كۆپ قىسىملىق يېڭى ئەسەر
ئەسەر ھەققىدە
ھوزۇرىڭىزدا بولۇۋاتقىنى ئارافات ئۆزلەشتۈرۈپ تەييارلىغان، گۈزەلىم سالونىمىزدا ھەر كۈنى بىر قىسىمدىن تارقىتىلىدىغان «يولدىن چىققان ئايال» ناملىق روماننىڭ يازما ۋە ئاۋازلىق نۇسخىسى. بىزنى قوللاپ دوستلىرىڭىز ۋە چەمبىرەكلەرگە تەۋسىيە قىلىۋېتىپ ئاندىن ئەسەر ئوقۇشنى باشلاپ كېتىڭ!
باشقا قىسىملىرى
بۈگۈنكى قىسىمى
قەيسەر ئۇنىڭ مەڭزىدىكى يېنىك كۈلكىگە قاراپ، يۈرىكى يەنە ئاغرىپ كەتتى.
بىراق، ماتېرىياللار، ياردەمچىسى ئەۋەتكەن ئارخىپلار، ھەر ۋاقىت ئۇنىڭغا، ئۇ چوقۇم ھېلىقى بىگۇناھ قىزنىڭ تارتقان جاپالىرىنىڭ ئورنىنى تولدۇرۇشى، يەتتە يىل بۇرۇنقى خاتالىقىنى تۈزىتىشى كېرەكلىكىنى ئەسكەرتىپ تۇرىدۇ .
« ئەلفىرە» گە كەلسەك، ئۇ ئۇنى ھەر قانچە ياخشى كۆرسىمۇ، چوقۇم ئۈمىدىنى يەردە قويىدۇ ......
- ئەلفىرە،-قەيسەر كۆز ئالدىدىكى ئايالغا قاراپ چوڭقۇر بىر تىنىۋالدى،-ئارىمىزدىكى توختام مۇشۇ يەردە توختىسۇن!
ئۇ گېپىنى تۈگىتىپ، ھەتتا ئۇنىڭ كۆزىگە قاراشقىمۇ جۈرئەت قىلالمىدى.
ئۇ ئۇنىڭغا يۈز كېلەلمەيدۇ.
لېكىن، ئۇ يەتتە يىل ئىلگىرى ئۇنىڭ سەۋەبىدىن ئۈزۈل - كېسىل ۋەيران بولغان گۈلزىرەگە تېخىمۇ يۈز كېلەلمەيدۇ.
شۇ تاپتا، پەقەت ئازابقا چىداپ مېھرىدىن كېچىش كېرەك.
-ھە؟-گۈلزىرە سەل تېڭىرقاپ قالدى،-نېمە توختام؟قايسى توختامنى توختىتىمىز؟
-ئەلفىرە، كەچۈرۈڭ، بىز ئايرىلىپ كېتەيلى.
قەيسەر بۇ گەپنى دەپ بولغاندىن كېيىن، بىئارام بولغىنىدىن خۇددى بارلىق كۈچىدىن قالغاندەك ھېس قىلدى.
ھەتتا كۆڭلىمۇ قۇرۇقدىلىپ قالدى.
گۈلزىرە بىر نەچچە سېكۇنت ئىنكاس قايتۇرغاندىن كېيىن، قەيسەرنىڭ نېمە دەۋاتقانلىقىنى ھېس قىلدى.
ئۇ بېشىنى كۆتۈرۈپ ئۇنىڭغا قارىدى، ئۇنىڭ شۇ تاپتىكى قاپاقلىرى ئارىسىدىكى جان تالىشىشى ۋە ھارغىنلىقىنى ئېنىق كۆردى، ئۇنىڭ تۇرقى ناھايىتى سۈرلۈك بولۇپ، پۈتۈنلەي چاقچاق قىلغاندەك ئەمەس ئىدى!
شۇڭا، ئۇ راستىنلا ئۇنىڭ بىلەن ئايرىلىپ كېتەيلى دېدىمۇ؟!
نېمىشقا بۇنداق تۇيۇقسىز؟
ئۇ كۈنى مەيداندا، ئۇ ئېنىقلا خەتەرگە قارىماي ئۇنى قۇتقۇزۇپ قالدى.
ئەگەر ئۇ ئۇنى ئازراقمۇ ياخشى كۆرمەيمەن ياكى پەقەت بىردەملىك قىزىقىش دېسە، ئۇ راستىنلا ئىشەنمەيدۇ.
-قانداق قىيىنچىلىققا يولۇقتىڭىز؟-گۈلزىرە بىر نېمىنى ئويلاپ، -ھېچقىسى يوق، مەن سىلەرنىڭ ئائىلەڭلارنىڭ چوقۇم بىر - بىرىگە لايىق قىز دوست تۇتۇشۇڭلارنى ئۈمىد قىلىدىغانلىقىنى بىلىمەن. مەن سىزنى چۈشىنىمەن، ھەم سىزنىڭ شۇنداق قىلشىڭىزغا قوشۇلىمەن، ئەمما سەۋەبىنى ماڭا ئېيتىپ بېرەلەمسىز؟
ئۇنىڭ بۇ گېپىنى ئاڭلاپ، قەيسەرنىڭ كۆڭلى تېخىمۇ يېرىم بولدى.
-چۈنكى، مەن ئىلگىرى بىر قىزغا مەسئۇل بولىمەن، دەپ ۋەدە بەرگەنىدىم. ھازىر ئۇ قايتىپ كەلدى، مەن ۋەدەمنى ئەمەلگە ئاشۇرىدىغان ۋاقىت بولدى.
گۈلزىرە ئاستاغىنە كۆزىنى چىمچىقلاتتى.
شۇڭا، ئۇ ئائىلىسى قارشى تۇرغانلىقى ئۈچۈن ئەمەس، بەلكى باشقا قىزلار ئۈچۈنمۇ؟
ئۇنىڭ كۆڭلى تۇيۇقسىز سوۋۇپ كەتتى، لېكىن، بۇنداق تۇيغۇ ئانچە كۈچلۈك ئەمەستەك قىلاتتى.
چۈنكى بۇ بىر نەچچە يىلدىن بۇيان بۇنداق سوغۇقنى باشتىن كەچۈرۈپ باقمىغان ئەمەس.
ئەكسىچە، بەك كۆپ بولغاچقا، كۆنۈپ قالغاندەك قىلىدۇ.
توغرا، كۆنۈپ قالدى ...
بەزىدە كۆنۈپ قالسىڭىزلا بولدۇ، چۈنكى، ئاشۇنداق ئازابلىق ئۆتمۈشنى باشتىن كەچۈرگەندىن كېيىن، ئەمەلىيەتتە بۇ دۇنيادىكى نۇرغۇن ئىشلار، نۇرغۇن قىيىنچىلىقلارنىڭ ھېچقانچە چوڭ ئەمەسلىكىنى بايقايسىز!
گۈلزىرە ئاستا بېشىنى كۆتۈرۈپ، قەيسەرنىڭ كۆزىگە قاراپ:
-بولىدۇ، مەن بىلدىم،مەن قوشۇلىمەن، بىز ئايرىلىپ كېتەيلى،-دېدى.
ئۇنىڭ بۇ گەپلىرىنى ئاڭلاپ، ئۇنىڭ يۈرىكى دۈپۈلدەپ، بوغۇلۇپ قالغاندەك ئاغرىپ، بەدىنى قاتتىق سىلكىنىپ كەتتى.
-ئەلفىرە ......
ئۇ ئۇنىڭ ئىسمىنى چاقىردى، ھەتتا ئۇنى سىلغۇسى كەلدى.
بىراق، قولى يېرىم بوشلۇقتا قېتىپ، مۇشۇ يەردە توختاپ قالدى.
شۇ تاپتا ئۇنىڭ ئۇنى سىلىغۇدەك سالاھىيىتى قالمىدى.
شۇنىڭدىن كېيىن، ئۇ قالغان ئۆمرىنى «گۈلزىرە» دەپ ئاتىلىدىغان قىزغا بەرگەن ۋەدىسگە بېرىشكە مەجبۇر.
قەيسەر كۆڭلىدىكى قاتتىق ئاغرىققا بەرداشلىق بېرىپ:
-ئەلفىرە، مەن نامىمدىكى بىر يۈرۈش ياتاق بىناسىنى سىزگە سوۋغا قىلىمەن، ئۇنىڭدىن باشقا، سىز بۇرۇن قەرز ئالغان بىر مىليون يۈئەن پۇلنى قايتۇرمسىڭىزمۇ بولىدۇ، مەن يەنە ......- دېدى.
گۈلزىرە بۇنى ئاڭلىغاندىن كېيىن، كۆڭلىدە بىردىنلا غەزەپ پەيدا بولدى، ئۇ ئۇنىڭ گېپىنى بۆلۈپ:
-قەيسەر دېرىكتور، بۇ ئايرىلىش ھەققىمۇ؟-دېدى.
قەيسەرنىڭ مۇشتۇمى بىردىنلا تۈگۈلۈپ:
-ئەلفىرە، مەن ئۇنداق دېمەكچى ئەمەس، مەن پەقەت تولۇقلىماقچى ......- دېدى.
قەيسەر داۋاملىق سۆزلىيەلمەيدىغاندەك قىلاتتى، ئۇنىڭمۇ ئاڭلىغۇسى يوق.
سۈكۈت ئىچىدە ئىككىسى بىردەم تۇرۇپ قالدى.
كەيپىيات بارغانسېرى چۈشكۈنلىشىپ كەتتى.
قەيسەر داۋاملىق بىر نېمە دېمەكچى بولغاندا، گۈلزىرە ئاۋۋال ئېغىز ئاچتى.
-داچا دېگەنلەرنىڭ ھەممىسى كېرەك ئەمەس،-گۈلزىرە قەيسەرنىڭ كۆزلىرىگە تىكىلىپ تۇرۇپ،-ھېلىقى بىر مىليونغا كەلسەك، بولىدۇ، مەن ئايرىلىش ھەققى سۈپىتىدە قوبۇل قىلاي، رەھمەت سىزگە،-دېدى.
ئۇنىڭمۇ پۇلنى ئۇدۇللا ئۇنىڭ يۈزىگە ئېتىپ، پۇلۇڭنى ئالمايمەن، كۆزۈمدىن يوقال، دېگۈسى بار.
بىراق، ئۇ ئەلدارنى ئويلاپ قالدى.
گەرچە قەيسەرنىڭ ئۆيىگە كۆچۈپ كەلگىنىگە ئۇزۇن بولمىغان بولسىمۇ، لېكىن ئۇ ئەلدارنىڭ چىرايىنىڭ بۇرۇنقىدىن ياخشى بولۇپ قالغانلىقىنى ھېس قىلدى.
ئۇنىڭ ئۈستىگە، كىچىك بالا گەرچە گەپ قىلمىسىمۇ، لېكىن ئۇ قەيسەرنىڭ ئۆينىڭ شۇنچە چىرايلىق ئىكەنلىكىنى كۆرۈپ، ئۆيدە چاشقانلارنىڭ ئۆمىلەپ يۈرىشىدىن ئەنسىرىمىسىمۇ بولىدىغانلىقىنى، ئەتىگەندە چېنىقىش ئۆيىگە بېرىپ ئەسۋابلارنى مەشىق قىلغىلى بولدىغانلىقىنى، بىلگەن ئوغلىنىڭ بۇ يەرنى ناھايىتى ياخشى كۆرىدىغانلىقىنى بىلەتتى.
ئۇنىڭ ئوغلىغا بۇنداق ياخشى ماددى تۇرمۇش شارائىتى يارىتىپ بەرگۈدەك ئىقتىسادىي كۈچى يوق، ئەمما ئۇ چەكنى نەقلەشتۈرگەندىن كېيىن,800 مىڭ يۈئەنگە شەھەردە بىر كىچىك ياتاق بىناسى سېلىپ، ئاندىن 100 نەچچە مىڭ يۈئەنگە بىر كىچىك ئاشخانا ئېچىپ، ھەر ئايدا پۇل تېپىپ قەرز قايتۇرسا بولىدۇ، بۇنداق بولغاندا، ئۆي ئىجارە ئېلىشنىڭ ھاجىتى قالمايدۇ.
تولىمۇ ئەپسۇس، ئۇ ئاخىرى يەنىلا رېئاللىققا يۈكۈندى.
قەيسەر گۈلزىرەنىڭ پۇلنى قايتۇرماسلىققا قوشۇلغانلىقىنى ئاڭلاپ، كۆڭلى سەل ئارام تېپىپ قالدى.
چۈنكى ئۇ ئۇنىڭ ھازىرقى ئىقتىسادىي ئىقتىدارىنى بىلىدۇ.
بىراق، ئۇ راستىنلا ئۇنىڭ ياخشى ئۆيدە تۇرۇشىنى ئۈمىد قىلىدۇ، شۇڭا، ئۇ يەنە نەسىھەت قىلىپ:
-ئەلفىرە، ئۇ ئۆي قىممەت ئەمەس، ئەگەر قوبۇل قىلغىڭىز بولمىسا، ۋاقتىنچە ئۇ يەردە تۇرسىڭىزمۇ بولىدۇ،مەن بەرىبىر ...- دېدى.
-سىز باشقا بىر قىز بالىغا ۋەدە بەرگەن ئىكەنسىز، ماڭا چاپلىشىۋالماڭ، -گۈلزىرە قەيسەرگە قاراپ، -بىز مۇشۇ يەردە توختاپ قالايلى، شۇنداق بولغاندىلا ئۇنىڭغا ئادىل بولغان بولىدۇ.
ئۇ بىر مەھەل گەپ قىلالماي، رەددىيە بېرىشكە ئامالسىز قالدى.
-ئەمىسە بىز ......
-مەن بۈگۈن شېركەتكە بېرىپ خىزمىتىمدىن ئىستېپا بېرىمەن، بۇنىڭدىن كېيىن كۆرۈشمەيمىز، -دېدى گۈلزىرە.
-ئەلفىرە ......
قەيسەرنىڭ يۈرىكى يەنە بىر قېتىم ھۇجۇم ئاغرىدى. ئۇ ئۇنىڭ كەسكىن چىراي ئىپادىسىنى كۆرۈپ، شۇ تاپتا ئۇنىڭ كېتىپ قالسا، بەلكىم مەڭگۈلۈك بولۇپ قېلىشى مۇمكىنلىكىنى چوڭقۇر چۈشەندى.
-چىمەنگۈلنىڭ يېنىغا ۋاقىت چىقىرىپ بارىمەن،پەقەت شەنبە كۈنى چۈشتىن كېيىن بىكار بولساملا ئۇنىڭغا ھەمراھ بولىمەن، سىز ئامال بار بۇ ۋاقتتا بارماڭ ، بىراق مەن چوڭ ئۆيگە بارمايمەن، سىزنى ئۇچراتماسلىقىم مۇمكىن.- دېدى گۈلزىرە.
ئۇ گېپىنى تۈگىتىپ يەنە بىر نەرسە ئېسىگە كەلدى:
-بىراق، بۇنداق بولسا ياخشى بولمامدۇ قانداق، سىز مېنى كۆڭلىنى ئۈزۈلمىگەندەك ھېس قىلىپ قالارسىزمۇ؟
-ياق،-قەيسەر كۆزىنى يۇمۇپ، گۈلزىرەنى قۇچاقلىماقچى بولغان ھاياجاننى بېسىپ،-ئەلفىرە، سىز بەك ئاقكۆڭۈل، مەن سىزنى قولدىن بېرىپ قويدۇم،- دېدى.
گۈلزىرە ھېچنېمە دېمىدى، بەلكى بۇرۇلۇپ ئۈستۈنكى قەۋەتكە چىقىپ نەرسە - كېرەكلىرىنى يىغىشتۇردى.
ئۇنىڭ نەرسىلىرى ئەسلىدىنلا كۆپ ئەمەس، ناھايىتى تېزلا يەنە بىر نەچچە ساندۇقنى قاچىلاپ بولدى.
چۈشكەن چاغدا، ئۇ يەنىلا بۇرۇنقى ھالىتىنى ساقلاپ تۇرغان قەيسەرغا قاراپ: -يۇغۇشتۇرۇپ بولدۇم، ھازىرلا كۆچەيلى،- دېدى.
گۈلزىرە شۇنداق دېگەچ ساندۇقنى قويۇپ، قەيسەرنىڭ قولىنى كۆتۈردى، ئاندىن ئاي نۇرى قانىتى ناملىق زەنجىرنى ئۇنىڭ ئالقىنىغا قويدى.
-ئەلفىرە، بۇنى مەن سىزگە سوۋغا قىلغان ......
-بۇ سالاھىيىتىم بىلەن يەنە ئۇنى تاقىسام، قانچىلىك ئادەمنىڭ گۇمانىنى قوزغايدىغانلىقىمنى بىلمەيمەن، -گۈلزىرە مەسخىرىلىك كۈلۈپ قويۇپ، يۈك - تاقلىرىنى ئېلىپ، -يۈرۈڭ، -دېدى.
-ئەلفىرە، مەن سىزگە ياردەم قىلاي.
قەيسەر گۈلزىرەنىڭ قولىدىكى چامادانىنى ئېلىپ:
-سىز قەيەردە تۇرىسىز؟- دېدى.
-سىز مېنى تاكسى توسۇيدىغان يەرگە ئاپىرىپ قويسىڭىزلا بولىدۇ.
توغرا، ھازىر قەيەردە تۇرىدۇ؟ ئەگەر ئۆي سېتىۋالماقچى بولسا، بۇنداق تېز بولماسلىقى مۇمكىن، ياكى چىشىنى چىشلەپ بىر نەچچە كۈن مېھمانخانىدا يېتىشى مۇمكىن.
ھېلىمۇ ياخشى ئەينى چاغدا ئۇ گۈلقىزغا ئۆزىنىڭ ئوغۇل دوستىنىڭ ئۆيىگە كۆچۈپ كەتكەنلىكىنى ئېيتماپتۇ، بولمىسا، ئۇزۇن ئۆتمەيلا قوغلاپ چىقىرىلغىنى بىلىسە، ھەقىقەتەن يۈزى قالمايتتى!
گۈلزىرە ئويلاپ مۇشۇ يەرگە كەلگەندە، ئۆزىنى مەسخىرە قىلىپ كۈلۈپ قويۇپ، قەيسەرنىڭ يۈك - تاقلىرىنى ئۇنىڭ ئارقا ساندۇقىغا قويۇپ قويغانلىقىنى كۆردى.
-ئەلفىرە، سىز ئاۋۋال مېنىڭ داچامدا تۇرۇڭ، سىز ئۆي تېپىپ بولغاندىن كېيىن......
-ھېچقىسى يوق، بولدى.
گۈلزىرە كەينى رەتتە ئولتۇرۇپ، ئالدىدىكى شوپۇر ئورۇندۇقىدىكى ئەرگە قاراپ: -قەيسەر دېرىكتور، ئەمەلىيەتتە مەن سىزگە رەھمەت ئېيتىشىم كېرەك ئىدى، قىسقىغىنە بىر ئاي ئىچىدىلا، سىز ماڭا شۇنچە كۆپ ھەق بەردىڭىز، مەن سىزگە سەمىمىي رەھمەت ئېيتىشىم كېرەك!- دېدى.
قەيسەر رولنى تۇتۇپ تۇرغان قولىنى چىڭ تۇتۇپ، سۆڭەكلىرى ئاقىرىپ كەتتى.
نۇرغۇن گەپلەر ئۇنىڭ قەلبىدە، ئەمما ئۇنىڭ ئېغىز ئاچقۇدەك سالاھىتى يوق.
ياكى ئۇ ئۇنىڭ كۆڭلى چۈشمەسلىكىنى تېخىمۇ ئۈمىد قىلىدۇ، بۇنداق بولغاندا، ئايرىلىپ كەتكەن تەقدىردىمۇ، ئۇنىڭ كۆڭلى يېرىم بولمىسىمۇ بولىدۇ.
ماشىنا شەخسىي يول بۆلىكىدىن چىقىپ كەتتى، قەيسەرنىڭ چىڭ تۇرۇشى بىلەن، گۈلزىرە يەنىلا ئۇنىڭ ئۇنى بىر زەنجىرسىمان مېھمانخانىغا ئاپىرىپ قويۇشىغا قوشۇلدى.
ئۇ بىر ياتاق ئاچتى، ئۇ نەرسە - كېرەكلىرىنى كۆتۈرۈپ ئۇنىڭ بىلەن بىللە چىقتى، ئىچىدىكى ئاددىي ئەسلىھەلەرنى كۆرگەندە، كۆڭلى يەنە بىر قېتىم بىئارام بولدى.
-بۇ يەر ياخشىكەن، مېنى بۇ يەرگە ئەكىلىپ قويغىنىڭىزغا رەھمەت، چۈشتىن كېيىن ئەلدارنى ئۆزۈم ئالغىلى بارسام بولدى. قەيسەر دېرىكتور، سىزگە بەخت تىلەيمەن!
ئۇ ئۇنىڭ كۆزىگە بىر نەچچە سېكۇنت قارىدى، ئاندىن تۇيۇقسىز بۇرۇلۇپ كېتىپ قالدى.
ئۆينىڭ ئىشىكى ئېلىۋېلىندى، گۈلزىرە ئىشىكنىڭ يېپىلغان ئاۋازىنى ئاڭلاپ، ئاستا - ئاستا سافادا ئوڭدىسىغا يىقىلدى.
ئۇنىڭ كۆڭلى يېرىم بولدىمۇ؟
يىغلىغۇسى بارمۇ؟
ئۇنداق ئەمەستەك قىلىدۇ.
پەقەت ئۆزى قىلىشقا تېگىشلىك بولمىغان بىر چۈش كۆرۈپ، پاتقاققا پېتىپ قېلىشتىن بۇرۇن، ۋاقتىدا ئۆزىنى تارتىپ چىقتى خالاس.
ئەسەرنىڭ تېخىمۇ كۆپ قىسىملىرىنى ئوقۇماقچى بولسىڭىز ئاستىدىكى ئەسەر مۇقاۋا رەسىمىنى چېكىپ ئەپچىدىن ئوقۇسىڭىز بولىدۇ. مۇشۇ رەسىمنى چەكسىڭىز تېخىمۇ كۆپ قىسىملىرى چىقىدۇ👇
