![]()
གསར་འགྱུར་གལ་ཆེན།
➤བློ་མཐུན་ཞི་ཅིན་ཕིང་གི་ཁྲིམས་ལྟར་དམག་སྐྱོང་སྐོར་གྱི་རྣམ་བཤད་གལ་ཆེན་ལ་ཁྱོན་ཡོངས་ནས་ཡང་དག་པའི་སྒོ་ནས་སློབ་སྦྱོང་དང་གོ་བ་ལེན་པ་དང་། ཁྲིམས་ལྟར་དམག་སྐྱོང་གི་འཐབ་ཇུས་ལག་བསྟར་དོན་འཁྱོལ་བྱ་རྒྱུར་སྐུལ་འདེད་གཏིང་ཟབ་གཏོང་ཆེད། ཀྲུང་དབྱང་དམག་ཨུས་ཆོག་མཆན་ཐོབ་པ་བརྒྱུད། དམག་ཨུའི་སྲིད་ཁྲིམས་ཨུ་ལྷན་གྱིས《ཞི་ཅིན་ཕིང་གི་ཁྲིམས་ལྟར་དམག་སྐྱོང་སྐོར་གྱི་རྣམ་བཤད་གལ་ཆེན་གནད་བསྡུས》རྩོམ་སྒྲིག་པར་སྐྲུན་བྱ་རྒྱུ་སྒྲིག་འཛུགས་བྱས་ནས། ཉིན་ཤས་གོང་དམག་ཡོངས་ལ་དངོས་སུ་པར་འགྲེམས་བྱས་པ་རེད།➤དངུལ་རྩ་ལྟ་སྐུལ་དོ་དམ་སྤྱི་ཁྱབ་ཅུའི་གྲངས་གཞི་ལས་མངོན་པར། ཟླ10པའི་ཟླ་མཇུག་ཏུ། རྒྱལ་ཡོངས་ཀྱི་ཀུན་ཕན་རྣམ་པའི་ཁེ་ལས་ཆུང་གྲས་དང་ཆེས་ཆུང་གྲས་ཀྱི་དངུལ་བུན་ལྷག་གྲངས་སྒོར་དུང་ཕྱུར་ཁྲི32.45ཟིན་པ་དང་། དུས་མཚུངས་ལས14.98%འཕར་ཡོད་པ་རེད།➤ཉེ་ཆར། ཀྲུང་དབྱང་དྲ་འཕྲིན་གཞུང་ལས་ཁང་སོགས་སྡེ་ཚན་བཞིས་མཉམ་དུ《“དྭངས་གསལ· དྲ་རྒྱའི་སྟེགས་བུའི་རྩི་ཐབས་ཀྱི་དཔེ་མཚོན་གནད་དོན་བཅོས་སྒྲིག”གི་ཆེད་དོན་བྱ་སྤྱོད་སྤེལ་རྒྱུའི་སྐོར་གྱི་བརྡ་ཐོ》ཁྱབ་བསྒྲགས་བྱས་ནས། དྲ་སྦྲེལ་ཆ་འཕྲིན་ཞབས་ཞུའི་རྩི་ཐབས་ཕྱོགས་བསྡུས་བཅོས་སྐྱོང་སྔར་བས་གཏིང་ཟབ་ཏུ་གཏོང་རྒྱུ་ཡིན་པ་རེད།➤རྒྱལ་ཁབ་འཕྲོད་བསྟེན་དང་བདེ་ཐང་ཨུ་ལྷན་སོགས་སྡེ་ཚན་དྲུག་གིས་བསམ་འཆར་བཏོན་ནས། གཞི་རིམ་གྱི་སྨན་རྫས་མཉམ་སྒུལ་དོ་དམ་ལམ་སྲོལ་འཐུས་སྒོ་ཚང་དུ་གཏོང་རྒྱུ་ཡིན་པ་དང་། 2025ལོ་ནས་བཟུང་ཡུལ་གྲོང་འཕྲོད་བསྟེན་ཁང་གི་སྨན་རྫས་སྣ་ཁ་དང་། རྫོང་རིམ་པའི་སྨན་ཁང་དང་མཉམ་འབྲེལ་རྒྱུན་འཁྱོངས་བྱ་རྒྱུ་ཡིན་པ་རེད།➤རྒྱལ་ཁབ་ཁྲལ་དོན་སྤྱི་ཁྱབ་ཅུས་སྤྱི་བསྒྲགས་སྤེལ་ནས་ཟླ12པའི་ཚེས1ཉིན་ནས་བཟུང་རྒྱལ་ཡོངས་སུ་གྲངས་གཞི་ཅན་གྱི་གློག་རྡུལ་འཛིན་ཤོག་དངོས་སུ་སྤྱོད་རྒྱུ་ཡིན་པ་རེད།➤ཟླ11པའི་ཚེས23ཉིན་བར། རྒྱལ་ཁབ་གསར་སྤེལ་དངུལ་ཁང་གིས་གཉེར་འགན་འཁུར་བའི2024ལོའི་ལོ་འཁོར་གྱི་རྒྱལ་ཁབ་སློབ་རོགས་དངུལ་བུན་སྟེར་བ་ཁྱོན་ཡོངས་ནས་འགྲུབ་པ་དང་། རྒྱལ་ཁབ་ཀྱི་སློབ་རོགས་དངུལ་བུན་སྡོམ་པས་སྒོར་དུང་ཕྱུར803བྱིན་པ་རེད།➤རྒྱལ་ཁབ་ཕྱི་དངུལ་དོ་དམ་ཅུས་གནས་ཚུལ་སྤེལ་བར་གཞིགས་ན། ད་ལོའི་སྔོན་གྱི་ཟླ10བར། རང་རྒྱལ་གྱི་ཕྱི་དངུལ་ཁྲོམ་རས་རིམ་རྩིས་བྱས་ན་མི་དམངས་ཤོག་སྒོར་དུང་ཕྱུར239.43བརྗེ་རེས་བྱས་པ་རེད།
![]()
➤2023ལོའི་ལོ་མཇུག་བར། རང་རྒྱལ་གྱི་ནགས་ཚལ་ཁེབས་ཚད25%ལས་བརྒལ་བ་དང་། ནགས་ཚལ་གསོག་ཚད་སྨི་རྒྱ་དཔངས་གྲུ་བཞི་དུང་ཕྱུར200ལས་བརྒལ་ནས། མིས་བཟོས་ནགས་ཚལ་གྱི་རྒྱ་ཁྱོན་འཛམ་གླིང་གི་ཨང་དང་པོར་སླེབས་ཡོད་པ་རེད།➤ས་གནས་དེ་གའི་དུས་ཚོད་ཚེས24ཉིན། ཅ་ཧྲ་ས་ཁུལ་གྱི་འཕྲོད་བསྟེན་སྡེ་ཚན་གྱིས་གསལ་བསྒྲགས་སྤེལ་ནས་ན་ནིང་ཟླ10པའི་ཚེས7ཉིན་ཕ་ལེ་སི་ཐན་དང་དབྱི་སི་རལ་དབར་གྱི་རེས་སྐོར་གསར་པའི་གདོང་ཐུག་ཐོན་པ་ནས་བཟུང་། དབྱི་སི་རལ་དམག་དཔུང་གིས་ཅ་ཧྲ་ས་ཁུལ་དུ་དམག་དོན་བྱ་སྤྱོད་སྤེལ་ནས། ཕ་ལེ་སི་ཐན་གྱི་མི44211ཤི་བ་དང་མི104567ལ་རྨས་སྐྱོན་ཕོག་ཡོད་ཅེས་གསལ་སྒྲོག་བྱས་པ་རེད།![]()
➤ཀྲུང་དབྱང་གནམ་གཤིས་ལས་ཁུངས་ཀྱིས་གྲང་རླུང་གི་ཉེན་བརྡ་སེར་པོ་བཏང་སྟེ། ཚེས24ཉིན་གྱི་དགོང་མོ་ནས་ཚེས28ཉིན་བར། རང་རྒྱལ་གྱི་ས་ཁུལ་མང་ཆེ་བའི་དྲོད་ཚད་སྔ་རྗེས་སུ6~10℃མར་ཆག་རྒྱུ་ཡིན་པ་དང་། དེའི་ནང་ཧྭ་པེ་ཡི་བྱང་རྒྱུད་དང་ནང་སོག བྱང་ཤར་ས་ཁུལ་སོགས་ས་ཁུལ་ཁ་ཤས་སུ་དྲོད་ཚད12~14℃དང་། ས་ཁུལ་ཁ་ཤས་སུ16℃ཡན་མར་ཆག་རྒྱུ་ཡིན་པ་རེད།➤གྲངས་གཞི་ལས་མངོན་པར། ད་ལོའི་ཟླ1པོ་ནས་ཟླ10པའི་བར། རང་རྒྱལ་གྱི་གློག་གསོག་རྨང་གཞིའི་སྒྲིག་བཀོད་འཕར་ཚད་ཁྲི328.8ཟིན་པ་དང་། དུས་མཚུངས་ལས་བཅུ་ཆ་གཉིས་ཙམ་འཕར་ཡོད་པ་རེད།➤ཀྲུང་གོ་རྡོ་སོལ་བཟོ་ལས་མཐུན་ཚོགས་ཀྱིས་གནས་ཚུལ་སྤེལ་བར་གཞིགས་ན། ཟླ10པར་རང་རྒྱལ་གྱི་གཞི་ཁྱོན་ཡན་གྱི་མ་བཅོས་རྡོ་སོལ་ཐོན་ཚད་ཏུན་དུང་ཕྱུར་4.1ཟིན་པ་དང་། དུས་མཚུངས་ལས་4.6%འཕར་ཡོད་པ་རེད། མིག་སྔར་རྒྱལ་ཡོངས་སུ་རྡོ་སོལ་མཁོ་སྤྲོད་འདང་ངེས་ཡོད་པས་དགུན་དུས་ཀྱི་མཁོ་སྤྲོད་འགན་ལེན་ཡག་པོ་བྱས་ཡོད་པ་རེད།
![]()
➤ཚེས24ཉིན། གནའ་གཞུང་རྩོམ་རིག་ཞིབ་འཇུག་མཁས་དབང་དང་། ནན་ཁའེ་སློབ་ཆེན་གྱི་འཆད་ཁྲིད་དགེ་རྒན་ཆེན་མོ་བ་ཡེ་ཅ་ཡིང་སྐུ་གཤེགས་པ་དང་དགུང་ལོ100རེད།
![]()
➤ཚེས24ཉིན། 2024ལོའིWTTའཛམ་གླིང་ཐག་ཐག་སྤོ་ལོའི་མཉམ་འབྲེལ་ལྷན་ཚོགས་ཕུའུ་ཀང་སྤྱིའི་རྟིང་རྩོད་འགྲན་སྡུར་གྱི་སྐྱེས་པའི་རྐྱང་རྒྱག་དང་བུད་མེད་རྐྱང་རྒྱག་གི་རྒྱལ་ཕམ་ཐག་གཅོད་ཀྱི་འགྲན་སྡུར་ནང་། ཀྲུང་གོའི་རུ་ཁག་གི་འགྲན་ཞུགས་པ་ཝང་ཁྲུའུ་ཆིན་དང་ཝང་མན་ཡུས་ཀྱིས་སྐྱེས་པའི་རྐྱང་རྒྱག་དང་བུད་མེད་རྐྱང་རྒྱག་གི་སོ་སོར་ཨང་དང་པོ་བླངས་པ་རེད།➤2024ལོའི་ཀྲུང་གོའི་བྱ་སྒྲོའི་སྤོ་ལོའི་མཁས་ཅན་འགྲན་བསྡུར་གྱི་མཉམ་བསྲེས་གཉིས་ཀྱི་རྟིང་རྩོད་འགྲན་སྡུར་ནང་། ཀྲུང་གོའི་ཚན་སྡེབ་ཧྥེང་ཡན་ཀྲེ/ཧོང་ཏུང་ཕིང་གིས་ཨང་དང་པོ་བླངས་པ་རེད།➤ཉེ་ཆར། ཀྲུང་གོའི་མཚོ་ཐོག་ཉེན་རྟོག་ཅུ་ཡིས་དྲག་ཤུགས་ལ་བརྟེན་ནས་བཅའ་ཁྲིམས་བརྩི་སྲུང་མི་བྱེད་པའི་སྒྲིག་འགལ་ལས་སྒྲུབ་བྱེད་པའི་ཉ་གྲུ་ཞིག་ཞིབ་བཤེར་འཛིན་བཟུང་བྱས་པ་དང་། ཡུལ་དངོས་ནས་ཁྲིམས་འགལ་ཉེས་གསོག་དོགས་ཅན་17འཛིན་བཟུང་བྱས་པ་རེད།
![]()
➤རང་རྒྱལ་གྱི་རབས་གསར་པའི་རྩིག་རྨང་དམར་ཕྱིའི་གནམ་དཔྱད་རྒྱང་ཤེལ་ཏེ། ཀྲུང་ཧྲན་སློབ་ཆེན་གྱི་ལི་སྨི80ཡི་རྒྱང་ཤེལ་དེ་ཉེ་ཆར་མཚོ་སྔོན་ལིན་ཧུའུ་གནམ་གཤིས་ལྟ་ཞིབ་ཚད་ལེན་ཞིབ་འཇུག་རྟེན་གཞིར་ལྟ་ཞིབ་ཚད་ལེན་བྱེད་མགོ་ཚུགས་པ་དང་། ཁག་དང་པོའི་ལྟ་ཞིབ་ཚད་ལེན་གྱི་པར་རིས་གྲུབ་འབྲས་ཁྱབ་བསྒྲགས་བྱས་པ་རེད།➤ཏ་ལེན་མཚོ་དོན་ཅུས་མཚོ་འགྲུལ་ཉེན་བརྡ་བཏང་སྟེ། ཟླ11པའི་ཚེས24ཉིན་གྱི་ཆུ་ཚོད16ནས་ཟླ12པའི་ཚེས1ཉིན་གྱི་ཆུ་ཚོད16བར། པོ་ཧའེ་མཚོ་འགག་གི་རྒྱ་མཚོ་སེར་པོའི་བྱང་རྒྱུད་ཀྱི་མཚོ་ཁོངས་ཁག་གཅིག་ཏུ་དམག་དོན་ལས་འགན་སྤེལ་ཏེ་མཚོ་གྲུ་གཏོང་རྒྱུ་གཏན་འགོག་བྱས་པ་རེད།སྲིད་ཇུས།
➤ཀོང་ཏུང་གིས་བརྡ་ཐོ་པར་འགྲེམས་བྱས་ནས་དལ་གཤིས་གློ་འགག་ནད་དང་རླུང་རླན་ཚིགས་ནད། སྙིང་ནད། ནད་དུག་རང་བཞིན་གྱི་མཆིན་ཚད། རེངས་གཤིས་སྒལ་ཚིགས་ཚ་ནད་བཅས2025ལོའི་ཟླ1པོའི་ཚེས1ཉིན་ནས་བཟུང་ཞིང་ཆེན་བརྒལ་ནས་ཐད་ཀར་རྩིས་རྒྱག་ཐུབ་རྒྱུ་རེད།➤ཧུའུ་ནན་གསལ་བོར་བསྟན་དོན། ཁྲིམས་གཏན་ངལ་རྩོལ་ལོ་ཚད་ནང་ཚུད་པ་མ་ཟད། ལས་ཞུགས་ནུས་པ་ལྡན་པ་དང་གསོ་སྦྱོང་གི་དགོས་མཁོ་ཡོད་པའི་མི་སྣས་ལས་རིགས་རྩལ་ནུས་གསོ་སྦྱོང་གི་ཁ་གསབ་ལོངས་སུ་སྤྱོད་ཆོག་ཅེས་བསྒྲགས།➤ཀུའེ་ཀྲོའུ་ཡིས་ཡིག་ཆ་བཀྲམ་ནས་སྨན་དོན་མི་སྣས་སྨན་བཅོས་དང་རྒན་གསོ་ཟུང་འབྲེལ་སྒྲིག་གཞིར་ལས་གཉེར་བྱ་རྒྱུར་རྒྱབ་སྐྱོར་བྱས་ཏེ། གོ་མིང་ཞིབ་དཔྱད་གཏན་འཁེལ་སོགས་ཐད་སྨན་བཅོས་འཕྲོད་བསྟེན་སྒྲིག་གཞིའི་མི་སྣ་གཞན་དག་དང་འདྲ་མཚུངས་ཀྱི་ཐོབ་ཐང་ལོངས་སུ་སྤྱོད་རྒྱུ་ཡོད་པ་ཁ་གསལ་བཏོན་ཡོད་པ་རེད།དེ་རིང་གི་གནམ་གཤིས།
![]()
➤ནང་སོག་གི་དབུས་ཤར་རྒྱུད་དང་། བྱང་ཤར་ས་ཁུལ་གྱི་ནུབ་རྒྱུད། བོད་ལྗོངས་ཀྱི་ཤར་རྒྱུད། ཀན་སུའུ་ཡི་མདོ་ལ་རིང་མོའི་རི་ཁུལ་དང་ལྷོ་རྒྱུད། ནུབ་བྱང་ས་ཁུལ་གྱི་ཤར་རྒྱུད། ཧྭ་བྱང་གི་ནུབ་རྒྱུད་དང་བྱང་རྒྱུད། ཁྲོན་ཞི་མཐོ་སྒང་གི་བྱང་རྒྱུད་སོགས་ས་ཁུལ་ཁ་ཤས་སུ་ཁངས་ཆུང་ཆུང་ནས་འབྲིང་ཙམ་དང་ཡང་ན་ཁངས་ཆར་འདྲེས་མ་འབབ་རྒྱུ་དང་། དེའི་ནང་། ནང་སོག་གི་ཤར་རྒྱུད་དང་། ཧེ་ལུང་ཅང་གི་དབུས་རྒྱུད། ཧོ་པེ་ཡི་བྱང་རྒྱུད་སོགས་ས་ཁུལ་ཁ་ཤས་སུ་ཁངས་ཆེན་ནས་ཁངས་ཆེན་དྲག་པོ་འབབ་རྒྱུ་རེད། བྱང་ཤར་ས་ཁུལ་གྱི་ལྷོ་རྒྱུད་དང་། ཧྭ་བྱང་གི་དབུས་ལྷོ་རྒྱུད། ཧོང་ཧའེ། ཅང་ཧའེ། ཅང་ཧན། ཅང་ནན། ལྷོ་ནུབ་ས་ཁུལ་གྱི་ཤར་རྒྱུད། ཧྭ་ལྷོ་རྒྱུད། ཐའེ་ཝན་གླིང་ཕྲན་སོགས་ས་ཁུལ་ཁ་ཤས་སུ་ཆར་ཆུང་ཙམ་ནས་འབྲིང་ཙམ་འབབ་རྒྱུ་དང་། དེའི་ནང་། ཧུའུ་ནན་གྱི་དབུས་ནུབ་རྒྱུད་ཀྱི་ས་ཁུལ་ཁ་ཤས་སུ་ཆར་ཆེན་འབབ་རྒྱུ་རེད།ཡོང་ཁུངས། མཚོ་བྱང་ཁུལ་མི་དམངས་སྲིད་གཞུང་དྲ་བ།
རྩོམ་སྒྲིག་འགན་ཁུར་བ། ཀླུ་མགོན་རྒྱལ།
ལྟ་སྐུལ་བ། གཡང་འབུམ་ཚེ་རིང་། ![]()
责编/冷公加
监制/杨本才让
投稿邮箱/3068276991@qq.com
བརྩམས་དབང་རྩོམ་མཁན་ལ་དབང་། དབང་གནོད་ཡོད་ཚེ་འཕྲལ་མར་ང་ཚོར་འབྲེལ་བ་གནང་རོགས།
版权归原作者所有，如有侵权请立即与我们联系
