7 تۇردەگى ادامدار باۋىر راگىنا وڭاي شالدىعادى
ۇزاق ۋاقىت كوپ مولشەردە اراق ءىشۋ دەنساۋلىققا اسا زياندى، سپيريت زات الماسۋ بارىسىندا ءبولىپ شىعارعان سىركە الدەگيتىنىڭ باۋىر كلەتكاسىن ۋلاۋ رولى كورنەكتى بولادى. ۋاقىت ۇزارا كەلە، باۋىردىڭ قاتايۋى مەن باۋىر راگىنا شالدىقتىرادى.
1. باۋىر قابىنۋ اۋرۋىنان كەيىن باۋىر قاتايۋ اۋرۋىنا شالدىققاندار
باۋىر قاتايۋ اۋرۋىنا شالدىققاندار دەر كەزىندە بايقاماي ەمدەلۋ ۋاقىتىن وتكىزىپ السا، 50 پايىزدان ارتىق باۋىر قاتايۋ اۋرۋىنا شالدىعۋشىلار باۋىر راگىنا وڭاي شالدىعادى.
2. باۋىر راگى كوپ تۋىلاتىن رايونداردا تۇرمىس كەشىرەتىندەر
جۇڭگودا نەگىزىنەن گۋاڭشي جۋاڭزۋ اۆتونوميالى رايونىنىڭ فۋسۇي اۋدانى مەن لۇڭ-ان اۋدانى، فۋجيان ولكەسىنىڭ شيامىن قالاسى مەن تۇڭ-ان رايونى، جياڭسۋ ولكەسىنىڭ چيدۇڭ قالاسى مەن حايمىن قالاسى، شاڭحاي قالاسىنىڭ چۇڭميڭ اۋدانى مەن نانحۇي رايونى سياقتى ورىنداردا باۋىر راگى كوپ تۋىلادى. بۇل رايونداردا جىلىنا ورتا ەسەپپەن 100 مىڭ ادامنان از دەگەندە 30 ادام باۋىر راگىنان قازا بولادى ەكەن.
3. ۇزاق ۋاقىت اراق ىشكەندەر
ۇزاق ۋاقىت اراق ءىشۋ باۋىر كلەتكاسىن زاقىمداپ، قورەكتىك جەتىسپەۋ مەن باۋىردىڭ قاتايۋىن كەلتىرىپ شىعارىپ، باۋىر قاتايۋ نەگىزىندە باۋىر راگىنا شالدىقتىرادى. مۇنان سىرت، b ءتيپتى باۋىر قابىنۋ اۋرۋى، باۋىرداعى پارازيت اۋرۋى سياقتىلار باۋىر راگىمەن تىعىز بايلانىستا بولادى.
4. تۇرمىس شارت-جاعدايى ناشار ادامدار
باۋىر راگىنىڭ تۋىلۋى كاسىپتىك ەرەكشەلىكپەن قاتىستى بولادى، شارۋالاردىڭ اۋرۋعا شالدىعۋ سالىستىرماسى مەن قازا بولۋ سالىستىرماسى جوعارى بولادى. ەكونوميكالىق شارت-جاعدايى ناشار ادامدار باۋىر راگىنا وڭاي شالدىعادى دەگەننىڭ بەلگىلى نەگىزى بار.
5. اۋىز سۋىنىڭ تازا بولماۋى
سۋ-ادامزاتتىڭ تىرشىلىك تىرەگى. زەرتتەۋلەرگە نەگىزدەلگەندە، اۋىز سۋىنىڭ لاستانۋ دارەجەسى باۋىر راگىمەن بەلگىلى بايلانىستا بولادى ەكەن. سوندىقتان كۇندەلىكتى تۇرمىستا لاستانعان سۋىق سۋ ىشۋدەن ساقتانىپ، سۋدى، ءسوزسىز، قايناتىپ ىشكەن ءجون.
6. نيتروزامين تەكتەس قوسىلىستاردى كوپ تۇتىنۋ
باۋىر راگى كوپ تۋىلاتىن رايونداعى وڭتۇستىك افريكا تۇرعىندارىنىڭ تۇتىناتىن ازىقتىقتارىنىڭ قۇرامىندا 2 مەتيل نيتروزاميد امين كوپ كەزدەسەدى. بۇل تۇردەگى قوسىلىستار وڭەش راگى سياقتى وسپە اۋرۋلارىنا وڭاي شالدىقتىرادى. سوندىقتان نيتروزامين تەكتەس قوسىلىستاردى كوپ تۇتىنۋ باۋىر راگىنا شالدىقتىراتىن سەبەپتەردىڭ ءبىرى سانالادى.
7. ميكرو ەلەمەنتتى از تۇتىنۋ
ميكرو ەلەمەنت پەن باۋىر راگىنىڭ بايلانىسى جونىندەگى زەرتتەۋلەردە، باۋىر راگىنان قازا بولۋ سالىستىرماسى ورتاداعى سەلەننىڭ مولشەرى جانە تۇرعىنداردىڭ قانىنىڭ قۇرامىنداعى سەلەننىڭ مولشەرىمەن كەرى قاتىناستا بولاتىندىعى دالەلدەنگەن.
بۇل جەتى تۇردەگى ادامداردىڭ باۋىر راگىنا شالدىعۋ سالىستىرماسى قالىپتى ادامدارمەن سالىستىرعاندا جوعارى بولادى، سوندىقتان كۇندەلىكتى تۇرمىستا باۋىر راگىنان ساقتانۋعا كوڭىل ءبولىپ، عىلمي ازىقتانىپ، كوكونىس پەن جەمىس-جيدەكتەردى كوپ تۇتىنىپ، اراقتى از ءىشىپ، لايىقتى مولشەردە دەنە تاربيە قيمىلدارىمەن شۇعىلدانۋعا تاباندى بولىپ، جەتكىلىكتى ۇيىقتاۋعا كەپىلدىك ەتىپ، كوڭىل كۇيدى كوتەرىڭكى ۇستاۋ كەرەك.
اۋدارعان: تۇيمەقان يساقان قىزى
微信小程序搜索《xalhar翻译》
视频下载APP：mtv.xalhar.net
音乐下载APP：app.xalhar.net
视频下载APP：mtv.xalhar.net
音乐下载APP：app.xalhar.net
