ཐའེ་ཝན་ནས་སྒོ་རྩིས་ཚོང་ཁང་ཞིག་གི་མཛོད་ཁང་ལ་མེ་སྐྱོན་བྱུང་ནས་མི་དགུ་རྐྱེན་ལམ་དུ་ཤོར་འདུག
ཀྲུང་དབྱང་གསར་འགྱུར་ཁང་གིས་གསར་འགྱུར་སྤེལ་བར་ལྟ་ན། ཟླ་12པའི་ཚེས་19ཉིན་གྱི་ཕྱི་དྲོར་ཀྲུང་གོའི་ཐའེ་ཝན་ཞིང་ཆེན་ཐའེ་ཀྲུང་གྲོང་ཁྱེར་ཏཱ་ཏུའུ་ཆུས་ནས་སྒོ་རྩིས་ཚོང་ཁང་ཞིག་གི་མཛོད་ཁང་ལ་མེ་སྐྱོན་བྱུང་བ་དང་། མེ་ཤོར་སར་ཨར་ལས་རྒྱུ་ཆས་སྤུངས་ཡོད་པས་མེ་ལྕེ་དྲག་པོར་མཆེད་པ་རེད།
མེ་གསོད་རུ་མི་ཚོས་ཆུ་ཚོད་འགའ་ཤས་རིང་མེ་གསོད་པ་ན་ད་གཟོད་མེ་དཔུང་ཆེན་པོ་དེ་རྩ་མེད་བཏང་ཐུབ་ཡོད། མིག་སྔར་མེ་སྐྱོན་ཆེན་པོ་དེ་ལས་མི་དགུ་རྐྱེན་ལམ་དུ་ཤོར་བ་དང་། མི་བདུན་ལ་རྨས་སྐྱོན་ཐེབས་ཡོད།
ནམ་རྒྱུན་མཛོད་ཁང་སོགས་ཀྱི་ནང་འབར་སླ་བའི་དངོས་རྫས་མང་པོ་བཞག་ན་མེ་འགོག་ཐད་ལྷོད་གཡེང་ཤོར་བ་ཙམ་གྱིས་དོན་རྐྱེན་ངན་པ་འབྱུང་ཉེན་ཡོད་པས་མེ་སྐྱོན་འབྱུང་དུས་སྲོག་ཉེན་ལས་གཡོལ་ཐབས་འདི་དག་སེམས་སུ་འཛིན་པར་ཞུ།
གཅིག དུ་བ་མེད་སྐབས་མྱུར་དུ་འབྲོ་ཐབས་བྱ་དགོས།
གཉིས། དུ་བ་འཐིབས་ན་མྱུར་དུ་ཐབས་བཀོད་འཐེན་དགོས།
གསུམ། དུ་ཆེན་འཁྲིགས་དུས་སྐུང་ནས་རོགས་སྐྱོབ་ལ་སྒུག་དགོས།
མེ་སྐྱོན་འབྱུང་དུས་ཀྱི་ཉེན་ཟོན་བྱ་ཐབས་འགའ།
1
མེ་སྐྱོན་འབྱུང་དུས་ཐོག་མར་སེམས་མི་འཚབ་པར་མྱུར་དུ་འབྲོ་ལམ་འཚོལ་དགོས། འཕྲལ་དུ་ཉེན་ཁའི་ཡུལ་ནས་བྱོལ་ཐབས་བྱེད་པ་ལས་རྨོངས་ཚོད་ཀྱིས་མི་ཚོགས་ཀྱི་རྗེས་སུ་འབྲང་མི་རུང་ལ། འཚང་ཁ་རྒྱག་པ་དང་། ཡར་རྒྱུག་མར་རྒྱུག་སོགས་བྱ་མི་རུང་།
2
ཉེན་ཁའི་གནས་ལས་ཐར་ཟིན་མཁན་གྱིས་རྒྱུ་ནོར་ཞེན་ཆགས་ནས་དེ་སྐྱོབ་ཆེད་ནང་ལ་ལོག་པ་སོགས་བྱ་མི་ཉན།
3
མེ་འབར་ས་ནས་དུ་བས་མི་བརྣང་བའི་ཆེད་དུ། འབྲོ་དུས་དུ་འགོག་གདོང་ཁེབས་སམ་ཡང་ན་ཨ་ཅོར་བརླན་པས་ཁ་སྣ་དགབ་སྟེ་སྒུར་སྒུར་བྱེད་ནས་འབྲོ་ཐབས་བྱེད་པ་ལས་གློག་སྐས་ནང་དུ་བསྡད་མི་ཉན།
4
གལ་ཏེ་སྒོ་ལ་རེག་དུས་ལྕགས་ཚ་པོ་ཆགས་ནས་ལག་པ་བསྲེག་ཡོང་ན་རས་གདན་སོགས་ཉལ་ཐུལ་རློན་པ་བྱས་ཏེ་སྒོའི་བར་སྲུབས་རྣམས་བཀབ་རྗེས་སྒེའུ་ཁུང་འགྲམ་ནས་རོགས་སྐྱོབ་བྱེད་མཁན་ལ་བརྡ་རྒྱག་དགོས།
ཡོང་ཁུངས། སི་ཁྲོན་ལྟ་ཞིབ།
རྩོམ་སྒྲིག་པ། མཚོ་ལྷ།
ཞུ་ཆེན། པ་སངས་རྡོ་རྗེ།
གཙོ་སྒྲིག་པ། མཁའ་འགྲོ་ཚེ་རིང་།
ལྟ་སྐུལ་པ། འཆི་མེད་དབང་མོ།
གོང་གི་ཚད་གཉིས་ཨང་གྲངས་བཤེར་འབེབས་བྱས་ན་
ཁམས་པའི་བརྙན་འཕྲིན་གྱི་ལེ་ཚན་ཆ་ཚང་གཟིགས་ཐུབ།
关注我们
微信号 ：weikangba
新浪微博 ：康巴藏语卫视
ཤམ་བྷ་ལ་ཆ་འཕྲིན་ཕབ་ལེན་བྱས་ན་བོད་ཁུལ་གྱི་ཆ་འཕྲིན་གསར་པ་གང་མང་གཟིགས་ཐུབ་པར་མ་ཟད། གླུ་གར་དང་བོད་སྐད་བརྙན་འཕྲིན་ཟློས་གར། གློག་བརྙན། འཆད་ཁྲིད། རོལ་དབྱངས་སོགས་ཆབ་དཔལ་རིག་གསུམ་གང་ཡིན་ཡང་རང་ཉིད་ཀྱི་འདོད་མོས་ལྟར་གཟིགས་ཆོག
