བོད་ལྗོངས་བོད་སྐད་སྲུང་སྐར་འཕྲིན་ལམ་གྱི་《༢༠༢༥ལོ་འཛུམ་གྱིས་བསུ》དང《བཀྲ་ཤིས་པའི་ཞོགས་པ》ཞེས་པའི་མཚན་ཚོགས་ལ་བརྩམས་ཆོས་བསྡུ་བའི་གསལ་བརྡ།
འབྲས་ལྡན་འབྲུག་ལོའི་ཉི་བཟང་བཞུད་ལ་ཉེ།།
རེ་བཟང་ཤིང་སྦྲུལ་གནམ་ལོ་ཚེས་ལ་ཁད། །
ལོ་ཡག་རྟེན་འབྲེལ་འགྲིག་པའི་འགོ་མ་རུ། །
གླུ་གར་མིག་ཡིད་དགྱེས་སྟོན་འདི་ནས་བཤམས། །
གཟིགས་མོ་བ་ལྷན་རྒྱས་དང་། ལྷག་པར་དུ་སྒྱུ་རྩལ་ལ་བྱང་ཆ་ཆེ་ཞིང་། ལས་དེར་སྤྲོ་བས་འཇུག་མཁན་ཡོངས་ལ་ཞུ་གསོལ།
འབྲས་བུས་ཕྱུག་ལ། ལོ་རྒྱུས་ཀྱི་དོན་སྙིང་དམིགས་བསལ་ལྡན་པའི་སྤྱི་ལོ་༢༠༢༤ ལོར་རྫོགས་ཚིགས་འཐེན་ལ་ཉེ་ཞིང་། རེ་བ་དང་ཡིད་ཆེས་ཀྱིས་ཁེངས་པའི་༢༠༢༥ལོའི་འཛུམ་ཞལ་ངོམ་ལ་ཁད་པ་དང་ལོ་རྙིང་ཕར་ལ་བསྐྱལ་ཞིང་ལོ་གསར་ཚུར་ལ་བསུ་བའི་དུས་བཟང་ཤར་གྲབས་ཡོད་པའི་སྐབས་འདིར། ངེད་བོད་ལྗོངས་རླུང་འཕྲིན་བརྙན་འཕྲིན་ལས་ཁུངས་བོད་སྐད་སྲུང་སྐར་འཕྲིན་ལམ་གྱི་ལོ་རེའི་འཆར་ཅན་གཞས་མ་གཏམ་མཚན་ཚོགས《འཛུམ་གྱིས་བསུ》ཞེས་པ་དང་། ལོ་གསར་ཚེས་གཅིག་གི་ཞོགས་པའི་དམིགས་བསལ་མཚན་ཚོགས《བཀྲ་ཤིས་པའི་ཞོགས་པ》ཞེས་པའི་ལེ་ཚན་གྱི་གྲ་སྒྲིག་ལས་དོན་དངོས་སུ་འགོ་བརྩམ་བཞིན་ཡོད་པས། གལ་ཏེ་སྐུ་ཉིད་ལ་རིག་རྩལ་ཐད་སྐྱེས་སྟོབས་ཀྱི་ཤེས་རབ་དང་སྦྱངས་སྟོབས་ཀྱི་ཡོན་ཏན་ལྡན་ཞིང་འཕྲལ་ཕུགས་ཀུན་ཏུ་རིག་རྩལ་ཕྱག་ལས་ལ་སྤྲོ་དགས་བརྟས་པ་དང་བརྩམས་ཆོས་ཕུལ་དུ་བྱུང་བ་དག་ཀྱང་ཀུན་གྱི་གཟིགས་མོར་འབུལ་བའི་ཐུགས་འདུན་ཡོད་ཚེ་མཚན་ཚོགས་འདི་གཉིས་ནི་ཁྱེད་ཀྱི་ཕུགས་འདུན་མངོན་དུ་འགྱུར་སའི་གར་སྟེགས་ལེགས་ཤོས་ཤིག་ཡིན་ངེས།
ང་ཚོས་མཚན་ཚོགས་ཀྱི་ནང་དོན་ཕུན་སུམ་ཚོགས་པོ་ཡོང་བ་དང་། མང་ཚོགས་གང་མང་མཉམ་ཞུགས་ཐུབ་ཆེད། ལོ་ལྟར་གཟིགས་མོ་བ་ཡོངས་ལ་ཁ་ཕྱོགས་ཏེ། བརྩམས་ཆོས་བསྡུ་ལེན་བྱས་ནས་སྒྱུ་རྩལ་ལ་དང་ཞེན་ཅན་གསར་པ་མང་པོ་ཞིག་དངོས་སུ་གར་སྟེགས་ཐོག་ཐོན་ཐུབ་པའི་འཁུར་སྐྱོང་བཞིན་ཡོད་ལ་འདི་ལོ་ཡང་ང་ཚོས་མུ་མཐུད་སྔར་སྲོལ་བཞིན་བོད་སྐད་ཀྱི་མཚན་ཚོགས་འདི་གཉིས་པོར་བརྩམས་ཆོས་གང་མང་བསྡུ་འཆར་ཡོད།
དེ་ཡང་སྤྱི་ལོ་༢༠༢༥ལོ་ནི་བོད་རང་སྐྱོང་ལྗོངས་དབུ་བརྙེས་ནས་ལོ་༦༠འཁོར་བའི་དུས་བཟང་ཞིག་ཡིན་པས་དེ་ནི་ང་ཚོ་ཐུན་མོང་གི་དུས་སྟོན་ཞིག་ལགས་ན་སྐུ་ཉིད་ཀྱང་དགའ་བའི་རྟ་ཕོར་མཉམ་བཞོན་ཟེར་བའི་དཔེ་ལྟར་བྱེད་སྒོར་མཉམ་ཞུགས་ཐུབ་རྒྱུའི་འདུན་པ་འཆང་བཞིན་ཡོད།
བརྩམས་ཆོས་བསྡུ་བའི་གནས་ཚུལ་ཞིབ་ཕྲ་གཤམ་གསལ།
དང་པོ། ནང་དོན་ཐད།
2024
གཉིས་པ། བརྩམས་ཆོས་བསྐུར་བའི་དུས་ཚོད།
2024
གསུམ་པ། དོ་སྣང་བྱེད་དགོས་པའི་གནད་དོན།
2024
བཞི་པ། བརྩམས་ཆོས་བསྐུར་སའི་ཡིག་ཟམ་ཨང་གྲངས།
2024
ལྔ་པ། འབྲེལ་གཏུགས་ཁ་པར་ཨང་གྲངས།
2024
ང་ཚོས་འདིར་སྐུ་ཉིད་ཕེབས་སྒུག་ཞུ་རྒྱུ་ཡིན།
༢༠༢༥ལོ་འཛུམ་གྱིས་བསུ་དང་བཀྲ་ཤིས་པའི་ཞོགས་པ་འཁྲབ་ཁྲིད་ཚོགས་ཆུང་ནས།
༢༠༢༤ལོའི་ཟླ་༡༠ཚེས་༢༤ཉིན།
གཙོ་སྒྲིག་པ། ཁྲི་གོང་ཨོ་རྒྱན་ཚེ་རིང་།
གཙོ་སྒྲིག་གཞོན་པ། ཕུན་རྡོར། བཟང་པོ།
རྩོམ་སྒྲིག་པ། ནོར་བུ་དོན་གྲུབ། བྱམས་པ།
主编：吾见才让
副主编：平多 桑布
编辑：罗布顿珠 先巴
来源 | 西藏广播电视台
