འཁོར་བའི་རང་ཐག་སྐྱ་བོ།
轮回的灰色磨石
ཚིག་རྩོམ་མཁན། གཡེ་རུས་རྐང་།
作词：叶热岗
དབྱངས་རྩོམ་མཁན། འབེ་མཆོག་སྐྱབས།
作曲：百去杰
གཞས་གཏོང་མཁན། འབེ་མཆོག་སྐྱབས།
原唱：百去杰
༡
ལས་སྣང་བའི་རི་མོ་དེད་དེད་ནས།།
རྟགས་རྟེན་འབྲེལ་གཉི་ཀ་འཛོམས་ཡོང་དུས།།
ཚིག་ཅི་བཤད་རྣ་བས་ཉན་ཡག་བྱོས།།
ཚིག་བཤད་ཐོག་དེ་ནས་འགྱུར་ལེ་མིན།
ཡུལ་འཁོར་བར་སྨུག་ཆེན་ཐིབ་ན་ཡང་།།
ལམ་རིང་ཐུང་བུ་ཡུག་འཚུབ་ན་ཡང་།།
གཏམ་མི་ཁའི་གློག་དམར་འཁྱུག་ན་ཡང་།།
སེམས་བརྟན་པོས་མི་ཁ་རྒྱབ་ཏུ་གཡུག་ཆོག
༢
ཞེ་མཚོ་ཁར་སྐྱེས་པའི་མེ་ཏོག་གི།
ལུས་ལང་ཚོའི་འདབ་མ་སྐམ་ན་ཡང་།།
སེམས་སྐྱ་མོ་རླུང་ལ་མ་བསྐུར་དང་།།
ལས་མཐུན་པའི་ལས་འཕྲོ་རྫོགས་ལེ་མིན།།
གནས་འཁོར་བའི་འགྲོ་ལམ་རིང་ན་ཡང་།།
ལས་སྐྱིད་སྡུག་ཁུར་ནས་རྒྱང་ལ་འགྲོ།
གཏམ་མི་ཁའི་ཆར་བ་བབས་ན་ཡང་།།
སེམས་མཐུན་པའི་ཆར་གོས་རྒྱབ་ཏུ་གོན་ཆོག
