推动新时代社会工作高质量发展
شينحۋا اگەنتتىگىنىڭ 11 - ايدىڭ 6 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جاقىندا قوعامدىق قىزمەت جونىندە ماڭىزدى نۇسقاۋ بەرىپ، بىلاي دەپ اتاپ كورسەتتى: قوعامدىق قىزمەت − پارتيا مەن مەملەكەت قىزمەتىنىڭ ماڭىزدى قۇرامداس بولىگى، پارتيانىڭ ۇزاق ۋاقىت بيلىك جۇرگىزۋىنە جانە مەملەكەتتىڭ باياندى تىنىشتىعىنا سايادى، قوعامنىڭ جاراسىمدىلىعىنا، ورنىقتىلىعىنا جانە حالىقتىڭ باقىتىنا، اماندىعىنا سايادى. جاڭا داۋىردەن بەرى پارتيا ورتالىق كوميتەتى ءبىر قىدىرۋ كەلەلى شەشىمدەر، ورنالاستىرۋلار جاساپ، قوعامدىق قىزمەتتە ماڭىزدى جەتىستىكتەرگە قول جەتكىزۋدى ىلگەرىلەتتى. كەزەكتە ەلىمىزدىڭ قوعامدىق قۇرىلىمىندا تەرەڭ وزگەرىستەر تۋىلۋدا، اسىرەسە، جاڭادان گۇلدەنگەن سالالار تەز دامىپ، جاڭا ەكونوميكالىق ۇيىمدار، جاڭا قوعامدىق ۇيىمدار مولىنان جارىققا شىعىپ، جاڭادان جۇمىستانعان توپتاردىڭ كولەمى ۇزدىكسىز ۇلعايىپ، قوعامدىق قىزمەت جاڭا جاعدايعا، جاڭا مىندەتكە ءدوپ كەلدى، ءسوزسىز، جاڭا جاۋاپكەرشىلىك ارقالاۋدى، جاڭا ىسكەرلىك كورسەتۋدى ايگىلەۋ كەرەك. جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، حالىقتى وزەك ەتۋگە تاباندى بولىپ، جاڭا داۋىردەگى پارتيانىڭ بۇقارالىق لۋشيانىن امالياتتا ايگىلەپ، جۇڭگوشا سوتسياليستىك قوعامدى باسقارۋ جولىمەن بۇلجىماي ءجۇرىپ، قوعامدىق قىزمەت ءتۇزىلىسىن، مەحانيزمىن اقاۋسىزداندىرىپ، جاڭا ەكونوميكالىق ۇيىمداردىڭ، جاڭا قوعامدىق ۇيىمداردىڭ، جاڭادان جۇمىستانعان توپتاردىڭ پارتيا قۇرىلىسىن كورنەكتى ويداعىداي يگەرىپ، پارتيانىڭ جاڭادان گۇلدەنگەن سالالارداعى ۇندەۋ قۋاتىن، ۇيىستىرۋ قۋاتىن، ىقپال كۇشىن ۇزدىكسىز كۇشەيتۋ؛ پارتيا قۇرىلىسىنىڭ نەگىزگى ساتىنى باسقارۋعا جانە نەگىزگى ساتى بيلىك قۇرىلىسىنا جەتەكشىلىك ەتۋىن ويداعىداي يگەرۋ؛ بۇقارانى ۇيىستىرۋ، بۇقاراعا قىزمەت وتەۋ قىزمەتىن ويداعىداي يگەرىپ، جاڭا داۋىردەگى قوعامدىق قىزمەتتىڭ جوعارى ساپالى دامۋىن ىلگەرىلەتۋ كەرەك.
شي جينپيڭ بىلاي دەپ باسا دارىپتەدى: قوعامدىق قىزمەتتى ويداعىداي ىستەۋ − بۇكىل پارتيانىڭ ورتاق جاۋاپكەرشىلىگى. ءار دارەجەلى پارتكومدار (پارتيا باسشىلىق گرۋپپاسى) ساياسي جاۋاپكەرشىلىكتى ارقالاپ، ۇيىمدىق باسشىلىقتى جانە ءبىر تۇتاس جوسپارلاپ سايكەستىرۋدى كۇشەيتىپ، پارتيا ورتالىق كوميتەتىنىڭ قوعامدىق قىزمەت جونىندەگى شەشىمدەرىن، ورنالاستىرۋلارىن ناقتى تياناقتاندىرۋعا شىنايى كەپىلدىك ەتۋى؛ جەر - جەر جانە قاتىستى تاراۋلار ىرىقتىلىقپەن ىسكەرلىك كورسەتىپ، سايكەسە بىرلەسىپ قيمىلداپ، كاسىپتى باسقارۋعا دا، پارتيا قۇرىلىسىن باسقارۋعا دا تاباندى بولىپ، قوعامدىق قىزمەتتى ويداعىداي ىستەۋدىڭ قۋاتتى بىرىككەن كۇشىن قالىپتاستىرۋى؛ قوعامدىق قىزمەت تاراۋلارى وزىندىك قۇرىلىستى كۇشەيتىپ، ساياسي جاۋاپكەرشىلىك ارقالاۋدى كۇشەيتىپ، باتىلدىقپەن امالياتتا ىزدەنىس جاساپ، تىڭعىلىقتى تۇردە مىندەت اتقارىپ، جاۋاپكەرشىلىكتى ادا ەتىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋگە جاڭا ۇلەس قوسۋى كەرەك.
ورتالىقتىڭ قوعامدىق قىزمەت ءماجىلىسى 11 - ايدىڭ 5 - كۇنىنەن 6 - كۇنىنە دەيىن بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ساي چي ماجىلىسكە قاتىناستى ءارى ءسوز سويلەدى.
ساي چي سوزىندە بىلاي دەپ اتاپ كورسەتتى: باس شۋجي شي جينپيڭنىڭ ماڭىزدى نۇسقاۋىنىڭ ويى ورەلى، سىندارلى دا تەرەڭ، كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە بولىپ، جاڭا داۋىردەگى قوعامدىق قىزمەتتى ويداعىداي ىستەۋگە ايقىن بەتالىس نۇسقادى، ءسوزسىز، ىشكەرىلەي ۇيرەنىپ، ۇعىنىپ، باتىل دايەكتىلەندىرۋ، تياناقتاندىرۋ كەرەك.
ساي چي بىلاي دەپ اتاپ كورسەتتى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى قوعامدىق قىزمەتتى ماڭىزدى ورىنعا قويدى، باس شۋجي شي جينپيڭ نە ءۇشىن قوعامدىق قىزمەتتى كۇشەيتۋ كەرەك، قوعامدىق قىزمەتتى قالاي كۇشەيتۋ كەرەك دەگەندى توڭىرەكتەي وتىرىپ ءبىر قىدىرۋ ماڭىزدى بايىمداۋ جاساپ، ءبىر قىدىرۋ جاڭا يدەيانى، جاڭا كوزقاراستى، جاڭا تۇجىرىمدى العا قويدى. باس شۋجي شي جينپيڭنىڭ قوعامدىق قىزمەت جونىندەگى ماڭىزدى بايىمداۋى جاڭا داۋىردەگى قوعامدىق قىزمەتتىڭ ءتۇبىرلى پرينسيبى، قۇن بەتالىسى، دامۋ بەتالىسى، ءتۇيىندى مىندەتتەرى، نەگىزدىك قامتاماسىزدىعى سياقتىلاردى ەگجەي - تەگجەيلى تۇسىندىرگەن، بۇل شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى.
ساي چي بىلاي دەپ باسا دارىپتەدى: پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ەكىنشى، ءۇشىنشى جالپى ءماجىلىسىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ ماڭىزدى بايىمداۋلارى مەن ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ەكىنى قورعاۋدى“ باتىل ورىنداپ، جاڭا داۋىردەگى قوعامدىق قىزمەتتىڭ جالپى تۇلعالىق تالابىن تەرەڭ يگەرىپ، ويداعىداي ىستەپ، جاۋاپكەرشىلىك سەزىمدى، بورىشتىلىق سەزىمدى شىن مانىندە كۇشەيتىپ، جاڭا داۋىردەگى قوعامدىق قىزمەتتىڭ جاڭا جاعدايىن كۇش سالا اشۋ كەرەك. جاڭادان گۇلدەنگەن سالالارداعى پارتيا قۇرىلىسىن كۇشەيتۋدى ماڭىزدىنىڭ ماڭىزدىسى ەتىپ، ءبىر تۇتاس جوسپارلاپ سايكەستىرۋدى كۇشەيتىپ، تۇرلەرگە ءبولىپ جەتەكشىلىك ەتۋگە تاباندى بولىپ، جاڭا ەكونوميكالىق ۇيىمداردىڭ، جاڭا قوعامدىق ۇيىمداردىڭ، جاڭادان جۇمىستانعان توپتاردىڭ پارتيا قۇرىلىسى قىزمەتىن كورنەكتى تۇردە ويداعىداي يگەرىپ، پارتيانىڭ ۇيىمدىق قامتۋى مەن قىزمەت قامتۋىن ىلگەرىلەتىپ، جاڭادان گۇلدەنگەن سالالاردىڭ اقاۋسىز دامۋىن جەبەۋ كەرەك. كاسىپتەردىڭ، قوعامداردىڭ، ساۋدا قوعامدارىنىڭ پارتيا قۇرىلىسى مەن رەفورماسىن، دامۋىن ۇزدىكسىز ويداعىداي يگەرۋ كەرەك. پارتيا قۇرىلىسىنىڭ نەگىزگى ساتىنى باسقارۋعا جانە نەگىزگى ساتى بيلىك قۇرىلىسىنا جەتەكشىلىك ەتۋىن كۇشەيتىپ، نەگىزگى ساتىنى باسقارۋداعى ”كۇشى از، جۇك اۋىر بولۋ“ سىندى كورنەكتى ماسەلەنى شەشىپ، ءبىر تۇتاس جوسپارلاپ ىلگەرىلەتىپ نەگىزگى ساتىعا قۋات ۇستەۋ جانە اۋىرتپالىعىن جەڭىلدەتۋ كەرەك. بۇقارانى ۇيىستىرۋ، بۇقاراعا قىزمەت وتەۋ قىزمەتىن تىڭعىلىقتى ويداعىداي ىستەپ، جاڭا داۋىردەگى ”فىڭچياۋ تاجىريبەسىنە“ تاباندى بولىپ جانە ونى دامىتىپ، ارىز - ارمان قىزمەتىن زاڭمەن باسقارۋدى ىلگەرىلەتىپ، حالىقتىڭ ۇسىنىسىن جيناۋدى ويداعىداي ىستەپ، ەرىكتى قىزمەت وتەۋ ىستەرىن دامىتۋ كەرەك. ءار دارەجەلى پارتكومدار قوعامدىق قىزمەتكە باسشىلىق ەتۋدى كۇشەيتىپ، ساياسي جاۋاپكەرشىلىكتى تياناقتاندىرىپ، قىزمەت جۇيەسىن كەمەلدەندىرىپ، قوعامدىق قىزمەتكەرلەر قوسىنىن كۇشەيتىپ قۇرىپ، رەفورما جاساۋ، جاڭالىق اشۋ رۋحىمەن قوعامدىق قىزمەتتىڭ جوعارى ساپالى دامۋىن ىلگەرىلەتۋ كەرەك.
لي گانجيە ءماجىلىستى باسقاردى. لي شۋلەي، چىن ۋىنچيڭ، مۋ حۇڭ ماجىلىسكە قاتىناستى.
ورتالىق كوميتەت ۇيىمداستىرۋ ءبولىمىنىڭ، ورتالىق كوميتەت ينتەرنەت حاۋىپسىزدىگى جانە ينفورماتسيالاندىرۋ كەڭسەسىنىڭ، كوممۋنيستىك جاستار وداعى ورتالىق كوميتەتىنىڭ، بەيجيڭ قالاسىنىڭ، جىجياڭ ولكەسىنىڭ، گۋاڭدۇڭ ولكەسىنىڭ، شانشي ولكەسىنىڭ جاۋاپتى جولداستارى اۋىس - كۇيىس جاساپ، ءسوز سويلەدى.
ءارقايسى ولكە، اۆتونوميالى رايون، توتە قاراستى قالانىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ، ورتالىق جانە مەملەكەت ورگانىنداعى قاتىستى تاراۋلاردىڭ، قاتىستى حالىقتىق توپتاردىڭ، ورتالىق باسقاراتىن فينانس قۇرىلىمدارىنىڭ، ءىشىنارا كاسىپورىنداردىڭ، جوعارى مەكتەپتەردىڭ جاۋاپتى جولداستارى، ت. ب ماجىلىسكە قاتىناستى.
