ཟླ10པར་རྒྱལ་ཡོངས་སུ་ཀྲུང་དབྱང་གི་གཏན་འབེབས་བརྒྱད་ཀྱི་དགོངས་དོན་དང་འགལ་བའི་གནད་དོན22603ཞིབ་བཤེར་ཐག་གཅོད་བྱས་པ།
ཀྲུང་དབྱང་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་རྒྱལ་ཁབ་ལྟ་ཞིབ་ཨུ་ལྷན་དྲ་ཚིགས་ཀྱིས་ཚེས28ཉིན་རྒྱལ་ཡོངས་ཀྱི་ཀྲུང་དབྱང་གི་གཏན་འབེབས་བརྒྱད་ཀྱི་དགོངས་དོན་དང་འགལ་བའི་གནད་དོན་ཞིབ་བཤེར་ཐག་གཅོད་བྱས་པའི་ཟླ་རེའི་གཞི་གྲངས་ཁྱབ་བསྒྲགས་བྱས། སྤྱི་བསྒྲགས་ལས་མངོན་པ་ལྟར་ན། ད་ལོའི་ཟླ10པར། རྒྱལ་ཡོངས་སུ་བསྡོམས་པས་ཀྲུང་དབྱང་གི་གཏན་འབེབས་བརྒྱད་ཀྱི་དགོངས་དོན་དང་འགལ་བའི་གནད་དོན22603ཞིབ་བཤེར་ཐག་གཅོད་བྱས་པ་དང་། མི31679(ཞིང་ཆེན་དང་པུའུ་རིམ་པའི་ལས་བྱེད་པ123དང་། ས་ཁུལ་དང་ཐིན་རིམ་པའི་ལས་བྱེད་པ1592)ལ་ཁ་ཏ་སློབ་གསོ་རོགས་སྐྱོར་དང་ཐག་གཅོད་བྱས་ལ། མི22394ལ་ཏང་སྲིད་སྒྲིག་ཁྲིམས་ཀྱིས་ཆད་གཅོད་བྱས།
སྤྱི་བསྒྲགས་ལྟར་ན། ད་ལོའི་ཟླ10པར་རྒྱལ་ཡོངས་སུ་བསྡོམས་པས་ཕྱི་ཚུལ་རིང་ལུགས་དང་དཔོན་ཉམས་རིང་ལུགས་ཀྱི་གནད་དོན10890ཞིབ་བཤེར་ཐག་གཅོད་བྱས་ཤིང་། མི16105ལ་ཁ་ཏ་སློབ་གསོ་རོགས་སྐྱོར་དང་ཐག་གཅོད་བྱས། དེའི་ཁྲོད། འགན་འཁྲི་སྒྲུབ་པ་དང་དཔལ་འབྱོར་སྤྱི་ཚོགས་འཕེལ་རྒྱས་ལ་ཞབས་ཞུ་སྒྲུབ་པ། སྐྱེ་ཁམས་ཁོར་ཡུག་སྲུང་སྐྱོང་ཕྱོགས་ནས་འགན་ཁུར་མི་ཐུབ་པ་དང་ལས་སྒྲུབ་མི་བྱེད་པ། བྱ་སྤྱོད་གང་བྱུང་དུ་སྤེལ་བ་དང་བྱས་རྗེས་རྫུན་མ་འཇོག་པ། སྤུས་ཚད་མཐོ་བའི་འཕེལ་རྒྱས་ལ་ཤུགས་རྐྱེན་བཟོ་བ་སོགས་ཀྱི་ཕྱོགས་ནས་གནད་དོན་ཆེས་མང་བས། གནད་དོན9664རྩད་གཅོད་བྱས་ཤིང་། མི14452ལ་ཁ་ཏ་སློབ་གསོ་རོགས་སྐྱོར་དང་ཐག་གཅོད་བྱས།
རྩོམ་སྒྲིག་པ། སངས་རྒྱས་སྐྱབས།
