ཨུ་རུ་སུ་ལ་འཕུར་མདེལ་མང་པོའི་འཇབ་རྒོལ་ཐེབས་འདུག
ས་གནས་དེ་གའི་དུས་ཚོད་ཚེས་ཉི་ཤུ་ཉིན། ཨུ་རུ་སུའི་ཁུ་ཨར་སི་ཁེ་ཀྲོའུ་ཡི་ལས་ཚབ་འགོ་འཛིན་གྱིས། ཉིན་དེར་ཀྲོའུ་དེའི་ལུའེ་ལི་སི་ཁེ་གྲོང་ཁྱེར་ལ་འཕུར་མདེལ་གྱི་འཇབ་རྒོལ་ཕོག་པ་དང་། བསྡོམས་རྩིས་རགས་རིམ་ལྟར་ན། མི་དྲུག་རྐྱེན་ལམ་དུ་ཤོར་བ་གཏན་འཁེལ་བྱས་ཤིང་། དེའི་ནང་བྱིས་པ་གཅིག་ཚུད་ཡོད་ཅེས་བཤད། ལུའེ་ལི་སི་ཁེ་ས་ཁུལ་ལྟེ་བའི་སྨན་ཁང་གིས་རྨས་མ་བཅུ་རྩིས་ལེན་བྱས་པའི་ནང་། ལོ་བཅུ་གསུམ་ཅན་གྱི་བྱིས་པ་ཞིག་ཡོད་པ་རེད།
ཉེ་སྔོན། ཨུ་རུ་སུའི་Mashགསར་འགྱུར་དྲ་ཚིགས་ཐོག་གནས་ཚུལ་སྤེལ་བ་ལྟར་ན། ས་གནས་དེ་གའི་དུས་ཚོད་ཚེས་ཉི་ཤུ་ཉིན་ཡུག་རེན་དྲག་ཆས་དམག་དཔུང་གིས་མདེལ་མགོ་བསྡུ་རུབ་བྱས་པའི་འཕུར་མདེལ་མང་པོ་སྤྱད་དེ། ཨུ་རུ་སུའི་ཁུ་ཨར་སི་ཁེ་ཀྲོའུ་ཡི་ལུའེ་ལི་སི་ཁེ་གྲོང་རྡལ་ལ་འཇབ་རྒོལ་བྱས་ཟེར། ཆ་འཕྲིན་ལྟར་ན། འཕུར་མདེལ་དེ་དག་མཁའ་ཟོན་མ་ལག་གིས་བཀག་ཀྱང་། དེའི་ནང་གི་མདེལ་མགོ་གཅིག་ལས་ཤོར་པའི་མདེའུ་བཅུ་བདུན་ཡས་མས་ཀྱིས་རླངས་འཁོར་བཅུ་ལྷག་ལ་མེ་སྐྱོན་བཟོས་འདུག
གཞན་ཡང་སྤྱི་ཚོགས་འབྲེལ་བའི་འཕྲིན་སྦྱོར་ཆ་འཕྲིན་ལྟར་ན། ཡུག་རེན་དམག་གིས་ཨ་རིས་བཟོས་པའི་སྐམ་དམག་གི་འཐབ་རྩལ་འཕུར་མདེལ་མ་ལག་གི（ATACMS）འཕུར་མདེལ་དྲུག་འཕངས་ཤིང་། དེའི་འཇབ་རྒོལ་གྱིས་མི་གསུམ་ལ་རྨས་སྐྱོན་བཟོས་འདུག
ཁུ་ཨར་སི་ཁེ་ཀྲོའུ་ཡི་ལས་ཚབ་འགོ་འཛིན་ཞིན་དབྱིན་ཧྲི་ཐན་གྱིས་སྤྱི་ཚོགས་འབྲེལ་བའི་འཕྲིན་སྦྱོར་ཐོག་གནས་ཚུལ་སྤེལ་ནས། ཡུག་རེན་དམག་དཔུང་གིས་བསམ་གཟས་ནས་ཀྲོའུ་དེའི་དམངས་སྤྱོད་སྒྲིག་ཆས་ལ་འཕུར་མདེལ་གྱིས་འཇབ་རྒོལ་བྱས་པ་དང་། རོགས་སྐྱོབ་མི་སྣ་ས་གནས་དེ་གར་བསྐྱོད་དེ་རྨས་སྐྱོན་ཕོག་པའི་མང་ཚོགས་སྐྱོབ་བཅོས་བྱས་ཡོད་ཅེས་བཤད།
ཁུ་ཨར་སི་ཁེ་ཀྲོའུ་ཡི་ལས་ཚབ་འགོ་འཛིན་གྱིས་ད་དུང་འཇབ་རྒོལ་གྱི་དམིགས་འབེན་གཙོ་བོ་དམངས་སྤྱོད་སྒྲིག་བཀོད་དང་སྤྱི་ཚོགས་རྨང་གཞིའི་སྒྲིག་བཀོད་ཡིན་ལ། དེའི་ནང་རིག་གནས་ཕོ་བྲང་དང་། ལུས་སྦྱོང་ཁམས་གསོ་ལྟེ་གནས། དགེ་འོས་སློབ་གླིང་། སློབ་གྲྭ། མེ་ཟོན་ས་ཚིགས་སོགས་བཀོད་པ་དང་དེ་བཞིན་སྤྱི་ཚོགས་ཀྱི་སྒྲིག་བཀོད་དང་མི་སྒེར་གྱི་སྡོད་ཁང་གཞན་དག་ཚུད་ཡོད་ཅེས་བཤད།
ཡོང་ཁུངས། ཀྲུང་གོའི་གསར་འགྱུར་ཁང་།
རྩོམ་སྒྲིག་པ། ལྷ་མོ་བཀྲ་ཤིས།
ཞུ་ཆེན། པ་སངས་རྡོ་རྗེ།
གཙོ་སྒྲིག་པ། མཁའ་འགྲོ་ཚེ་རིང་།
ལྟ་སྐུལ་པ། འཆི་མེད་དབང་མོ།
གོང་གི་ཚད་གཉིས་ཨང་གྲངས་བཤེར་འབེབས་བྱས་ན་
ཁམས་པའི་བརྙན་འཕྲིན་གྱི་ལེ་ཚན་ཆ་ཚང་གཟིགས་ཐུབ།
关注我们
微信号 ：weikangba
新浪微博 ：康巴藏语卫视
ཤམ་བྷ་ལ་ཆ་འཕྲིན་ཕབ་ལེན་བྱས་ན་བོད་ཁུལ་གྱི་ཆ་འཕྲིན་གསར་པ་གང་མང་གཟིགས་ཐུབ་པར་མ་ཟད། གླུ་གར་དང་བོད་སྐད་བརྙན་འཕྲིན་ཟློས་གར། གློག་བརྙན། འཆད་ཁྲིད། རོལ་དབྱངས་སོགས་ཆབ་དཔལ་རིག་གསུམ་གང་ཡིན་ཡང་རང་ཉིད་ཀྱི་འདོད་མོས་ལྟར་གཟིགས་ཆོག
