མཚོ་བྱང་ཁུལ་གྱི་དུས་ཚིགས་བཞི་པའི་ལས་གཞི་གལ་ཆེན་གཅིག་སྡུད་ཐོག་གན་རྒྱ་བཞག་ནས་ལས་མགོ་བརྩམས་པ།
ཟླ11པའི་ཚེས18ཉིན་གྱི་སྔ་དྲོར། མཚོ་བྱང་ཁུལ་གྱིས་དུས་ཚིགས་བཞི་པའི་ལས་གཞི་གལ་ཆེན་དང་ཅི་ནན་ལན་ཅན་ཅུན་ལྗང་མདོག་རིག་ནུས་གསར་པའི་རྩིས་ཤུགས་ལྟེ་གནས་ཀྱི་ལས་གཞི་གཅིག་སྡུད་ཐོག་ལས་མགོ་རྩོམ་པའི་མཛད་སྒོ་འཚོགས་ལ། དེ་ནི་ཀྲུང་དབྱང་དང་ཞིང་ཆེན་ཏང་ཨུའི་འབྲེལ་ཡོད་དཔལ་འབྱོར་བརྟན་པོའི་ངང་འཁོར་སྐྱོད་བྱ་རྒྱུར་སྐུལ་འདེད་གཏོང་རྒྱུའི་སྐོར་གྱི་བླང་བྱ་རབ་དང་རིམ་པ་ལག་བསྟར་དོན་འཁྱོལ་གཏིང་ཟབ་བྱེད་པ་དང་། ལོ་ཧྲིལ་པོའི་དམིགས་ཚད་ལས་འགན་དམ་འཛིན་བྱེད་པ། མ་འཇོག་གཞོང་ཆེན་སྲ་བརྟན་དུ་གཏོང་བ། དཔལ་འབྱོར་འཕེལ་རྒྱས་ལ་སྐུལ་འདེད་གཏོང་བ་བཅས་བྱས་ཏེ་ལས་གཞིར་སྐུལ་འདེད་དང་མ་འཇོག་དམ་འཛིན་བྱས་ནས་ཁུལ་ཡོངས་ཀྱི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་ངང་འཕེལ་རྒྱས་འགྲོ་རྒྱུར་སྐུལ་འདེད་གཏོང་ཆེད་རེད། ཁུལ་ཨུའི་ཧྲུའུ་ཅི་གཞོན་པའམ་ཁུལ་དཔོན་ཀྲང་ཧྲིང་ཡོན་མཛད་སྒོར་ཞུགས་པ་དང་འབྲེལ་ཤིས་ཚིག་ཕུལ། ཞིང་ཆེན་འཕེལ་སྒྱུར་ཨུ་ལྷན་གྱི་རིམ་པ་གཉིས་པའི་སྐོར་ཞིབ་པ་ཚུའེ་པེའོ་དང་ཞིང་ཆེན་གཞི་གྲངས་ཅུས་ཀྱི་ཅུས་ཀྲང་གཞོན་པ་ཁྲེན་ཝུའེ་ཅུན་གདན་ཞུ་ལྟར་མཛད་སྒོར་ཞུགས། ཁུལ་ཨུའི་རྒྱུན་ཨུའམ་དྲུང་ཡིག་ཆེན་མོ་ཚོ་ཅི་ཆང་གིས་མཛད་སྒོ་གཙོ་སྐྱོང་གནང་།
ཐེངས་འདིའི་གཅིག་སྡུད་ཐོག་ལས་མགོ་རྩོམ་པའི་ལས་གཞིའི་སྤྱིའི་མ་འཇོག་སྒོར་དུང་ཕྱུར33ཟིན་པ་དེ་ཀྲུང་དབྱང་གི་སྔོན་རྩིས་ནང་གི་མ་འཇོག་དང་རོགས་སྐྲུན་མ་དངུལ། སྤྱི་ཚོགས་མ་འཇོག་བཅས་ཀྱི་ལས་གཞི་ཁྱོན29དང་འབྲེལ་བ་ཡོད་པ་དང་། ཚོང་འགུགས་མ་འདྲེན་གྱི་གན་འཇོག་ལས་གཞི་སྔོན་རྩིས་བྱས་ན་སྒོར་དུང་ཕྱུར50ཟིན་འདུག དེའི་ནང་ཅི་ནན་ལན་ཅན་ཅུན་ལྗང་མདོག་རིག་ནུས་གསར་པའི་རྩིས་ཤུགས་ལྟེ་གནས་སོགས་ཆད་སྐྱོན་སེལ་བ་དང་ཞན་ཆ་ལེགས་གཏོང་གི་ཕྱོགས་སྒྱུར་ལས་གཞི་ཡོད་པར་མ་ཟད། ཁུལ་གྱི་མཐོ་སྒང་གྲང་ཁུལ་གྱི་ས་ཡོམ་རོགས་སྐྱོབ་སྦྱོང་བརྡར་རྟེན་གཞི་སོགས་རྨང་བཏང་བ་དང་དམངས་འཚོར་ཕན་པའི་འགན་ལེན་རིགས་ཀྱི་ལས་གཞི་ཡང་ཡོད། ལས་གཞི་དེ་དག་གིས་མཚོ་བྱང་འཕེལ་རྒྱས་སྟོབས་ཤུགས་སྔར་བས་ཆེ་རུ་འགྲོ་སྲིད།
མཚོ་བྱང་ཁུལ་གྱིས་ལོ་ཧྲིལ་པོའི་དམིགས་ཚད་ལས་འགན་གྱི་ཚད་གཞིར་དམིགས་ནས་འགན་འཁྲི་ནན་དུ་གཏོང་བ་དང་དུས་ཚོད་རེའུ་མིག་དང་ལམ་རིས་དོན་འཁྱོལ་ཡག་པོ་བྱས་ཏེ་ལས་གཞི་འཛུགས་སྐྲུན་ལ་གོ་རིམ་ལྡན་པའི་ངང་སྐུལ་འདེད་ནུས་ལྡན་གཏོང་རྒྱུའི་འགན་ལེན་བྱེད་པ་དང་། དེ་དང་ཆབས་ཅིག ཚོང་གཉེར་ཁོར་ཡུག་མུ་མཐུད་ཇེ་ལེགས་སུ་བཏང་ནས་སྟོབས་ཤུགས་ལྡན་པའི་ཁེ་ལས་ཆེ་གྲས་དང་ཁེ་ལས་གཙོ་བོར་འབྲེལ་མཐུད་ཧུར་ཐག་བྱས་ཏེ་འདེགས་སྐྱོར་ནུས་པ་མངོན་གསལ་དོད་པ་དང་སྣེ་ཁྲིད་ནུས་པ་ཆེ་བ། ཕན་འབྲས་མངོན་གསལ་དོད་པ་བཅས་ཀྱི་ལས་གཞི་ཆེ་གྲས་དང་ལས་གཞི་བཟང་པོ་ཁག་ཅིག་ནང་འདྲེན་དང་གཞིས་ཆགས་པར་བྱས་ཏེ་མཚོ་བྱང་གི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་རྫོགས་མཐའ་མེད་པའི་སྒུལ་ཤུགས་བསྣན་ཡོད།
ཡོང་ཁུངས། མཚོ་བྱང་མདོ་ལ་བོད་ཡིག་ཚགས་པར།
རྩོམ་སྒྲིག་འགན་ཁུར་བ། ཀླུ་མགོན་རྒྱལ།
ལྟ་སྐུལ་བ། གཡང་འབུམ་ཚེ་རིང་། སྤྱི་ཁྱབ་ལྟ་སྐུལ་བ། ལིག་ཙུན་ཁོས།
原文来源/海北州发改委 图/祁连山报社全媒体记者 马淑珍
责编/冷公加
监制/杨本才让 总监制/刘增奎
投稿邮箱/3068276991@qq.com
བརྩམས་དབང་རྩོམ་མཁན་ལ་དབང་། དབང་གནོད་ཡོད་ཚེ་འཕྲལ་མར་ང་ཚོར་འབྲེལ་བ་གནང་རོགས།
版权归原作者所有，如有侵权请立即与我们联系
