ءبىز قايتا تاتۋلاسۋ ءۇشىن رەنجىسەمىز
ادام بالاسى بولعاننان كەيىن ومىردە ءتۇرلى جاعداي ورىن الادى. بارىنە تىكەلەي ادامنىڭ ءوزى اسەر ەتەدى. انىعىن ايتقاندا ونىڭ قاسيەتتەرى، مىنەزى. ماسەلەن، ۇرىسامىز، رەنجىسەمىز، قۋانامىز. ال بۇلاردىڭ ءبارى قاسىڭداعى ادامدارعا دا اسەر ەتەدى.
ءبىز كەشىرىم سۇراۋ ءۇشىن كىنالى بولامىز
كەز كەلگەن ادام قاتەلەسەدى. ەشكىم يدەال ەمەس. ءبارىنىڭ ءبىر جەردەن قاتەلەسۋى مۇمكىن. ءبىراق قاتەلىك جاسالعان سوڭ مىندەتتى تۇردە كەشىرىم سۇرايمىز. بۇل ادامنىڭ قانىندا بار قاسيەت. تەك كەشىرىم سۇرامايتىن ادامدار بولۋى مۇمكىن، ولاردىڭ تابيعاتى باسقا.
ءبىز قۋانۋ ءۇشىن جىلايمىز
ءومىر بولعان سوڭ قۇلايسىز، جىعىلاسىز، جىلايسىز. ءبىراق ءبارىنىڭ ارتىنان ءبىر قۋانىش بار. ول قۋانىشتى ءبىز اسىعا كۇتەمىز. ءبىز شىنايى قۋانى ءۇشىن جىلايمىز. الما - كەزەك دۇنيەنىڭ اعىسى ءسىزدى ءبىر جىلاتىپ، ءبىر كۇلدىرەدى.
ءبىز باقىتتى بولۋ ءۇشىن قينالامىز
«باقىت» باسقا كەلىپ قوناتىن قۇس دەيمىز. ءبىراق كۇندەلىكتى ومىردە قاراپايىم كەپتەردى وزىڭزىگە ۇيرەتۋ ءۇشىن وعان جەم بەرەسىز، ۇيرەتەسىز. ءدال سول سەكىلدى باقىتتى بولۋ ءۇشىن ءتۇرلى قيىندىقتارعا تاپ بولامىز. باقىت سونىسىمەن ەرەكشە جانە ءتاتتى. سوندىقتان ەشبىر قيىندىقسىز باقىتقا كەنەلۋ كۇدىك تۋدىراتىن دۇنيە. ءار ءساتتىڭ قادىرىن ءبىلۋ ارقىلى باقىتقا قول جەتكىزۋگە بولادى.
ءبىز جەڭىسكە جەتۋ ءۇشىن جەڭىلەمىز
جارىستا، سپورتتىق قىزمەتتە كەز كەلگەن بىلىكتى مامان نە سپورتشى جەڭەدى جانە جەڭىلەدى. ۇنەمى جەڭىس ءسىزدى قۇلدىراۋ شەگىنە الىپ كەلەدى. سوندىقتان قايتا تۇرىپ، جەڭىسكە ۇمتىلۋ ءۇشىن جەڭىلەمىز. بۇل ءومىردىڭ جانە تابيعاتتىڭ زاڭدىلىعى.
ءبىز ۇتۋ ءۇشىن ۇتىلامىز
بۇل ءسوز تەگىندە كاسىپكەرلەرگە جاقىن. سەبەبى ءىسىن كەشە عانا باستاعان كاسىپكەر ءبىر جىل ىشىندە بايىپ كەتپەيدى. وعان جەمىستى ەڭبەك كەرەك. ءتىپتى شىعىنعا باتىپ ۇتىلاسىز. ءبىراق ول ۇتىلۋ جوق بولىپ كەتۋ دەگەن ءسوز ەمەس، ۇتۋعا باستايتىن جولدىڭ ءبىرىنشى باسپالداعى.
ءبىز تاتۋلاسۋ ءۇشىن رەنجىسەمىز
عاشىقتار اراسىنداعى ۇرىس - كەرىستىڭ ءبارى دەرلىك جامان جاققا باستامايدى. كەيدە ۇساق - تۇيەككە بولسىن رەنجىسىپ قالۋ، ءسىزدىڭ ماحابباتىڭىزدى بەرىك ەتۋى مۇمكىن. سەبەبى رەنجىسكەن ادام قايتا تاتۋلاسۋعا تىرىسسا بۇل ناعىز سەزىم. سوندىقتان بولار ماحاببات مايدانىندا ءبىز تاتۋلاسۋ ءۇشىن رەنجىسەمىز.
ءسىز ءدال قازىر قانداي جاعداي بولماسىن وكىنىپ نە، قۋانىپ وتىرعان بولساڭىز تاسىماڭىز نە قايعىرماڭىز. سەبەبى ءار ءىستىڭ قاراما - قارسى جاعى بار.
ءبىز جاقسى ءومىر ءسۇرۋ ءۇشىن ارماندايمىز!
微信小程序搜索《xalhar翻译》
视频下载APP：mtv.xalhar.net
音乐下载APP：app.xalhar.net
视频下载APP：mtv.xalhar.net
音乐下载APP：app.xalhar.net
