ཏིང་ཞུའེ་ཞང་གིས་ལུ་ཙེམ་པོག་གི་དབུ་བཞུགས་བློན་ཆེན་གཞོན་པ་པེ་ཐེ་ཨར་ལ་ཐུག་འཕྲད་གནང་བ།
ཚེས25ཉིན་ཀྲུང་གུང་ཀྲུང་དབྱང་ཆབ་སྲིད་ཅུའུ་ཡི་རྒྱུན་ཨུའམ་རྒྱལ་སྲིད་སྤྱི་ཁྱབ་ཁང་གི་ཙུང་ལི་གཞོན་པ་ཏིང་ཞུའེ་ཞང་གིས་པེ་ཅིན་དུ་ལུ་ཙེམ་པོག་གི་དབུ་བཞུགས་བློན་ཆེན་གཞོན་པ་པེ་ཐེ་ཨར་དང་ཐུག་འཕྲད་གནང་།
ཏིངཞུའེ་ཞང་གིས་ཀྲུང་གོ་དང་ལུ་ཙེམ་པོག་ནི་རྒྱལ་ཁབ་ཆེ་ཆུང་ཞི་མཐུན་མཉམ་གནས་དང་མཉམ་ལས་གཉིས་ཕན་གྱི་དཔེ་མཚོན་ཡིན། ཀྲུའུ་ཞི་ཞི་ཅིན་ཕིང་དང་ལུ་ཙེམ་པོག་གི་མགོ་ཁྲིད་པའི་འཐབ་ཇུས་ཀྱི་སྣེ་ཁྲིད་འོག་ཕྱོགས་གཉིས་པོའི་འབྲེལ་བའི་འཕེལ་ཕྱོགས་བཟང་པོ་རྒྱུན་འཁྱོངས་བྱས་པ་དང་། ཁྱབ་ཁོངས་སོ་སོའི་མཉམ་ལས་ལ་གཡུར་དུ་ཟ་བའི་གྲུབ་འབྲས་ཐོབ་ཡོད། ཀྲུང་གོ་ཕྱོགས་ཀྱིས་ལུ་ཙེམ་པོག་ཕྱོགས་དང་མུ་མཐུད་ཕན་ཚུན་རྒྱབ་སྐྱོར་བྱེད་མཁན་གྱི་གྲོགས་པོ་ཡག་པོ་ཞིག་དང་མཉམ་དུ་འཕེལ་རྒྱས་དོན་གཉེར་བྱེད་པའི་རོགས་ཟླ་ཡག་པོ་ཞིག་བྱས་ཏེ“མཁའ་དབྱིངས་ཀྱི་དར་གོས་ལམ་བུ”དང་། ཐོན་ལས་ཕྲེང་འབྲེལ་དང་མཁོ་སྤྲོད་ཕྲེང་འབྲེལ། ཚན་རྩལ་གསར་གཏོད། ལྗང་མདོག་ཚུལ་སྒྱུར་སོགས་ཁྱབ་ཁོངས་ཀྱི་མཉམ་ལས་མུ་མཐུད་གཏིང་ཟབ་ཏུ་གཏོང་བ་དང་། མཉམ་དུ་སྲུང་སྐྱོང་རིང་ལུགས་ལ་ངོ་རྒོལ་བྱེད་པ། ཀྲུང་གོ་དང་ལུ་ཙེམ་པོག་དང་ཀྲུང་གོ་དང་ཡོ་རོབ་ཀྱིས་སྒོ་འབྱེད་ཁྲོད་གོ་སྐབས་དང་ཁེ་ཕན་མཉམ་སྤྱོད་བྱེད་པར་སྐུལ་འདེད་གཏོང་བ་བཅས་བྱས་ཏེ་མཉམ་དུ་འཕེལ་རྒྱས་བྱེད་འདོད་ཡོད་ཅེས་བསྟན།
པེ་ཐེ་ཨར་གྱིས་ལུ་ཙེམ་པོག་ཕྱོགས་ཀྱིས་ཀྲུང་གོ་ཕྱོགས་དང་མཉམ་ལས་ཀྱི་རྣམ་པ་གསར་པ་རྒྱུན་ཆད་མེད་པར་རྒྱ་ཆེར་བཏང་ནས། དངུལ་རྩ་དང་ཟོག་འགྲེམ། ནུས་ཁུངས་གསར་པ་སོགས་ཁྱབ་ཁོངས་ཀྱི་མཉམ་ལས་ལ་ཤུགས་སྣོན་བརྒྱབ་སྟེ། ཡོ་རོབ་དང་ཀྲུང་གོའི་མཉམ་ལས་ལ་སྐུལ་འདེད་གཏོང་ཆེད་དགེ་མཚན་ལྡན་པའི་ནུས་པ་འདོན་སྤེལ་བྱེད་འདོད་ཡོད་ཅེས་གསུངས། །
རྩོམ་སྒྲིག་པ། སངས་རྒྱས་སྐྱབས།
