阿拉老底子每天呈送精彩文章一组
打开尘封的记忆，寻觅往昔的岁月
叙老底子事 忆老底子人
诉老底子情
作者：褚半农
沪语改写、朗读：陈全娣
文字、语音审核：丁迪蒙
编辑：王乙其
中央电视台主持人康辉在“央视频”“咬文嚼字”小课堂视频中继续盘点全国容易读错搭难读个地名，伊从上海开始，第一个就是闵行区搭莘庄镇。伊讲“上海有一个闵行区，勿要读成闵xíng区……闵行区有一个地方是莘庄镇，迭个字就是‘莘莘学子’个‘莘’，但是勒拉搿搭要读‘莘xīn庄镇’”。莘庄地区带“莘”字个路名共有18条，其中“莘”字头个有16条，像莘北路、莘南路、莘沥路、莘凌路、莘潭路唠啥，路名带“莘”字的2条，是七莘路、虹莘路。迭个18条路名当中个“莘”字，侪要读成xīn个。
镇名搭“细莘”无关。
迭些带“莘”字个路名自然搭“莘庄镇”地名有关。宋代按照汉字字音分韵编排个音韵学著作《集韵》（1039年完稿）当中有“莘”字，义项之一是“音辛，细莘，药草”，（《康熙字典》1985年版，第1152页）“莘”是个形声字，按照形旁+声旁个造字原则，艹字头表示伊是一种植物，“辛”是它个读音，“莘”字应读xīn。“莘”是一种药草，也就是细莘（莘庄个莘），也可以写成辛苦个辛。初看“莘庄”之个名字好像搭药草“细莘”有关，有个就认为因莘溪两岸长满了“莘”这种植物，所以称“莘庄”个。我勒阅读明清文献时一直留意勒海，但是并唔没看到文献当中搿类记载。据权威个《上海植物志》（1999年版）介绍，细辛“主要分布于欧洲……上海有1种”“佘山有分布，生于杂木林下”。（上卷第217页）而下卷“经济植物”中则唔没提到。原来“细辛（莘）”在上海是种少见个“稀有植物”，也勿是生长勒拉河岸边浪个，怪勿得我从来唔没看到过伊的真容。1970年5月版《上海常用中草药》一书，是特地为农村赤脚医生编写个，共收录了480多种药草。勒拉介绍其它药草个辰光，既有文字介绍，也有精细个插图，每种介绍个篇幅侪要占两三页，连大家邪气熟悉个马兰，侪配有插图，而对细辛（莘）个介绍，只有区区5行字，连学名也唔没列出来，也根本没有插图。
1980年代开始个上海第一轮修志中，老莘庄镇编修个《莘庄镇志》（1986年8月内部印刷），有“莘庄镇因跨莘溪而得名”个记载，《上海县志》（1993年版）也是这样记载个，侪是先有“莘溪”个名字，后来再有“莘庄”个，迭个搭《崇祯松江府志》个记载相一致，侪拿我伲莘庄镇名个来源同药草“细莘”个名字联系起来个记载。搿能看来，莘庄个“莘”字来自“细辛（莘）”个可能性可以排除脱了。
前文回读：（上）
作者：褚半农
朗读：陈全娣
丁迪蒙，启迪蒙昧者也。上海市人。原上海大学中文系教师，多年来一直致力于沪语和海派文化的传承。
沪语是吴方言的代表方言，是吴侬软语的典范。她既可以用来拉家常，也同样可以用来朗读各类诗歌散文。
沪语完全可以书写，同粤语可以写作是一样的。本平台所有文章都是经过改写后，用沪语来演绎的，汉字书写也是正确的。
丁迪蒙所撰写的，与沪语相关的著作主要有：
《学说上海话》上海科技文献出版社
《听听说说上海话》少年出版社
《实用沪语》复旦大学出版社
《上海话绕口令》少儿出版社
《上海方言词语使用手册》上海教育出版社
《上海话读成语故事》少儿出版社
《囡囡学童谣》，少儿出版社。
转自：“海上梦叠”公众号
我知道你在看哟~
