མཚོ་སྔོན་ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ལྷན་གྱི་ཏང་ཙུའུ་ཚོགས་འདུ་འཚོགས་པ།
ཟླ11པའི་ཚེས21ཉིན། མཚོ་སྔོན་ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་སྐབས་བཅུ་བཞི་པའི་ཏང་ཙུའུ་ཡིས་ཚོགས་འདུ་ཐེངས་སོ་བཞི་པ་འཚོགས་ནས། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་ཉེ་དུས་ཀྱི་གསུང་བཤད་གལ་ཆེན་དང་མཛུབ་སྟོན་གལ་ཆེན་གྱི་དགོངས་དོན་དང་། ཀྲུང་དབྱང་ཆབ་སྲིད་ཅུའུ་ཡི་ཚོགས་འདུའི་དགོངས་དོན་བརྒྱུད་བསྒྲགས་དང་། ཨུ་ཡོན་ཀྲང་ཀྲའོ་ལེ་ཅི་ཡི་འབྲེལ་ཡོད་གསུང་བཤད་ཀྱི་དགོངས་དོན་སོགས་བརྒྱུད་བསྒྲགས་དང་སློབ་སྦྱོང་། ཞིང་ཆེན་ཏང་ཨུ་རྒྱུན་ལས་ཨུ་ཡོན་ལྷན་ཁང་གི་དགོངས་དོན་བརྒྱུད་བསྒྲགས་དང་སློབ་སྦྱོང་བཅས་བྱས། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཏང་ཙུའི་ཧྲུའུ་ཅིའམ་ཀྲུའུ་རེན་གཞོན་པ་ཝང་ལི་མིང་གིས་ཚོགས་འདུར་མགོ་འཛིན་བྱས་པ་རེད། དབྱང་ཧྥེང་ཁྲུན་དང་ཉི་མ་སྒྲོལ་མ། ཝང་ཅིང་ཀྲའེ། ཁྲེན་ཏུང་ཁྲང་བཅས་ཚོགས་འདུར་ཕེབས་ཡོད།
ཚོགས་འདུའི་ཐོག་བསྟན་དོན། ཀྲུང་གོའི་ཐོན་ཁུངས་འཁོར་རྒྱུག་ཚོགས་པ་ཚད་ཡོད་ཀུང་སི་འཛུགས་སྐྲུན་དང་། རྒྱལ་ཁབ་རིམ་པའི་དཔལ་འབྱོར་ལག་རྩལ་གསར་སྤེལ་ཁུལ་འཛུགས་སྐྲུན་ལ་སྐུལ་འདེད་གཏོང་བ། དམངས་སྲིད་དང་སྤྱི་ཚོགས་ཀྱི་ལས་དོན་ཡག་པོར་བསྒྲུབ་པ་སོགས་ལ་དམིགས་ནས་བཏོན་པའི་བླང་བྱ་གསལ་པོ་དང་། དེ་བཞིན་ཀྲུང་དབྱང་ཆབ་སྲིད་ཅུའུ་ཡི་ཚོགས་འདུའི་ཐོག་སྐོར་ཞིབ་དག་ཐེར་ཐད་བཀོད་སྒྲིག་བྱས་པའི་བཀོད་སྒྲིག་དེ་དག་ལ་སློབ་སྦྱོང་དང་གོ་བ་ནན་ཏན་བླངས་ནས། ལག་བསྟར་དོན་འཁྱོལ་ལ་དམ་འཛིན་ཡག་པོ་བྱེད་དགོས།
ཚོགས་འདུའི་ཐོག་ནན་གྱིས་བསྟན་དོན། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་མཛུབ་ཁྲིད་དུ་བྱེད་པ་དང་། དམངས་འཐུས་ཚོགས་ཆེན་གྱི་འགན་ནུས་ལ་གཞི་ཚུགས་ནས། དམངས་འཐུས་ཚོགས་ཆེན་གྱི་སྒྱུར་བཅོས་ལས་དོན་ཏན་ཏིག་ངང་ཡག་པོར་སྒྲུབ་དགོས། མི་དམངས་ཀྱི་དམངས་གཙོའི་བརྒྱུད་རིམ་ཧྲིལ་པོ་དམིགས་ཚད་དུ་བྱས་ཏེ། རྩ་བའི་ཆབ་སྲིད་ལམ་ལུགས་ཀྱི་གདེང་ཚོད་སྔར་བས་སྲ་བརྟན་དུ་གཏོང་བ་དང་། 2025ལོའི་ཁྲིམས་འཛུགས་ལྟ་སྐུལ་གྱི་འཐུས་མིའི་ལས་དོན་འཆར་གཞི་འཆར་འགོད་ཡག་པོ་བྱེད་དགོས། ཕྱོགས་ཡོངས་ནས་ཏང་གཟབ་ནན་གྱིས་སྐྱོང་བ་གཙོ་རྐང་དུ་བྱས་ཏེ། ཁྱབ་ཁོངས་གཙོ་བོའི་ཉེན་ཁ་སྔོན་འགོག་དང་སེལ་ཐབས་བྱེད་པ་དང་། མགོ་ཁྲིད་ཚན་ཁག་འཛུགས་སྐྱོང་ལ་ཤུགས་སྣོན་པ། རུལ་སུངས་ལ་ངོ་རྒོལ་བྱེད་པའི་འཐབ་རྩོད་གཏིང་ཟབ་ཏུ་གཏོང་བ་སོགས་ཀྱི་ལས་དོན་ཁག་ལ་སྐུལ་འདེད་ཏན་ཏིག་གཏོང་བ་དང་། དམངས་འཐུས་ཚོགས་ཆེན་ལས་ཁུངས་ཀྱི་སྤྱོད་གཙང་གཞུང་དྲང་གི་ཆབ་སྲིད་ཀྱི་སྐྱེ་ཁམས་བཟང་པོ་མུ་མཐུད་དུ་སྲ་བརྟན་དུ་གཏོང་དགོས།
རྡོ་རྗེ་བསམ་འགྲུབ་ཀྱིས་བསྒྱུར།
