بيىل جىل باسىنان بەرى، جەمەنەي شەكارا وتكەلى ساۋدا ورتاسىن ۇزدىكسىز ساپالىلاندىرىپ، يمپورت-ەكسپورت تۇتىنۋىنىڭ دارەجەسىن جوعارىلاتۋدى بەلسەنە كەڭەيتىپ، شەكارا اتتاعان ساۋدانىڭ اناعۇرلىم قولايلى بولۋىن ىلگەرىلەتىپ، ەكونوميكانىڭ جوعارى ساپالى دامۋىنا دەم بەردى.
شينجياڭ شينپۋيۋان يمپورت-ەكسپورت ساۋدا شەكتى سەرىكتەستىگى 28 توننا پاتشا قىسقىشىن 5800 كيلومەتر شالعايداعى بارەنتس تەڭىزىنەن جەمەنەي شەكارا ەكونوميكالىق سەلبەستىك رايونىنا جەتكىزدى. بۇل سەرىكتەستىك پاتشا قىسقىشىن 10-ايدىڭ 31-كۇنى تۇڭعىش رەت يمپورت ەتكەننەن باستاپ قازىرگە دەيىن 48 تونناعا جەتكىزدى. شينجياڭ شينپۋيۋان يمپورت-ەكسپورت ساۋدا شەكتى سەرىكتەستىگىنىڭ جاۋاپتىسى جاڭ جۇنچۋان بىلاي دەدى: سەرىكتەستىگىمىزدىڭ ءار ايداعى يمپورت مولشەرى 50 توننا اينالاسىندا بولىپ، مەجەمەن، كەلەر جىلى ءار ايداعى يمپورت مولشەرى 200 تونناعا جەتەدى.
جىل باسىنان قازىرگە دەيىن جەمەنەي شەكارا وتكەلىنەن يمپورت ەتىلگەن سۋ ونىمدەرىنىڭ مولشەرى 730 تونناعا جەتىپ، سايكەس مەزگىلدەگىدەن %47 ارتتى، يمپورت مولشەرى ءۇرتىس 2 جىل بۇكىل شينجياڭ بويىنشا يمپورت ەتىلگەن سۋ ونىمدەرىنىڭ الدىڭعى قاتارىنا ءوتتى.
11-ايدىڭ 26-كۇنى شينجياڭ جياڭنان حالىقارالىق ساۋدا شەكتى سەرىكتەستىگىندە قىزمەتكەرلەر شاندۇڭنان تاسىپ اكەلگەن مانداريندى ءتۇسىردى. مانداريندى ”ءبىر جولدا ءوتىنىش ەتۋ، ءبىر جولدا تەكسەرۋ، ءبىر جولدا وتكىزۋ“ قاتارلى تەكسەرۋ باسقىشتارىنان وتكىزگەننەن كەيىن رەسەيگە جونەلتىلەدى. قازىر شينجياڭ جياڭنان حالىقارالىق ساۋدا شەكتى سەرىكتەستىگى رەسەيگە 210 توننا جەمىس-جيدەك، كوكونىس ەكسپورت ەتتى. شينجياڭ جياڭنان حالىقارالىق ساۋدا شەكتى سەرىكتەستىگىنىڭ ۇنەمىلىك ىستەرگە جاۋاپتى ورىنباسار باس ديرەكتورى لۋ ۋەيۋىن بىلاي دەدى: ءبىز جىل سوڭىنان بۇرىن 2000 توننا جەمىس-جيدەكتى رەسەيگە، سونداي-اق قازاقستانعا ەكسپورت ەتۋدى، كەلەر جىلى ەل ىشىندەگى جانە شىعىس وڭتۇستىك ازيا وڭىرىندەگى ىستىق بەلدەۋلىك جەمىس-جيدەكتەردى ورتا ازياعا جانە رەسەيگە ەكسپورت ەتۋدى جوسپارلاپ وتىرمىز.
جەمەنەي كەدەنىنىڭ ساندى مالىمەتىندە كورسەتىلۋىنشە، بيىل 1-ايدان 10-ايعا دەيىن جەمەنەي شەكارا وتكەلىنىڭ يمپورت-ەكسپورت ساۋدا سوماسى 5 ميلليارد 190 ميلليون يۋانعا جەتكەن. شەكارا وتكەلىندەگى قاتىستى تاراۋلار جۇمىس ءتارتىبىن اناعۇرلىم ساپالىلاندىرىپ، وزىندىك قۇندى تومەندەتىپ، ۋاقىتتى قىسقارتىپ، ونىمدىلىكتى ارتتىرىپ، كاسىپورىندارعا جان-جاقتى، كوپ سالالى ساۋدا قولايلىلىعىن ازىرلەپ، ايماقتىڭ اشىق ەكونوميكاسىنىڭ جوعارى ساپالى دامۋىنا دەم بەرەدى.
来源：雪都嘟/阿勒泰地区融媒体中心
记者：吴明奇 董发勇 通讯员：李森
特约记者：王朝智
编辑：哈尔勒哈西·毛吾列提
一审：米拉木古丽·穆斯那提
二审：铁木尔哈孜·木坦
终审：吐尔德别克·哈力别克
