ءبىر اۋىلدا داناگوي اقساقال ءومىر ءسۇرىپتى. ودان اقىل سۇراپ جان- جاقتان ادامدار كەلىپ تۇرادى ەكەن.
كۇندەردىڭ ءبىر كۇنى الگى قارياعا كورشى اۋىلدان ءبىر كىسى كەلىپ:
- ءسىز ەل سىيلاعان ادامسىز. ۇيگە كەلىپ، قوناق بولىپ كەتىڭىز، - دەپ قيىلا سۇرايدى. قاريا قارسىلىق تانىتپاي، شاقىرعان جەرگە بارۋعا قامدانادى. الگى كىسىنىڭ ۇيىنە كەلسە جايناپ تۇرعان داستارحانعا تاپ بولادى. ءتۇرلى تاعامداردان ءدام تاتىپ، ءبىراز اڭگىمەلەسىپ، تۇرۋعا ىڭعايلانا بەرگەندە ءۇي يەسى تاڭىرقاپ:
- ۋا، اقساقال! مەن سىزگە ارنايى داستارحان جايدىم. ايتار العىسىڭىز جوق پا؟ - دەيدى.
- ءسىز ءدام تاتىڭىز دەپ شاقىرىپ ەدىڭىز عوي. العىس ايتۋعا شاقىرعانىڭىزدى بىلمەيدى ەكەم، - دەپ ۇيدەن شىعىپ كەتەدى. مۇنداي جاۋاپتى كۇتپەگەن ءۇي يەسى اۋزىنا ءسوز تۇسپەي وتىرىپ قالادى. دەگەنمەن ىشتەي: «وعان قايتكەن كۇندە دە العىس ايتقىزامىن» دەپ بەكىنەدى. بىردە الگى قارت ادام سول اۋىلدىڭ قاسىنان ءوتىپ بارا جاتقاندا كۇن بۇزىلىپ، جاڭبىر جاۋىپ كەتەدى. قولشاتىر الماق بولىپ اۋىلعا بۇرىلادى. بىردە ءوزى قوناق بولعان ۇيدەن كەلىپ جوعىن سۇرايدى. ەسكى تانىسى ءساتى تۇسكەن مۇمكىندىكتى قالت جىبەرمەي سىپايى تۇردە قارياعا قولشاتىرىن ۇستاتىپ جىبەرەدى. «وسى جولى مىندەتتى تۇردە العىسىن الامىن» دەپ ويلايدى. الايدا ول قولشاتىردى ءوزى اكەلمەي، شاكىرتىنەن بەرىپ جىبەرەدى. شاكىرتى دە ءلام- ميم دەمەي كەتىپ قالادى. اراعا بىرنەشە كۇن سالىپ اقساقالمەن ءبىر ۇيدە داستارحانداس بولىپ قالادى. ورايى ەندى كەلدى عوي دەپ اڭگىمەنى باستايدى:
- وتكەن كۇنى جاڭبىردىڭ استىندا قالىپ، سىرقاتتانىپ قالمادىڭىز با؟
- جوق، ءبارى جاقسى. قولشاتىرىڭىزدى بەرىپ جىبەرگەن ەدىم عوي، العان بولارسىز؟
- ءيا، الدىم. ۇمىتپاي بەرگەنىڭىزگە راحمەت، - دەپ قاريانىڭ ورنىنا ءوزى العىس ايتىپ وتىرعانىن بايقاپ اشۋلانادى. ودان ءارى شىداماي، الگى كىسى ورنىنان اتىپ تۇرىپ:
- ۋا، اقساقال! ءسىزدى دە اقىلگوي دانا دەيدى-اۋ! كورگەنسىز ەكەنسىز! جاساعان وسىنشاما جاقسىلىعىما كەم دەگەندە ءبىر اۋىز راحمەتىڭىزدى ايتساڭىز نەڭىز كەتەدى! - دەگەندە دانىشپان بايىپپەن، بىلاي جاۋاپ قايتارعان ەكەن.
- مەن سىزگە دەگەن العىسىم مەن ريزاشىلىعىمدى ۇدايى ىشىمنەن ايتىپ ونى ۇمىتقان ەمەسپىن. ەگەر دە ادام جاساعان جاقسىلىعى ءۇشىن العىس دامەتەتىن بولسا، ونىڭ جاساعانى شىنايى ەمەس. ءسىز جاقسىلىقتىڭ اقىسىنا ەلدىڭ ريزاشىلىعىن، نە بولماسا العىسىن الام دەپ دامەتپەۋىڭىز كەرەك. بىرەۋدىڭ قۋانىشى ءسىز ءۇشىن جەتكىلىكتى بولۋى ءتيىس. ەگەر دە اقىسىن كۇتەتىن بولساڭىز، تەك قانا ءوز- ءوزىڭىزدى الداعان بولاسىز. ادام بالاسى تابيعاتىنان ماقتانسۇيگىش ءارى مەنمەندەۋ. جاقسىلىقتى جەكە ءوزىڭىزدىڭ ماقساتىڭىزعا سۇيەنىپ جاساساڭىز، قاتەلەسەسىز. ەگەر دە ەش العىس دامەتپەي ادامدارعا جاقسىلىعى تيسە بولعانى دەپ ويلاساڭىز ەشكىمنەن ەشقاشان كوڭىلىڭىز قالمايدى.
微信小程序搜索《xalhar翻译》
视频下载APP：mtv.xalhar.net
音乐下载APP：app.xalhar.net
视频下载APP：mtv.xalhar.net
音乐下载APP：app.xalhar.net
