文|费里尼
今天的文字源于两位60后65前上海爷叔的口述回忆，当可视作江湖私家记忆。本人仅对所闻做梳理并诉诸文字，并无义务考证其真实性。请读者明鉴。
口述人物：爷叔A，生于1965年；爷叔B，略长A2-3岁
两人的回忆比较集中在曹家渡的1980年代。出于叙述需要，以下共同回忆部分我打包呈现，只有涉及在A和B的个人经历时，具体予以标注——
曹家渡老早也叫“五角场”，不过是“小五角场”，大的在江湾。马路当中侪有一只环岛，不过江湾五角场的环岛就是一只交通岛，公交车转圈圈。曹家渡的环岛是一圈商店（题图：1980年代的曹家渡环岛）。
公交车就太多了。54路，13路，44路，终点站侪在曹家渡。三区交汇，静安、普陀、长宁，乱哄哄，闹哄哄，邪气有意思。
沪西电影院，现在的长宁路万航渡路门口，盒马斜对过，搿辰光夜排档潮潮翻翻，起码上百只。螺蛳吮起来，重油炒面，地沟油，香。经常需要打游击，普陀来人冲了，台子矮凳朝长宁地界搬，普陀的就不可以动手了，长宁来人冲，台子矮凳就搬到静安，静安的来了，再回普陀……
三区联合执法？绝对不可能。做点小生意，交关侪是山上下来的，啥事体要赶尽杀绝呢，是伐。
搿辰光，曹家渡五角场，样样有。咖啡馆有伐？侬覅讲，真的有。叫”大新咖啡馆“，里厢侪是混江湖的，隔几天就要打打杀杀。80年代的上海，靠拳头讲言话。侬豁得出，手里举起的刀子敢斩下去，就是侬狠，如果一把刀子举了高，斩不下去，缩卵，一记头江湖排名落到末脚，揩脱。
有点地位的大哥，如果弄堂里被人后头套麻袋闷棍喫一顿，不算坍台，生活喫好自家闷特，勿去场面寻回来，也是缩卵，地位掼到最最末脚，不可能再有机会出头了。
搿辰光人也义气，肯帮人顶事体。被顶的也邪气拎得清，侬进去，屋里厢人替侬照顾，出来，再挑侬一份生意做，大家开心。
讲到此地，爷叔A叹了口气：还好，有天夜里厢，一把野火起来，咖啡馆烧得精光，否则严打，混里厢的人勿晓得要进去多少!
我问：搿么烧特可以重新造啊。爷叔B讲：交关么事，没了就是没了，再造，心想不对了。
爷叔A还沉浸在上一场戏：真是哦，搿辰光，侬请人家喫生活，还能收到钞票，现在不对了，啥人动手啥人坏分！
爷叔B接了一句：统一标价，一只耳光6000块。
哎，曹家渡治安老派的那个小D侬还记得伐？B问A。
哪能不记得，逼样看我不惯，去我学堂，让老师送我去工读学堂，班主任已经签字了——搿辰光只要班主任签字就可以送侬进去，啥叫工读学堂侬晓得伐，就是教一点点文化知识的少管所！
A越讲越愤慨，剃了哑光的头颅油亮闪闪：还好我爷老头子当机立断，让我退学，退学了班主任就失效了！
小D只瘪三，辣海曹家渡基本横过来走路。B讲，吃吃喝喝不算，还讨么事，没事体就跑到人家饭店和老板讲：哎，来条外烟。啥人敢得罪伊，只要一条健牌塞过去。逼样也看我不惯，我工读学堂犯了点事体，进去了，伊跑到我屋里厢跟我姆妈讲，倷儿子判16年哦。
我姆妈穷哭了。过了两个月，我出来了，没事，去寻伊：侬搿逼样瞎讲啥我16年啊，啊？！伊从此看到我绕开走，头昏。
小D老早就死特了侬晓得伐，爷叔A问。
我哪能勿晓得，肝癌嘛。赤佬有一趟混曹家渡KTV，被市局执法活捉。市局讲，要么侬辞职，要么阿拉处理侬。伊就剥了皮自家跑了。
小D几岁死的，40岁到伐？我问。
绝对不到！爷叔A和B异口同声。
迷你版曹家渡江湖回忆就到这里。
BTW：我在网上发现一张更为古早的曹家渡照片，逻辑推理一下，照片的背景应该靠着苏州河的南岸，匾额上书三个字：曹家渡汛。不知是否一家防汛站？有知道具体信息的读者可以给我留言指正——
【费里尼「星球」上新】
刚写了一篇大佬的故事。在订户已经300+的费里尼星球，你会看到在此地绝对不会发布的内容，更私密表达，更不可言说的广袤江湖。
