ཞི་ཅིན་ཕིང་གིས2024ལོའི་འཛམ་གླིང་དྲ་སྦྲེལ་ཚོགས་ཆེན་ཝུའུ་ཀྲེན་རྩེ་ཚོགས་ཀྱི་མགོ་རྩོམ་མཛད་སྒོར་བརྙན་ལམ་ནས་ཤིས་ཚིག་ཕུལ་བ།
ཟླ11པའི་ཚེས20ཉིན། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས2024ལོའི་འཛམ་གླིང་དྲ་སྦྲེལ་ཚོགས་ཆེན་ཝུའུ་ཀྲེན་རྩེ་ཚོགས་ཀྱི་མགོ་རྩོམ་མཛད་སྒོར་བརྙན་ལམ་ནས་ཤིས་ཚིག་ཕུལ་བ་རེད།
ཞི་ཅིན་ཕིང་གིས་མིག་སྔར་རེས་སྐོར་གསར་པའི་ཚན་རྩལ་གསར་བརྗེ་དང་ཐོན་ལས་འཕོ་འགྱུར་འཕེལ་རྒྱས་མགྱོགས་མྱུར་བྱུང་བ་དང་མི་ཐབས་རིག་ནུས་སོགས་ལག་རྩལ་གསར་པ་དར་རྒྱས་བྱུང་ནས། མིའི་རིགས་ཀྱིས་འཇིག་རྟེན་ལ་ངོས་འཛིན་དང་འཇིག་རྟེན་བསྒྱུར་བཀོད་བྱེད་པའི་ནུས་པ་ཧ་ཅང་ཆེ་རུ་ཕྱིན་པ་དང་། དུས་མཚུངས་སུ་སྔོན་ལ་ཤེས་དཀའ་བའི་ཉེན་ཁ་དང་འགྲན་སློང་རབ་དང་རིམ་པར་འཕྲད་ཡོད། ང་ཚོས་གྲངས་འཛིན་ཅན་དང་དྲ་རྒྱ་ཅན། རིག་ནུས་ཅན་བཅས་ཀྱི་འཕེལ་རྒྱས་ཀྱི་འཕེལ་ཕྱོགས་ཆེན་པོ་སྟངས་འཛིན་བྱས་ནས། གསར་གཏོད་དེ་སྒུལ་ཤུགས་དང་པོར་བརྩི་བ་དང་། བདེ་འཇགས་དེ་ཚད་མཐའི་བླང་བྱར་བརྩི་བ། ཀུན་ཕན་དེ་རིན་ཐང་གི་དོན་གཉེར་དུ་བརྩི་བ་བཅས་བྱས་ཏེ་དྲ་རྒྱའི་བར་མཐོངས་ཀྱི་གསར་གཏོད་འཕེལ་རྒྱས་དང་། བདེ་འཇགས་འཕེལ་རྒྱས། ཀུན་ཕན་འཕེལ་རྒྱས་བཅས་ལ་མགྱོགས་མྱུར་ངང་སྐུལ་འདེད་བཏང་ནས། དེ་བས་མཛེས་སྡུག་ལྡན་པའི“གྲངས་འཛིན་འབྱུང་འགྱུར”ལག་གདང་སྦྲེལ་ནས་མདུན་དུ་བསྐྱོད་དགོས། ཀྲུང་གོས་འཛམ་གླིང་རྒྱལ་ཁབ་སོ་སོ་དང་མཉམ་དུ་ཆ་འཕྲིན་གསར་བརྗེའི་འཕེལ་རྒྱས་ཀྱི་ལོ་རྒྱུས་ཀྱི་རང་འགུལ་སྟངས་འཛིན་བྱས་ཏེ། ལག་གདང་སྦྲེལ་ནས་དྲ་རྒྱའི་བར་མཐོངས་ཀྱི་ལས་དབང་གཅིག་མཐུན་ཚོགས་པ་བསྐྲུན་ནས། དྲ་སྦྲེལ་གྱིས་མི་དམངས་དང་འཛམ་གླིང་ལ་སྔར་ལས་ལེགས་པའི་སྒོ་ནས་བདེ་སྐྱིད་བསྐྲུན་པའི་རེ་འདུན་བཅངས་ཡོད་ཅེས་གསུངས།
མཁའ་མཚོ་སྐྱིད་ཀྱིས་བསྒྱུར།
