جۇمىرتقانى قايناتىپ، ءپىسىرىپ العاننان كەيىن، ودان قالعان ىستىق سۋدى توگەلە سالاتىن ادەتىمىز بار. كەيدە ءتىپتى، ول سۋدان جيىركەنىپ كەتەتىن كەزدەرىمىز بولادى. ءبىراق ءبارى بەكەر. ول سۋدىڭ دا پايداسى بارىن ءبىرى بىلسە، ءبىرى بىلمەس.
ماسەلە مىنادا. جۇمىرتقانىڭ قابىعى - ىشتەگى قويمالجىڭ زاتتى، «ەزىلگەن بالاپاندى» قاپتاپ جاتقان جاي قابىرشاق ەمەس. بالاپان ءۇشىن جاتىر ورنى، تاماقتانۋ مەن ازىقتانۋدىڭ كوزى. جۇمىرتقانىڭ قابىعىندا دارۋمەن مەن قورەكتىك زاتتار كوپ بولادى. بالاپان ءوسىپ- جەتىلۋى ءۇشىن سودان قورەك الادى.
ال جۇمىرتقانى قابىعى نەگە باي دەسەڭىز، فوسفور، كالي، ازوت، تەمىر، ماگني، كۇكىرت سىندى پايدالى مينەرالدارعا باي. اسىرەسە، كالتسي كاربوناتىنىڭ مول قورى بار.
ناقتىراق ايتساق، جۇمىرتقانى قابىعىنىڭ 90 پايىزىن كالتسي كاربوناتى الىپ جاتىر. ەندى تۇسىنگەن بولارسىز. ەتتى اسىپ، سورپاسىن ىشكەن سىندى، جۇمىرتقانى دا قايناتىپ، ىستىق سۋىن دا ءتاۋىر ىسكە قولدانۋعا بولادى. اسىرەسە، تىڭايتقىش زات رەتىندە قولدانۋعا ابدەن بولادى. ۇيدە گۇل وسىرسەڭىز، اۋلاڭىزدا باۋ- باقشا بولسا، جۇمىرتقادان قالعان سۋدى قۇبىرعا توگە سالماي، سوندا اپارىپ قۇيىڭىز ودان دا.
قاي وسىمدىككە قۇيۋعا بولادى؟
ەڭ الدىمەن، گۇلگە قۇيىڭىز. گۇلگە كالتسي جەتىسپەي جاتقانىن ساباعى مەن جاپىراعىنا قاراپ بىلەسىز. سارعايىپ، ساباعى قۇرعاپ تۇرۋى مۇمكىن. ودان باسقا، قىزاناق پەن باكلاجان، اسقاباق پەن قاۋىن- قاربىزدىڭ تۇبىنە قۇيىڭىز. الما اعاشى مەن شيە، قاراقات پەن تاڭقۋراي دا كالتسيدى جاقسى كورەدى.
微信小程序搜索《xalhar翻译》
视频下载APP：mtv.xalhar.net
音乐下载APP：app.xalhar.net
视频下载APP：mtv.xalhar.net
音乐下载APP：app.xalhar.net
