ۇلى شەشەسىمەن وتباسى كەلىسىمىن جاساسىپ: ”كارىلىك مەڭدەتىپ، اۋىرىپ-سىرقاساڭ مەنىمەن قاتىسى جوق“،-دەيدى. شەشەسى كوز جۇمعاننان كەيىن، ۇلى شەشەسىنەن قالعان مۇراعا مۇراگەرلىك ەتۋىنە بولا ما؟ تاياۋدا حۋنان ولكەسى شياڭتان اۋداندىق حالىق سوتى مەكەمەسى زاڭدا بەلگىلەنگەن مۇراگەرلىك داۋ-شارى دەلوسىن قاراپ، سوڭىندا جۋ-ىردىڭ مۇرا الۋ تۋرالى ارىز-شاعىم تالابىن تويتارۋ جونىندە ۇكىم شىعاردى.
جۋدا مەن جۋ-ىر ۋاڭ xتىڭ ۇلدارى. 2018-جىلدان بۇرىن ۋاڭ xتى جۋدا مەن جۋ-ىر كەزەكتەسىپ باعىپ قارايلاساتىن. 2018-جىلى 2-ايدا جۋ-ىر مەن ۋاڭ x سوزگە كەلىسىپ رەنجىسىپ قالادى، سول كۇنى جۋ-ىردىڭ ايەلى جۋ-ىردىڭ اتىنان وتباسى كەلىسىمىن جازادى، كەلىسىمدە بىلاي دەلىنگەن: ۋاڭ xتىڭ تىلەگىنە ساي، جۋ-ىر 20 مىڭ يۋاندى قايتارىپ بەردى، بۇدان كەيىن اۋىرىپ-سىرقاپ توسەك تارتىپ جاتىپ قالسا، جۋ-ىر وتباسىمەن ەشقانداي قاتىسى جوق. جۋدا مەن جۋ-ىر كەلىسىمگە قول قويادى. جۋدا سول كۇنى ۋاڭ xتى ۇيىنە الىپ قايتىپ باعىپ كۇتەدى، وسىدان كەيىن ۋاڭ x ءار رەت ناۋقاستانىپ قالىپ ەمدەلگەن كەزدەرىندە جۋدا كۇتىمگە الىپ قارايلاسۋمەن بىرگە، ەمدەۋ قاراجاتىن دا تولەيدى. 2024-جىلى 2-ايدا ۋاڭ x اۋرۋ سەبەبىنەن قايتىس بولىپ، ارتقى ىستەرىن تۇگەلدەي جۋدا بىتىرەدى. ۋاڭ x كوزى تىرىسىندە وسيەت قالدىرماعان، سونداي-اق باسقالارمەن مۇرا قالدىرۋ، باعىپ-قاعۋ كەلىسىمىن دە جاساسپاعان. ۋاڭ x قايتىس بولعاننان كەيىن، جۋ-ىر زاڭدا بەلگىلەنگەن مۇراگەرلىك داۋ-شارىن سىلتاۋ ەتىپ، جۋدادان 120 مىڭ يۋان مۇرانى ءبولىپ بەرۋدى تالاپ ەتەدى.
جۋ-ىر مىنانى ورتاعا قويدى: 2012-جىلدان باستاپ قىستاق گرۋپپاسى وزدەرى تۇرعان قىستاقتاعى كوللەكتيۆ جەردى ىلگەرىندى-كەيىندى 4 رەت جيىپ العان. مۇنىڭ ىشىندە 2018-جىلدان بۇرىن ۋاڭ xكە جيىنى 32 مىڭ 86 يۋان جەر الۋ قاراجاتى تيگەن، مۇنى جۋ-ىر العان؛ الايدا 2018-جىلدان كەيىن ۋاڭ xكە 193 مىڭ 991 يۋان جەر الۋ قاراجاتى تيگەن، مۇنى جۋدا العان. ۋاڭ x قايتىس بولعاننان كەيىن، شياڭتان اۋداندىق قوعامدىق قامسىزداندىرۋ قىزمەت وتەۋ ورتالىعى جەرلەۋ قوسىمشا قاراجاتى، قامقورلىق قاراجاتى، جەكەنىڭ ەسەپشوتىنا مۇراگەرلىك ەتۋ سوماسى سياقتىلارعا جيىنى 57 مىڭ 580.55 يۋان بەرگەن.
جۋدا بىلاي دەپ اقتالدى: 2018-جىلى جۋ-ىر تولەگەن 20 مىڭ يۋاندى ەسەپكە الماعاندا، وسىدان كەيىنگى 6 جىلدا جۋ-ىر تۇرمىس قاراجاتى، بالنيتساعا جاتۋ جانە ءدارى-دارمەك قاراجاتى، جەرلەۋ قاراجاتى سياقتى باسقا ەشقانداي باعىپ-قاعۋ قاراجاتىن تولەمەدى، ءتىپتى، شەشەمنىڭ تۇرمىسىنا دا قارايلاسپادى. بۇدان سىرت، مەن شەشەمنىڭ زەينەت قامسىزداندىرۋ قاراجاتىن تاپسىردىم، مەنىڭ شەشەمدى باعىپ-كۇتۋ، قارايلاسۋ، سونداي-اق جەرلەۋگە جۇمساعان قاراجاتىم جەر الۋ جانە جەرلەۋ قاراجاتى سياقتىلاردان الدەقايدا اسىپ كەتتى.
سوت مەكەمەسى تەكسەرۋ ارقىلى بىلاي دەپ قارادى: جۋ-ىردىڭ بولىسكە سالۋدى تالاپ ەتكەن مال-مۇلكى ەكى بولىمگە بولىنەدى، ءبىر ءبولىمى، 2018-جىلى 2-ايدا جۋ-ىردىڭ ۋاڭ Xكە بەرگەن 20 مىڭ يۋانى جانە ۋاڭ xتىڭ 2018-جىلدان كەيىن العان جەر الۋ تولەم اقشاسى. وسى ءبىر ءبولىم مال-مۇلىك جونىندە جۋدا ۋاڭ xتىڭ اۋىرىپ-سىرقاعان كەزىندەگى ەمدەلۋى سياقتى ىستەرىنە جۇمسالعان قاراجاتى نورمادان اسىپ كەتكەنىن ايتقان، ونىڭ ۇستىنە جۋ-ىردىڭ وسى قاراجاتتاردان اقشا اسىپ قالعان-قالماعانىن دالەلدەيتىن ىسپاتى جوق، سوندىقتان جۋ-ىردىڭ وسى ءبىر ءبولىم مال-مۇلىككە مۇراگەرلىك ەتۋدى دارىپتەۋىنىڭ قيسىنى جوق، سوت مەكەمەسى مۇنى قولدامايدى. ەندى ءبىر ءبولىمى، شياڭتان اۋداندىق قوعامدىق قامسىزداندىرۋ قىزمەت وتەۋ ورتالىعى تاراتقان 57 مىڭ 580.55 يۋان، وسى ءبىر ءبولىم قازىناداعى جەرلەۋ كومەك قاراجاتىن جۋدا ۋاڭ xتىڭ جەرلەۋ سياقتى ارتقى ىستەرىن بىتىرۋگە جۇمساعان، سوندىقتان جەرلەۋ كومەك قاراجاتى جۋدانىڭ مەنشىگىنە تاۋەلدى اقشا. ال قامقورلىق قاراجاتى مۇراعا جاتپايدى، بۇل ۋاڭ xتىڭ جاقىن تۋىس-تۋعاندارىنىڭ ورتاق مال-مۇلكى بولىپ سانالادى، داۋگەردىڭ تالابىنا ساي، سوتتاسۋ بارىسىنداعى ءار ءتۇرلى اۋىرتپالىقتى ازايتۋ ءۇشىن، وسى دەلودا بولۋگە بولادى. سوندىقتان بۇل دەلودا ۋاڭ xتىڭ جەكەلىك ەسەپشوتىنداعى 12 مىڭ 436.55 يۋان اقشا مۇراگەرلىك ەتۋگە بولاتىن مۇراعا جاتادى، ال 36 مىڭ 936 يۋان قامقورلىق قاراجاتى بولۋگە بولاتىن مال-مۇلىككە جاتادى. قامقورلىق قاراجاتى دەگەنىمىز مەملەكەتتىڭ قاتىستى بەلگىلەمەلەرگە ساي، مۇگەدەك نەمەسە قايتىس بولعان ادامنىڭ وتباسىنداعىلارعا بەرگەن رۋحاني جانە زاتتىق جاقتاعى جۇباتۋ قاراجاتى بولىپ، قايتىس بولعان ادامنىڭ جاقىن تۋىس-تۋعاندارىنا رۋحاني جانە زاتتىق جاقتان بىردەي بەرىلەتىن تولەم قۇنىنا يە، تۋىستىق قاتىناسى جانە ءوزارا قارايلاسۋ دارەجەسى دۇنيەدەن وتكەن ادامنىڭ قايتىس بولۋىنىڭ تۋىس-تۋعاندارىنا رۋحاني جاقتان تۋدىرعان ىقپالىن بەلگىلەيدى. ەلىمىزدە قازىرگە دەيىن قامقورلىق قاراجاتىن بولىسكە سالۋ جونىندە ءالى ناقتىلى بەلگىلەمەلەر جوق، مۇراعا مۇراگەرلىك ەتۋ بويىنشا ءبىر جاقتى ەتۋگە بولادى. اكە-شەشەسىن باعىپ-كۇتۋ — باعىپ-كۇتۋ قاراجاتىن بەرۋدى، اكە-شەشەسىنىڭ تۇرمىسىنا قارايلاسۋدى، اكە-شەشەسىنە بارىپ كوڭىل ءبولىپ تۇرۋدى قامتيدى. جۋ-ىر 2018-جىلى 2-ايدا قول قويعان وتباسى كەلىسىمىندە ۋاڭ Xتىڭ اۋىرىپ-سىرقاۋ ىستەرىن ەندىگارى ارقالامايتىندىعىن اشىق بىلدىرگەن، ءىس جۇزىندە، جۋ-ىر سول ساتتەن باستاپ ۋاڭ Xكە زاڭدا بەلگىلەنگەن باعىپ-كۇتۋ بورىشىن وتەمەگەن، ونىڭ باعىپ-كۇتۋگە شاماسى كەلسە دە، ءبىراق باعىپ-كۇتۋ بورىشىن وتەمەگەندىك بولىپ تابىلادى، بۇل ەلىمىزدىڭ قوعامدىق الەۋمەتتىك تارتىبىنە جانە قارتتاردى قۇرمەتتەپ، بالالاردى ايالاۋ، اتا-اناسىنا وپالى بولۋ ءداستۇرلى تاماشا ءمورالىنا اۋىر دارەجەدە قايشى كەلگەن، «جۇڭحۋا حالىق رەسپۋبليكاسى ازاماتتىق زاڭناماسىنداعى» مۇراگەرلەرگە ميراس بولمەۋگە قاتىستى جاعدايعا ۇيلەسەدى. سوندىقتان جۋ-ىردىڭ 12 مىڭ 436.55 يۋان ۇلەسكە مۇراگەر بولۋ جانە 36 مىڭ 936 يۋان قامقورلىق قاراجاتىن بولىسكە سالۋ تۋرالى تالابىن سوت مەكەمەسى قولدامايدى.
جوعارىداعىلاردى جيناقتاي كەلە سوت مەكەمەسى جوعارىداعى ۇكىمدى شىعاردى.
جۋ-ىر بۇعان مويىنسال بولماي، جوعارعى سوتقا ارىز بەرەدى. شياڭتان قالالىق ورتا دارەجەلى حالىق سوتى مەكەمەسى بۇرىنعى ۇكىمدى ساقتادى.
سۋديانىڭ ايتارى:
«جۇڭحۋا حالىق رەسپۋبليكاسىنىڭ ازاماتتىق زاڭناماسىنىڭ» 26-تارماعىندا بىلاي دەلىنگەن: اكە-شەشە كامەلەتكە تولماعان بالالارىن باعىپ-قاعۋعا، تاربيەلەۋگە جانە قورعاۋعا بورىشتى. 1130-تارماعىندا باعىپ-اسىراۋعا شاماسى كەلەتىن جانە باعىپ-اسىراۋعا شارت-جاعدايى كەلەتىن مۇراگەر باعىپ-اسىراۋ بورىشىن وتەمەسە، مۇرانى بولگەن كەزدە، بولمەۋ نەمەسە ازىراق ءبولۋ كەرەك. مۇراگەر زاڭ بويىنشا مۇراگەرلىك ۇقىعىنان يگىلىكتەنۋمەن بىرگە، باعىپ-كۇتۋ بورىشىن بەلسەنە وتەپ، قوعامدىق ءمورال ولشەمىن امالياتتا ايگىلەۋى كەرەك.
来源：新疆法治报
编辑：阿莱·赫亚克巴依
责编：叶克奋·沙布尔
监制：叶尔兰·努哈
