ཞི་ཅིན་ཕིང་གིས་ཨའོ་མོན་མེས་རྒྱལ་གྱི་པང་དུ་ལོག་ནས་ལོ་ཉེར་ལྔ་འཁོར་བར་རྟེན་འབྲེལ་ཞུ་བའི་བྱེད་སྒོར་ཕེབས་པའི་ཞང་ཀང་དམིགས་བསལ་སྲིད་འཛིན་ས་ཁོངས་ཀྱི་སྲིད་འཛིན་དཔོན་ལི་ཅ་ཁྲའོ་དང་ཐུག་འཕྲད་གནང་།
ཚེས་བཅུ་དགུ་ཉིན་གྱི་ཕྱི་དྲོར། རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་ཨའོ་མོན་དུ་ཨའོ་མོན་མེས་རྒྱལ་གྱི་པང་དུ་ལོག་ནས་ལོ་ཉེར་ལྔ་འཁོར་བར་རྟེན་འབྲེལ་ཞུ་བའི་བྱེད་སྒོར་ཕེབས་པའི་ཞང་ཀང་དམིགས་བསལ་སྲིད་འཛིན་ས་ཁོངས་ཀྱི་སྲིད་འཛིན་དཔོན་པོ་ལི་ཅ་ཁྲའོ་དང་ཐུག་འཕྲད་གནང་བ་རེད།
ཞི་ཅིན་ཕིང་གིས། རྒྱལ་ཁབ་གཅིག་ལ་ལམ་ལུགས་གཉིས་ཀྱི་ལག་ལེན་དེ་དུས་རིམ་གསར་པར་སླེབས་པས། ཞང་ཀང་དང་ཨའོ་མོན་གྱིས་བྱ་སྤྱོད་དེ་བས་ཆེ་བ་མངོན་པ་དང་འཕེལ་རྒྱས་དེ་བས་ལེགས་པ་ཡོང་བ་བྱས་ཏེ། ཕན་ཚུན་སློབ་སྦྱོང་དང་དཔེ་ལྟ། སྤེལ་རེས་མཉམ་ལས་བཅས་ལ་ཤུགས་སྣོན་བརྒྱབ་ནས། དེ་བས་མཚར་སྡུག་ལྡན་པའི་གྲུབ་འབྲས་གཏོད་དགོས་ཞེས་གསུངས་པ་རེད།
ཞི་ཅི་ཕིང་གིས། རྒྱལ་ཁབ་ཀྱིས་ཞང་ཀང་ལ་རེ་བ་ཧ་ཅང་ཆེན་པོ་བཅངས་ཡོད། སྲིད་འཛིན་དཔོན་པོ་ལི་ཅ་ཁྲའོ་དང་དམིགས་བསལ་སྲིད་འཛིན་ས་ཁོངས་ཀྱི་སྲིད་གཞུང་གིས་བརྟན་པོའི་ངང་སྲིད་བསྐྱངས་ཏེ་ནུས་ཤུགས་ཡོད་རྒུས་དཔལ་འབྱོར་དང་འཕེལ་རྒྱས་དོན་གཉེར་བྱས་ནས། ཞང་ཀང་གི་འོད་སྟོང་གསར་པ་ནུས་ཤུགས་ཡོད་རྒུས་གཏོད་རྒྱུའི་རེ་བ་ཡོད་ཅེས་གསུངས་པ་རེད།
ལི་ཅ་ཁྲའོ་ཡིས་ཀྲུའུ་ཞི་ཞི་ཅིན་ཕིང་གིས་མཇལ་འཕྲད་གནང་བར་ཐུགས་རྗེ་ཆེ་ཞུས་ཤིང་། ཁོས་ཞང་ཀང་གི་སྣེ་ཁྲིད་དེ་དཔལ་འབྱོར་ཧུར་ཐག་གིས་གཉེར་བ་དང་། འཕེལ་རྒྱས་དོན་གཉེར་བྱེད་པ། དམངས་འཚོ་ལེགས་སུ་ཏན་ཏིག་གཏོང་བ། ཀོང་ཏུང་དང་ཞང་ཀང་། ཨའོ་མོན་བཅས་ཀྱི་མཚོ་ཁུགས་ཆེན་མོ་འཛུགས་སྐྱོང་ནང་ཧུར་ཐག་གིས་ཞུགས་པ་བཅས་བྱས་ཏེ། རྒྱལ་ཁབ་འཕེལ་རྒྱས་ཀྱི་སྤྱི་ཡོངས་ནང་སྔར་བས་མཉམ་འདྲེས་ཐུབ་པ་བྱ་རྒྱུ་ཡིན་ཞེས་བཤད་པ་རེད།
ཚའེ་ཆི་དང་ཞ་པའོ་ལུང་སོགས་ཐུག་འཕྲད་ནང་ཞུགས་པ་རེད།
ཡོང་ཁུངས། ཞིན་ཧྭ་གསར་འགྱུར་ཁང་།
རྩོམ་སྒྲིག་པ། ལྷ་མོ་བཀྲ་ཤིས།
ཞུ་ཆེན། པ་སངས་རྡོ་རྗེ།
གཙོ་སྒྲིག་པ། མཁའ་འགྲོ་ཚེ་རིང་།
ལྟ་སྐུལ་པ། འཆི་མེད་དབང་མོ།
གོང་གི་ཚད་གཉིས་ཨང་གྲངས་བཤེར་འབེབས་བྱས་ན་
ཁམས་པའི་བརྙན་འཕྲིན་གྱི་ལེ་ཚན་ཆ་ཚང་གཟིགས་ཐུབ།
关注我们
微信号 ：weikangba
新浪微博 ：康巴藏语卫视
ཤམ་བྷ་ལ་ཆ་འཕྲིན་ཕབ་ལེན་བྱས་ན་བོད་ཁུལ་གྱི་ཆ་འཕྲིན་གསར་པ་གང་མང་གཟིགས་ཐུབ་པར་མ་ཟད། གླུ་གར་དང་བོད་སྐད་བརྙན་འཕྲིན་ཟློས་གར། གློག་བརྙན། འཆད་ཁྲིད། རོལ་དབྱངས་སོགས་ཆབ་དཔལ་རིག་གསུམ་གང་ཡིན་ཡང་རང་ཉིད་ཀྱི་འདོད་མོས་ལྟར་གཟིགས་ཆོག
