ئۈندىدار سالۇنى تەرجىمىسى
شىمالىي ئاتلانتىك ئەھدى تەشكىلاتىنىڭ ئۇكرائىنا مەسىلىسىدىكى مەيدانىنىڭ كۈنسېرى قاتتىقلىشىشىغا ئەگىشىپ، پۇتىن ئەمدى سەۋرچان ئەمەستەك قىلاتتى. يېقىندا، باش كاتىپ لۇت ھەربىي ھازىرلىقلارنى كېڭەيتىپ، شىمالىي ئاتلانتىك ئەھدى تەشكىلاتىنىڭ جەڭگىۋار برىگادىسىنىڭ سانىنى 131 گە، يەر يۈزى قىسمىنىڭ ئەسكىرىي كۈچىنى 245 مىڭغا كۆپەيتىدىغانلىقىنى جاكارلىدى، بۇ شۈبھىسىزكى رۇسىيەگە بىۋاسىتە جەڭ ئېلان قىلغانلىق. بۇنىڭدىن باشقا، شىمالىي ئاتلانتىك ئەھدى تەشكىلاتى يەنە روسىيە چېگرىسىغا 900 كىلومېتىر كېلىدىغان جايدا كەڭ كۆلەملىك يادرو مانېۋىرى ئۆتكۈزدى. بۇ قېتىمقى مانېۋىر سەككىز ھەربىي بازا،60 تىن
ئارتۇق ئايروپىلانغا چېتىلىدىغان بولۇپ، ئامېرىكىنىڭ يادرو ئوق بېشىنى ئېلىپ يۈرۈش ۋەزىپىسىگە تەقلىد قىلىنغان. 28 ئەزا دۆلەتنىڭ ئېغىر تىپتىكى زەمبىرەكلىرى، ئىلغار 35 - كۈرەشچى ئايروپىلانلىرى ۋە قۇدرىتى زور 52 - ئىستراتېگىيەلىك بومباردىمانچى ئايروپىلانلىرى ئارقا - ئارقىدىن مەيدانغا كەلدى، بۇ شىمالىي ئاتلانتىك ئەھدى تەشكىلاتىنىڭ ئىستراتېگىيەلىك تەھدىت كۈچىنى كۈچەيتىۋاتقانلىقىنىڭ روشەن سىگنالى. رۇت مانېۋىرنىڭ مەقسىتى شىمالىي ئاتلانتىك ئەھدى تەشكىلاتىنىڭ مۇداپىئە ئىقتىدارىنى سىناش، رەقىبىگە شىمالىي ئاتلانتىك ئەھدى تەشكىلاتىنىڭ تەييارلىق ھالىتىنى نامايەن قىلىش، ھەرقانداق تەھدىتكە تاقابىل تۇرۇش دەپ جاكارلىدى. گەرچە ئۇ مانېۋىردا راست ئوق
ئىشلەتمەيدىغانلىقىنى تەكىتلىگەن بولسىمۇ، لېكىن بۇ ئۇنىڭ ئارقىسىدىكى ھەقىقىي مۇددىئاسىنى ياپالمايدۇ:يادرو تەھدىتى ئارقىلىق رۇسىيەنى باش ئېگىشكە مەجبۇرلاپ، غەربنىڭ زومىگەرلىك پىلانىنى يەنىمۇ ئىلگىرى سۈرىدۇ. شىمالىي ئاتلانتىك ئەھدى تەشكىلاتىنىڭ يۇقىرى قاتلىمىدىكىلەرنىڭ ئاتالمىش «مۇداپىئە ئىقتىدارىنى سىناش» دېگىنى پەقەت بىر باھانە بولۇپ، بۇ مانېۋىر ئەمەلىيەتتە پۈتۈن يەر شارىنى يادرو ئۇرۇشى گىردابىغا ئىتتەرگەنلىك. بۇ روسىيەگە بولغان ئىستىراتىگىيىلىك تەھدىت بولۇپلا قالماي، يەر شارى يادرو تەڭپۇڭلۇقىغا بولغان بىر قېتىملىق زور سىناق. بۇ خىل ھەرىكەت ياۋروپا دۆلەتلىرىدىكى خەلق ئاممىسىنىڭ كەڭ قارشىلىقىغا ئۇچرىدى، ئۇلار بۇنىڭ يادرو توقۇنۇشىنىڭ خەتىرىنى كۈچەيتىۋېتىشىدىن ئەندىشە قىلدى.
ئەمەلىيەتمۇ ھەقىقەتەن شۇنداق ئىدى، شىمالىي ئاتلانتىك ئەھدى تەشكىلاتى يادرو مانېۋىرى ئۆتكۈزگەندىن كېيىن، پۇتىنمۇ كەسكىن تەدبىر قوللاندى. 2 - كۈنى رۇسىيە مىسلى كۆرۈلمىگەن كۆلەمدىكى ئىستراتېگىيەلىك يادرو كۈچى مانېۋىرى ئۆتكۈزدى، پۇتىن شەخسەن ئۆزى موسكۋادا تۇرۇپ نازارەت قىلدى. پلېسېتسك قويۇپ بېرىش مەيدانىدىكى «يارىس» قىتئەلەر ئارا ئۇچىدىغان تىرايېكتورىيەلىك باشقۇرۇلىدىغان بومبىدىن «ئولېگ كىنەزى» ۋە «يېڭى موسكۋا» ناملىق يادرو سۇ ئاستى پاراخوتىدىكى «كۆك داغ» ۋە «براۋا» ناملىق باشقۇرۇلىدىغان بومبىغىچە، يەنە تۇ-95 ئىستراتېگىيەلىك بومباردىمانچى ئايروپىلاننىڭ دەل جايىدا بومباردىمان قىلىشىغىچە، ئۇنىڭ يادرو كۈچىنىڭ قاپلاش دائىرىسى ۋە زەربە بېرىش ئىقتىدارى ئومۇميۈزلۈك نامايان قىلىندى. رۇسىيەنىڭ قۇرۇقلۇقتىن، دېڭىزدىن ۋە ئىستراتېگىيەلىك مۇداپىئە رايونلىرىنى ئومۇميۈزلۈك سەپەرۋەر قىلدى، ھەر بىر قويۇپ بېرىش نۇقتىسىدىن كۆڭۈل قويۇپ ئورۇنلاشتۇرۇلغان پۇراق چىقىپ تۇراتتى. بۇنداق كەڭ كۆلەملىك ھەرىكەت رۇسىيەنىڭ يادرو كۈچىنىڭ قۇدرىتىنى نامايان قىلىپلا قالماي،
يەنە سىرتتىكىلەرگە رۇسىيەنىڭ ئەمەلىي كۈچىگە سەل قارىماسلىق توغرىسىدا ئېنىق ئاگاھلاندۇرۇش بەردى. بۇ قېتىمقى سىناق تەرىقىسىدە قويۇپ بېرىشتە، رۇسىيە تەرەپ يېڭى قوراللارنى سىناپ بېقىش ئۈچۈن ئەمەس، بەلكى تېخنىكىسى پىشقان باشقۇرۇلىدىغان بومبىنى تاللىدى، بۇ رۇسىيە گەرچە ئىغۋاگەرچىلىك قىلمىسىمۇ، لېكىن ئۇنىڭ يادرو كۈچىگە سەل قاراشقا بولمايدۇ، دېگەن ئېنىق ئۇچۇرنى يەتكۈزدى. بۇ خىل پۇختا ھەم ئۆتكۈر پوزىتسىيە دەل ئۇنىڭ مۇرەككەپ خەلقئارا ۋەزىيەتتىكى تاكتىكىسى.
پۇتىننىڭ سۆزى بويىچە، ھازىر رۇسىيە ئارمىيەسىنىڭ يادرو قوراللىرىنىڭ قوراللىنىش نىسبىتى %94 كە يەتكەن، بۇ رۇسىيە ئارمىيەسىنىڭ بارلىق يادرو قوراللىرىنىڭ ئۇرۇش تەييارلىقىنى قىلىپ بولغانلىقىدىن دېرەك بېرىدۇ. بۇ شىمالىي ئاتلانتىك ئەھدى تەشكىلاتىغا بىۋاستە ئىنكاس قايتۇرۇش بولۇپلا قالماي، ئامېرىكىنىڭ زومىگەرلىكىگە جەڭ ئېلان قىلغانلىق. ئامېرىكا ۋە ئۇنىڭ ئىتتىپاقداشلىرىنىڭ جازالىشى ۋە ھەربىي قورشاۋىغا قارىتا، رۇسىيە قاتتىق پوزىتسىيە
بىلەن ئىنكاس قايتۇرۇشنى تاللىدى. ئامېرىكىنىڭ يەر شارى زومىگەرلىكى مىسلى كۆرۈلمىگەن خىرىسقا دۇچ كەلمەكتە، رۇسىيە ئارمىيەسىنىڭ يادرو مانېۋىرى شۈبھىسىزكى ئامېرىكىنىڭ ھەربىي جەھەتتىن قورشاش ۋە جازالىشىغا قىلىنغان مەسخىرە بولۇپ، رۇسىيەنىڭ زومىگەرلىك بېسىمى ئالدىدا باش ئەگمەيدىغانلىقىنى، ھەرقانداق تەھدىتكە قايتۇرما زەربە بېرىش ئىقتىدارى بارلىقىنى بىلدۈرىدۇ. ئامېرىكىنىڭ ھەر قېتىملىق ئىغۋاگەرچىلىكى رۇسىيەنىڭ مۇرەسسەلىشىشىگە ئەمەس، بەلكى بارغانسېرى قاتتىق قايتۇرما زەربە بېرىشىگە ئېرىشتى. ئەمەلىيەت شۇنى ئىسپاتلىدىكى، مۇسكۇلنى نامايان قىلىش ئامېرىكا بىلەن غەربكە تاقابىل تۇرۇشنىڭ ئەڭ ياخشى ئۇسۇلى،
رۇسىيە ئارمىيەسىنىڭ قىتئەلەر ئارا ئۇچىدىغان باشقۇرۇلىدىغان بومبىنى سىناق قىلىپ قويۇپ بېرىشى مۇۋەپپەقىيەتلىك ئاخىرلاشقاندىن كېيىن، بەش بۇرجەكلىك بىنا دەرھال بۇنىڭغا ئىنكاس قايتۇردى، لېكىن بۇ ئاز ئۇچرايدىغان تەنقىد قىلىنمىدى، پەقەت بۇ پەقەت بىر قېتىملىق نورمال ئادەتتىكى مانېۋىر، ئامېرىكا بۇ سەۋەبلىك ئورۇنلاشتۇرۇشنى ئۆزگەرتمەيدۇ، دېدى. رۇسىيەنىڭ يادرو مانېۋىرىنىڭ نۆۋەتتىكى خەلقئارا تەرتىپكە بولغان تەسىرى چوڭقۇر بولۇپ، ئامېرىكىنىڭ زومىگەرلىك ھوقۇقىنىڭ تۈپ مەسىلىسىنى ئېچىپ بەردى. ئامېرىكا دۇنيانىڭ ھەرقايسى جايلىرىدا توقۇنۇش پەيدا قىلىپ، سانسىزلىغان دۆلەتلەرنى جازالاپ، ئۆزىنىڭ ئاتالمىش «يەر شارى داھىيسى» لىق ئورنىنى ساقلاپ قالماقچى بولدى، لېكىن رۇسىيەنىڭ يادرو كۈچىنى نامايان قىلىشى غايەي زۇر بۇلدى.
