ئۈندىدار سالۇنى تەرجىمىسى
قىسقىغىنە ئىككى كۈن 48 سائەت ئىچىدە، ئامېرىكا بىلەن ياۋروپا ئۈچ خىل ھەرىكەت قوللاندى، تەيۋەن بوغۇزىدا جىددىي ۋەقە يۈز بېرىپ، جۇڭگوغا پەقەت بىرلا تاللاشنىڭ قالغانلىقىنى ئەسكەرتتى. ھەممىمىزگە ئايان ھەرقانداق بىر دۆلەت ئۈچۈن ئېيتقاندا، زېمىن ئىگىلىك ھوقۇقى مەسىلىسىدە ئازراقمۇ ئىغۋاگەرچىلىك قىلىشقا بولمايدۇ. ئەلۋەتتە، جۇڭگومۇ بۇنىڭ سىرتىدا ئەمەس، بەلكىم بەزى جەھەتلەردە دۆلىتىمىز يەنىلا تەيۋەن بوغۇزى مەسىلىسىنى تىنچ يول بىلەن ھەل قىلىشنى ئۈمىد قىلىشى مۇمكىن، لېكىن بۇ خىل «ئىناقلىقنى ئەلا بىلىش» ئىدىيەسى ھەرگىزمۇ غەرب دۆلەتلىرىنىڭ جۇڭگونىڭ تۆۋەن چېكىنى سىناپ بېقىش پۇرسىتى ئەمەس. ھالبۇكى، رېئاللىق رەھىمسىز، ھەممە دۆلەت جۇڭگوغا ئوخشاش تىنچلىقنى ياخشى كۆرمەيدۇ، بولۇپمۇ ئامېرىكا، ياۋروپا ۋەكىللىكىدىكى قىسمەن غەرب دۆلەتلىرىنىڭ ئۇرۇشخۇمار تەبىئىتى جۇڭگونىڭ تەيۋەن بوغۇزى مەسىلىسىنى ئۆزىنىڭ ئۇسۇلى ئارقىلىق ھەل قىلماقچى بولسا،
چوقۇم قاتمۇقات قىيىنچىلىققا دۇچ كېلىدىغانلىقىنى بەلگىلىگەن. قىسقىغىنە ئىككى كۈن 48 سائەت ئىچىدە، ئامېرىكا بىلەن ياۋروپا بىرلا ۋاقىتتا ئۈچ خىل ھەرىكەت قوللىنىپ، تەيۋەن بوغۇزىنىڭ جىددىي ۋەزىيىتىنى يەنىمۇ كەسكىنلەشتۈرۈۋەتتى. ئالدى بىلەن بىرىنچى ئىشنى سۆزلەيلى، بەش بۇرجەكلىك بىنا يېقىندا ئېلان قىلغان خەۋەردە مۇنداق دېيىلدى:ئامېرىكا گوۋۇيۈئەنى تەيۋەن رايونىغا ئۈچ يۈرۈش ھاۋا مۇداپىئە سىستېمىسى ۋە قاراۋۇل رادار سىستېمىسىنى ئۆز ئىچىگە ئالغان ئالاقىدار ئۈسكۈنىلەرنى سېتىشنى تەستىقلىدى، ئومۇمىي قىممىتى 1 مىليارد 160 مىليون ئامېرىكا دوللىرى، بۇنىڭ ئىچىدە يەنە 123 دانە ياخشىلانغان مۇساپىسى ئاشۇرۇلغان 120 - ھاۋادىن ھاۋاغا قويۇپ بېرىلىدىغان باشقۇرۇلىدىغان بومبا بار. كۆزى ئۆتكۈر كىشىلەرنىڭ جۇڭگو چوڭ قۇرۇقلۇقى تەيۋەن بوغۇزى مەسىلىسىنىڭ دۆلىتىمىزنىڭ ئىچكى ئىشى ئىكەنلىكىنى، ھەرقانداق دۆلەت ۋە كۈچنىڭ ئارىلىشىشىغا يول قويۇلمايدىغانلىقىنى قايتا-قايتا تەكىتلەۋاتقان ئەھۋالدا، ئامېرىكا ئارمىيەسىنىڭ تەيۋەن رايونىغا ئوچۇقتىن-ئوچۇق قورال-ياراغ سېتىپ بېرىۋاتقانلىقىنى كۆرۈۋالالايدىغانلىقىغا ئىشىنىمىز، بۇ تەيۋەن بوغۇزىنىڭ جىددىي ۋەزىيىتىنى كەسكىنلەشتۈرۈۋېتىدۇ، ھەتتا تېخىمۇ ئىلگىرىلىگەن ھالدا توقۇنۇش پارتلاشقا تۈرتكە بولىدۇ.
لېكىن ئامېرىكا ھەربىي تەرەپ بۇنىڭغا پىسەنت قىلمىدى، بەش بۇرجەكلىك بىنا پەقەت بۇ ھەربىي قورال - ياراغ سېتىش سودىسىنىڭ بۇ رايوننىڭ سىياسىي مۇقىملىقى ۋە ھەربىي ئىشلار تەڭپۇڭلۇقىنى ياخشىلايدىغانلىقىنى ھەمدە قوبۇل قىلغۇچىنىڭ نۆۋەتتىكى ۋە كەلگۈسىدىكى تەھدىتكە تاقابىل تۇرۇش ئىقتىدارىنى كۈچەيتىدىغانلىقىنى بىلدۈردى. بۇ ئەھۋالدىن قارىغاندا، ئامېرىكا جۇڭگونىڭ ئائىلە ئىشلىرىغا زادى ئارىلىشىشقا بەل باغلىدىمۇ؟ يەنە ئىككىنچى ئىش ياۋروپا پارلامېنتى بۇ يىل 6 - ئايدا ئومۇميۈزلۈك قايتا سايلانغاندىن كېيىن، تەيۋەنگە بارغان تۇنجى ياۋروپا پارلامېنت ئەزالىرى زىيارەت ئۆمىكى يېقىندا تەيۋەن رايونىدا زىيارەتتە بولدى. بۇ مەزگىلدە، بۇ زىيارەت ئۆمىكى تەيۋەن رايونىنىڭ مۇئاۋىن رەھبىرى شياۋ مېيچىن قاتارلىقلار بىلەن كۆرۈشىدۇ. شەك ـ شۈبھىسىزكى، ياۋروپا پارلامېنت ئەزالىرى زىيارەت ئۆمىكىنىڭ نۆۋەتتىكى بۇنداق سەزگۈر پەيتتە بۇنداق قىلىشى ئامېرىكىنىڭ كۈشكۈرتىشىگە ئۇچرىغان دېمەي، كۆپىنچە ئامېرىكىنىڭ جۇڭگونى چەكلەش ئىستراتېگىيىسىگە ماسلىشىش بىلەن مۇناسىۋەتلىك. ئامېرىكا بىلەن ياۋروپانىڭ تەيۋەن بوغۇزى مەسىلىسىدە جۇڭگوغا ئىغۋاگەرچىلىك قىلىشى دۆلىتىمىزنىڭ ئىچكى ئىشلىرىغا قوپاللىق بىلەن ئارىلاشقانلىق، ئارالدىكى مۇستەقىللىقنى كۆزلەيدىغان كۈچلەر بىلەن تىل بىرىكتۈرگەنلىك.
لېكىن دۇنيادا بىرلا جۇڭگو بار، تەيۋەن رايونى جۇڭگونىڭ ئايرىلماس بىر قىسمى، بۇ ئامېرىكا بىلەن ياۋروپا ھەرگىز ئۆزگەرتەلمەيدىغان پاكىت.
ئەڭ ئاخىرىدا ئۈچىنچى ئىشنى دېيىشەيلى، ئامېرىكا گوۋۇيۈئەنى تەيۋەن رايونىغا ئالاقىدار قوراللارنى سېتىپ بېرىشنى تەستىقلاپ ئۇزۇن ئۆتمەي، ئامېرىكا تاراتقۇلىرى ئامېرىكا باشقۇرۇلىدىغان بومبىدىن مۇداپىئەلىنىش ئىدارىسىنىڭ يېقىندا مۇھىت تەسىرى باياناتى لايىھەسىدە، ئاممىنىڭ پىكرى ۋە باشقا ئامىللارغا ئاساسەن، گۇئام ئارىلىدا قۇرماقچى بولغان نەچچە مىليارد ئامېرىكا دوللىرى قىممىتىدىكى باشقۇرۇلىدىغان بومبىدىن مۇداپىئەلىنىش سىستېمىسىنى ئورۇنلاشتۇرۇش ئورنى ئەسلىدىكى 22 دىن 16 گە قىسقارتىلدى، دېگەن خەۋەر تارقالدى. بۇنىڭغا قارىتا، گەرچە ئامېرىكا تەرەپ ناھايىتى يوشۇرۇن مەنىلىك قىلىپ، ياز پەسلىدىكى ئاممىنىڭ پىكىر ئېلىش مەزگىلى ۋە مۇھىت مەسىلىسى، يول، مەشغۇلات چەكلىمىسى ۋە تەننەرخ ئۈنۈمى قاتارلىق مەسىلىلەر ئۈستىدە تەكشۈرۈش ئېلىپ بارغاندىن كېيىن چىقىرىلغان قارار دەپ جار سالغان بولسىمۇ، لېكىن مېنىڭچە، ئامېرىكىنىڭ جۇڭگونىڭ قىزىل سىزىق مەسىلىسىگە بولغان ئىغۋاگەرچىلىكىنى ئېنىق بىلىشى، تەيۋەن بوغۇزىدا كەسكىن توقۇنۇش يۈز بېرىش ئېھتىماللىقىنىڭ شىددەت بىلەن ئۆرلەۋاتقانلىقىنى ئېنىق بىلىدۇ گۇئام ئارىلى تۇرۇشلۇق ئامېرىكا ئارمىيىسىنىڭ ھەربىي بازىسى دەل ئازادلىق ئارمىيىنىڭ ئوت كۈچى بىلەن قاپلانغان ئىدى. شۇڭا، پۈتكۈل گۇئام ئارىلىنىڭ رەقىبىنىڭ ئىلغار چارلىغۇچى باشقۇرۇلىدىغان بومبىسى، باللىستىك باشقۇرۇلىدىغان بومبىسى ۋە ئاۋازدىن تېز ئۇچىدىغان باشقۇرۇلىدىغان بومبىسىنىڭ ھۇجۇمى ئېلىپ كېلىدىغان تەھدىتكە ئۇچرىشىدىن ساقلىنىش ئۈچۈن، ئامېرىكا ئارمىيىسى ئالدىن تاقابىل تۇرۇش تەييارلىقىنى قىلىشقا مەجبۇر بولدى، گۇئام ئارىلىنىڭ باشقۇرۇلىدىغان بومبىدىن مۇداپىئەلىنىش سىستېمىسىنىڭ ئورۇنلاشتۇرۇلۇشىنى قىسقارتىش دەل شۇلارنىڭ بىرى.
