انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 8 - كۇنى ۇرىمجىدەن حابارلايدى. شينجياڭ ەركىن ساۋدا سىناق رايونى قۇرىلعاندىعىنىڭ ءبىر جىلدىعى قارساڭىندا، 11 - ايدىڭ 8 - كۇنى بۇكىل شينجياڭداعى تۇڭعىش ۇشاقتى قورعامالى باجى بويىنشا رەمونتتاۋ جانە الەۋمەتتىك قورعامالى باجى قامباسى كاسىبى ەركىن ساۋدا سىناق رايونىنىڭ ءۇرىمجى اۋماعىندا ىرگە تەۋىپ ىسكە قوسىلدى. اۆتونوميالى رايوندىق پارتكومنىڭ شۋجيى ما شيڭرۇي ىسكە قوسۋ سالتىنا قاتىناستى ءارى رەمونتتاۋ بازاسى مەن قورعامالى باجى قامباسىنىڭ ماڭدايشالىعىن اشتى.
اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، ءۇرىمجى قالالىق پارتكومنىڭ شۋجيى جاڭ جۋ، جۇڭگو وڭتۇستىك اۆياتسيا توبىنىڭ باس ديرەكتورى حان ۋىنشىڭ سالتقا قاتىناستى ءارى ارناۋ ءسوز سويلەدى.
وسى رەتكى ۇشاقتى قورعامالى باجى بويىنشا رەمونتتاۋ جانە الەۋمەتتىك قورعامالى باجى قامباسى كاسىبىنىڭ ىسكە قوسىلۋى − شينجياڭ ەركىن ساۋدا سىناق رايونى ءۇرىمجى اۋماعىنىڭ تۇزىمدە جاڭالىق اشۋداعى تاعى ءبىر جەتىستىگى. بۇل كاسىپ ءارى وڭتۇستىك اۆياتسيا توبىنىڭ بۇكىل ەل كولەمىندەگى تۇڭعىش ۇشاقتى قورعامالى باجى بويىنشا رەمونتتاۋ كاسىبى سانالادى، ءۇرىمجى ايروپورت تيبىندەگى مەملەكەتتىڭ زات اينالىمى تورابىن قۇرۋ، حالىقارالىق اۆياتسيا تورابىن تۇلعالاۋ جونىنەن ماڭىزدى مانگە يە. قورعامالى باجى بويىنشا رەمونتتاۋ ”الەمدىك رەمونتتاۋ“ دەپ تە اتالادى. مۇنداي كاسىپ ءۇرىمجى حالىقارالىق اۋەجايىن سۇيەنىش ەتىپ، تەحنيكالىق قامتىمى جوعارى، ۇستەمە قۇنى جوعارى، وزىندىك قۇنى تومەن، ونىمدىلىگى جوعارى بولۋ سياقتى وزگەشە ارتىقشىلىعىن ساۋلەلەندىرىپ، بۇكىل الەمنەن كەلگەن اۆياتسيا اسپاپتارىن رەمونتتاۋ قاجەتىن اناعۇرلىم جوعارى ونىمدىلىكپەن ءبىر جاقتى ەتەدى.
ەركىن تۇنياز بىلاي دەپ اتاپ كورسەتتى: اۆتونوميالى رايوندىق پارتكوم مەن ۇكىمەت مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن مىقتاپ يگەرىپ، رەفورما جاساۋ، جاڭالىق اشۋ شارالارى ارقىلى شينجياڭ ەركىن ساۋدا سىناق رايونى قۇرىلىسىن ىلگەرىلەتتى. ۇشاقتى قورعامالى باجى بويىنشا رەمونتتاۋ جانە الەۋمەتتىك قورعامالى باجى قامباسى كاسىبىنىڭ ىرگە تەبۋى ءۇرىمجى حالىقارالىق اۆياتسيا تورابى قۇرىلىسىن جەدەلدەتۋدەگى ماڭىزدى شارا، الداعى جەردە ءۇرىمجى ايروپورت تيبىندەگى مەملەكەتتىڭ زات اينالىمى تورابىنىڭ قىزمەت وتەۋ قابىلەتىن جوعارىلاتۋىنا پارمەندى تىرەك بولادى. شينجياڭ الداعى جەردە پارتيا ورتالىق كوميتەتىنىڭ ەركىن ساۋدا سىناق رايونىنىڭ دەڭگەيىن ءوسىرۋ ستراتەگياسىن اتقارۋ جونىندەگى شەشىمدەرىن، ورنالاستىرۋلارىن ىشكەرىلەي تياناقتاندىرىپ، ەركىن ساۋدا سىناق رايونىنىڭ رەفورما سىناق ءتۇيىنى مىندەتىنىڭ تياناقتانىپ، ونىمدىلىك كورسەتۋىن بار كۇشپەن ىلگەرىلەتىپ، كوشىرۋگە، جالپىلاستىرۋعا بولاتىن تاجىريبەلەر مەن تۇزىمدەردىڭ اناعۇرلىم كوپ جاسامپازدىق جەتىستىكتەرى جونىندە ىزدەنىس جاسايدى. وڭتۇستىك اۆياتسيا توبىنىڭ شينجياڭمەن جان - جاقتى سەلبەستىكتى تەرەڭدەتىپ، ۇشاقتى قورعامالى باجى بويىنشا رەمونتتاۋدىڭ تۇتاس كاسىپ سالاسى تىزبەگىن كەمەلدەندىرىپ، حالىقارالىق كاسىپ بازارىن كەڭەيتىپ، شينجياڭنىڭ سىرتقى ساۋدادا جاڭالىق اشا دامۋىنا تىڭ قوزعالىس قۋات ۇستەۋىن ءۇمىت ەتەمىز.
جاڭ جۋ مىنالاردى ءبىلدىردى: شينجياڭ ەركىن ساۋدا سىناق رايونىنىڭ ءۇرىمجى اۋماعى ماڭىزدى بورىش، جاۋاپكەرشىلىك ارقالاۋدا، الداعى جەردە رەفورمانى جاپپاي تەرەڭدەتۋدى ءتۇبىرلى قوزعاۋشى كۇش ەتىپ، اناعۇرلىم ىرىقتى ەسىك اشۋ ستراتەگياسىن اتقارىپ، اۋەجاي ماڭى ەكونوميكالىق اۋماعىنىڭ، حالىقارالىق قۇرلىقتىق پورت اۋماعىنىڭ، كەشەندى قورعامالى باجى اۋماعىنىڭ رەفورما جاساپ، جاڭالىق اشا ىقپالداسا دامۋىن ىلگەرىلەتىپ، جوعارى دەڭگەيدە ەسىك اشۋ ارقىلى جوعارى ساپالى دامۋدى ىلگەرىلەتەدى. ەركىن ساۋدا سىناق رايونىنىڭ تۇزىمدە جاڭالىق اشۋ، ۇشاقتى قورعامالى باجى بويىنشا رەمونتتاۋ جانە قورعامالى باجى قامباسى ساياساتتارىنىڭ قوسا قولداۋى الداعى جەردە ءۇرىمجى حالىقارالىق اۋەجايىنىڭ حالىقتىق اۆياتسيا بازارىنداعى باسەكەلىك قۋاتى مەن ىقپال قۋاتىن بارىنشا جوعارىلاتىپ، مەملەكەتتىڭ باتىسقا ەسىك اشۋ ستراتەگياسىنا جانە ”ءبىر بەلدەۋ، ءبىر جول“ وزەكتى رايونى قۇرىلىسىنا اناعۇرلىم ويداعىداي قىزمەت وتەيدى.
حان ۋىنشىڭ مىنالاردى ءبىلدىردى: شينجياڭداعى تۇڭعىش ۇشاقتى قورعامالى باجى بويىنشا رەمونتتاۋ جانە الەۋمەتتىك قورعامالى باجى قامباسى كاسىبىنىڭ ىسكە قوسىلۋى ەركىن ساۋدا سىناق رايونىنىڭ تۇزىمدە جاڭالىق اشۋىن ىلگەرىلەتىپ، اۆياتسيالىق رەمونتتاۋ كاسىپ سالاسى تىزبەگىن ۇزارتىپ، ”قورعامالى باجى +“ سىرتقى ساۋدا جاڭا كاسىپ كۇيىن جەتىلدىرىپ، شينجياڭنىڭ رەمونتتاۋ بازاسى كاسىبىنىڭ تەرەڭدىگى مەن كەڭدىگىن ونان ارى ۇلعايتىپ، اۆياتسيالىق رەمونتتاۋ كاسىپ سالاسىنىڭ جوعارى ساپالى دامۋىن ىلگەرىلەتۋگە پايدالى. وڭتۇستىك اۆياتسيا توبى الداعى جەردە ەسىك اشۋ، سەلبەسۋ، بىرگە يگىلىكتەنۋ ۇستانىمىنان جازباي، شينجياڭ ەركىن ساۋدا سىناق رايونى قۇرىلىسىنا، ەركىن ساۋدا سىناق رايونى مەن حالىقتىق اۆياتسيا كاسىبىنىڭ سەلبەستىگىن جەبەۋگە كۇش قوسادى.
ىسكە قوسۋ سالتىندا ۇشاقتى قورعامالى باجى بويىنشا رەمونتتاۋ كاسىبىن بەكىتۋ حۇجاتى وقىلدى، ءۇرىمجى كەدەنىندەگى نەگىزگى جاۋاپتى جولداس ءسوز سويلەدى، سونداي - اق كەلىسىم جاساۋ سالتىن وتكىزدى.
چىن ۋيجۇن، سۇن حۇڭمەي، ۋاڭ گاڭ، ورتالىقتىڭ شينجياڭداعى جانە اۆتونوميالى رايوننىڭ قاتىستى ورىندارىنداعى جاۋاپتى جولداستار، ءۇرىمجى قالاسىنداعى، سونداي - اق جوعارى، جاڭا تەحنيكالىق اشۋ رايونىنداعى (جاڭا قالا رايونى) قاتىستى جاۋاپتى جولداستار، قاتىستى كاسىپورىنداردىڭ جانە اۆياتسيا سەرىكتەستىكتەرىنىڭ ۋاكىلدەرى قاتارلىلار سالتقا قاتىناستى.
قيمىل كەزىندە، ما شيڭرۇي وڭتۇستىك اۆياتسيا توبىنىڭ شينجياڭداعى كاسىپتەرىن دامىتۋ جاعدايىن تاپتەشتەي ۇعىستى ءارى جۇڭگو اۆياتسيالىق جانار ماي ماتەريالدارى توبىنىڭ شينجياڭ اۆياتسيالىق جانار ماي ماتەريالدارى شەكتى سەرىكتەستىگىنە بارىپ تەكسەرۋ - زەرتتەۋ جۇرگىزىپ، قىزمەت تانىستىرۋىن تىڭداپ، بەنزين كۇبىسى اۋماعىن باسقارۋ ناقتى جاعدايىن تەكسەرىپ كوردى. ما شيڭرۇي ءارقايسى كاسىپورىنداردان شينجياڭ ەركىن ساۋدا سىناق رايونى مەن جىبەك جولى ەكونوميكالىق بەلدەۋى وزەكتى رايونى قۇرىلىسىنىڭ كەلەلى ورايىن مىقتى يگەرىپ، اسىرەسە، ءۇرىمجى حالىقارالىق اۆياتسيا تورابى قۇرىلىسىنىڭ، شينجياڭ اۆياتسيا ىستەرى دامۋىنىڭ جاڭا جاعدايىن، تىڭ سۇرانىسىن يگەرىپ، ىشكەرىلەي زەرتتەۋ جۇرگىزىپ، جاڭالىق اشىپ، ىسكەرلىك كورسەتىپ، ورتا ازيا سياقتى توڭىرەكتەگى ەلدەرمەن ناقتى ىستەر سەلبەستىگىن ۇزدىكسىز كەڭەيتىپ، حالىقارالىق كاسىپ ىستەرى كولەمىن كەڭەيتىپ، شينجياڭنىڭ جوعارى دەڭگەيدە سىرتقا ەسىك اشۋىن ىلگەرىلەتۋ بارىسىندا ءوزارا پايدا جەتكىزىپ تەڭ يگىلىككە كەنەلۋدى جۇزەگە اسىرۋدى ءۇمىت ەتتى. ما شيڭرۇي بىلاي دەپ باسا دارىپتەدى: ەركىن ساۋدا سىناق رايونىن قۇرۋ − شينجياڭنىڭ جاڭا داۋىردە رەفورما جاساۋدى، ەسىك اشۋدى ىلگەرىلەتۋدەگى كەلەلى بورىشى، مىندەتى. پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسىنىڭ كەلەلى رەفورما ورنالاستىرۋلارىنا مۇقيات تۋرالانىپ ەركىن ساۋدا سىناق رايونىنىڭ دەڭگەيىن ءوسىرۋ ستراتەگياسىن جەدەل اتقارىپ، ءتۇزىلىس - مەحانيزم رەفورماسىن جانە تۇزىمدە جاڭالىق اشۋدى ىشكەرىلەي ىلگەرىلەتىپ، قۇرىلىس جۇرگىزۋ ساپا - ونىمدىلىگىن ۇزدىكسىز جوعارىلاتىپ، جاڭا داۋىردەگى رەفورما جاساۋدىڭ، ەسىك اشۋدىڭ جاڭا بەلەسىن كۇش سالا تۇلعالاۋ كەرەك. قاتىستى باسشى كادرلار تەكسەرۋ - زەرتتەۋ ستيلىن بارىنشا ساۋلەلەندىرىپ، ءبىرىنشى شەپكە ىشكەرىلەي بارىپ، سول ورىندا جۇمىس جۇرگىزىپ، كورنەكتى ماسەلەلەردى كۇش سالا شەشىپ، ءتۇرلى ءتۇيىندى قىزمەتتەردىڭ تياناقتانىپ، ونىمدىلىك كورسەتۋىن تىڭعىلىقتى ىلگەرىلەتۋى كەرەك.
