གངས་ལྗོངས།
གཞས་ཚིག འཇུ་ཐུབ་བསྟན་བཀྲ་ཤིས།
གཞས་དབྱངས། བསམ་གཏན་རྒྱ་མཚོ།
གཞས་པ། བསམ་གཏན་རྒྱ་མཚོ། ཁམས་སྐྱིད་མཚོ།
མཐོ་སྒང་འདིའི་རི་མཐོ་ས་གཙང་གི་ཞིང་ན།
ཉི་ཟེར་ས་ལ་བབ་པའི་འབྲོག་སྡེ་སྨུག་པོ་ཞིག
ཕ་མེས་དང་ཡབ་མེས་ཚོའི་མགོ་རུས་འཇོག་ས།
འདི་ཁྱོད་དང་ང་ལ་བཞག་པའི་རང་ཁྱིམ་དྲོན་མོ་ཡིན།
གངས་ལྗོངས་ལགས་ང་ཡི་ལྟེ་ཁྲག་འཐོར་ས། གངས་ལྗོངས་ལགས། ང་ཡི་ཕ་ཡུལ།
འཛམ་གླིང་འདིའི་རི་མཐོ་ས་གཙང་གི་ཞིང་ན།
སྨུག་པ་རི་ལ་འཁྱིལ་བའི་འབྲོག་སྡེ་སྣུམ་པོ་ཞིག
ཨ་ཕ་དང་ཨ་མ་ཡི་ཚེ་སྲོག་རྙེད་ས།
འདི་ཁྱོད་དང་ང་ཡི་ལས་ཀྱིས་བསགས་པའི་བསོད་ནམས་ཡིན།
གངས་ལྗོངས་ལགས་ང་ཡི་ལྟེ་ཐག་གཅོད་ས། གངས་ལྗོངས་ལགས། ང་ཡི་ཕ་ཡུལ།
འཇིག་རྟེན་འདིའི་རི་མཐོ་ས་གཙང་གི་ཞིང་ན།
མ་ཎིའི་དར་ལྕོག་རླུང་གིས་རྡེབ་པའི་སྦྲ་ནག་ཅིག
ཕུ་བོ་དང་ནུ་མོ་ཡི་སེམས་པ་འཁྲི་ས།
འདི་ཁྱོད་དང་ང་ལ་དབང་བའི་ཕ་ཁྱིམ་དྲོད་མོ་ཡིན།
གངས་ལྗོངས་ལགས་ང་ཡི་ཕ་ཁྱིམ་དྲོད་མོ། གངས་ལྗོངས་ལགས། ང་ཡི་ཕ་ཡུལ།
