قازاق حالقى تەرى اۋرۋىن قالاي ەمدەگەن؟
ادامنىڭ سىرتقى تەرى قاباتىنىڭ قابىنۋىنان بولاتىن اۋرۋ. جۇقپالى جانە جۇقپايتىن بولىپ ەكىگە بولىنەدى. قوتىر، تاز، تەمىرەتكى، سۇيەل، سىزداۋىز، قايىزعاق، شيقان، ەسەڭگى دەگەن اۋرۋلاردىڭ ءبارى وسى تەرى اۋرۋىنا جاتادى.
بۇرىنعى قازاقتار تەرى اۋرۋلارىن ەمدەۋ ءۇشىن ۋلى شوپتەن جاقپا ماي دايىنداپ، وعان سىناپ پەن كۇكىرت ارالاستىرىپ دەنەگە جاققان. ماسەلەن، كادىمگى بۇلدىرگىننەن ءدارى جاساۋدىڭ حالىقتىق تەحنولوگياسى بولعان. الدىمەن تەرەڭ ۇرا قازىپ، وعان وت جاعىپ، قىزدىرعان كۇلىنەن تازارتقان سوڭ، قارا بۇلدىرگەننىڭ ساباقتارىن سالىپ تاستايدى. ءۇستىن توپىراقپەن كومىپ، كيىزبەن جاۋىپ قويادى. ەكى جەتىدەي ۋاقىت وتكەندە الگى ەمدىك بۇتانىڭ ساباقتارىن الىپ ۇساتىپ، ۇنتاقتاپ سۋعا سالىپ قويۋلانعانشا قايناتادى. وسىنداي تاسىلمەن الىنعان قايناتپانى (ءدارىنى) اۋرۋدان زاقىمدالعان تەرىگە جاققان.
ا. ياگميننىڭ مالىمەتىنە قاراعاندا، قازاقتار ەرتەدەن-اق تەرى اۋرۋىن ەمدەۋدە تۇزعا، اراسان سۋلارىنا، ولاردىڭ باتپاعىنا ءتۇسۋدى ءتيىمدى تاسىلگە ساناعان. اسىرەسە كول تابانىندا شوگىپ قالعان كۇكىرت ءيىسى بار باتپاقتى اسقىنعان قوتىرعا تارتقان.
ونداي شيپالى جەرلەرگە قازاقتار اۋليەكول، قوتىربۇلاق دەگەن ات بەرگەن. العاشىندا ءسۇتپىسىرىم ۋاقىتتان باستالعان مۇنداي ەم بيەساۋىم ۋاقىتقا دەيىن جالعاسقان (15 مينوتتەن 1 ساعاتقا دەيىن). ءبىر اپتادا ەمنىڭ اسەرى بايقالعان. تەرى اۋرۋىنىڭ ادامدا جانە مالدا ءورشيتىن تۇرلەرىنىڭ سەبەپتەرى مەن سالدارى ۇقساس دەپ قاراستىرعان حالىق ەمشىلەرى ولاردى ورتاق تاسىلدەرمەن ەمدەي بەرەدى. مىسالى، ادامداعى تاز، تەمىرەتكى، مالداعى بۇزاۋتاز، قىساعا، تەرى جەگىسى سياقتى اۋرۋلارعا قارسى توبىلعى بۇتاعىن ورتەگەندە پايدا بولعان مايدى ىستىقتاي جاققان.
微信小程序搜索《xalhar翻译》
视频下载APP：mtv.xalhar.net
音乐下载APP：app.xalhar.net
视频下载APP：mtv.xalhar.net
音乐下载APP：app.xalhar.net
