作者简介
那萨，又名那萨·索样，藏族，青海玉树人。鲁迅文学院第二十一期少数民族文学创作培训班学员，鲁迅文学院第三十一期少数民族文学创作高级研修班（诗歌班）学员。出版有诗集《一株草的加持》《留在纸上的心》。
译者简介
加布青，藏族，1977年出生于玛曲，从1990年从事文学创作，并在《民族文学》《西藏文艺》《章恰尔》《岗尖梅朵》等省级以上文学刊物上发表小说、诗歌、评论等文学作品。作品有诗集《无常》《八廓酒馆》，小说集《苍白歌声》《香巴拉秃鹫》。
ཤོག་ངོས་སུ་བཞག་པའི་སེམས་པ།
(སྙན་ཚོམ)
ནག་བཟའ་བསོད་གཡང་གིས་བརྩམས།
སྐྱབས་ཆེན་བདེ་གྲོལ་གྱིས་བསྒྱུར།
ཉག་ཀ།
ཉག་ཀའི་རླུང་བུས དབྱར་གྱི་དྲོད་སྣང་ཐེར་ཚལ་སྦར་ཚལ་དུ་བྱས
དྲག་རླུང་འཛེགས་པའི་རི་རྩེར ཁ་བས་རང་གི་སྟེང་ལ་རང་ཉིད་བརྩེགས
མེ་ཏོག་གིས་གཏན་དུ་ངག་བསྡམས རིགས་སྡེ་ཐར་ཐོར་དུ་གྱུར་ཏེ
རླུང་བུའི་ཁྲོད་དུ་བབ་ཆགས་པར་བཞད
གངས་རིས་སྨུག་སྤྲིན་གྱི་ཡོལ་པ་འཐེན
ཚོད་མེད་དུ་ཞབས་བརྡོལ་བའི་སྣོད་ཀ་ཞིག་དང་འདྲ་བར
ངས་ནི་དེའི་ཁྲོད་དུ་གོམ་པ་བརྒྱབ
ནམ་མཁའ་སྟོང་པར་ལུས་པས་ཁྱད་དུ་འཕགས་པར་གྱུར
ལྷ་མོའི་ཞལ་འབག།
འབག་དཀར་པོ་གྱོན་མཁན་དེས ཐང་སྟོང་དུ་ཞབས་བྲོ་འཁྲབ
བློས་དཔག་དཀའ་བ་ཞིག་ལ ཁོས་ལེན་ཐེངས་རེ་རེར
ངས་མདུན་དུ་གོམ་པ་གང་སྤོས་ཏེ ང་རང་གི་རྣ་བ་བཙལ
སྐད་སྒྲ་ལས་སྲོག་ཆགས་ཀྱི་སྤུ་དང་བྲག་རྡོ ཁ་བའི་འདབ་མ་བཅས་
འཐོར
ཁོས་རླུང་བུའི་ཨམ་ཕྲག་ཉིད་མེས་པོའི་ཐབ་རྡོ་དང་མེ་སོན
ད་དུང་སྲིད་པའི་སྐད་སྒྲ་ཡོད་རྒུས་གཏམས་པར་བྱས
གོ་ཐོས་སུ།
ས་བོན་དང་གཙོད་ལ་ཤི་བ་སྔོན་དང་གསོན་པ་རྗེས་ཀྱི་དམ་ཚིག་འདུག
རྩྭ་ལྗང་དང་པོ་ལུང་མཐིལ་དུ་སྐྱེས་ཏེ་ལུང་འདབས་ཀྱི་རྟ་མཆོག་བསུས
གཡུ་ནི་གསེར་གྱི་ལྗོན་པ་ལས་ཀྱང་རྩ་ཆེ་བར་རྨི་ལམ་ལས་སྐྱེས
བསང་དུད་ཀྱི་ཀློང་དུ དྲི་ཟ་རྣམས་ཏེ་རྣམ་ཤེས་འཁྱམ་པོ་ཇི་སྙེད་ཅིག
འཚང་ཁ་ཤིག་ཤིག་ཏུ་འདུས
ཉི་འོད་འོག་གི་རྩྭ་རྩི་ཤིང་།
ཉི་འོད་ཀྱིས་འོད་རྣོན་པོ་ཕྱིར་བསྡུས་པ
ལག་པའི་རྒྱབ་ཏུ་འཇམ་པོར་ལྷུང
རི་རྒྱུད་ནི་ཞག་གཅིག་གིས་ཆར་ཐིགས་ཀྱིས་བྲན་པའི
ཞོགས་པའི་ན་བུན་གྱིས་བསྐོར
རམ་བུ་དང་སྐལ་བཟང་མེ་ཏོག། མེ་ཏོག་སེར་ཆེན་བཅས
རིམ་པ་བཞིན་ཉི་འོད་དང་བསྡེབས
རང་བྱུང་གི་འོད་སྣང་དེས
རང་ལུས་ནས་སྐྱེས་པའི་སྨག་རུམ་ཇི་བཞིན
མེ་ཏོག་དང་རྩི་ཤིང་མཐོ་རུ་བཏེགས
འོད་ཐིག་གཅིག་གི་ཡང་ཟོར་མཐོ་རུ་བཏེགས
འོད་དེ་མཛུབ་བར་ནས་མར་བཞུར་བའི་བར་དུ
རང་ཉིད་འོད་ཀྱི་གྲིབ་མའི་ནང་ཕྱིར་བཀྱེད་པའི་བར་དུ
ལུག།
སྐྱེས་པ་ནས་རྩྭ་ལྗང་གི་གྲོགས་དང་བསྡོངས
གཤིས་འཇམ་ཞི་དུལ་གྱིས་ཕྱུག
ཉིན་མཚན་རྟག་པར་གྲང་རླུང་བསགས་ཡོད་པས
རི་རྩེ་རུ་རྒྱུག་མི་རུང
དེ་དག་ནི་ལུག་སྟེ ལུང་མཐིལ་དུ་འཚོ་ཞིང
གཤོང་ས་ནས་ཆུ་བསྐྱིལ་དགོས
རྟ་ཕོའི་རྨིག་རྗེས་ནས་རྩྭ་ལྗང་སྐྱེ
དེ་ཚོར་བརྩེ་བ་ཡོད་ཀྱང་བརྗོད་དུ་མེད
དེ་ཚོར་གཡོ་བར་བྱེད མཁའ་དང་ས་གཞིའི་བར་དུ་གཡོ་བར་བྱེད
རླུང་གིས་བསྐམས་པའི་ས་བོན་དང
སྤྲིན་གྱི་ཡང་སྟེང་གི་རྟ་མཆོག་དང་ལྷན་དུ་གཡོ་བར་བྱེད
དེ་ཚོ་ནི་རི་བོ་ཞིག་གནས་སྤོས་རྗེས་ཀྱི་རྗེས་ཤུལ་ཏེ
སུ་ཡིས་མིག་ཟུང་བཙུམས་ཚེ
དེ་ཡི་སེམས་པ་རྣལ་དུ་གནས་པ་དང་འདྲའོ
བོད་ཡུལ་དུ།
གཡོན་ཕྱོགས་སུ་རང་ཉིད་ངོ་མ་བཞག་པ་ལག་མཐིལ་ལས་ཀྱང་ཆུང
གཡས་ཕྱོགས་སུ་བུ་མོ་ཞིག་གི་བཀའ་བཀོད་གྲང་མོ་ཞིག་མཆིས
མི་ཞིག་གི་འགྲུལ་ལམ་ནི་ཉེན་ཁ་བརྒྱུད་པ་སྟེ
ངེས་མེད་ཀྱི་དོན་མང་པོ་འདུག ལམ་ཡིག་གཅིག་གིས
དེ་སྔོན་གྱི་འཚོ་བ་དང་རྒྱབ་ལྗོངས་བྲིས་པར
འདྲ་དང་མི་འདྲ་བའི་ཆ་གཉིས་ཀ་འདུག
རྡོ་ཕ་བོང་ཞིག་ལ་རྣ་གཅུ་དཀྲིས་ཏེ
ཉི་འོད་ཀྱི་འོག་ནས་མགོ་བོ་འཁོར
ཆིག་ལབ་དག་ཕྲེང་བར་སྦྲེལ་ཅིང
ཞབས་བརྡོལ་བའི་འཇིག་རྟེན་ནས་ལྷན་པོ་བཙལ་ཏེ
རྒྱུ་མཚན་ལ་ཞེ་མི་ཐོགས་པར
བོར་ཟིན་པའི་ངོས་དེ་བསྒྲིབས་པར་བྱས
ཡར་མཆེད་པའི་དགོད་སྒྲ་ཐོས་ཚེ
ཤེས་ཚོར་གྱི་མཚར་སྣང་མདུན་དུ
ཞལ་འཛུམ་པའི་རྗེ་བཙུན་སྒྲོལ་མ་ཞིག་བཞུགས་འདུག
ན་བུན་སྲབ་མོ་དལ་གྱིས་ཡལ་དུས
གངས་དང་འཁྱགས་པ་ཞུ་སྟེ་ཆུ་མིག་དྭངས་མོར་གྱུར
……
（阅读全文，请见《民族文学》藏文版2024年第6期）
责任编辑 阿旺加措
三种方式订阅杂志
