دۇنگەن قىزى انىنىڭ شىعۋ تاريحى
كوزى تىرىسىندە-اق ەل قوشەمەتىنە بولەنىپ، قازاق سازىنىڭ پاديشاسىنا اينالعان ءشامشى قالداياقوۆ ماڭگىلىك ولمەيتىن تالاي اندەرىن قالدىرىپ كەتتى. سونىڭ ءبىرى – «دۇنگەن قىزى». بۇل ءاندى ءشامشى بەلگىلى اقىن سابىرحان اسانوۆپەن بىرلەسە وتىرىپ شىعارعان ەكەن.
بىردە ءشامشى وزىمەن بىرگە سابىرحان اسانوۆتى ەرتىپ جامبىل ءوڭىرىن ارالاۋعا كەتەدى. بىرگە جۇرگەن ساپاردا ەكەۋى «وتىرارداعى توي»، «تەرىسكەي»، «ساعىنىشىم مەنىڭ»، «فوسفورلى جامبىل»، «اسەمسىڭ انىڭدەي» سيياقتى اندەردى جازادى. ءبىرى سازىن، ءبىرى ءماتىنىن شىعارىپ جۇرگەن كۇندەردىڭ بىرىندە «دۇنگەن قىزى» ءانى دۇنيەگە اكەلەدى. اۋەلى بۇل ءاننىڭ سازى كەيىن ءماتىنى كەلگەن ەكەن. جامبىل وڭىرىندە دۇنگەن اۋىلى بار. كەزىندە ءشامشى سول اۋىلدا تۇرىپ، دۇنگەن حالقىمەن ءسىز-ءبىزى جاراسقان دەسەدى. سول اۋىلدىڭ تۇرعىنى دۇنگەن قىزىن ءشامشى ءوز سازىنا قوسقان. سازگەردىڭ سەزىمىن سۇيىسپەنشىلىككە تولتىرىپ، ءتانتى ەتىپ، اسەم انگە ارقاۋ بولعان «دۇنگەن قىزى» بۇل كۇندە كوزى ءتىرى كورىنەدى. شامشىدەي اقپەيىل جاننىڭ نازىك جۇرەگىن سەزىم مەن سازعا بولەگەن دۇنگەن ارۋىنىڭ قۇرمەتىنە شىعارىلعان ءان قازاقتىڭ ءسۇيىپ ايتار انىنە اينالدى.
اقىن سابىرحان اسانوۆ
جامبىل وڭىرىندەگى ساپار كەزىندە جەرگىلىكتى تۇرعىندار سازگەر مەن اقىنعا قوشەمەت كورسەتسە كەرەك. سوندا ءشامشى: «اينالايىن، قازاقتارىم-اي، پەيىلدەرىڭە، كەڭ جۇرەكتەرىڭە راحمەت. سابىرحان ەكەۋمىز جازعان اندەردى اۋەلەتىپ جۇرگەن سەندەرگە مىنا بىزدەر قارىزبىز» دەگەن ەكەن. سازگەر ايتقانداي-اق، ءاندى جەرگىلىكتى حالىق جادىندا ساقتاپ، ونىڭ كوزدەن تاسا بولۋىنا جول بەرمەگەن.
«دۇنگەن قىزى» ءانى ءبىراز جىلدار بويى ايتىلماي كەلدى. وتكەن عاسىردىڭ اياعىندا عانا ءاندى عاني ماتەباەۆ پەن ماقسات بازارباەۆ ءوز رەپەرتۋارلارىنا قوسىپ، حالىققا ۇسىندى.
دۇنگەن قىزى
ءانىن جازعان: ءشامشى قالداياقوۆ
ءسوزىن جازعان: سابىرحان اسانوۆ
تۇندەي تۇنىق كوزدەرىڭنىڭ قاراسى،
قوسىلارداي قاستارىڭنىڭ اراسى.
جالت قاراسام، جالىن اتقان اق ءجۇزىڭ،
الاۋلايدى اتقان تاڭمەن تالاسىپ، سىرعالىم.
قايىرماسى:
قييال قانشا ەرتەدى ەلەس
دۇنگەن قىزى، ارمانىم.
كەز بوپ كەلسە ەرتەلى-كەش،
سەنەن كوزدى المادىم.
وزگەنى ەمەس، ءوزىڭدى ويلاپ جۇدەدىم،
تۇسىنەر دەپ ءبىر قازاقتىڭ جۇرەگىن، سىرعالىم.
كىمگە بولسىن سۇيكىمدى ءبىر بالاسىڭ،
كوڭىلىمدى باۋراپ الىپ باراسىڭ.
گۇلگە ورايسىڭ، تۇنگە ورايسىڭ جىلدا سەن،
ەلگە جاننات ەركە تالاس دالاسىن، سىرعالىم.
قايىرماسى:
قييال قانشا ەرتەدى ەلەس
دۇنگەن قىزى، ارمانىم.
كەز بوپ كەلسە ەرتەلى-كەش،
سەنەن كوزدى المادىم.
وزگەنى ەمەس، ءوزىڭدى ويلاپ جۇدەدىم،
تۇسىنەر دەپ ءبىر قازاقتىڭ جۇرەگىن، سىرعالىم.
سەنى ويلاۋمەن ارتتا سۋىق قىس قالدى،
سەنى ويلاۋمەن جازعى ۇزاق ءتۇن قىسقاردى.
باقىت جايلى ءاندى بىرگە ششىرقايىق،
قوناقتاتىپ قويىپ باۋعا قۇستاردى، سىرعالىم.
قايىرماسى:
قييال قانشا ەرتەدى ەلەس
دۇنگەن قىزى، ارمانىم.
كەز بوپ كەلسە ەرتەلى-كەش،
سەنەن كوزدى المادىم.
وزگەنى ەمەس، ءوزىڭدى ويلاپ جۇدەدىم،
تۇسىنەر دەپ ءبىر قازاقتىڭ جۇرەگىن، سىرعالىم.
دايىنداعان: عازيزا ۇزاق
微信小程序搜索《xalhar翻译》
视频下载APP：mtv.xalhar.net
音乐下载APP：app.xalhar.net
视频下载APP：mtv.xalhar.net
音乐下载APP：app.xalhar.net
