جۋىردا، التاي قالاسىنىڭ ۋبايلي سالت-سانا كوشەسىندەگى قىسقى كەشكى بازاردا شىراقتار جايناپ، ادامدار قايشالىستى. كاۋاپ، جياۋماجي قاتارلى ءتۇرلى جەرگىلىكتى ءدامدى تاعامداردىڭ قوش ءيىسى اڭقىپ، كوپتەگەن ساياحاتشىنى باۋرادى.
قار شاڭعى اۋەسكەرلەرى جونىنەن العاندا، ”قار شاڭعى تەبۋ“ قىستىڭ قىزىعىنا باتۋدىڭ وزگەشە ءتاسىلى. تاعى ءبىر قار-مۇز ماۋسىمى باستالدى، التاي ىستىق ىقىلاس جانە كەڭ پەيىلىمەن اس-سۋ، جاتىن ورىن، ءجۇرىس ـ تۇرىس، ساياحات، ساتىپ الۋ، كوڭىل اشۋ قاتارلى جاقتاردان ساياحاتقا قىزمەت وتەۋ ساپاسىن جاپپاي جاقسارتىپ، ساياحاتشىلارعا بۇرىن-سوڭدى بولماعان تاماشا اسەر قالدىرۋعا كۇش سالۋدا. گۋاڭدۇڭنان كەلگەن ساياحاتشى ليۋ زىياڭ بىلاي دەدى: ءبىر كۇندىك قار شاڭعى تەبۋدى اياقتاتىپ، دوستارىممەن بىرگە وسى ارادا ءبىراز شاراپ ءىشىپ، قاقتاما جەدىك، ايرىقشا كوڭىلدىمىز.
ىمىرت ۇيىرىلىسىمەن، التاي قالاسىنداعى ءارقايسى ءىرى ساۋدا جالپىلىق تۇلعاسىنىڭ ساۋداسى جانداندى، قارلى مەكەن بۋيەچىڭنىڭ ءمالىم ءبىر تۇرمىستىق بۇيىمدار دۇكەنىندە قولمەن توقىلعان ادەمى بۇيىمدار، كەستە قاتارلى قولونەر بۇيىمدارى كوزدىڭ جاۋىن الادى، الارماندار بۇل ارادان ۇناتقانىن تاڭداپ ساتىپ الدى. ءمالىم ءبىر تۇرمىستىق بۇيىمدار دۇكەنىنىڭ جاۋاپتىسى اراي اسقار قىزى بىلاي دەدى: بۇل دۇكەندى اشۋداعى ماقسات —جەرگىلىكتى ورىننىڭ ەرەكشە مادەنيەتىن ۇگىتتەۋ، دۇكەندەگى ءتۇرلى ەرەكشە قولونەر بۇيىمدارى قالا تۇرعىندارى مەن ساياحاتشىلاردىڭ قارسى الۋىنا يە بولدى.
سونىمەن بىرگە، التاي قالاسىنىڭ قوناقجايلارى دا شىت جاڭا بەينەگە ەندى. ءارقايسى ۇلكەن قوناقجايلاردىڭ كەڭ دە جارىق قوناق بولمەلەرى، كورىكتى دە جايلى ورتاسى، سونداي-اق جان-جاقتى قىزمەت وتەۋى ساياحاتشىلاردى باۋرادى. اقسۋدان كەلگەن ساياحاتشى ياقۇپ ياسىن بىلاي دەدى: التايدا ءۇرتىس نەشە جىل قار شاڭعى تەپتىم، بيىل جاڭادان اشىلعان قوناقجايعا جايعاستىم. بۇل ارانىڭ ورتاسى جايلى، قىزمەت وتەۋى جاقسى ەكەن.
ساناققا قاراعاندا، التاي قالاسىندا قازىر 1147 اس-سۋ كاسىپورنى، 178 قوناقجاي، 7502 قوناق بولمەسى، 12 مىڭ 863 توسەك ورنى بار ەكەن. بۇدان سىرت، 600 دەن استام ءۇي ساياحاتشىلارعا قىسقا مەرزىمدى جالعا بەرىلگەن. زات ساتىپ الۋ جانە كوڭىل اشۋ جاعىندا التاي قالاسىندا 5 ساۋدا جالپىلىق تۇلعاسى، 5 ءىرى ساۋدا ەرەن بازارى، 34 ساياحات زات ساتىپ الۋ دۇكەنى، سونداي-اق 12 ”شۋاقتى التىنتاۋ“ قىزمەت وتەۋ پۋنكتى، شاراپحانا، KTV، توراپحانا قاتارلى كوڭىل اشۋ ورنىنان 82 سى بار بولىپ، ساياحاتشىلاردىڭ ءتۇرلى جاقتان كوڭىل اشۋىن قامتاماسىزداندىرعان.
التاي قالالىق مادەنيەت-دەنە تاربيە، راديو-تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ مۇشەسى، مەكەمەنىڭ ورىنباسار باستىعى گو سۋجۋان بىلاي دەدى: بۇدان بىلاي ءبىز ”اس-سۋ، جاتىن ورىن، ءجۇرىس-تۇرىس، ساياحات، زات ساتىپ الۋ، كوڭىل اشۋ“ قاتارلى ساياحات فاكتورلارىن توڭىرەكتەپ، ءتۇرلى قىزمەت وتەۋ، قامتاماسىزداندىرۋ قىزمەتىن بار كۇشپەن ويداعىداي ىستەپ، جەر-جەردەن كەلگەن ساياحاتشىلاردىڭ قارلى مەكەن التايدا قىسقى ساياحاتتىڭ قىزىعىنا باتۋىنا مۇمكىندىك جاسايمىز.
来源：雪都嘟/阿勒泰地区融媒体中心
记者：张涛 通讯员：李怡然
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
