21 - عاسىر قۇلدارى ماۆريتانيادا ءومىر سۇرەدى
بۇكىل الەمدە ادامدى قۇل ەتىپ ساتۋ رەسمي جويىلعان بولسا دا، تەك ءبىر ەلدە بۇل ۇدەرىس زاڭدى جالعاسىن تاۋىپ كەلەدى. شامامەن مىڭ جىلداي بۇرىن بەربەر ارابتارى قازىرگى ماۆريتانيا ەلىنىڭ تەرريتورياسىن جاۋلاپ الىپ، ونداعى جەرگىلىكتى تۇرعىنداردى وزدەرىنە قۇل ەتەدى. سودان بەرى اقسۇيەك ارابتىڭ ءبىر جانۇياسىنا ماۆريتانيالىق حاراتيندەردىڭ (قارا تاندىلەر) بىرنەشە جانۇياسى تيەسىلى بولىپ سانالا باستاعان.
ماۆريتانيا اقسۇيەكتەرىنىڭ جەكەمەنشىگى بولىپ سانالاتىن حاراتين جانۇيالارى ۇرپاقتان - ۇرپاققا بەرىلەدى. باسىندا بوستاندىعى جوق حاراتيندەر مال باعۋ نەمەسە قۇرىلىس سىندى ءارتۇرلى جۇمىسقا تارتىلادى. ال قۇلدى باعۋعا ايىنا ورتاشا ەسەپپەن 15 ا ق ش دوللارى جۇمسالسا، ونىڭ ۇستىنەن قۇل يەلەنۋشىگە بىرنەشە ەسە پايدا ءتۇسىپ وتىرادى.
ماۆريتانيادا قۇلداردىڭ ەڭ كوپ اينالىساتىن جۇمىسى سۋ ساتۋ بولىپ تابىلادى. قالالارداعى عيماراتتاردىڭ %40 ى سۋ جەلىلەرىمەن قامتاماسىز ەتىلمەگەن. سوندىقتان ىستىق بەلدەۋدىڭ اپتاپ ىستىعىندا سۋ ەڭ ءوتىمدى تاۋار بولىپ تابىلادى. قۇلدار مۇرا رەتىندە بەرىلەدى، سىيعا تارتىلادى نەمەسە فورۋمداردا ساتىلادى. ال اقسۇيەك ەردىڭ بايلىعى ءداستۇرلى تۇردە وزىنە تيەسىلى كۇڭدەردىڭ سانىمەن ەسەپتەلەدى ەكەن. بۇگىندە ەلدەگى قۇلداردىڭ سانى 600 مىڭعا جەتكەن. بۇل ماۆريتانييا حالقىنىڭ %20 ىن قۇراپ وتىر.
ماۆريتانيا ۇكىمەتى قۇلدىقتى رەسمي جويۋ تۋرالى زاڭعا قول قويعانىمەن، قۇل يەلەنۋ ۇدەرىسى جالعاسىن تاۋىپ كەلەدى. ءتىپتى «قۇل» ءسوزى اقپارات وكىلدەرى تاراپىنان قولدانۋعا دا تىيىم سالىنعان بولسا دا، بەربەر ارابتارى ۇكىمەتپەن ساناسۋعا بەت بۇرعىلارى كەلمەيدى ەكەن. زاڭسىز جولمەن قۇلداردى ساتۋ نەمەسە ايىرباستاۋشى تۇلعالار دا ساقشى تاراپىنان قۋدالانعانىمەن، تولىعىمەن جوققا شىعارۋ ازىرگە مۇمكىن بولماي تۇر.
1961 - جىلى ءوز تاۋەلسىزدىگىن جاريالاعان ماۆريتانيا جاڭا زاڭ تاعايىندايدى. دەگەنمەن زاڭناما دا قۇلداردى بوستاندىققا شىعارا المايدى. ال 1978 - جىلى ەل پرەزيدەنتى مۋكتار ۋلد داددا بۇل ماسەلەنى قايتا كوتەرىپ، ەلدەگى قۇلدىقتى جويۋ قىزمەتىن باستايدى. داددا باسقارعان اسكەري توڭكەرىس جۇزەگە اسپاي قالادى.
ماۆريتانيا حالقىنىڭ ءال - اۋقاتى تومەن بولۋى دا قۇلدىقتىڭ جويىلماۋىنا بىردەن - ءبىر نەگىز بولىپ وتىر. سەبەبى قۇلدىق جويىلىپ، بارلىق حاراتين بوستاندىققا شىقسا، جۇمىسسىزدىق كوبەيىپ، ەل داعدارىستان ايىقپاي قالۋى مۇمكىن.
微信小程序搜索《xalhar翻译》
视频下载APP：mtv.xalhar.net
音乐下载APP：app.xalhar.net
视频下载APP：mtv.xalhar.net
音乐下载APP：app.xalhar.net
