《习近平关于自然资源工作论述摘编》出版发行
«شي جينپيڭنىڭ جاراتىلىستىق بايلىق قىزمەتى جونىندەگى بايىمداۋلارىنان ۇزىندىلەر» باسپادان شىعىپ تاراتىلدى
شينحۋا اگەنتتىگىنىڭ 11 - ايدىڭ 10 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحىن جانە حۇجات زەرتتەۋ ورنى قۇراستىرعان «شي جينپيڭنىڭ جاراتىلىستىق بايلىق قىزمەتى جونىندەگى بايىمداۋلارىنان ۇزىندىلەر» اتتى كىتاپ جۋىقتا ورتالىق حۇجاتتار باسپاسىنان باسىلىپ شىعىپ، بۇكىل ەلدە تاراتىلدى.
ۇلى تابيعات −− ادامزاتتىڭ ءومىر ءسۇرۋى مەن دامۋىنىڭ نەگىزگى شارتى. پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى ادام مەن تابيعاتتىڭ جاراسىمدى قاتار ءومىر ءسۇرۋى بيىگىندە تۇرىپ دامۋدى جوسپارلاپ، پارتيانىڭ جاراتىلىستىق بايلىق قىزمەتىنە جالپى بەتتىك باسشىلىعىنا تاباندى بولىپ جانە ونى كۇشەيتىپ، جاراتىلىستىق بايلىقتى باسقارۋدى كۇشەيتىپ، بايلىق ورتاسىنىڭ كوتەرىمدىلىك قۋاتىن العى شارت جانە نەگىز ەتۋگە تاباندى بولىپ، نەگىزگى تۇلعالىق فۋنكتسيا رايونى ستراتەگياسىن ۇيىمداستىرىپ اتقارىپ، مەملەكەت جەرى كەڭىستىگىن اشۋ، قورعاۋ جاعدايىن ساپالىلاندىرىپ، تاۋ، سۋ، ورمان، اتىز، كول، جايلىم، قۇمدى ءبىر تۇلعالاندىرا قورعاۋدى جانە جۇيەلى وڭاۋدى ءبىر تۇتاس جوسپارلاپ ىلگەرىلەتىپ، مەملەكەت باقشاسىن نەگىزگى تۇلعا ەتكەن جاراتىلىستىق قورىق جۇيەسىن قۇرىپ، بايلىقتى ۇنەمدەيتىن جانە ورتانى قورعايتىن كەڭىستىك جاعدايىن، كاسىپ سالاسى قۇرىلىمىن، ءوندىرىس ءتاسىلىن، تۇرمىس ءتاسىلىن قالىپتاستىرۋدى جەبەپ، جۇڭحۋا ۇلتىنىڭ ماڭگى دامۋىن جۇزەگە اسىرۋعا جارقىن بولاشاق اشتى. شي جينپيڭ جولداستىڭ جاراتىلىستىق بايلىق قىزمەتىن ارقاۋ ەتە وتىرىپ جاريالاعان ءبىر قىدىرۋ ماڭىزدى بايىمداۋلارىنىڭ ويى ورەلى، مازمۇنى باي، يدەياسى تەرەڭ، بۇل جاڭا داۋىردەگى جاڭا جورىقتا ەكونوميكالىق، قوعامدىق دامۋدىڭ بايلىق ورتاسىنىڭ كوتەرىمدىلىك قۋاتىنا ۇيلەسۋىن جەبەپ، جاراتىلىستىق بايلىق مال - مۇلىك ۇقىعى ءتۇزىمى مەن باسقارۋ ءتۇزىمى جۇيەسىن اقاۋسىزداندىرىپ، جوعارى دەڭگەيلى قورعاۋ ارقىلى جوعارى ساپالى دامۋعا تىرەك بولىپ، ادام مەن تابيعات جاراسىمدى قاتار ءومىر سۇرەتىن جۇڭگو ۇلگىسىندەگى وسىزامانداندىرۋدى قۇلشىنا قۇرۋدا توتەنشە ماڭىزدى مانگە يە.
«بايىمداۋلاردان ۇزىندىلەر» 8 ارناۋلى تاقىرىپقا بولىنگەن، جالپى 286 بولىك بايىمداۋدان قۇرالعان، وندا شي جينپيڭ جولداستىڭ 2012 - جىلى 12 - ايدان 2024 - جىلى 10 - ايعا دەيىنگى مەزگىلدەگى باياندامالارى، سوزدەرى، تۇسىندىرمەلەرى، قۇتتىقتاۋ حاتتارى، نۇسقاۋلارى سياقتى 150دەن استام ماڭىزدى حۇجاتتان ءۇزىندى الىنعان. مۇنىڭ ىشىندە ءىشىنارا بايىمداۋلار تۇڭعىش رەت اشىق جاريالانىپ وتىر.
