سەندەردى تۋعانىما وكىنەمىن-ءبىر انانىڭ قالدىرعان وسيەتى

ءبىر انانىڭ ءتورت بالاسىنا جازىپ قالدىرعان وسيەتناماسى:

سەندەردىڭ ماعان قارايلاسقاندارىڭا راحىمەت ،الايدا سەندەردى تۋعانىما وكىنەمىن

ۇلدارىم:

بۇگىن 6-ايدىڭ 17-كۇنى ، 80 جاسقا تولعان تۋىلعان كۇنىم ،بىلايشا ايتقاندا ، مەن 80 جىل جاسادىم . وسى جىلداردا مەن ءتورت اعايىندى سەندەردى جانە سەندەرگە كومەكتەسىپ سەگىز بالانى باقتىم.

دەمەك ،مەن بۇل ومىرىمدە  ءوز قولىممەن ون ەكى بالانى باعىپ ەسەيتتىم .

بىراق ، مەن قارتايدىم ،ءارى سەندەردىڭ قاس قاباقتارىڭا قاراپ جۇرۋ ماعان اۋىرلاۋ كەلدى . اسىرەسە اكەلەرىڭ قايتىس بولعاننان كەيىن  سەندەردىڭ مەنەن جالىعىپ جۇرگەندەرىڭدى سەزىندىم ،كۇندەر وسىلايشا وتە بەردى .

اكەلەرىڭ قازا بولعان سول كەزدەردە ، بىرەۋلەرىڭ كەلىپ مەنى ۇيىنە الىپ كەتسە  ەكەن دەپ قاتتى ارماندادىم .

سول ءۇمىتپەن ەكى اي كۇتتىم ،ەكى ايدان كەيىن ءۇمىتىم ءۇزىلدى .ۇيتكەنى ەشقايسىڭدا مەنى الىپ كەتۋدى قالامايتىندىقتارىڭدى ىشتەي سەزدىم . بىراق سول كەزدەردە سەندەر  ماعان جاقسى ماملەدە بولدىڭدار ، تورتەۋىڭ ءار اپتا سايىن كەزەكتەسىپ مەنىڭ ۇيىمە قونىپ ماعان قارايلاسىپ جۇردىڭدەر .سوندىقتان ەشتەڭەدەن قورىقپادىم . قورىقپادىم دەيمىن -اۋ ، وسى جاسقا كەلگەندە مەن نەدەن قورقامىن ؟

سولاي -اۋ  ،ەشتەڭەدەندە قورىقپايمىن ، تەك قورقاتىنىم جالعىزدىقپەن زەرىگۋشىلىك .

بالالارىم ! سەندەردىڭ سەرىك بولۋلارىڭمەن ءبىر جىل توعىز اي ،دەمەك 630 كۇندى وتكىزدىم .

ءبىر انا بولۋ سالاۋاتىممەن سەندەرگە رازىمىن .بىراق ، كەيىن كەلە ءارقايسىڭنىڭ ماعان دەگەن كوزقاراستارىڭ وزگەرە باستادى .قاسىمدا جۇرسەڭدەردە ءبىر اۋىز ءتىل قاتپايسىڭدار ،كەتسەڭدەردە ءۇن -ءتۇنسىز كەتە بەرەسىڭدەر . بەينە ءبىر جاتاققا كەلىپ جاتىپ جۇرگەندەي-اق ، ۇيدە وتىرعان مىنا ءبىر كەمپىر وزدەرىڭمەن ەشبىر قاتىسى جوق ادامداي سەزىلدى .

مەن سەندەردى رەنجىتىپ الۋدان قاتتى قورقامىن .ءتىپتى سەندەردىڭ ءبىر تىستەم ناندارىڭدى جەمەسەمدە ،بىرەر قۇر كيىمدەرىڭدى كيمەسەمدە ،ءتىپتى ءبىر تيىن اقشالارىڭدى جۇمساماسامدا ،سەندەردىڭ ماعان وسىلايشا سەرىك بولىپ قاسىما جاتىپ جۇرگەندەرىڭنىڭ وزىنە بولسادا سەندەرگە ءوزىمدى قارىز ادامداي سەزىنىپ جۇرمىن .

سەندەردى رەنجىتىپ الۋدان قاتتى ساقتانسامدا ، بىراق سوڭىندا سەندەر مەنىڭ قاسىمنان شەگىنىپ شىعۋدى تاڭدادىڭدار ،ەندى ەشقايسىڭ دا كەلمەيتىن بولىپ الدىڭدار ، جالعىزدىقتى تاعى وزىمە قايتارىپ بەردىڭدەر .

مەيلى قالاي بولماسىن ،اكەلەرىڭ كەتكەننەن كەيىن ماعان ءبىر جىل توعىز اي سەرىك بولدىڭدار ، مەن بۇعان قاتتى رازىمىن . كەيىنگى كۇندەردە مەن ءوزىم جالعىز جاسايمىن . ارەڭ دەگەندە ەكى جىل ۋاقىتتى وتكىزىپ 80 جاسقا تولعان تۋىلعان كۇنىمدى كۇتىپ الدىم . سەندەر ماعان تىلەك تىلەپ : شەشە ۇزاق جاس جاساڭىز -دەپ ايتىڭدار ،مەن اشىنا كۇلىپ تۇرىپ : وسى جاسقا دەيىن جاساسام بولدى ، ۇزاق ءومىر سۇرۋىمىنىڭ قاجەتى قالمادى -دەيىن .

جاقىنعى ۋاقىتتان بەرى جۇرەگىم ۇنەمى اۋىراتىن بولىپ جۇر . مەن بۇنى ءتىس جارىپ ەشكىمگە ايتپادىم ،كىمگە ايتارىمدى دا بىلمەدىم. مەن ناۋقاسىمنىڭ مەنى تەزىرەك الىپ كەتۋىن تىلەدىم ، وسىلاي بولعاندا مەن تاعدىرىمنىڭ ماعان بەرگەن كەڭشىلىگىنە رازى بولار ەدىم .

ءبىرنەشە كۇننىڭ الدىندا اكەلەرىڭ ءتۇسىمە كىرىپ قالىپتى ،ول ماعان قاراپ كۇلىمسىرەپ تۇرىپ : سەنى الىپ كەتكەلى كەلدىم ، مەنىمەن بىرگە جۇر ،ەندى زەرىكپەيسىڭ- دەدى .

ويانىپ كەتتىم ، تەرەزە سىرتىندا جۇلدىزدار جىمىڭداپ ،  تولعان ايدىڭ جارىعى ماڭايدى نۇرعا بولەپ تۇر . مىنە ءدال وسىنداي كوركەم كەش اكەلەرىڭدى تۇسىمدە كورگەنىمە كۋا ەدى .

مەن اكەلەرىڭنىڭ ماعان ءبىر ءومىر كۇيىنىپ وتكەنىنەن ەرەكشە راحىمەتىمدى ايتامىن . سونداي -اق سەندەردىڭ ماعان 630 كۇن سەرىك بولعاندارىڭادا رازىمىن .

جۇرەك ناۋقاسىم كۇن ساناپ اۋىرلاسىپ كەلەدى . ۋاقىتىمنىڭدا كوپ قالماعاندىعىن سەزەمىن . سوندىقتان وسى حاتتى جازىپ وتىرمىن ،انا-بالانىڭ تاعدىرى اقىرلاسۋ الدىندا تۇر ...

كۇمىستەي اپپاق شاشتارىممەن انت ىشەيىن: سەندەردىڭ ماعان قارايلاسقاندارىڭا ەرەكشە رازىمىن .بۇدان سىرىت تاعى ءبىر ايتارىم بار: سەندەردى تۋعانىما وكىنەمىن . ەگەر قايتالاي ءومىر سۇرۋ ورايى بولىپ قالسا سەندەردى كورمەۋدى تىلەيمىن .الايدا مەن ءبىر انامىن .سەندەرگە سۋىق قاندى بولا المايمىن .مەن سەن تورتەۋىڭنىڭ باقىتتى بولۋلارىڭدى تىلەيمىن ،ەشقاشاندا سەگىز بالالارىڭنىڭ سەندەردى كەمىستپەۋىن تىلەيمىن .

مەيىر قالمادى ،سوزدە اياقتادى ،ەندى حاتىمدى وسى جەردە توقتاتايىن....

ءبىر قانشا كۇننەن كەيىن اجەي جارىق دۇنيەگە حوش ايتتى . الاڭسىز بەينەدە ءوز توسەگىندە كوز جۇمعان ەدى . دۇنيەدەن وتەر شاعىندا ونىڭ قولىندا ءبىر پارشا سۋرەت بولىپتى ، ول سۋرەتتە ءوزى مەن شالىنىڭ سۋرەتى بار ەدى ، سۋرەتتە تەك ەكەۋى عانا بار ەدى .

كۇندەردىڭ كۇنىندە ،ءسىز اكەڭىزدىڭ باعىپ باپتاپ جۇرگەن گۇل -شوپتەرمەن جەمىس اعاشتارىنىڭ سولىپ بارا جاتقاندىعىن بايقايسىز .

كۇندەردىڭ كۇنىندە ، ءسىز ۇيدەگى ەدەن مەن ىشكاپتاردىڭ شاڭ باسىپ بارا جاتقاندىعىن بايقايسىز .

كۇندەردىڭ كۇنىندە ، ءسىز شەشەڭىز ىستەگەن تاماقتىڭ تۇزدىق بولىپ كەتكەن نەمەسە ءتۇزسسىز بولىپ قالعاندىعىن بايقايسىز .

كۇندەردىڭ كۇنىندە،ءسىز شەشەڭىزدىڭ وشاق گازىن جابۋدى ۇمىتىپ كەتىپ جۇرگەندىگىن بايقايسىز .

كۇندەردىڭ كۇنىندە ، ءسىز  ولاردىڭ جولدان وتكەندەگى ارەكەتىنىڭ باياۋلاپ قالعاندىعىن بايقايسىز .

كۇندەردىڭ كۇنىندە ءسىز ولاردىڭ سىرتقا شىققىسى كەلمەي قالعاندىعىن بايقايسىز ....

ولاردىڭ دەنساۋلىعىنا كوبىرەك كوڭىل ءبولىڭىز . ۋاقىت شىعارىپ تەلەفون سوعىپ جاعدايىن سۇراڭىز ،كوبىرەك سەرىك بولۋدى ويلاڭىز .

كوبىرەك كوڭىل ءبولىپ اڭدىپ جۇرىڭىز ،سەبەبى ولار وزدەرىنىڭ جايسىزدانعاندىعىن سىزگە ايتپايدى ،ءسىزدى اۋىرەلەگىسى كەلمەيدى.

اتا-اناڭىزعا دۇرىس ماملەدە بولىڭىز ! ولار سىزدەن ايىرىلعان كەزدە عانا ولاردى قادىرلەۋدىڭ ماڭىزىن سەزىنە الاسىز !

ەگەر ءبىر كۇنى ، ءسىزدى تۋىپ ەسەيتكەن ەكى  ادام كەتىپ قالار بولسا ، بۇل دۇنيەدە ءسىزدى ولاردان دا ارتىق سۇيەتىن، ارداقتايتىن بىرەۋدىڭ جوقتىعىن بايقايسىز .

ءسىز اتا-اناڭىزبەن بىرگە بولعان كۇندەرىڭىزدى ويلاعاندا كوز جاسىڭىز كوزىڭىزگە پەردە تارتتىما؟

ولار ۇستاعان ۇيگە كىرگەندە جۇرەگىڭىز ەزىلدى مە؟ قولىڭىز بوساي قالعاندا ۇيگە كوبىرەك بارىپ تۇرىڭىز . ولار تەك سىزدىڭ قايتىپ كەلۋىڭىزگە عانا مۇقتاج .ۋاقىتىڭىزدى تەك كوڭىل كوتەرۋگە عانا سارىپ ەتپەڭىز ،ولار ءۇشىن دە ۋاقىت سارىپ ەتىڭىز . ەگەر ولار كەتىپ قالسا ،ءدال ولارداي ەشكىم مەيىرىن توگە المايدى . سوندىقتان اتا-اناڭىزدىڭ كوڭىلىنە قاياۋ سالماڭىز . ولارعا كۇيىنىڭىز ،ولاردىڭ كوڭىلىن كوتەرۋ ءۇشىن ولاردىڭ سىزدەن ايانباعانى سياقتى سىزدە ولاردان ايانباڭىز . ۋاقىتىم جوق دەمەڭىز، قىزمەتىم قاربالاس دەمەڭىز .

مىنانى بىلۋىڭىز كەرەك ، قىزمەت جوق بولسا تاعى تابۋعا بولادى ، بىراق اتا-انا تەك بىرەۋ عانا .ولار بولماسا ولاردى قايدان تاباسىز ،قايدان ىزدەمەكسىز؟

كەيبىر ىستەردى ءبىز جاس كەزىمىزدە تۇسىنىپ جەتە المايمىز . ءتۇسىنىپ جەتكەن شاعىمىزدا الدە قاشان كەش قالامىز .دۇنيەدە كەي نارسەلەردى تولىقتاپ الۋعا بولادى ، الايدا كەي نارسەلەردىڭ ورىنىن تولتىرۋ مۇمكىن ەمەس .

دەرەۋ اتا-اناڭىز ءۇشىن ءبىر كىسىلىك وپالىعىڭىزدى بىلدىرىڭىز ،تۇيەدەي بولسا دا تۇيمەدەي بولسادا بولادى ، سەبەبى (وپاللىق) تارازىسىندا بارلىعىنىڭ قۇنى تەڭ ....

شالقار تورابى اۋدارماسى

微信小程序搜索《xalhar翻译》

视频下载APP：mtv.xalhar.net

音乐下载APP：app.xalhar.net