مىسرانىم سالۇنى تەرجىمىسى
ئوتتۇرا شەرق رايونىنىڭ ۋەزىيىتى ئەزەلدىن مۇرەككەپ، ئۆزگىرىشچان بولۇپ،
خۇددى ھەر ۋاقىت پارتلاش ئېھتىمالى بولغان يانار تاغقا ئوخشايدۇ. «نېمە تېرىساڭ شۇنى ئالىسەن» دېگەندەك، ئەمما قارىماققا ئادەتتىكىچە كۆرۈنىدىغان بۇ ئۆچ ئېلىش ھەرىكىتىنىڭ يەر-جاھاننى زىلزىلىگە كەلتۈرىدىغان ھەربىي قارشىلىشىشقا ئايلىنىپ كېتىدىغانلىقىنى كىممۇ ئويلىسۇن؟ ![]()
8-ئاينىڭ 25-كۈنى تاڭ سەھەردە، كۆپ ساندىكى كىشىلەر تېخى ئۇخلاۋاتقاندا، ئىسرائىلىيە كۈرەشچى ئايروپىلانلىرى ئاسمانغا كۆتۈرۈلگەن ئىدى. بۇ قېتىمقى ھەرىكەتنى ئىسرائىلىيەنىڭ يېقىنقى يىللاردىن بۇيانقى ئەڭ چوڭ كۆلەمدىكى ھاۋا ھۇجۇمى دېيىشكە بولىدۇ، ئۇنىڭ ھەيۋىسى ناھايىتى زور بولۇپ، كىشىگە ئىختىيارسىز «يەر-جاھاننى زىلزىلىگە كەلتۈرىدىغان» دېگەن ئىدىيومنى ئەسلىتىدۇ.
ئىسرائىلىيەنىڭ بۇ قېتىمقى ھاۋا ھۇجۇمىنىڭ نىشانى لىۋان چېگرىسى ئىچىدىكى 23 شەھەر-بازار. كۈرەشچى ئايروپىلانلار خۇددى بىر توپ ئېچىرقاپ كەتكەن يىرتقۇچ قۇشلارغا ئوخشاش، لىۋان ئاسمىنىدا ئايلىنىپ، ھەر ۋاقىت شۇڭغۇپ چۈشۈشكە تەييارلاندى. قىسقىغىنە بىر نەچچە سائەت ئىچىدە، ھاۋادىن يەرگە ھۇجۇم قىلىدىغان تەخمىنەن 70 دانە باشقۇرۇلىدىغان بومبا
ئاقار يۇلتۇز يامغۇرىدەك ئېقىپ چۈشۈپ، لىۋان زېمىنىدا غايەت زور ئورەكلەرنى قالدۇردى.
ئىسرائىلىيەنىڭ ھۇجۇمى بۇنىڭلىق بىلەن توختىمىدى. ھاۋا ھۇجۇمىدىن كېيىن، يەر يۈزى قىسىملىرىمۇ شىددەتلىك توپقا تۇتۇشقا باشلىدى. تەخمىنەن 50 زەمبىرەك ئوقى لىۋاننىڭ 19 شەھەر-بازىرىغا يامغۇردەك چۈشۈپ، ئەسلىدىكى جىمجىت سەھەرنى ئۈزۈل-كېسىل بۇزۇپ تاشلىدى. بۇ قېتىمقى تۇيۇقسىز ھۇجۇم لىۋان خەلقىنى تەمتىرىتىپ قويدى، نۇرغۇن كىشىلەر ئۇيقۇدىن ئويغىنىشقا ئۈلگۈرمەيلا، كۈچلۈك پارتلاش ئاۋازىدىن چۆچۈپ ئويغىنىپ كەتتى.
ئۇلار نۇرغۇن كاتيۇشالارنى ئىشقا سېلىپ، ئىسرائىلىيىنىڭ شىمالىدىكى 11 ھەربىي ئەسلىھەگە شىددەتلىك ھۇجۇم قوزغىدى. ئاسماننى بىردىنلا «كاتيۇشا» ناملىق راكېتا بومبىسىنىڭ قۇيرۇقى قاپلىدى، زىچلىقى «تۆمۈر چېلەك سېپى» دىن قېلىشمايتتى.
بۇ تۇيۇقسىز يۈز بەرگەن ئۆچ ئېلىش بورىنى ئىسرائىلىيە ھەربىي تەرەپنى تەمتىرىتىپ قويدى. ئەسلىدە ئالدىن قول سېلىش ئارقىلىق قارشى تەرەپنىڭ جەڭگىۋارلىقىغا زەربە بېرەلەيمەن دەپ ئويلىغان، ئويلىمىغان يەردىن قارشى تەرەپنىڭ تېخىمۇ كۈچلۈك قايتۇرما زەربىسىگە ئۇچرىدى. ئىسرائىلىيەنىڭ يۇقىرى دەرىجىلىك ھەربىي، مەمۇرىي ئەمەلدارلىرى ئامالسىز جىددىي مۇداپىئە ھالىتىگە كىرىپ، ۋەزىيەتنى قايتىدىن باھالاشقا باشلىدى.
لىۋان تەرەپمۇ ئېغىر زىيانغا ئۇچرىدى. ھاۋا ھۇجۇمى ۋە توپقا تۇتۇشتا ئادەم بىۋاستە تالاپەتكە ئۇچراپلا قالماي، يەنە شۇ جاينىڭ ئۇل ئەسلىھەلىرىگە ئېغىر بۇزغۇنچىلىق قىلدى. ![]()
ئىسرائىلىيە ھۆكۈمىتى مۇشۇنداق كەسكىن ۋەزىيەتكە قارىتا كەلگۈسى 48 سائەتتە جىددىي ھالەتكە كىرىدىغانلىقىنى جاكارلىدى. بۇ ئىسرائىلىيەنىڭ تېخىمۇ كۆپ ھەربىي بايلىقنى يۆتكەپ، يۈز بېرىش ئېھتىمالى بولغان توقۇنۇشقا تاقابىل تۇرۇشقا ھەر ۋاقىت تەييار تۇرىدىغانلىقىدىن دېرەك بېرىدۇ. خەلقئارا جەمئىيەتمۇ بۇ ۋەزىيەتنىڭ تەرەققىياتىغا دىققەت قىلىشقا باشلىدى، ئىككى تەرەپنىڭ ئۆزىنى تۇتۇۋېلىپ، توقۇنۇشنىڭ يەنىمۇ كەسكىنلىشىپ كېتىشىدىن ساقلىنىشىنى بەس-بەستە مۇراجىئەت قىلدى.
ۋەقەنىڭ تەرەققىياتى كۆپ ھاللاردا ئادەمنىڭ ئىرادىسىگە باغلىق بولمايدۇ. سەھەردىن باشلانغان بۇ ھاۋا ھۇجۇمى كونترول قىلىش تەس بولغان ھەربىي تىركىشىشكە ئايلاندى. ئىككى تەرەپ كېيىنكى قەدەمدىكى ھەرىكەت ئۈچۈن تەييارلىق قىلىۋاتىدۇ، ھاۋانى ئوق-دورا پۇرىقى قاپلىدى. كىشىلەر ئىختىيارسىز بۇ توقۇنۇش ئەڭ ئاخىرىدا قانداق ئاخىرلىشىدۇ؟ دەپ سورىماقچى بولدى. تىنچلىق ۋە خاتىرجەملىك ئۇرۇش ئازابىنى يەتكۈچە تارتقان بۇ زېمىنغا قاچان قايتىپ كېلىدۇ؟
بۇ تۇيۇقسىز يۈز بەرگەن ھەربىي توقۇنۇش بىزگە ئۇرۇشنىڭ رەھىمسىزلىكى ۋە تىنچلىقنىڭ قەدرىنى يەنە بىر قېتىم كۆرسەتتى. ئۇچۇر يۈكسەك تەرەققىي قىلغان بۇ دەۋردە، بىز بىر-بىرىمىزنى تېخىمۇ چۈشىنىپ، زىددىيەتلەرنى ھەل قىلىشىمىز كېرەك ئىدى. رېئاللىق ھەمىشە تاسادىپىيلىق ۋە خىرىسقا تولغان.
بەلكىم، بىز قىممەت قارىشىمىز ۋە ھەرىكىتىمىزنى قايتا تەكشۈرۈشىمىز كېرەك. دۆلەت مەنپەئىتىنى قوغلىشىش بىلەن بىر ۋاقىتتا، بىز ئىنسانلارنىڭ ئورتاق بەختىنى تېخىمۇ كۆپ ئويلىشىشىمىز كېرەكمۇ؟ زىددىيەت ۋە توقۇنۇشقا يۈزلەنگەندە،بىز تېخىمۇ ئاقىلانە ۋە تىنچ ئۇسۇل ئارقىلىق مەسىلىنى ھەل قىلساق بولامدۇ؟
بىز ئورتاق تىرىشىپ، بۇ دۇنياغا تېخىمۇ كۆپ چۈشىنىش ۋە كەڭ قورساقلىق ئاتا قىلىپ، تىنچلىق نۇرىنى ھەر بىر بۇلۇڭ-پۇچقاقنى يورۇتايلى. مۇشۇنداق قىلغاندىلا، ئۇزاق مۇددەتلىك تىنچلىق ۋە گۈللىنىشنى ھەقىقىي ئىشقا ئاشۇرالايمىز.
ئىلان بېسىپ قوياڭلا خەلقىم ئۇندا قىلماي![]()
