ەستەمەلەر ەسكىرەدى، سۇيىسپەنشىلىكتەر سەتىنەيدى، ءبىراق جانىڭدى جەگىدەي جەگەن قايعى-قاسىرەت وڭايلىقشا ۇمىتىلا قويمايدى.
ءبىر ءتۇرلى تاماشا كۇتىنۋ ءتاسىلى بار، ول بولسا، مەرزىم بەلگىلەپ ءوزىڭنىڭ كوڭىل كۇيىڭدەگى ”ۋىتتى ايداۋدى“ ۇيرەنۋ ەكەن.
بۇرىنعىلار: ”اشۋعا الدىرما، قۋانىشقا بەرىلمە“،-دەگەن ەكەن.
تۇرمىس كەشىرۋ بارىسىندا، كەي ساتتەرى ءبىز كوڭىل كۇيىمىزدىڭ ىقپالىنا ۇشىرايمىز، تۇرمىستاعى كوپتەگەن كەلەڭسىزدىكتەرمەن بەتپە-بەت كەلەمىز، ەرىكسىزدەن تورىعىپ، قايعىرامىز، رەنجىپ، قاپالانامىز. مۇنداي جاعىمسىز كوڭىل كۇي اسەرىن ىلعي دا ىشكە جاسىرىپ، كوڭىل تۇكپىرىمىزگە جيناي بەرەمىز. ءبىراق ادام ءتوزىمىنىڭ شەگى بار، اسىرە كوپ جاعىمسىز كوڭىل كۇيدىڭ اسەرى ادامعا اشتى ازاپ الا كەلەدى ءارى دەنساۋلىعىمىزعا ىقپال تيگىزبەي قويمايدى.
تىرلىك كەشۋ وڭاي ەمەس، دەسەدە كوڭىل كۇيدىڭ ”كەسىرىنەن“ تۇرمىسىڭىزدىڭ شىرقى بۇزىلماسىن.
”قۋانىش جۇرەكتى، اشۋ باۋىردى، وي كوكباۋىردى، ۋايىم-قايعى وكپەنى، ۇرەي بۇيرەكتى بۇلدىرەدى“ دەيتىن بۇرىننان كەلە جاتقان ءسوز بار.
تۇرمىس كەشىرۋ بارىسىندا الۋان ماسەلەگە جولىعامىز، ءتۇرلى كوڭىل كۇيدە بولامىز، ودان ساقتانۋ قيىن. ءبىراق ادامنىڭ كوڭىل كۇيىندە ۇنەمى اۋىر وزگەرىس تۋىلىپ تۇراتىن بولسا، سول ادامنىڭ رۋحاني دۇنيەسىنە ىقپال جەتكىزىپ، دەنساۋلىعىن بۇلدىرەدى.
ادامنىڭ بۇكىل ءومىرى تىرلىك كەشىرۋ، سۇيىسپەنشىلىككە كەنەلۋ بارىسى. مۇشكىل حالدە قالعان ساتتەرىمىزدە بەلسەندى پوزيتسيامەن قيىن وتكەلدەن وتە الامىز. قيىنشىلىق قىسپاعىندا قالعاندا، كەڭ پەيىل سابازدىعىمىزبەن وزگەلەردى اسەرلەندىرە الامىز.
شالقار كوڭىلىڭىزگە بەلسەندى كوڭىل كۇيدىڭ وركەنىن ءوسىرىپ، ءۇمىت پەن ومىرشەڭدىككە تولى تۇرمىس كەشىرۋگە قۇلشىنىڭىز.
كوڭىل كۇيىڭىزدى جاقسى باپتاۋدى، ءار كۇنىڭىزدى تاماشا وتكىزۋدى، وزىڭىزگە جاقسى قاراۋدى ەسىڭىزدەن شىعارا كورمەڭىز.
ءومىر جولىمىزدا ىستەگەن ءىسىمىزدىڭ ءبارى ساتىنە باسا بەرمەيدى، بارلىق ادامدا كوڭىل كۇي تولقىنىسى بولادى، بۇل كوپ ۇشىرايتىن جاعداي. كوڭىل كۇي بەينە اققان سۋ سياقتى، توقتاۋسىز اققانى ءجون، ونى بوگەۋ كەرەك ەمەس.
تومەندە ”ۋىتتى ايداۋدىڭ“ 4 ءادىسىن ايتايىن، وقىعان سوڭ، ”ۋىتتى“ كوڭىل كۇيدەن ارىلۋعا قام جاسايسىز دەپ ويلايمىن.
1. دەنە شىنىقتىرىپ، قىسىمدى تاراتىڭىز.
2. جاقىندارىڭىزبەن، دوستارىڭىزبەن كوبىرەك اڭگىمەلەسىڭىز.
3. تۇرعان ورتاڭىزدى وزگەرتىڭىز، كوڭىل كۇيىڭىزدى وزگەرتىڭىز.
4. كىتاپ وقىپ، كوڭىل كۇيىڭىزدى ساباسىنا ءتۇسىرىڭىز.
ءبىر پسيحولوگ: ”بەلسەندى كوڭىل كۇيدىڭ سالاماتتىققا كورسەتەتىن رولىن ەشقانداي ءدارى-دارمەك جانە دەنساۋلىق ساقتاۋ بۇيىمدارى اتقارا المايدى، كەرەناۋ كوڭىل كۇيدىڭ سالاماتتىققا زالالى باكتەريا مەن ۆيرۋستان كەم سوقپايدى“،-دەگەن ەدى.
ناشار كوڭىل كۇيدىڭ جەتەگىنە ەرمەڭىز، ”جانىڭىزعا“ دەمالىس بەرىڭىز، تىنىش تىرلىك كەشىرۋگە جاعداي جاساڭىز.
”كوڭىل كۇيىڭىزدى اشىققا شىعارۋعا لاجىسىز قالعان ساتىڭىزدە، ونىڭ سوققىسى ىشكە قاراي باعىتتالادى، ءوزىڭىزدى ءوزىڭىز سوققىلاي باستاعانىڭىزدا، كوپ ماسەلە باس كوتەرەدى“،-دەگەن ءسوزدى وقىعانىم بار. ناشار كوڭىل كۇي پايدا بولعاندا، دەر كەزىندە ادالانۋ كەرەك، ناشار كوڭىل كۇيدىڭ ءوزىڭىزدى باسىپ الۋىنا جول بەرمەۋىڭىز قاجەت.
كوڭىل كۇيىڭىزدى ”ۋىتتان تازارتۋدى“ ۇيرەنىپ، ءتىپتى دە تاماشا ومىرمەن قاۋىشقايسىز.
بالالىق كوڭىلدى جوعالتپاي، ماڭگى رياسىز پەيىلمەن جاساڭىز
جاقسى كوڭىل كۇي بارلىق سىرقاتتان ايىقتىراتىن تاماشا ءدارى
اۋتيزم الەمىنە ءۇڭىلىپ كورىڭىز
عۇمىردا ەڭ جاقسى جاس كەزەڭى بولا ما
ءوزىڭىزدى ءوزىڭىز ساۋىقتىرا بىلەسىز بە
ءوزىڭدى، ءومىردى ءسۇيۋ ءتاتتى ۇيقىدان باستالادى
اقاۋسىز دەنساۋلىق مىناداي 5 ءتۇرلى تۇرمىس تاسىلىنەن كەلەدى
قارىم-قاتىناستا ەستە بولار ەكى-ءۇش اۋىز ءسوز
كوڭىل كۇيدى قۇرىقتاۋدىڭ ءۇش كىلتى
ءوزىن مەڭگەرە بىلەتىندەردىڭ ەكى جاقسى ادەتى بولادى
كوڭىل كۇيدىڭ قۇنى ادامنىڭ وزىنە بايلانىستى
سوزبۇيدالىققا سالىنا بەرسەڭ، جاقسى كۇندەر كۇتەدى دەپ دامەلەنبە
مىنا ءۇش اۋىز ءسوز جاڭا جىلداعى وزىمىزگە ارنالادى
وزىڭىزگە ەڭ ۇيلەسىمدى تۇرمىس قانا ەڭ جاقسى تۇرمىس
مىنا ءۇش اۋىز ءسوز جاڭا جىلداعى وزىمىزگە ارنالادى
جاڭا ءبىر جىلدا ءسىزدى باقىتقا جەتەلەيتىن بەس ءادىس
ماسەلەنى شەشۋدىڭ ەڭ ۇتىمدى ءادىسى نە
ۋاقىت شىعارىپ ءوزىڭىزدى سومداي ءبىلىڭىز
