

لاتىن امەريكاسىنداعى دوستار ۇنەمى: ”باتىلدىق ەتپەگەندەر ماڭگى تاۋعا دا شىعا المايدى، تەڭىزدەن دە وتە المايدى“ دەيدى. جاڭا تاريحي باستامادا تۇرىپ، جۇڭگو جاق پەرۋدەگى دوستارمەن بىرگە نيەتتەس، باعدارلاس بولىپ، تاۋ، تەڭىزدەن ءوتىپ، جۇڭگو مەن پەرۋدىڭ دوستىق كەمەسىن جۇرگىزىپ اناعۇرلىم كوركەم بولاشاققا اتتانۋدى قالايدى!

来源：新疆日报

编辑：热依扎·卡玛力别克

责编：库娜依·胡阿泰

监制：叶尔兰·努哈

http://mp.weixin.qq.com/s?__biz=MzkyMjU5NTkxMg==&mid=2247503830&idx=1&sn=1364289eaaba3fa785a5c319e9b477de

新疆日报哈萨克文

شينجياڭ گازەتشىلىك مەديا توبى: ەڭ ماڭىزدى، ەڭ قاجەتتى جاڭالىقتار وسىندا.