الەمدەگى قىس كورمەيتىن 5 ەل
تابيعاتتىڭ زاڭدىلىعىنا باعىناتىن بولساق، جەر بەتىندە ءتورت مەزگىل بار: كوكتەم، جاز، كۇز، قىس. ءار مەزگىلدىڭ وزىنە ءتان ەرەكشەلىگى مەن قۇندىلىعى بار. كوكتەم – قۇلپىرۋ مەن قايتا وركەندەۋدىڭ مەزگىلى بولسا، جاز – جاسىل باقتىڭ، كۇز – سارعايعان ساعىنىشتىڭ، ال قىس – مامىق ورانعان اق دالانىڭ مەزگىلى. بىرىندە كۇن شۋاقتى بولسا، بىرىندە جاڭبىر، بىرىندە قاپالاقتاپ جاۋعان قار. ءبىر قىزىعى «ماڭگىلىك جاز» اتانىپ كەتكەن ەلدەر دە بار. بۇل ەلدەر قاردى تەك كوگىلدىر ەكراننان كورمەسە، قىستىڭ قانداي سۋىق بولاتىنىن ەلەستەتە دە المايدى. «ماڭگىلىك جاز» ەلدەرىنە بىرگە ساياحاتتايىق.
اۆستراليا
جەلتوقسان مەن اقپان ايىنىڭ ارالىعىندا قالىپتى جاعدايدا قار ءتۇسىپ، قىس مەزگىلى بولاتىن كەز. ءبىزدىڭ ەلدە دە بۇل ايلاردا قار قالىڭ ءارى قىس سۋىق بولادى. ال اۆستراليادا كەرىسىنشە وسى كەزدە باقتارى گۇلدەپ، جاسىل جەلەككە ورانادى. اۋا تەمپەراتۋراسى +30 گرادۋسقا دەيىن جەتەدى.
بالي. يندونەزيا
ىستىق بەلدەۋلى ورماندارعا تولى باليدا ماڭگى جاز. +33 گرادۋسقا دەيىن جەتەتىن ەلدە ءسىز جاقسى دەمالىپ قايتۋعا مۇمكىندىك الا الاسىز. كۇندىز ىستىق، كەشكىسىن تروپيكالىق سالقىن جەل عانا بولادى.
گوا. ءۇندىستان
گوا – ەڭ ىستىق ءارى تابيعاتى كەرەمەت جەر. ءۇندىستاندا ورنالاسقان گوانىڭ جاعالاۋلارىنان ساياحاتشىلار اياعى ۇزىلگەن ەمەس. اۋا تەمپەراتۋراسى بىزدە –30 بولعان كەزدە، بۇل جەردە، كەرىسىنشە، +32 گرادۋس ىستىقتى كورسەتەدى.
ەگيپەت/ مىسىر
ەجەلگى ءومىردىڭ قاقپاسىن اشاتىن، پيراميدالارعا تولى ەگيپەتتە ماڭگىلىك جازدىڭ بەلگىسى رەتىندە قۇمدى دالاسىن كورەمىز. +30-35 گرادۋس اراسىندا ىستىقپەن ارپالىسىپ جۇرۋگە دايىن بولساڭىز، «ماڭگىلىك جاز» ءسىزدى قۇشاق جايا قارسى الادى.
مالديۆ
قىمبات تاستاردىڭ وتانىنا اينالعا مالديۆ ارالدارى سىزگە تانىس. ءۇندى مۇحيتىمەن كومكەرىلىپ جاتقان ارالدا ءسىز ەستەن كەتپەس دەمالىس وتكىزەسىز. بۇل ەلدە اۋا تەمپەراتۋراسى +30 گرادۋستان اسادى.
微信小程序搜索《xalhar翻译》
视频下载APP：mtv.xalhar.net
音乐下载APP：app.xalhar.net
视频下载APP：mtv.xalhar.net
音乐下载APP：app.xalhar.net
