كۆپ قىسىملىق يېڭى ئەسەر
ئەسەر ھەققىدە
ھوزۇرىڭىزدا بولۇۋاتقىنى ياش يازغۇچى، تەرجىمان دىلىم قەلىمىدە ئۆزلەشتۈرۈپ يېزىلغان، گۈزەلىم سالونىمىزدا ھەر كۈنى بىر قىسىمدىن تارقىتىلىدىغان «بەختىمگە پۇتلاشماڭ» ناملىق روماننىڭ يازما نۇسخىسى. بىزنى قوللاپ يېقىن يورۇقلارغا تارقىتىپ قويغاچ ئەسەر ئوقۇشنى باشلاپ كېتىڭ.
باشقا قىسىملىرى
بۈگۈنكى قىسمى
15-قىسىم
مەن ئائىلە ئايالى بولمايمەن
بىزنىڭ ئۆيدە چوڭلار بولمىغاچقا ئاكام يەڭگەملەر ۋە بىزنىڭ ئۆيدىكىلەر ھەر يىلى بىللە بايرام ئۆتكۈزەتتۇق، گەرچە چوڭلار بولمىسىمۇ بۇ ئىككى ئائىلە ئەزەلدىن بىر بىرىمىز بىلەن ئازارلىشىپ باقمىغان، چوڭلار يوق دەپ بىر بىرىمىزدىن يىراقلىشىپ كەتمىگەن، بولۇپمۇ ئىككى يەڭگە بەكلا ياخشى ئۆتەتتۇق، قېيىنئاپىمىزنىڭ يوقلۇقىنى چاندۇرماي بىر بىرىمىزگە ھەمدەمدە بولۇپ كېلىۋاتاتتۇق، شۇڭا ھەريىلى يىغىلىپ بايراملارنى، ھېيتلارنى بىللە ئۆتكۈزۈش بىزگە ئادەت بولۇپ كەتكەنىدى.
مانا بىردەمدىلا نەچچە كۈن ئۆتۈپ كەتتى، بىر كۈنى مەن ئېرىمنىڭ ئاشنىسى بىلەن يەنە ئوغرىلىقچە ئۈندىداردا شىپىن قىلىپ كۆرۈشۈۋاتقانلىقىنى بايقاپ قالدىم، بەلكىم بۇنىڭدىن بۇرۇنمۇ ئالاقىلىشىپ تۇرغان بولۇشى مۇمكىن، پەقەت ئۇ ماڭا ۋەدە قىلىپ قىزىمىزنىڭ ئالدىمىزدىكى ئىمتىھانىغا دەخلى يەتكۈزمەسلىككە ۋەدە بەرگەنلىكى ئۈچۈنلا ئۆيدە پاراڭلاشماي سىرتقا چىقىپ ئالاقىلىشىۋاتقان بولسا كىرەك، شۇڭا مەن ئۇنى ئالاقىلاشمىدى دەپ ئەخمەق بولۇپ يۈرۈپتىمەن، مانا ئەمدىلىكتە «ئىت پوق يەيدىغان ئادىتىنى ئۆزگەرتمەيدۇ»دېگەندەك يەنە ئۇ پاسكىنا بىلەن ئۈندىداردا كۆرۈشۈۋېتىپتۇ، بۇنىڭدا چوقۇم بىر ئىش بار دەپ ئويلاپ ئوغرىلىقچە ئۇنىڭغا ئەگەشتىم، ئۇنىڭ گېپىگە دىققەت قىلغاچ يەنە بىر تەرەپتىن بالىلار چىقىپ قېلىپ كۆزىگە چېلىقىپ قىلماسلىق ئۈچۈن دىققەت قىلىۋاتاتتىم، بىر چاغدا پۈتۈن زېھنىم بىلەن ئېرىم شاپاق بىلەن ئۇنىڭ ئاشنىسىنىڭ پارىڭىنى ئاڭلاۋاتقىنىمدا، بىر مۈرەمگە پاققىدە سالماسمۇ چۆچۈپ كېتىپ ئارقىمغا قارىسام يەڭگەم ئىكەن، مەن«ئۈش»گەپ قىلماڭ دېگەندەك بارمىقىمنى لىۋىمگە تەككۈزۈپ، بىزدىن سەل يىراقتىكى ئېرىمنى ئىشارە قىلىپ كۆرسەتتىم.
يەڭگەم ئىككىمىز جىممىدە تۇرۇپ، ئېرىم بىلەن ئۇنىڭ شەرمەندىسىنىڭ گېپىگە قۇلاق سالدۇق ئۇئاشنىسىنى بەك سېغىنىپ كەتكەنمۇ ئىشقىلىپ، ئارقىسىدا ئىككىمىزنىڭ ئۆزىنىڭ گېپىنى ئوغۇردەك ماراپ ئاڭلاۋاتقانلىقىمىزنى سەزمەي قالدى بۇ قېرى ئوغىرى«قېرىغاندا قېرى تاتۇق، قىلىقى ئاندىن ئارتۇق» دېگەندەك توختىماستىن قوزام...قوزام دەپ يالۋۇرۇپ كېتىۋاتاتتى .
ئاخىرى قەلبىنۇر دېگەن شەرمەندىنىڭ نومۇس قىلماي بىزنىڭ ئۆيگە ھېيتلاپ كەلمەكچى بولغانلىقىنى جەزىملەشتۈردۈم، يەڭگەم ئاچچىقىدا يەرنى تىپىپ پىقىراپ كەتتى.
- نۇمۇسنى بىلمەيدىغان بۇزۇق، شەرمەندە، بۇ ئۆيگە كېلىپ باقسۇنچۇ قېنى، ئانا مانىسنى كۆزىگە كۆرسىتىپ، كەلگىنىگە تويغۇزىۋەتمەيدىغان بولسام، ھازىرقى ياش قىزلار نېمانداق نومۇسسىز بولۇپ كەتتى؟
مەن جىددىلىشىپ دەرھال يەڭگەمنىڭ ئېغىزىنى تۇتۇۋالدىم دە، ئۇنى سۆرەپ دېگۈدەك ئۆيگە ئېلىپ ماڭماقچى بولۇپ ئارقامغائۆرىلىشىمگە قىزىمنىڭ بىزدىن ئانچە يىراق بولمىغان جايدا قاراپ تۇرغانلىقىنى كۆرۈپ چۆچۈپ كەتتىم .
-قىزىم بۇ يەردە نېمە قىلىۋاتىسەن؟
-مۇنداقلا ئايلىنىپ كىرەي دەپ چىققان ئىدىم، ئاپا، دادام كىم بىلەن پاراڭلىشىۋاتىدۇ؟
مەن ئۇنىڭ دادىسىنىڭ گېپىنى ئاڭلىمىغانلىقىنى جەزىملەشتۈرۈپ كۆڭلۈم سەل جايغا چۈشتى، شۇڭا گەپنى يۆتكەپ:
-خىزمەت ئىشى قىزىم، دەرھال ئۆيگە قايتىپ ئارام ئال، -دەپ ئۇنى ئۆيگە كىرگۈزىۋىتىپ يەڭگەمنى تارتقىنىچە ئۇنىڭ ئۆيىگە ماڭدىم .
-ئارقا ھويلىڭىزغا ئوت تۇتۇشۇپ كېتىۋاتسا، سىز زادى قانداق قىلاي دەيسىز؟ ئەجىبا قادىر دېگەن ۋىجدانسىز گۇينىڭ تۈلكە جىننى قوزام دەپ ئەركىلىتىپ چاقىرىپ كەتكىنىنى ئاڭلىمىدىڭىزمۇ؟ قاراپ مۇشۇنداق گەپنىمۇ ئېغىزىدىن چىقىرالايدىكەن ھە .
-يەڭگە، مەن ئۇ ئىككىسىنىڭ بىللە ياتقانلىقىنى كۆردۈم، -دېدىم ئاچچىق كۈلۈپ
-سىز نېمانداق يارىماس، ئاشۇنداق ئەھۋالدىمۇ چىداپ ئۆتكۈزىۋەتتىڭىزمۇ ؟ ئۇ شەرمەندىنىڭ چىچىدىن يۇلسىڭىز بولمامدۇ؟ ئەجەبا ئۇنىڭدىن ئۇنىڭغا يېڭىلىپ قېلىشتىن قورقتىڭىزمۇ؟
-يەڭگە مەن پەقەت بىر ئاماللارنى قىلىپ ئائىلىمىزنىڭ مال مۈلىكىنىڭ ئۇنىڭ قولىغا چۈشۈپ كەتمەسلىكى ئۈچۈن تىرىشىۋاتىمەن، شۇڭا ئۇنىڭ بىلەن ئۇرۇشۇپ قالسام ياخشى بولمايدۇ، قاتتىقلىق قىلسام ئاخىرىدا بېرىپ ئېرىمنى ئۇنىڭ قوينىغا تاشلاپ بەرگەن بولمامدىم؟ ئۇ چاغدا مەن راستىنلا ھېچنىمىگە ئېرىشەلمەيمەن، ئۇنداقتا ئىككى بالامنىڭ كەلگۈسى قانداق كاپالەتكە ئىگە بولىدۇ ؟مېنىڭمۇ ئۇرۇشقۇم، دەردىمنى چىقىرىۋالغۇم بار، دەردىمنى چىقىرۋالدىم دېگىنىم بىلەن باللىرىم قانداق قىلىدۇ يەڭگە؟
-ئەمىسە مۇشۇنداق بېشىڭىزنى ئىچىڭىزگە تىقىپ يۈرىۋېرەمسىز؟
-ھازىرچە دەردىمنى ئىچىمگە يۇتۇشقا مەجبۇرمەن، ئۇ مەينەتنىڭ نېمىشقا بىزنىڭ ئۆيگە كىلىدىغانلىقىنى، زادى نېمە قىلىدىغانلىقىنى كۆرۈپ باقاي دەيمەن، ئۇنىڭ تۇيۇقسىزلا بىزنىڭ ئۆيگە كېلىدىغان بولۇپ قالغانلىقىنىڭ سەۋەبىنى راستىنلا ئويلاپ تاپالمايۋاتىمەن، قادىرمۇ ئۇنى كەلگىلى قويمايدىغۇ دەيمەن، ئۇنىڭغىمۇ يۈز كېرەك، بۇ يەردىكىلەر ھەممىسى گەرچە بىلسىمۇ ئەمما ئوچۇق ئاشكارە يۈزىگە سالغىنى يوققۇ، ئۇنىڭدىن باشقا قىزىمىز بۇ يىل ئالىي مەكتەپكە ئىمتىھان بېرىدۇ، ئۇ قىزىمىزنىڭ ئوقۇشىغا تەسىر بولۇشىدىن ئەنسىرەيدۇ، شۇڭا كەلگۈزمەيدۇ .
-ئۇ بۇزۇقنىڭ چىرايى قانداقراق؟رەسىمى بارمۇ ؟
- يوق
-ئەمىسە ئۇ مەينەتنىڭ ئۈندىدارى بارمۇ؟ ئۇنىڭ چەمبىرىكىگە قاراپ باقايلى.
مەن شۇنداق تۇيۇقسىز ئۇنى ئۆزۈمگە قوشۇۋالغانلىقىمنى ئېسىمگە ئالدىم، شۇ چاغدىلا مەن ئۇنىڭ بەزى بىر نەرسىلەرنى يوللىسا كۆڭلۈمگە كېلىپ، يۈرىكىم ئاغرىپ قېلىشتىن ئەنسىرەپ ئۇنىڭ چەمبىرىكىنى توسۇپ قويغانلىقىمنى ئېسىمگە ئېلىپ، دەرھال ئۇنىڭ چەمبىرىكىنى ئاچتىم ئۇ مېنى چەكلەپ قويماپتۇ، چەمبىرەككە ئاساسەن ئۇنىڭ ھەرخىل ئۆزىنى رەسىمگە تارتىپ يوللاپ قويغان بولۇپ، ئوغلى بىلەن چۈشكەن رەسىملىرىمۇ خېلى بار ئىدى، يەنە تېخى ئوغلى بىلەن بىللە بىر مەكتەپنىڭ ئالدىدا چۈشكەن رەسمىگەكەلتۈرۈپ خەتمۇ يېزىپ قويغان ئىدى »پۈتۈن كۈچۈم بىلەن ساڭا ئەڭ ياخشىسىنى بېرىشكە تىرىشىمەن ئوغلۇم »
مەن دەرھال بەيدۇنى ئېچىپ مەكتەپنىڭ ئىسمىنى كىرگۈزۈپ تەكشۈرۈپ باقتىم، بۇ بىر شەخسىي مەكتەپ بولۇپ، ئوقۇتۇش سۈپىتى ئالاھىدە ياخشى، شۇنىڭغا يارىشا يىللىق ئوقۇش پۇلىمۇ ئوتتۇز نەچچە مىڭ يۈەن ئىكەنلىكىنى كۆرۈپ، كۆڭلۈمدە شۇنچىلىك سىقىلىش پەيدا بولدى.
مېنىڭ ئىككى بالام سەھرادىكى مەكتەپلەردە جاپا تارتىپ ئوقۇسۇن، شۇنچە تىرىشىپ ئاران دېگەندە نۇقتىلىق ئالىي مەكتەپكە ئۆتسۇن، ئاشنىسىنىڭ بالىسى تېخى نەچچە ياشقا كىرە كىرمەيلا بۇنداق ياخشى مەكتەپكە كىرەمدۇ؟ مەن بۇنىڭغا ھەرگىز قوشۇلمايمەن .
يەڭگەم بۇنى كۆرۈپ مەندىن بەك چىچاڭشىپ، ئاچچىقلاپ كەتتى، بۇ ئېنىقلا مېنىڭ ئېرىمنى ئاپتۇماتىك پۇل ئېلىش ماشىنىسى كۆرگىنى ئەمەسمۇ .
يەڭگەم قەلبىنۇرنىڭ ئوغلىغا قاراپ، مەكتەپنىڭ چۈشەندۈرۈشىنى كۆرۈۋېتىپ بۇ مەكتەپتە يەسلىنىڭ يوقلۇقىنى، بىرىنچى يىللىقتىن باشلاپ ئاندىن كىرەلەيدىغانلىقىنى، ئېرىمنىڭ ئاشنىسىنىڭ ئوغلىنىڭ تېخى بەش ئالتە ياشتا بارلىقىنى شۇڭا بۇ مەكتەپكە تېخى كىرىپ بولالمىغان ئېھتىماللىق بارلىقىنى دەپ قالدى .
مەن ھەممە ئىشنى بىر قاتار ئويلاپ تۇيۇقسىزلا ئۇنىڭ بىزنىڭ ئۆيگە نېمىشقا كەلمەكچى بولغانلىقىنى چۈشىنىپ يەتتىم، دېمەك ئۇ ئېرىمغا بېسىم قىلىپ بالىسىنى ئاشۇ ئاقسۆڭەكلەر مەكتىپىگە كىرگۈزمەكچى ئىكەندە، ئۇنىڭ ھىيلە مىكرى ھەقىقەتەن كۆپ ئىكەن جۇمۇ، گەرچە مەن ئۇنىڭ نىيىتىنى بىلىپ يەتكەن بولساممۇ، ئەمما بۇ ئىشنى قانداق قىلىشنى بىلەلمەي قالدىم .
يېقىندىن بېرى ئۇ شەرمەندە ئېرىم بىلەن ئالاقىلاشماي چىدىشىدا ئېرىمنى كۆڭلىدە ئۇنىڭ نىسبەتەن يۈز كېلەلمەسلىك تۇيغۇسىغا كەلتۈرۈش مۇشۇ ئارقىلىق ئۇنىڭغا بېسىم قىلىپ ئوغلىنى ئاشۇ مەكتەپكە كىرگۈزۈشكە ماقۇل كەلتۈرۈش ئىكەنلىكىنى بىلىپ بولغان بولساممۇ بىراق بۇ ئىشنى بىر تەرەپ قىلماق ھەقىقەتەن تەسكە توختايتتى.
مەن قانداقلا بولمىسۇن ئۇنىڭ ئېرىمنىڭ پۇلى ئارقىلىق بالىسىنى بۇ مەكتەپكە كىرىشىگە ھەرگىز يول قويماسلىقىم كىرەك.
مەن ئېغىر خىياللار ئىلكىدە يەڭگەمنىڭ ئۆيىدىن ئۆزىمىزنىڭ ئۆيىگە قايتىپ چىقتىم، قىزىم مېھمانخانىدا«مېنىڭ ئالدىنقى يېرىم ئۆمرۈم«دېگەن تېلېۋىزىيە تىياتىرىنى ئېچىپ ئولتۇرۇپتۇ، مەن كىنودىكى لوزىجۈننىڭ ئېرى ۋە ئاشنىسى تەرىپىدىن ئۆيدىن قوغلاپ چىقىرىدىغانلىقىنى، بولۇپمۇ پىڭئېرنىڭ كىچىك ئۆيدە ئۇنىڭ بىلەن بىللە تۇرۇشنى خالىمىغان كۆرۈنۈشنى كۆرۈپ ئىچىم شۇنداق ئاچچىق بولۇپ ئۆزۈمنى تۇتۇۋالالماي يىغلاپ تاشلىدىم، قىزممۇ ماڭا ئەگىشىپ ئىسەدەپ يىغلاشقا باشلىغاندا، مۇشۇنىڭغا ئۈلگۈرۈپ ئېرىم قايتىپ كىرىپ قالدى، ئۇ ئانا بالا ئىككىمىزنىڭ تېلېۋىزورغا قاراپ يىغلاۋاتقانلىقىمىزنى كۆرۈپ يېنىمىزغا كېلىپ بىردەم كۆرۈپ بېقىپ، تېلېۋىزورنى تاقىۋەتتى .
-قىزىم نەدىكى بىر كىنولارنى كۆرمەڭ، سىزنىڭ ئالىي مەكتەپكە ئىمتىھان بېرىشىڭىزگە ئاز قالدى بۇنداق ئىشلارنى دەپ ئوقۇشىڭىزغا تەسىر يەتسە بولمايدۇ .
قىزىم تىزگىنەكنى ئېلىپ تېلېۋىزورنى ئاچقاچ :
- ئىككى ئۈچ كۈندىلا كۆرۈپ بولىمەن، ئۆگىنىشىمگە تەسىر يەتمەيدۇ، كۆڭلۈمدە سان بار، يەنە كېلىپ بۇ تۇرمۇشنىڭ يامان تەرىپى بىلەن بالدۇرراق ئۇچرىشىپ كۆڭلۈمدە تەييارلىقىم بولغىنى ياخشى، مەن كەلگۈسىدە ھەرگىز لوزىجىندەك ئائىلە ئايالى بولمايمەن.
ئۇنىڭ بۇ گېپى خۇددى»قىزىم ساڭا ئېيتاي كېلىنىم سەن ئاڭلا» دېگەندەك ئېرىم ئىككىمىزگە دەۋاتقاندەك بىلىندى، مەن ئېرىمغا لەپپىدە قاراپ قويدۇم كۆڭلۈمدە « بۇ ئۆلگۈر ئەبلەخ بالىلارغا قانداق ئۈلگە بولۇۋاتىدۇ؟ئەمدىلا ئون سەككىز ياشقا كىرگەن قىزنىڭ كۆڭلى ئەسلى مېھىر مۇھەببەتكە، قىزغىنلىققا تولسا بولاتتى، ھەممىگە مەن ئەيىبلىك ...مەن ئۆزۈمنىڭ ئائىلىسىنى ياخشى قوغدىيالمىدىم..» خىيالىم مۇشۇ يەرگە كەلگەندە تۇيۇقسىز شۇنداق يىغلىغۇم كېلىپ كەتتى
قىزىم تېلېۋىزىيە تىياتىرىدىكى ئەرنىڭ ئۆزىنىڭ ئايالى بىلەن ئوغلىنى كىچىك ئۆيگە كۆچۈرۈۋېتىپ ئاشنىسى بىلەن ئۇنىڭ ئوغلىنى چوڭ داچىغا كۈچۈرۈپ ئەكىرىۋالغانلىقىنى كۆرۈپ، بۇ ۋەقەلەر چۈشەنمىگەندەك ماڭا قاراپ :
- ئاپا ئاۋۇ ئەر تېپشىۋالغان ئايالنىڭ ئوغلى، ئاشۇ ئەرنىڭ بالىسى ئوخشىمامدۇ؟ ئۇنداق بولمىسا نېمىشقا خەقنىڭ بالىسى بىلەن ئۈچۈنجى شەخسىنى چوڭ داچىدا تۇرغۇزۇپ، ئۆزىنىڭ بالىسنى ئۆيدىن ھەيدەپ چىقىرىپ، مۇشۇنداق كۈن نۇرى چۈشمەيدىغان كىچىك ئۆيدە تۇرغۇزۇپ قويىدۇ ؟
-جاھاندا ئاز بىر قىسىم ئەرلەرنىڭ سىرتتىن باشقا بىرنى تېپىۋېلىپ ئۇنىڭ بىلەن ھەقىقىي مۇھەببەتلەشكەندەك ھېسسىياتتا بولۇپ قېلىپ، ئۆزىنى چىن مۇھەببەتكە ئېرىشكەن ئوخشايمەن دەپ ئەقىلىسزلىق قىلىدىغانلىقىغا ۋەكىللىك قىلغان بۇنداق ئەرلەر پەقەت ئاخىرىدا ھەممە نېمىسىدىن ئايرىلىپ ئۆزىدىن باشقا ھېچنىمىسى قالماي قاقسەنەم بولۇپ قالغاندا ئاندىن ھەممىنى چۈشىنىپ كېتىدۇ، بۇ پەقەت بىر قىسىم ئەرلەرنىلا كۆرسىتىدۇ، جاھاندىكى ئەرلەرنىڭ ھەممىسى مۇشۇنداق دېگەنلىك ئەمەس قىزىم، -دېگەچ ئېرىمغا قاراپ قويدۇم
-گەرچە ئۈچىنچى شەخس بولسىمۇ ئۇنىڭدىنمۇ ھېسسىيات بولىدۇ، ئەجەبا ئۇ ئايالنىڭ ئۇ ئەرگە نىسبەتەن ئازراق ھېسسىياتى بولماسلىقى مۇمكىنمۇ ؟-ئېرىم دەرھال قارشى مۇقامدا سۆزلەپ كەتتى.
-بەلكىم باردۇ، بىراق كۆپ ئەمەس، ئاياللارنىڭ نۇقتىسىدا تۇرۇپ ئېيتقاندا پەقەت بالىسىنى ياخشى كۆرىدىغان ئايال، بولۇپمۇ ئاجراشقاندا بالىسىنى ئېلىپ ئاجرىشىشنى تاللىغان ئاياللار ئۈچۈن ئېلىپ ئېيتقاندا، بالا چوقۇم بىرىنچى ئورۇندا، توي، ئەر مۇھەببەت دېگەنلەر ئىككىنچى ئورۇندا تۇرىدۇ، ئۇ ھەر قانداق ئىش قىلىشتا بالىسىنىڭ مەنپەئەتىنى بىرىنچى ئورۇنغا قويىدۇ بالىسىنىڭ مەنپەئەتكە كاپالەتكە ئىگە بولغاندىلا ئاندىن باشقىنى ئويلىشىدۇ، بالىسىنى ئۆزى يالغۇز بېقىۋاتقان ئاياللار مۇھەببەتتىن ئېغىز ئاچقاندا، ئۇ ئايالنىڭ قارشى تەرەپكە بولغان مۇھەببىتى ھەرگىزمۇ ساپ بولمايدۇ .
- بەكلا توغرا ئىدىڭىز ئاپا .
-چۈنكى مەنمۇ بىر ئانا، نېمە ئىش قىلىشتىن قەتىينەزەر ئاۋۋال سىلەرنى بىرىنچى ئورۇنغا قويىمەن.
قىزىم مېنىڭ جاۋابىمدىن تەسىرلىنىپ ئەركىلەپ بېشىنى قۇچىقىمغا قويدى، ئېرىم قىزىم ئىككىمىزنىڭ ئامراقلىق قىلىغىنىمىزغا قاراپ ھەۋىسى كەلگەن بولسا كىرەك، قىزىمنىڭ يەنە بىر تەرىپىگە ئۆتۈپ ئولتۇرۇپ :
-مەن نېمە ئىش قىلاي ئالدى بىلەن سىلەرنى بىرىنچى ئورۇنغا قويۇپ ئاندىن قالغىنىنى ئويلىشىمەن، - دېدى
-دادا، سىزمۇ تالادىن باشقا بىرسىنى تېپىۋالمايدىغانسىز ھە؟-دېدى قىزىم تۇيۇقسىزلا
گەرچە قىزىم بۇ ئىشلارنى بىلگەنلىكىنى ماڭا ئاللىقاچان دەپ بولغان بولسىمۇ بىراق ھازىر بۇ ئىشلارنى ئۆزىنىڭ بىلىدىغانلىقىنى دەيدىغان ئەڭ ياخشى پەيت ئەمەس، شۇڭا دەرھال قىزىمنىڭ ئېغىزىنى تۇتۇۋېلىپ .
-قىزىم، دادىڭىز ھەرگىز ئۇنداق ئادەم ئەمەس، ئىمتىھانىڭىز يېقىنلىشىپ قالدى، قالايمىقان خىيال قىلماڭ ھە، -دېگىنىمچە گەپنى ئاران يىغىشتۇرۋالدىم.
ئېرىم گەرچە قىزىمىزنىڭ سۇئالىدىن قاتتىق ھەيران قالغان بولسىمۇ، ناھايىتى تېزلا ئۆزىنىڭ ھەرگىز سىرتتىن بىرەرسىنى تاپالمايدىغانلىقىنى، ئۆيىمىزنىڭ پۈتۈن مال مۈلكىنىڭ ئاكىسى بىلەن ئىككىسىنىڭ ئىكەنلىكىنى سۆزلەپ تېلېۋىزورنى تاقىۋەتتى دە قىزىمنى بۇنداق كىنولارنى كۆرۈپ قالايمىقان خىيال قىلىپ قالىسىز دەپ ئۇنى ياتىقىغا كىرگۈزىۋەتتى، ئاندىن مېنى تارتقۇچلاپ ياتاق ئۇ ئەكىرىپ سوراقلاپ كەتتى.
- قىزىمىزغا بىر نېمە دېگەن ئوخشىمامسىز؟ئۇ نېمىشقا مەندىن بۇنداق سوئال سورايدۇ؟
-قىزىپ قالمىغانسىز؟مەن ئۇنىڭدىن يوشۇرۇپ ئۈلگۈرەلمەيۋاتسام، ئۇنىڭغا دەپ نېمە قىلىمەن ؟ئەكسىچە سىز باياتىن نېمىشقا يەنە ئۇنىڭ بىلەن كۆرۈشىسىز؟بالىلارنىڭ ئالدىدا كۆرۈشۈپ، سۈيىڭىزنى چىقىرىپ يۈرسىڭىز، بالىلار بايقاپ قالسا قانداق قىلىسىز؟
-ئالمىسام ئۇ بىزنىڭ ئۆيگە بارىمەن دەپ تۇرىۋالسا قانداق قىلىمەن ؟ ئامال يوق ئېلىپ ئۇنى بېسىقتۇرۇپ قويدۇم .
-زادى نېمە قىلماقچىكەن؟
-ھېچنېمە ...ئىشقىلىپ كەلمەيدىغان بولدى، -دېدى ئېرىم كۆزىنى قاچۇرۇپ.
كۆڭلۈمگە دەرھاللا بىر گۇمان چۈشتى، مېنىڭچە ئۇ چوقۇم بىرەر ئىشقا ماقۇل بولغان گەپ، قارىغاندا جالىپىنىڭ ئوغلىنى ئاشۇ مەكتەپكە كىرگۈزۈپ بىرىشكە ماقۇل بولغان ئوخشىمامدۇ؟ يىلدا يىگىرمە ئوتتۇز نەچچە مىڭ يۈەننىڭ ئىشى تۇرسا، ھازىرقى مەسىلە پەقەت پۇلنىڭلا ئىشنى ئەمەس، بىر قېتىم مۇشۇنداق قىلىشقا يول قويسام، بۇنداق ئىشلار بۇنىڭدىن كېيىن داۋاملىق ئۈزۈلمەي چىقىدىغان بولىدۇ، مېنىڭ باللىرىم ئوقۇمىغان مەكتەپتە ئۇنىڭ بالىسى ئوقۇسا مەن ھەرگىز چىدىمايمەن... بۇنى چوقۇم توسۇشۇم كىرەك...
ئەسەرنىڭ تېخىمۇ كۆپ قىسىملىرىنى ئوقۇماقچى بولسىڭىز ئاستىدىكى ئەسەر مۇقاۋا رەسىمىنى چېكىپ ئەپچىدىن ئوقۇسىڭىز بولىدۇ. مۇشۇ رەسىمنى چەكسىڭىز تېخىمۇ كۆپ قىسىملىرى چىقىدۇ👇
...............................................................................................................................................................................................................................................................................................ھە؟
-پۇشايمان قىلىۋاتامسىز؟
-ياقەي، مەن شۇ تازا ئىشنەلمەيۋاتىمەن، سىز باي ئائىلىنىڭ قىزى، مەن بولسام ھېچنىمەم يوق يالاڭتۆش،مېنى تاشلىۋەتمەيدىغانسىز ھە مۇنىرە؟
-مەن سىزنى بىر ئۆمۈر باقىمەن، ئەتىۋارلايمەن، ياخشى مۇئامىلە قىلىمەن،-دېدىم مەن يادىكارنىڭ يۈزىنى سىلاپ.
-مېنى بوزەك قىلمايدىغانسىز؟
-ئەلۋەتتە ھەركۈنى بوزەك قىلىمەن.
-ئەمدى قانداق قىلارمەن؟ تازا بىر ھازازۇلنىڭ قۇلىغا چۈشۈپ قالدىممۇ نېمە؟ پۇشايمان قىلسام پۇرسەت بارمۇ؟
-ئەمدى پۇشايمان قىلسىڭىز بولمايدۇ، چىكىنىش يولىڭىز قالمىدى جۇمۇ، ئەتە ئەتىگەندىن باشلاپ سەھەر تۇرۇپ ماڭا ناشتىلىق تەييارلايسىز، ئاندىن ئۆي يىغىشتۇرىسىز، كىر يۇيىسىز، ئاندىن چىقىپ سەي ئەكىرىپ، ماڭا تاماق ئىتىپ بىرىسىز، مېنى ياخشى كۈتسىز.
بىز چاقچاقلىشىپ بىردەم كۈلۈشتۇق.
ئەتىسى ئەتىگەندە مەن يادىكارنى ناشتىغا چاقىرىپ كىرسەم ئۇنىڭ چىرايى تازا ياخشى ئەمەس كۆرۈندى، شۇنىڭ بىلەن ئۇنى ياتقۇزۇپ قويۇپ، ناشتىلىقنى ياتىقىغا ئېچىقىپ بەردىم، يادىكار ئازراق قىزىپ قالغانىدى، دوختۇرخانىغا بارايلى دېسەم ئۇنىماي، قىزىتما ياندۇرۇش دورىسىنى ئىچىپ قايتىدىن يوتقانغا كىرىپ ياتتى.
ئاپام يادىكارنىڭ قىزىپ قالغانلىقىنى بىلىپ ئەنسىرەپ ئولتۇرالماي قالدى.
-دوختۇرخانىغا ئاپىرايلى.
-ئۇنىمىدى ئاپا، دورا ئىچىتى.
-مۇنىرە، يادىكار سەن ئۈچۈن بەك كۆپ قۇربانلىق بىرىۋەتتى، شۇڭا ئۇنى قەدىرلە، بۇرۇنقىدەك ئاچچىقلىنىپ قىلساڭ بولمايدۇ، ھەممە ئىشتا ئۇنىڭ رايىغا باققىن، كۆڭلىنى ئاغرىتما ماقۇلمۇ؟
-بىلدىم ئاپا، مەن چۇقۇم دېگىنىڭدەك قىلىمەن.
-يەنە ئۆزۈڭنى تەكشۈرتۈپ باققىن، مەسىلە بولسا داۋالىنىپ، توغۇش ئۈچۈن تىرىشقىن.
مەن ئەسلىدىمۇ شۇنداق قىلىشنى ئويلاپ يۈرگەن، شۇ ۋاقىت چىقىرالمىغان ئىدىم شۇ.ئىلگىرى خالىدە دورامنى ئالماشتۇرۋەتكەچكە ھامىلدار بولمىغان، ئەمدى تەكشۈرۈتۈپ بېقىشىم كىرەك ئىدى.
بىر چاغدا ئىشك قوڭغىرىقى جىرىڭلىدى، بېرىپ ئىشكنى ئاچسام، يادىكارنىڭ ئاپىسنىڭ سىڭلىسى كەپتۇ، مەن بۇ ئايالنى بىر قېتىم باھار بىلەن بىللە تاماق يەۋاتقاندا كۆرگەن ئىدىم. مەن دەقىقە قاراپ تۇرۇپ قالغاندىن كېيىن ئارقامغا قاراپ:
-ئاپا، يادىكارنىڭ كىچىك ئاپىسى كەپتۇ،-دېدىم.
ئۇ ئايال ئىشكتىن كىردى، ئۇ چىرايلىق بولۇپلا قالماستىن مېڭىشلىرىمۇ شۇنداق چىرايلىق ئىدى.
ئاپام ئالدىغا چىقىپ ئەھۋال سوراشقاندىن كېيىن:
-بىلمىدىم خاسىيەتگۈل بىزنىڭ ئۆيدە نېمە ئىشڭىز بار ئىدى؟
-بۈگۈن مەخسۇس سىز بىلەن كۆرۈشكىلى كەلدىم نىگار خانىم،-دېدى يادىكارنىڭ كىچىك ئاپسى خاسىيەتگۈل.
-ھە...
«مەن بۇ خېنىم بىلەن ئەزەلدىن باردى كەلدى قىلىپ باقمىسام، مېنى ئىزدەپ كەلگۈدەك ياخشىراقمۇ تونۇشمايدىغان تۇرساق نېمىگە كەلگەندۇ؟»...
-يادىكارنىڭ مىجەزى سەل قوپال ھەم بەكلا جاھىل، بىر ئىشنى قارار قىلدىمۇ بولدى، ھېچكىم ئۆزگەرتەلمەيدۇ، شۇڭا نىگار خانىم ئۇنىڭغا كەڭ قورساقلىق بىلەن مۇئامىلە قىلغان بولسىڭىز.
ئاپام ئىككىمىز يادىكارنىڭ بۇ كىچىك ئاپسىغا قاراپ ئولتۇرۇپ قالدۇق، بىز تېخى ئۇنى ئاچىسىنىڭ ئورنىدا بىزگە گەپ قىلىپ قايىل قىلغىلى كەلگەن ئوخشايدۇ دەپ ئويلاپتىكەنمىز، بىراق ئۇنىڭ يادىكارنىڭ قارارىنى قوللايدىغانلىقىنى ئويلاپ باقماپتىمىز.
-مۇنىرە، ئەگەر بىزنىڭ يادىكار بولمىغان بولسا، سىزمۇ بۈگۈنكىدەك سورۇقچىلىق، كۆڭۈل ئاغرىقىلىرىنى تارتمىغان بولاتتىڭىز، ھەممىسى يادىكارنىڭ خاتالىقى، نېمىلا بولمىسۇن ھازىر بىللە ئۆتۈدىغان بولدۇڭلار، مەن بۇنىڭدىن بەكلا خوشال بولدۇم، مېنىڭ سىلەرگە بەرگۈدەك باشقا نەرسەممۇ يوقكەن، بۇنى ئىلىڭ، ئىككىڭلارغا بەخت تىلىگىنىم بولۇپ قالسۇن قىزىم،-دېدى خاسىيەت ئاپاش چىرايلىق بىر دۇخاۋا قاپنى ماڭا سۇنۇپ.
-رەھمەت خاسىيەتگۈل، كۆڭلىڭىز بىزگە تىگىل بولدى، بىراق بۇ سوۋغىتىڭىزنى بىز قوبۇل قىلالمايمىز،-دېدى ئاپام رەت قىلىپ.
-مۇنىرە، بۇنى چۇقۇم قۇبۇل قىلىڭ.
-....
-مەن ئىلگىرى يادىكارغا ۋەدە قىلغان، ئۇ توي قىلىدىغان چاغدا مەن كىلىنچەككە بىر سوۋغات بىرىدىغان بولغان، سىلەرنىڭ تويۇڭلارغا مەن ھەقاچان قاتنىشالمايمەن، شۇڭا قۇلۇمنى ياندۇرمىغان بولسىڭىز.
خاسىيەت ئاپاش ئۇنىمىغىنىمىزغا ئۇنىماي سوۋغىسنى قويۇپ قايتىپ كەتتى، ئۇ يادىكارنى سورىمىدى.
-ھەجەپ ئىش، خاسىيەت بىلەن خەدىچە بىر تۇققان بولسىمۇ، بىراق مىجەزى پەقەتلا ئوخشىمايدىكىنا.
-شۇ ئەمەسمۇ، ئۇ نېمىشقا چۇقۇم ماڭا سوۋغا بىرىمەن دەپ تۇرىۋالىدۇ؟
مەن شۇنداق دېگەچ ئۇ قالدۇرغان سوۋغاتلىق قاپنى ئاچتىم، ئىچىدە ئىنتايىن نەپىس سۇقۇلغان بىر يۈرۈش ئالاھىدە نۇسقىلىق ئاق ئالتۇن يۈرۈشلىكى جۇلالىنىپ ياتاتتى.
-بۇ نەرسە قانداق بولۇپ خاسىيەتنىڭ قولىدا بولۇپ قالدى؟-دېدى ئاپام بىردىنلا تاتىرىپ.
-نېمە بولدى ئاپا؟
-بۇ ياقۇتتىن كۆز قويۇلغان ئاق ئالتۇن يۈرۈشلىكى قانداق بولۇپ ئۇنىڭ قولىدا بولۇپ قالدى دەيمەن؟
-ئاپا، ئادەمنى تېپىشماق تاپقىلى سالماي گەپنى ئۇچۇق قىلغىنە.
-بۇ بىر يۈرۈش زىبۇ زىننەت ئوتتۇز يىل ئىلگىرى بىر كىم ئارتۇق سېتىشتا بىر مىليۇن باھاغا سېتىلغان، ئەينى چاغدا داداڭ ئىككىمىز قىزغىن مۇھەببەتلىشىۋاتقان ۋاقت ئىدى، مەن شۇچاغدا بۇ بىر يۈرۈشنى بەكلا ياقتۇرۇپ قالغاچقا داداڭ يۇقىرى باھادا سېتىۋالماقچى بولغان بولسىمۇ، بىراق ئاخىرىدا يادىكارنىڭ دادىسى بىر مىليۇن باھا بىلەن ئېلىۋالغان، ئۇ چاغدا بىر مىليۇن دېگەن بەكلا كۆپ پۇل ئىدى.
-يادىكارنىڭ دادىسى سېتىۋالغان بولغاندىكىن، خەدىچە خانىمنىڭ قولىدا بولماي نېمىشقا خاسىيەتگۈل ئاپاشنىڭ قولىدا بولىدۇ؟ ئەلۋەتتە يادىكارنىڭ دادىسى بۇنى ئۆزىنىڭ خوتۇنىغا بىرىشى كىرەكتۇ؟
-كىم بىلىدۇ دەيسەن؟ ئۇ ۋاقىتلاردا جەننەت ئاپاڭ بىلەن يادىكارنىڭ دادىسى يەھيا تېخى ئايرىلىپ كەتمىگەن، مەن تېخى ئۇنى جەننەتكە سوۋغا قىلامدىكىن دەپتىكەنمەن.
ئاپام مېنى بۇ قىممەت نەرسە ياخشىراق تىقىپ قوي دېگەچكە مەن بۇ زىننەت بۇيۇمىنى ياتاق ئۆيگە ئېلىپ چىقىپ يىغىشتۇرۋەتتىم، بىر چاغدا يادىكار ئويغاندى.
-قورسىقىڭىز ئاچتىمۇ؟
-ياق، ئۇسساپ قالدىم.
مەن ئۇنىڭغا بىر ئىستاكان سۇقويۇپ بەرگەندىن كېيىن:
-ھەراست بايا كىچىك ئاپىڭىز كەپ كەتتى.
-ھە كىچىك ئاپام كەلدىمۇ؟ نېمە دەپ كەپتۇ؟
-بۇنى ئىككىمىزنىڭ تويىغا ئاتاپ ئەكەپتۇ،-دېدىم مەن بايا تىقىپ قويغان قاپنى ئېلىپ ئۇنىڭغا تەڭلەپ.
-قارىغاندا كىچىك ئاپام سىزنى ھەقىقەتەن بەك ياقتۇرۇپ قاپتۇ، ئۆزىنىڭ ئەڭ قىممەتلىك نەرسىسنى بىرىشكە كۆزى قىيىپتۇ ئەمەسمۇ.
-يادىكار سىزنىڭ كىچىك ئاپىڭىز بىلەن مۇناسىۋىتىڭىز بەكلا ياخشىمۇ نېمە؟
-ھەئە، ئاپام بەكلا ئاچكۆز ئايال، ئۇ بوۋام مومامنىڭ ئۇنىڭغا شىركەتنىڭ موچەن پېيىنى ئۆزىگە تۇتقۇزمايدىغانلىقىنى بىلىپ تۇرۇپ يەنە بىكار تۇرماي شىركەتكە ئۆزىنىڭ ئادەملىرىنى قانداق قىلسا قىلىپ كىرگۈزۈپ شىركەتنى قانداق قىلىپ كونتۇرول قىلىشنىڭ كۇيىدىلا يۈرىيدىغان ئايال، بىراق كىچىك ئاپام ئۇنداق ئەمەس، ئۇ بەكلا مۇلايىم، ئەقىللىق، كۈيۈمچان ئايال، ئىلگىرى ئاپام ھەر تەرەپكە چېپىپ يۈرگەچكە ئاكام ئىككىمىزنىڭ ھالىدىن ئىزچىل كىچىك ئاپام خەۋەر ئېلىپ كەلگەن، مەن تۇغۇلغاندىن باشلاپ ھازىرغىچە ھەممە ئىشمنى كىچىك ئاپام بىر قوللۇق قىلىپ، مېنى بېقىپ چوڭ قىلغان، بىراق ئاپام بىرەر قېتىممۇ ئانىلىق مەجبۇرىيىتىنى ئادا قىلىپ باققىنى يوق، شۇڭا بىزنىڭ توي ئىشمىزدا ئاپامنىڭ پىكىرى مۇھىم ئەمەس دېگىنىم شۇ، بىراق كىچىك ئاپامنىڭ پىكىرى بەكلا مۇھىم.
-كىچىك ئاپىڭىز بىزنىڭ ئىشىمىزغا قارشى ئەمەستەك.
-ھەئە، ئۇ سىزگە بەكلا ئامراق ئىكەن، بولمىسا ماۋۇنى ئۇ ھەرگىز سىزگە بەرمەيتتى.
-يادىكار كچىك ئاپىڭىز نېمىشقا ھازىرغىچە توي قىلماي كەلدى؟ ئۇ شۇنداق چىرايلىق، مۇلايىم تۇرسا، بۇنداق يالغۇز ئۈتۈپ كەتسە ئەپسۇسلىنارلىق ئىش ئەمەسمۇ؟
-بۇنى مەنمۇ بىلمەيمەن، مېنىڭ قىياسىمچە كىچىك ئاپام مۇھەببەتتىن قاتتىق ئازار يىگەن شۇڭا ئۇ بۇ ئۆمرىدە ياتلىق بولماسلىقنى تاللىۋالغان بولسا كېرەك.
بىز توي خېتىنى ئېلىۋىتىش ئۈچۈن نوپۇس دەپتىرى كىملىكنى ئالغىلى بارغان بولساقمۇ، بىراق بوۋاي بىزنى ئىشكتىن كىرگۈزمەي قويدى، يادىكار تېلېفۇن قىلىغانىدى، ئالمىدى، قارىغاندا بىزنىڭ بىللە بولىشىمىز بۇنداق ئاسانغا توختىمايدىغاندەك قىلاتتى.
-مۇنىرە، مېنىڭ سەۋەبىمدىن شىركەت تاقىلىپ قالسا، ۋەيران بولۇپ كەتسە قانداق قىلىمىز؟
-پەقەت سىزبىلەن بىللە بولسام، ھەممە نېمەمدىن ئايرىلىپ قالساممۇ مەن رازى.
تەلىيىمگە ئاپاممۇ بۇ قېتىم ئىككىلەنمەيلا بىز تەرەپتە تۇردى.
-بوۋىڭىز خالىغاننى قىلسۇن، ناھايتى كەلسە شىركەت ۋەيران بولار شۇ، قىزىم بەختلىك بولسىلا، قالغىنى چوڭ ئىش ئەمەس.
بىز نوپۇس دەپتىرىنىڭ ئىشىغا تاھىرنى ياردەم قىلامدىكىن دەپ ئۇنى چاقىرىپ چىقتۇق.
-كەچۈرگىن بۇرادەر، بۇ قېتىم بوۋاڭ بۇيرۇقنى بەك سوقتى، دادام«ئەگەر يادىكارغا ياردەم قىلىپ ئائىلىمىزنى بالاغا تىقىدىغان بولساڭ پاچىقىڭنى چېقىپ، ئىتنى باققاندەك باقىمەن» دەيدۇ، شۇڭا ساڭا ياردەم قىلالمايمەن، مېنى كەچۈر ئاغىنە.
-بوۋامغا دەپ قوي، ئەمدى مېنى قىستايدىغان بولسا، مېنىڭدىن رەنجىمىسۇن.
-نېمە قىلاي دەيسەن؟ بوۋاڭنىڭ مەقسىتى سېنى كەينىڭگە قايتۇرۇش، پەقەت سەنلا بېشىڭنى ئەگسەڭ ھەممە ياخشى بولۇپ كەتمەمدۇ؟
-مەن بېشىمنى ئەگسەم مەيلى بىراق شەرتىم شۇ مۇنىرە بىلەن توي قىلغىنىم قىلغان.
å-ياق، مەن نېمىشقا ئاشىقىمنى بۇنداق ئۇۋالچىلىققا قويغۇدەكمەن؟
-مۇنىرە، بىلىمەن يادىكار سىزنى بەكلا ياخشى كۆرىدۇ، بىراق ئۆزىڭىزمۇ كۆردىڭىز بۇ سولتەك ئىشەكتەك جاھىل نېمە، سىز ئەقىللىق قىز، ياخشى ياماننى ئايرىيالايسىز، ئىككىڭلارنىڭ كەلگۈسى ئۈچۈن، كەينىڭىزگە بىر قەدەم چىكىنىسىڭىز بولماسمۇ؟ يادىكارنىڭ قەلبىدە بەرىبىر سىز بولغاندىكىن، ئازراق ئۇۋالچىلىق تارتقانغا ھېچنىمە بولماس.
-بولمايدۇ، ئىشقىلىپ مەن ھەرگىز ئۇنى باشقىلارنىڭ ئالدىدا گەپكە قالدۇردىغان ئىشنى قىلمايمەن، سەنمۇ بىزگە نەسىھەت قىلىمەن دەپ ئاۋارە بولما، ھازىر بوۋاي مېنىڭ تېلېفۇنۇمنى ئالمايۋاتىدۇ، شۇڭا سەن ئۇنىڭغا دەپ قوي، مېنى بەك قىستىمىسۇن، ئەگەر قىستاۋەرسە، مەن ئاچچىقىمدا گوروھنىڭ رەقىبىگە ئىشلەپ قالسام ئۇچاغدا ئىشنىڭ ئاخىرىنى يىغىشتۇرۋالغىلى بولمايدۇ.
-يادىكار ساقتۇ سەن؟
-ھازىرچە ساق، ئەمما بۇۋام ماڭا ياشاش يۇلى بەرمىسە، قالغىننى ئۆزىدىن كۆرسۇن، سەن پەقەت گەپنى يەتكۈزۈپ قويساڭ بولدى، مېنىڭ مۇنىرەنى ئالغىنىم ئالغان، مەن دادام ئەمەس، ئۇ نېمىلا دېسە مەيلى دەپ ئۆز سۆيگىنىمدىن كىچىپ ئۇلارنىڭ ئۇرۇنلاشتۇرىشىغا بويسۇنىدىغان.
-ساراڭ بوپتىغۇ بولار، ماقۇل ماقۇل مەن يەتكۈزۈپ قوياي.
ئارىدىن نەچچە كۈن ئۆتۈپ كەتتى، بىر كۈنى تۇيۇقسىز ناتۇنۇش بىر نومۇردىن تېلېفۇن كەلدى.
-مۇنىرە، ئىككىمىز بىر كۆرۈشسەك بوپتىكەن.
بۇ يادىكارنىڭ مومىسى ئىدى، مەن قۇلۇمدىكى دەزمالنى پاتەمخان ھاممامغا تۇتقۇزۇپ قويۇپ، موماي دېگەن يەرگە كەلدىم.
-مۇنىرە، سىزدىن ئۈتۈنەي يادىكاردىن ئايرىلىپ كېتىڭ بولامدۇ؟ مېنى نېمە قىل دىسىڭىز شۇنى قىلاي.
-سىز يادىكارنىڭ مومىسى، شۇڭا مەن سىزدىن ئۈتۈنەي بىزنى ئايرىۋەتمىگەن بولسىڭىز.
-سىز مۇشۇنداق جاھىللىق قىلىپ، بىزنىڭ ئائىلىمىزنى ۋەيران قىلمىغۇچە كۆڭلىڭىز تىنمايدىغان ئوخشىمامدۇ؟
-مېنىڭ قولۇمدىن ئۇنداق قالتىس ئىشلار كەلمەيدۇ، يادىكار بىلەن ئىككىمىز بىرگە بولۇشى ئاسانغا توختىمىدى، شۇڭا بىزنى مۇرادىمىزغا يەتكىلى قويسىڭىز.
-مۇنىرە سىز يادىكارنى ياخشى كۆرسىڭىز ھەرگىزمۇ ئۇنىڭ بۇنداق ھالغا چۈشۈپ قېلىشىغا چىداپ تۇرالمىغان بولاتتىڭىز، يادىكار سىزنى دەپ پۈتۈن بىر گوروھتىن ۋاز كىچىپ كەتتى، بىراق سىزچۇ؟ مېنىڭ نەۋرەم ئۈچۈن نېمە قىلىپ بىرەلىدىڭىز؟سىزنىڭ مەقسىتىڭىز نەۋرەمنى ئالداپ، بىزنىڭ رىقابەتچى شىركەت بىلەن بىرلىشىپ ياپراقنى ۋەيران قىلىش شۇنداقمۇ؟
-ئۇنداق ئەمەس، مەن ئەزەلدىن ئۇنى سىلەر بىلەن دۈشمەنلىشىپ كەتسۇن دېگەننى ئويلاپ باقمىدىم، نېمىشقا بىزنى خاتىرجەم ياشىغىلى قويمايسىلەر؟
موما ئەگەر ئەينى ۋاقىتتا چوڭلار سىز بىلەن بوۋامنى بىللە بولۇشقا قوشۇلمىغان بولسا سىز بوۋامدىن ۋاز كىچەمتىڭىز؟
-ھەقەپ گەپكە ئۇستىكەنسىز ھە،بىلەتتىم زادى سىز كۈرۈنىشتىكىدەك بۇنداق ئاددى، يۇۋاش قىز ئەمەس.
-موما، مەن يادىكاردىن ئايرىلمايمەن، شۇڭا نېمە دېسىڭىزمۇ پايدىسى يوق.
موماي ئۇزاقتىن ئوزاق ماڭا قاراپ ئولتۇرۇپ كەتتى.
-مۇنىرە، مەن كەينىمگە بىر قەدەم چىكىنەي، سىزمۇ بىر قەدەم چىكىنىڭ.
-قانداق چىكىنىمەن؟
-سىز يادىكار بىلەن ئارلاشسىڭىز بولىدۇ، مەن قارشى تۇرمايمەن، بىراق ئۇنىڭ ئايالى سىز بولمايسىز، پەقەت ئادەم يوق يەردىلا يادىكار بىلەن بىللە بولىسىز، سورۇنلارغا، تويلارغا ئاشكارە يىتىلىشىپ بارمايسىز، يادىكار سىزنى ياخشى كۆرسە بولىدۇ، بىراق سىزنى ئالسا بولمايدۇ، ئۇ بىزنىڭ گېپىمىزنى ئاڭلاپ بىز دېگەن قىزنى ئېلىشى، ئۇنىڭ بىلەن بالىلىق بولۇپ ئائىلە ئىگىلىكىمىزنى گۈللەندۈرۈشى كىرەك.
-سىز مېنى يادىكارنىڭ يۇشۇرۇن ئادىمى، سەترەك قىلىپ دېگەندە مېنى نەۋرىڭىزگە ئاشنا بول دېمەكچىمۇ؟
-سىز ئىلگىرى قىلىپ باقمىغان ئىش ئەمەسقۇ بۇ؟ مېنىڭ بىلىشمچە سىز ئىرىڭىز بار تۇرۇپ بىزنىڭ يادىكار بىلەن يىتىلىشىپ يۈرۈپتىكەنسىزغۇ؟-دېدى موماي مېنى مازاق قىلغاندەك قاراپ.
مەن ئەنە شۇ چاغدىلا دادامنىڭ نېمىشقا ماڭا يادىكار بىلەن بولغان ئىشمنى ئۇققنىدا ئاچچىقلاپ ئۆيگە سولاپ قويغانلىقىنى چۈشىنىپ يەتتىم، شۇ تاپتا يۈزۈم كۈيۈشۈپ ئاسمانغا چىقاي دېسەم يىراق يەرگە كىرىۋالاي دېسەم قاتتىق كىلىۋاتاتتى.
-ئەگەر قوشۇلمايدىغان بولسىڭىز، دادىڭىزنىڭ سىرتتىن تاپقان قىزى چولپاننىڭ ئىشنى ئاپىڭىزغا ئاشكارلىۋىتىمەن.
مەن قۇلاقلىرىمغا ئىشنەلمەي مومايغا قارىدىم، ئۇلار شۇ قەدەر رەھىمسىز ئىدىكى ئۆز نەۋرىسىگە گەپ يىگۈزەلمەي مېنىڭ ئاجىزلىقىمدىن پايدىلىنىپ بىزنى ئايرىۋەتمەكچى بولىۋاتاتتى.
-قايتىپ كېتىپ ياخشى ئويلىنىپ جاۋاب بىرىڭ، ئەر كىشى دېگەن تېپىلىدۇ، بىراق مۇشۇ سەۋەبلىك ئاپىڭىزغا بىر ئىش بولۇپ قالسا، سىزمۇ بىر ئۆمۈر ۋىجدان ئازابى تارتىسىز. مەنمۇ سىزنى يادىكاردىن ئايرىلىپ كەت دېمىدىمغۇ، ئىلگىرى ئۆزىڭىزمۇ دېگەن، يادىكارغا بىر ئۆمۈر ھەمراھ بولىمەن، ھېچقانداق نام مەنپەئەت يادىكاردەك مۇھىم ئەمەس دەپ، بۇ ئەڭ ياخشى ھەل قىلىش ئۇسۇلى، يادىكار ئىگىلىكىمىزگە ۋارىسلىق قىلىشى كىرەك، بۇ ھەر ئىككىمىز ئۈچۈن ياخشى.
- موما بۇ گەپلرىڭنىڭ بەك ئېشىپ كەتكەنلىكىنى ھىس قىلمىدىڭمۇ؟
يادىكارنىڭ مۇزدەك ئاۋازى يېنىمىزدىلا ياڭرىدى، ئۇ قاچانلاردا بىزنىڭ يېنىمىزغا كەلگەندۇ؟ قانداق تېپىپ كەلگەندۇ؟
يادىكار يېنىمغا كىلىپ قۇلۇمنى تۇتتى.
-موما، قانداق گەپ بولسا ماڭا دېسەڭلا بولمىدىمۇ؟ ئۇنى تەڭلىك قىلىپ نېمە قىلىسەن؟
-قارا بۇ سولتەكنى، موماڭغىمۇ مۇشۇنداق گەپ قىلامسەن؟ سەن جاھىللىق قىلىپ تۇرۋالمىغان بولساڭ بوۋاڭ ئىككىمىز ئۇنى ئىزدەپ يۈرەمتۇق؟
-موما، بوۋام تېلېفۇننى ئالغىلى ئۇنمىدى، شۇڭا سەن بوۋامغا دەپ قويغىن، مېنىڭ سەۋرىم چەكلىك، مۇنىرەنى ئۇچۇق ئاشكارە خوتۇن قىلىپ ئالىمەن، ھەرگىزمۇ بۇلۇڭ پۇشقاقلاردا ئوغۇرلۇقچە كۆرۈشۈپ جېنىمنى قىينايدىغان ئىشنى قىلمايمەن، مەن ئۇنى ياخشى كۆرىمەن موما، ئەمدى چولپاننىڭ ئىشنى قېيناپامغا ئېيتىدىغان نىيىتىڭدىن يان، مەن سېنى بۇ مەقسىتىڭگە يەتكۈزمەيمەن.
-سەن سولتەك، بۇرنۇڭغا يىمىگۈچە ئادەم بولمايدىغان ئوخشمامسەن؟
-موما ئۇنتۇپ قالما، بەش يىل ئاۋال، مەن سىلەرنىڭ قىستىشىڭلار بىلەن ۋاز كىچىپ بولغان، بۇ قېتىم ھەرگىز ئۇنداق خاتالىقنى سادىر قىلمايمەن، گىپىم يەنىلا شۇ مېنى قىستاۋەرمەڭلار، ئاقىۋىتىنى سىلەر كۈتۈرەلمەيسىلەر، ساراڭلىقىم تۇتىدىغان بولسا، مەن ھەرقانداق ئاقىۋەتنى ئويلىماي ئەسكىلىكنى قىلىۋىتىشىم مۇمكىن.
-سەن بىزگە تەھدىت سېلىۋاتامسەن؟
-ياق موما، مەن پەقەت ئەسكەرتىپ قويىۋاتىمەن، ھازىر مەن ئۆزۈمنىڭ نېمىگە ئىھتىياجلىق ئىكەنىلىكمىنى، يەنە نېمىلەرگە يۈزلىنىدىغانلىقمنى ئىنىق بىلىمەن. شۇڭا بۇنداق بىسىم قىلىدىغان ئىشنى ئامال بار قىلمىغىنىڭلار ياخشى، موما سەنمۇ ئائىلىمىزنىڭ ئىگىلىكىنىڭ مېنىڭ قولۇمدا ۋەيران بولۇپ كېتىشىنى خالىمايسەنغۇ ھە؟
115-قىسىم
ياق موما، مەن پەقەت ئەسكەرتىپ قويىۋاتىمەن، ھازىر مەن ئۆزۈمنىڭ نېمىگە ئىھتىياجلىق ئىكەنىلىكمىنى، يەنە نېمىلەرگە يۈزلىنىدىغانلىقمنى ئىنىق بىلىمەن. شۇڭا بۇنداق بىسىم قىلىدىغان ئىشنى ئامال بار قىلمىغىنىڭلار ياخشى، موما سەنمۇ ئائىلىمىزنىڭ ئىگىلىكىنىڭ مېنىڭ قولۇمدا ۋەيران بولۇپ كېتىشىنى خالىمايسەنغۇ ھە؟
يادىكار مېنى مومىسىنىڭ ئالدىدىن يىتىلىگەن پېتى چىقىپ كەتتى.
-بۇنىڭدىن كېيىن بۇۋام مومام تېلېفۇن قىلىپ قالسا ئالماڭ، ئۇلارغا تەڭ كىلەلمەيسىز، ئۇلار دېگەن گەپكىمۇ ھەرگىز ئىشەنمەڭ، بولمىسا ئۇلارنىڭ قىلتىقىغا چۈشۈپ كېتىسىز.
-بىراق ئۇلار ئاپامغا چولپاننىڭ ئىشنى دەپ قويامدىكىن دەپ بەكلا ئەنىسرەۋاتىمەن.
-ئۇنداق قىلمايدۇ، ئەگەر ئېيتىدىغان ئىشى بولسا بۇرۇنلا ئېيتقان بولاتتى، ھەرگىز ھازىرغا كەلگەندە سىزگە تەھدىت سالمايتتى.
-سىز شىركەتكە كەتمىگەنمىدىڭىز؟ قانداق بولۇپ بۇ يەرگە كىلىپ قالدىڭىز؟
-ئوناق خوتۇنۇم ماڭا قوۋەت شورپىسى قىلىپ بىرىمەن دېگەن تۇرسا، شۇڭا قايتىپ كەلمىسەم قانداق چىدايمەن؟ قايتىپ كەلسەم سىز يوق، قېينئاپامدىن سورىسام، سىزنى تېلېفۇن كەلگەن ئېلىپلا ئالدىراپ چىقىپ كەتتى دېدى، شۇڭا ئىزدەپ كەلدىم.
-چولپاننىڭ ئىشى ھەرۋاقىت بېشىمغا بالا بولامدىكى دەپ ئەنسىرەپلا يۈرىۋاتىمەن، بۇ ئىشنى زادى قانداق بىر تەرەپ قىلسام بولار؟
يادىكار ماڭا تەسەللى قىلىپ كۆڭلۈمنى تىندۇردى.
مەن بىر قانچە دوختۇرخانىغا بېرىپ كۆرۈنگەن بولساممۇ بىراق نەتىجە ئوخشاش چىقتى، ئاپام كۆڭلۈمگە تەسەللى بىرىپ تۇرسىمۇ، نېمىشقىكىن كۆڭلۈم شۇنداق يېرىم ئىدى، مەن لىتىپ دېگەن خۇمسى بىلەن بەش يىل بالىنىڭ دەردىنى تارتىقىنىم ئۈچۈن، ئەمدى يادىكار بىلەن توي قىلغاندىن كېيىن، بۇ ئاجىزلىقىمنىڭ بېشىمنى تۈۋەن قىلىپ قويىشىنى خالىمايتتىم،ئۇنىڭ ئۈستىگە يادىكارنىڭ ئائىلىسىگە نىسپەتەن مەن توغمايدىغان بوپ قالسام ئۇلارغا ئۇۋال بولاتتى، يادىكارنىڭ ئاكىسى تۈگەپ كەتكەن، ھازىر شۇنچە چوڭ جەمەتتە، بوۋاينىڭ بىردىنبىر نەۋرىسى پەقەت يادىكار ئىدى، مەن بۇ ئىشقا قانداق يۈزلىنىشنى بىلەلمەي قالدىم. مەن يادىكارنىڭ ماڭا بولغان مۇھەببىتىگە ئىشەنمىگىنىم ئەمەس، بالىلىق بولۇش مەسلىسى راستىنلا ئاددى مەسىلە ئەمەس ئىدى.
مەن بۈگۈن شىركەتكە يادىكارنى ئىزدەپ بېرىپ، زالدا سانىيە بىلەن ئۇچىرىشىپ قالدىم.
-بۇ يەرگە نېمە دەپ كەلدىڭىز؟-دېدىم مەن ئاچچىقىم بىلەن.
-ئەلۋەتتە يادىكارنى ئىزدەپ كېلىمەندە، مەن ئۇنىڭغا يىللاردىن بىرى ئۇنتۇيالماي كەلگەن ئاشىقىنىڭ ئۇچىرىنى يەتكۈزۈپ قوياي دەپ كەلگەن.
-ھېھ، ساختىپەز، مېنى يالغان گەپلەرگە ئىشەندۈرىمەن دەپ قالماڭ.
-سىز ئىشەنمىسىڭىز كارايىتى چاغلىق، يادىكار ئىشەنسىلا بولدى، بەك كۆرەڭلەپ كەتمەڭ«موزاينىڭ يۈگۈرىشى سامانلىققىچە»دەپتىكەن، نەچە كۈنگە قالمايلا يېلى چىققان توپتەك بولۇپ قالمىغىنىڭىزنى كۆرەي، ئۆزىڭىزچە يادىكار بىلەن ئەر -خوتون بولۇپ ئۆتىمەن دەپ قاپسىزدە، نامىڭىز شۇنداق سەت، يەنە كېلىپ توغالمايدىغان بىر قىچىرنىڭ يوغىناپ كەتكىننى كۆرەيمۇ؟
سانىيەنى دەيدىغاننى دەۋىلىپلا ماڭا گەپ قىلغۇدەك پۇرسەت بەرمەي تولغاپ دەسسەپ چىقىپ كەتتى. مەن بولسام ئاچچىق يۇتقان پېتى ئۇدۇل يادىكارنىڭ يېنىغا چىقتىم.
-مېنى يوقلاپ كەلدىڭىزمۇ؟-دېدى يادىكار مېنى كۆرۈپ كۈلۈپ.
-سانىيە نېمىگە كەپتۇ؟-دېدىم مەن دوقۇلداپ.
-ماڭا دەيدىغان ئازراق ئىش بار ئىكەن شۇڭا كەپتۇ، نەدىكى ئاقماس گەپلەرنى كۈتۈرۈپ كەپتۇ، كارىڭىز بولمىسۇن، نېمە بولدى ئاچچىقىڭىز كەپ قاپتىغۇ قوزام؟
-ئۇنىڭ بىلەن كۆرۈشسىڭىز كۆڭلۈم بىئارام بولىدىكەن شۇ.
-بۇنىڭدىن كېيىن كۆرۈشمەي.
يادىكار مېنى تىزىغا ئولتۇرغۇزۇۋېلىپ سۆيدى، مەن ئۇنىڭ بوينىغا گىرە سېلىپ:
-سىزگە دەيدىغان بىر گەپ بار ئىدى.
-ئادەمنىڭ كەيپىنى ئۇچۇرۇشقا ئۇستا جۇمۇ سىز، دەڭە.
-دوختۇرخانىغا بارغانىدىم...
-نەرىڭىز ئاغرىيدۇ؟
-ھېچ يېرىم ئاغىرىمايدۇ.
-ئەمىسە نېمىشقا دوختۇرخانىغا باردىڭىز؟
-مەن شۇ توغالامدىم يوق دەپ تەكشۈرتكىلى بارغان.
-بالىلىق بولغىڭىز كەپ قالدىمۇ؟-ئۇ يۈزۈمنى چىمدىپ،-ئاندىن قانداق بولدى؟
-دوختۇر مېنى ھامىلدار بولۇش نىسپىتىڭىز تۈۋەن دەيدۇ.
-قايسى دوختۇرخانىدا تەكشۈرتتىڭىز؟
-ئانا-بالىلار ساقلىقنى ساقلاش بىلەن ھەربىي دوختۇرخانىدا.
-شۇنداقمۇ؟ ئۇلار دەپ قويۇپتۇ، سىزدە مەسىلە يوق، چۇقۇم ھامىلدار بولالايسىز.
-بىراق دوختۇر ئىنىق شۇنداق دېگەن تۇرسا، يەنە كىلىپ بىز سانسىز قېتىم بىللە بولغان تۇرۇپمۇ، ئازراق شەپىسىمۇ بولمىسا...
-مۇنىرە، سىز راست بىلمەمسىز ياكى بىلمەسكە سېلىۋاتامسىز؟
-نېمىنى؟
يادىكار كۈلۈپ كېتىپ قولىقمغا ئاستا پىچىرلىدى.
-مەن نېمىشقا بىلمىدىم؟
-بولدى ئەمدى بۇ مەسىلىنى دېيىشمەيلى، راستىنلا ماڭا توغۇپ بەرگىڭىز بولسا، بۈگۈن كەچتە ئۆيگە كەتمەي، ياتاق ئېچىپ بالا تاپايلى قانداق؟
-نېمىشقا ياتاق ئاچىمىز؟
-ئۆيدە بولۇپ قالساق، ئاپام ئاڭلاپ قالىدۇ، سىزمۇ مەنمۇ خىجىل بولۇپ قالىمىز.
-مەن ئاۋازىمنى چىقارمىساملا بولمىدىمۇ؟
-بولمايدۇ، چىقىرىسىڭىز پەيزى بولمامدۇ؟ مەن سىزنىڭ تاتلىق چىقىراشلىرىڭىزغا ئامراق.
-داپ، قېلىن داپ...
كەچتە ئىككىمىز ھويلىدا پاراڭلىشىپ ئولتۇرغاندا ئاپام يادىكارنى چاقىرىپ ئەكىرىپ كېتىپ ئۇزاققا قالماي يادىكارنىڭ تېلېفۇنى سايرىدى.
-تېشلىقمۇ؟
-....
قارشى تەرەپ گەپ قىلماي بىردەم تۇتۇپ تۇرغاندىن كېيىن قويىۋەتتى.
بىردەمدىن كېيىن مەن ئۆيگە كىرىپ، يادىكارغا تېلېفۇننى ئۇزاتتىم.
-ھازىر بىرى تېلېفۇن قىپتىكەن، مەن ئالسام گەپ قىلماي قويىۋەتتى.
-خاتا ئۇرغان بولسا قويىۋەتكەندۇ؟-دېدى يادىكار ئىرەنشىمەي.
ھېلىقى نۇمۇردىن قايتىلاپ تېلفۇن كەلگەنىدى، يادىكار ئېلىپ ئىنگىلىزچە بىر قانچە ئېغىز پاراڭلىشىپ، چىرايى بىرىدىنلا ئۆزگىرىپ كەتتى.
-نېمە ئىش بولدى؟
-ھە..ھېچ ئىش يوق ئەنسىرىمەڭ.
بىردەمدىن كېيىن يادىكار ئۆزىنىڭ تاھىر بىلەن كۆرۈشۈشكە دېيىشىپ قويغانلىقىنى، كەچتە مېنى ساقلىماسلىقنى ئېيتىپ چىقىپ كەتتى.
ئەتىسى شەكىلە ماڭا تېلېفۇن قىلىپ دوختۇرخانىغا بېرىشىپ بىرىشىمنى، يىقىندىن بىرى نېمىلا يىسە يېنىپ، ئاشقازىننىڭ بىئارام بولىۋاتقانلىقىنى ئېيتىپ تېلېفۇن قىلىپ قالدى.
بىز دوختۇرغا ئەھۋالنى دېگەندىن كېيىن، دوختۇر شەكىلەگە دورا يېزىپ بەردى.
دورا ئالايلى دەپ ماڭساق، يارى ھاىسراپ ھۆمىدەپ كەپتۇ.
-سىلەرنى ھەجەپ تەستە تاپتىم.
-خوتۇنۇڭنى يەپ كىتەرمىكى دەپ ئەنسىرەپ كەلگەن ئوخشىمامسەن؟
-ئۇنداق ئەمەس، بىردەم جىم تۇرە سەن، خوتۇن بىز ئاياللار بۈلۈمىگە بېرىپ تەكشۈرتەيلى.
-نېمىشقا؟
-سىز بەلكىم ئاشقازان كىسىلى بولماسلىقىڭىز مۇمكىن.
-دوختۇر مېنى ئاشقازان كىسىلى بولۇپ قاپسىز دېدى، سىز دوختۇرمۇ ياكى ئىچىدىكى دوختۇرمۇ؟
-دوختۇر سىزنىڭ ئەھۋالىڭىزنى بىلمەيدۇ، بەلكىم قورسىقىڭىزدا بالىمىز بار بولىشى مۇمكىن، ئۇنداق قىلماي مەن بىلەن بىللە ئاياللار بۈلۈمىگە بېرىڭ بولامدۇ خوتۇن؟
-مۇمكىن ئەمەس.
-نېمىشقا مۇمكىن بولمايدىكەن؟ سىزنىڭ ھېلىقى نېمە بۇئايدا كەلمىدىغۇ.
-كىچىكىپ قالدى شۇ، كېلىدۇ، مەن ھامىلدار ئەمەس.
شەكىلەنىڭ بۇنداق دېيىشىدە ئۇ يارىغا ئۇقتۇرماي ئىزچىل ھامىلدارلىقتىن ساقلىنىش دورىسى يەۋاتقان بولغاچقا، شۇڭا ئۆزىنى ھامىلدار ئەمەس دېيەلەيتتى.
-مەن سىزنىڭ دورىڭىزنى ۋىتامىنغا ئالماشتۇرۋەتكەن، شۇڭا تەكشۈرتۈپ باقايلى.
-نېمە؟خەپ بۇ ئەبلەخنى...
-خوتۇن، ئوبدان خوتۇن ئاچچىقلانماڭ، گەپ بولسا چىرايلىق دېيىشەيلى، ئەگەر ھامىلدار بولغان بولسىڭىز خوشاللىق ئىش ئەمەسمۇ، جۈرىڭە.
-سىز كالۋا ماڭا زىيانكەشلىك قىپسىز.
-قانداق زىيانكەشلىك قىلدىم؟ بىز دېگەن ئەر خوتۇن، بالىلىق بولۇش دېگەن نۇرمال ھادىسە، قانۇنغا خىلاپ ئەمەس، تىز بولىڭە تەكشۈرتۈپ چىقايلى.
-تەكشۈرتمەيمەن.
-مۇنىرە، دوستۇڭغا گەپ قىلە.
-شەكىلە، ئاۋال تەكشۈرتەيلى، بۇ سەل قارايدىغان ئىش ئەمەس قارا، يارىنىڭ گىپىنى ئاڭلا ھە ئۇمىقىم.
يارى ئىككىمىز ئاران دېگەندە شەكىلەنى قايىل قىلىپ ئاياللار بۈلۈمىگە كىلىپ بىچاۋ تەكشۈرتتۇق، دېگەندەكلا شەكىلە ھامىلدار بىر ئايدىن ئاشقان ئىدى. يارى خوشاللىقىدا كىچىك بالىدەك سەكرەپ كەتتى، ئاندىن دەرھال تېلېفۇننى قولىغا ئېلىپ دادىسىغا ئۇلىدى:
-دادا، سەن بوۋا بولىدىغان بولدۇڭ،-دېدى.
يارى خوشاللىقىدا قاقاھلاپ كۈلۈپ ئۆزىنى باسالماي تۇرغاندا، شەكىلە بىر تەرەپتە تۇرۇپ ئۇنى تىللاۋاتاتتى.
-قېلىن داپ، ھىلىگەر، ساختىپەز....
-خوتۇن مەن شۇنداق قىلمىسام قاچان دادا بولالايمەن؟
-يەنە دېگىننى، سىزنىڭ بىر توپ ئامرىقىڭىز بار ئىدىغۇ، نېمىشقا ئۇلارغا دېمەيسىز؟ شۇلار توغۇپ بەرسە بولمامتى؟
-خوتۇن، يوق گەپنى قىلماڭە، مېنىڭ سىرتتا ھېچكىمىم يوق، ئۇلارنىڭ ھەممىسى سىزنى جىلە قىلىش ئۈچۈن ئويناپ قويغان ئويۇنلىرىم خالاس، خوتۇن جۈرۈڭ ئۆيگە قايتايلى، ھەراست مەن ھازىرلا توغۇت باققۇچى تاپاي، مەخسۇس سىزنىڭ ھالىڭىزدىن خەۋەر ئالسۇن.
-مېنى ياشىغىلى قويامسىز يوق؟
مەن يارىنىڭ شەكىلەنى يۈلەپ ئېچىقىپ كېتىۋاتقانلىقىغا قاراپ تۇرۇپ قالدىم، شەكىلەمۇ خوشاللىقىدا مېنى ئۇنتۇغان ھالدا قورسىقىنى تۇتۇپ يارى بىلەن چىقىپ كەتتى. مەنمۇ ئېغىر كۈنلەردە ماڭا ھەمدەم بولغان دوستۇم ئۈچۈن خوشال بولدۇم. مەن جايىمدا بىردەم تۇرغاندىن كېيىن، ماشىنا توختىتىش مەيدانىغا ماڭدىم، خىيال بىلەن ماڭغاچقا تۇيۇقسىزلا بىرسىگە سۇقۇلۇپ كەتتىم.
ئۇنىڭغىچە مەن سۇقۇلۇپ كەتكەن قىزنى ئارقىسىدىكى سېمىزرەك ئايال يۈلىۋالدى.؟ ھامىلدارلىقىنى كۆرمىدىڭىزمۇ؟ ئەگەر سۇقۇپ يىقىتىۋەتسىڭىز قانداق قىلىسىز؟
-كەچۈرۈڭ.
مەن ئالدىدىمدىكى كۆزەينەك تاقاپ، ئۇزۇن كۆڭلەك كىيىۋالغان قىزنىڭ قوللىرىغا قاراپ، ئۇنى بەك ئاق بولسا كېرەك دەپ ئويلىدىم
-قىزىم بىرنېمە بولمىغانسىز؟-دېدى ھېلىقى سىمىز ئايال.
-ياق.
مەن تۇنۇش ئاڭلانغان ئاۋازدىن بېشىمنى كۈتۈرۈپ قىزغا تىكىلىپ قارىدىم، بىراق قىز ھۇدۇقۇپ تىزلا كۆزىنى مەندىن قاچۇرۇپ يېنىدىكى ئايالغا:
-ماڭا ھېچ ئىش بولمىدى بىز ماڭايلى،-دېگىنىچە تىز تىز مېڭىپ كەتتى.
مەن ئۇ قىزنىڭ ئارقىسدىن قاراپ ئاۋازى تۇنۇشلا بىلىنگەن بۇ قىزنى ھەرقانچە ئويلاپمۇ كىملىكىنى يادىمغا ئالالمىدىم، مەن بۇنداق بىرىنى تۇنۇمايتتىم، بىراق ئۇنىڭ ئاۋازى بەكلا تۇنۇشلۇق ئىدى. مەن زادى نەدە ئاڭلىغان بولغىيتتىم بۇ ئاۋازنى؟
-مۇنىرە، بۇ يەردە يۈرىيسەنغۇ، ئاغرىپ قالمىغانسەن؟
-ياقەي، شەكىلە ھامىلدار بوپتۇ، شۇڭا كەلگەن.
-شۇنداقمۇ؟ يارى دېگەن گۇي خوشال بولۇپ كەتكەندۇ؟
-ئۇنى بىر دېمە.
نىجات مېنى ئۇنىمىغىنىمغا قويماي بىللە تاماق يەيلى دەپ بىر يەرگە باشلىدى.
-مۇنىرە، يادىكار بىلەن قاچان توي قىلايلى دەۋاتىسىلەر؟
-بىلمەيمەن.
-بىلمەيمەن دېگەن قانداق گەپ؟ ئۇ توي قىلايلى دېمەيۋاتامدۇ ياكى باشقا سەۋەب بارمۇ؟
-يادىكارنىڭ نوپۇس دەپتىرى چوڭلارنىڭ يېنىدا بولغاچقا بەرمەيۋاتىدۇ.
-ئەمدى قانداق قىلىسىلەر؟
-بىلمىدىم، قاراپ باقارمىز، مەن يادىكارغا لايىق ئەمەس، توي قىلىپ ئاجراشقىنىمغۇ مەيلى، ئۈستىلەپ بالا توغالمايدىغان تۇرسام، ئۇنىڭ بىلەن توي قىلسام پۇشايمان قىلامدىكىن دەپ قورقۇپ قالدىم.
-ئۆزۈڭنى بۇنداق تۈۋەن كۆرمە، سېنىڭ ھېچ يىرىڭ يادىكاردىن كەم ئەمەس، يادىكار توي قىلمىغىنى بىلەن ئۇنداق بوش ئەمەس، ئەينى چاغدا ئۇنىڭ باھار بىلەن بولغان ئىشمۇ جاھانغا بىر بولۇپ كەتكەن.
مەن بۇگەپنى ئاڭلاپ نىجاتقا قاراپلا قالدىم، مەن ئىزچىل يادىكار بىلەن باھارنىڭ مۇناسىۋىتىنى سانىيە ئويدۇرۇپ چىقارغان دەپلا ئويلاپ كەپتىكەنمەن، ئۇنىڭ ئۈستىگە ئالدىنقى قېتىم باھار دوختۇرخانىدا ماڭا ئۇنداق گەپلەرنى قىلدى ئەمەسمۇ، ئەمدى بولغاندا نىجات ئۇلارنى بۇنداق دەۋاتىدۇ، بۇ قانداق ئىش بولۇپ كەتتى ئەمدى؟ مېنىڭ ئۆتمۈشىمنى يادىكار ئىنىق بىلىدۇ، بىراق مەن ئۇنىڭ ئۆتمۈشى توغۇرلۇق ھېچنىمە بىلمەيدىكەنمەن.
-ئۇلارنىڭ زادى قانداق مۇناسىۋىتى بار ئىدى؟
-ھە... بۇ ئۈتۈپ كەتكەن ئىشلار، ئۇ ھازىر سەن بىلەن بىللە بولۇشنى قارار قىلغان ئىكەن، بۇ ئىشلارنى كولاپ يۈرگەننىڭ ئەھمىيىتى يوق.
-نىجات مەن بۇ ئىشقا بەكلا قىزىقىپ قالدىم، ماڭا دەپ بەرسەڭ بولامدۇ؟
-ئەمىليەتتىغۇ يوشۇرغىدەك ئىش ئەمەس، مېنىڭ بىلىشمچە يادىاكر بىلەن باھار ئىلگىرى ئارلاشقان، كېيىن يادىكارنىڭ بوۋا مومىسى قوشۇلمىغان بولغاچقا، سەل داغدۇغا قوزغاپ قويغان، ئاخىرىدا ئىككەيلەن يەنىلا ئايرىلىپ كەتكەن.
-مۇشۇنچىلىكمۇ؟
-ئەمىسىچۇ؟ يەنە قانداق بولسا بولاتتى؟-نىجات كۈلۈپ تۇرىۋالدى.
مەن بۇ ئىشنىڭ بۇنداق ئاددى ئەمەسلىكنى قىياس قىلدىم، نىجات دېمىگەن ئىكەن مەن قانداق قىلساممۇ دەپ بەرمەسلىكى ئىنىق.
تاماقتىن كېيىن مەن شىركەتكە كەلدىم، يادىكار يىغىندا ئىكەن، مەن ئۇنى ساقلىغاچ ئويۇن ئويناشقا چۈشتۈم، يادىكار تېلفۇننى قويۇپ چىقىپ كەتكەنىدى، بىر چاغدا ئۇنىڭ تېلېفۇنى سايراۋەردى، مەن دەسلەپ ئىرەن قىلمىغان بولساممۇ، بىراق كەينى كەينىدىن سايرىغاچقا، بېرىپ قارىدىم، تېلېفۇن قىلغىنى تاھىر ئىدى. مەن تېلېفۇننى ئېلىپ يادىكارنىڭ يىغىندا ئىكەنلىكىنى ئېيتىپ قويىۋەتكەندىن كېيىن تېلېفۇننى ئۈستەلگە قويىشىمغا تېلېفۇن ياندىكى شۇبىياۋغا تىگىپ كېتىپ ئىكىران يۇرىدى، ئىكراندا ئارقا تەرىپى ئىنتايىن تۇتۇق بولغان، ئەمما يان تەرەپتىن تارتىلغان ئىنتايىن چىرايلىق بىر قىزنىڭ سۈرىتى پاقىراپ تۇراتتى. مەن دەرھال يىقىن كىلىپ قايتىدىن قارىدىم، بۇ باھاردەك قىلامدۇ نېمە؟ بىراق يادىكار نېمىشقا كومپىيوتېرنىڭ ئىكىرانىغا باھارنىڭ سۈرىتىنى قويۇپ قويىدۇ؟
مەن رەسىمگە ئۇزاقتىن ئوزاق قاراپ ئولتۇرۇپ كەتتىم، بۇ رەسىم ئىلگىرى بىز ساياھەت قىلىپ، كۆڭۈللۈك ئويناپ كەلگەن خاڭجۇدىكى ھېلىقى يەر شۇ ئىدى، مۇشۇ ئارىدا ئۇنىڭغا دائىم شۇ يەردىن تېلېفۇن كىلىدىغان، ئاندىن چىرايى ئۆزگىرىپ، نەچچە كۈنگىچە باشقىچە بولۇپ قالىدىغان بولۇپ قالغانلىقىمۇ راست ئىدى. مەن ئىچىم سىقىلغان ھالدا ئىشخانىدىن چىقىپ يىغىن زالىنىڭ ئالدىغا كەلدىم، قارىسام يادىكار تېخىچە يىغىن ئېچىۋىتىپتۇ، شۇڭا ئۇ يەردە ئۇزۇن تۇرمايلا كەينىمگە ياندىم.
-ئوھوي، خاتىرجەم بولالماي، شىركەتكىچە قوغلىشىپ كەپسەندە.
مەن ئارقامغا قاراپ ئاپئاق پەلتۇ كىيىۋالغان چولپاننى كۆردۈم.
-ھەي مۇنىرە، سەن مۇشۇنداق چاپلاشقاق ئىكەنسەندە، يادىكارنىڭ سېنى تاشلىۋىتىشىدىن ئەنسىرەپ كەلگەن ئوخشىمامسەن؟ بىر يىرىڭ قىمىلداپ بولالماي قاپسەندە، چىك..چىك..چىك.. قارىغىنە چىرايىڭغا، سۇلۇپ، ئۇششاق قورۇقلار چۈشۈپ كېتىپتۇ، ئېغىزىڭدىكى گۆشنى خاتىرجەم يىيەلمەسلىكنىڭ بەكلا ئازابلىق ئىكەنلىكىنى ھىس قىلمىدىڭمۇ؟ ساڭا شۇنى دەپ قوياي يىغلايدىغان كۈنلىرىڭ ئالدىڭدا تېخى.
چولپان ھازىر شىركەتتە ئاشۇ بەش پىرسەنىت پېيىغا تاينىپ ئەڭ تۈۋەن قاتلامدا ئىشلەۋاتاتتى، دادىسىمۇ مالىيە بۈلۈمىدىن قوغلاپ چىقىرىلىپ، ئاللىقاچان شىركەتتىن ھەيدەلگەن، يادىكار ئۇنىڭغا تىنغۇدەك ئارام بەرمىگەنىدى، ئەگەر ئاشۇ پاي بولمىغان بولسا، ئۇ شىركەتنىڭ ئىشىكىدىنمۇ كىرەلمەيتتى.
-چولپان، ئەجىبا «ئادەم ئېغىزىدىن كېتىدۇ»دېگەن گەپنى ئاڭلىمىغانمىدىڭ؟
-يەنە نېمە قىلالايسەن؟ مېنى شىركەتنىڭ يۇقىرى قاتلىمىدىن تارتىپ چۈشۈرۈپ بولدۇڭ يەتمىدىمۇ؟
-يەتمىدى قانداق؟ ئەڭ ياخشىسى چىشىمغا تەگمەي، كۆزۈمدىن نېرى تۇر، بولمىسا، ئۆيۈڭگە كەت، يوقال
